Sunnanfari - 01.09.1894, Blaðsíða 8

24
Hann hefir haft mjög mikil áhrif á trúarlífið i Nor-
egi bæði með ritum sínum og framkomu allri. Hann
átti þannig mikinn þátt í að stofna »Foreningen
for indre mission« 1854, og ýmsar samskonar stofn-
anir eiga að miklu leyti rót sina að rekja til hans,
svo sem »Diakonisseanstalten« 1860 og »Studenter-
hjemmet« 1870. Gísli sat i fjöldamörgum kirkju-
legum nefndum, og var að öllu talinn hinn mesti
merkismaður. Ól. Dav.
The stories of Thorvald the farfarer and of
bishop Isleif translated from the icelandic by the
author of »The Chorister brothers*. ; London 1894.
(Sögurnar af jþorleifi víðförla og ísleifi biskupi).
|>ýðandi sagna þessara er skozk kona, Mrs. Leith
að nafni. Hún las þýðing Dasents á Njálu og
þótti svo mikið til koma, að hún fór að læra ís-
lenzku til að geta lesið hana á frummálinu. Hún
var heima á Islandi í sumar, og er það til merkis
um hve mikla alúð hún hefur lagt við tungu vora,
að hún gat gjört sig skiljanlega á íslenzku, enda
þótt hún hafi aldrei lesið annað en fornsögurnar
og aldrei reynt að tala fyr. Ekki skal ég neinn
dóm á það leggja hvernig þýðingin sé af hendi
leyst; ég get þessa að eins hér af því að mér þykir
fróðlegt fyrir Islendinga að vita hverjir leggi stund
á íslenzka fræði af útlendingum. p,
Fiskivei ar Frakka við ísland.
Eins og kunnugt er, stunda Frakkar mjög fiski-
veiðar við Island og leggja skipin af stað frá Frakk-
landi í febrúar og mars. þá er allra veðra von og
ilt í sjóinn og verður Frökkum opt hált á því, því
skip þeirra farast hrönnum saman, en opt verður
mannbjörg og láta færri lífið en lætur að líkindum.
Mál þetta bar á góma í visindafélagi Frakka 9.
apríl og skýrði Guyon fiotaforíngi frá ýmsu, sem
að því lýtur. Jean Ricard, skáld, skoraði á menn
að hlutast til að fiskiskipin legðu ekki í haf fyr en
í apríl. þá væri farið að lægja stormhryðjurnar í
norðurhluta Atlantshafsins, og mundu færri Frakkar
týnast við Island, ef þessa væri gætt, en nú ætti
sér stað. Guyon andæpti Ricard. Hann sagði, að
síðan 1864 hefðu farist 356 Frakkar við ísland,
65 í febrúar, 108 í mars, 139 i apríl, 38 í mai
og 24 í september. Aptur stakk hann upp á því
að þess væri betur gætt en híngað til hetði tíðkazt,
að óhaffær skip væru ekki send í þessar svaðil-
farir og að skipstjórarnir væru nægilega vel að sér
í sjómannafræði. ,
1 Ol. Dav,
Fólksfækkun og skógleysi á íslandi. í »C. R.
des Séances de la Soc. de Géographie« Paris
1893, bls. 155—57, er greinarkorn eptir Picard
nokkurn, um fólksfækkun og skógleysi á íslandi.
Hann segir að ísland geti fætt 250,000 íbúa, en
fólkið fækki jafnt og þétt. Nú sé það mjög áríð-
andi fyrir Frakka, að Islendíngar fækki ekki að
mun, því ef svo færi mundu frakkneskir fiskimenn
ekki geta stundað fiskiveiðar kríngum landið. Við
það töpuðu Frakkar hér um bil 18 miljónum fránka,
á ári hverju, og auk þess mundi þeim fara mjög
aptur í sjómennsku. Picard segir, að skógleysið
á Islandi sé aðalástæðan til fólksfækkunarinnar, og
þurfi því að bæta úr því, og auka skógrækt á Is-
landi. Ef það væri gert mundi loptslagið batna
og kuldinn minnka, því reynslan sanni, að skógrækt
hafi hin mesta áhrif á veðurlagið, t. d. í Algier.
Nú stíngur Picard upp á þvi, að Frakkar fari
tafarlaust að sjá um að skógur sé græddur upp á
Islandi, og segir að lokum, að þar sé að eins eitt
tré, eyniviður, 8 inetra hár (m = l1/^ alin). Hann
á hér eflaust við reyniviðinn við Havsteinshús á
Akureyri, þvi mynd er af honum í mörgum útlendum
ferðabókum.
Ætli það séu annars ekki fremur Vesturheims-
farinar en skógleysi, sem stuðla að því, að fólkstala
á Islandi fer fremur minnkandi en vaxandi?
Ól. Dav.
„Sameíningin“, mánaðarrit til stuðnings kirkju og
kristindómi íslendinga, gefið út af hinu ev. lút. kirkjufélagi
í Vesturheimi og prentað í Winnipeg. Ritstj. Jón Bjarna-
son. Verð í Vesturh. I dollar árg., á íslandi nærri því helm-
ingi iægra: 2 kr. Mjög vandað að prentun og útgerð allri.
8. árg byrjaði í Marts 1893. Fæst í bókaverzlun Sig. Krist-
jánssonar i Reykjavík og hjá ýmsum mönnum víðs vegar út
um alt land.
Brúkuð íslenzk frfmerki
eru keypt fyrir hátt verð. Ef menn óska þess. geta menn
feingið útlend frímerki í skiptum. Gömul íslenzk skildinga-
frímerki eru keypt fyrir mjög hátt verð. J. Jeppesen,
Skindergade 15.
Gothersgade 49.
K0benhavn.
Byrgðir af vísindabókum.
Keyptar og seldar íslenzkar bækur.
Brúkud íslenzk frímerki.
ka upi eg þessu verði fyrir 100 frímerki:
3 aura kr. T 75 40 aura kr. 6,00 5 aura kr. 4.00
5 - 2,00 50 — - 15.00 IO — - 4-5°
6 — - 3,00 IOO — - 25.00 16 — - 10.00
10 — - >,50 20 — - 6,00
16 — - 7 00 pjénustu frímerki
20 — - b 0 3 aura kr. 2.50
Skildingafrímerki hvert frá 10 a. t‘il I kr.
F. Seith. Admiralgade 9, Kjabenhavn, Danmark.
>DagsbrÚn« mánaðarrit til stuðnings frjálslegri trúarskoð-
un, prentað að Gimli Man. Ritsjóri Magn. J. Skaptason.
Verð jf 1.00 um árið í Vesturheimi, á íslandi Kr. 2.00.
Vandað að frágangi. Fæst í Kaupmh. hjá Skandinavisk
Antiquariat, í Reykjavik hjá Dr. B. Olsen og hjá ýmsum
mönnum víðs vegar út um land.
Ritstjórn: Kristján Sigurðsson, Ólafur Davíðsson
og porsteinn Gíslason.
Ábyrgðarmaður: porsteinn Gíslason.
Prentamiðja S. L. Möllers. (Möller A Thnmsen.) Kaupmannahöfn.