Lögberg-Heimskringla - 25.08.1960, Qupperneq 6

6
LÖGBERG-HEIMSKRINGLA, FIMMTUDAGINN 25. ÁGÚST 1960
GUÐRÚN FRÁ LUNDI:
Römm er
sú taug
Framhald skáldsögunnar
Þar sem brimaldan
broinar
Dadda hugsaði um myndina
af afa og ömmu á Fagranesi,
sem alltaf stóð á kommóð-
unni hennar mömmu heima í
Látravík. Þar var afi með
stórt, hvítt brjóst og fínlega
snúið yfirvaraskegg. Og amma
í upphlut, feit og falleg eins
og mamma. En þessi leiðin-
legi málrómur gat tæplega
tilheyrt svo myndarlegum
manni.
Nú heyrðist gengið upp
stigann og líklega komið með
kaffi, annað hvort til afa
gamla eða þeirra.
Það var víst til hans. Og
ekki var verið að bjóða honum
góðan dag heldur.
„Þarna kemur kaffið þitt,“
var sagt höstum rómi.
„Það var mikið! Ég er alveg
svefnlaus og hef verið að sál-
ast úr kaffiílöngun í alla nótt.
Ekki væri nú mikið, þó að lát-
inn væri kaffisopi á brúsa
hérna við rúmið mitt, svo að
ég gæti fengið mér sopa á
milli dúranna, en slík nota-
legheit þekkjast ekki á þessu
heimili,“ nöldraði gamli mað-
urinn.
„Var það gert á elliheimil-
inu?“ spurði Lovísa.
„Nei, auðvitað var það ekki
gert þar. En má ég spyrja: Er
til of mikils mælzt af börnun-
um sínum, þó að þau séu ofur-
lítið nærgætnari og notalegri
en vandalausar manneskjur,
eftir að maður er búinn að
dekra við þau alla ævi
þeirra?“
„O, líklega ekki,“ svaraði
Lovísa. „Kannske hún taki
þig til sín hin dóttirin og verði
notalegri við þig en systir
hennar. Hún kom hingað í
gærkvöldi að norðan.“
„Hver? Hún Maríanna?“
spurði gamli maðurinn.
„Áttu nema tvær dætur?“
„Nei, það á ég ekki. Svo það
hefir þá verið hún, sem var að
læðast hér upp stigann. Ég
kannaðist heldur ekki við það
fótatak,“ sagði öldungurinn.
„Hún var nú alltaf fniklu hlý-
lyndari en Málfríður."
Svo heyrðist hlaupið niður
stigann. Lovísa vinnukona
hafði sjálfsagt annað að gera
en sitja og skrafa við karl-
angann. Nokkru seinna kom
hún inn til mæðgnanna með
morgunkaffið. Setti það á lít-
ið borð hjá Maríönnu og lét
það ráðast, hvort systUrnar
gætu náð í það eða ekki.
„Heyrðu, góða mín,“ sagði
Maríanna sínum sætasta rómi,
„Málfríður litla má alls ekki
drekka kaffi; hún verður að
fá mjólkurglas.“
„Því miður er engin mjólk
til í húsinu og ég hef engan
tíma til að fara út í búð,“
sagði Lovísa og fór fram.
„Ég er aldeilis hissa,“ sagði
Dadda. ,
„Og ég get líklega drukkið
kaffið,“ sagði Málfríður. „Þið
getið þó líklega ekki búizt við
því, að hér sé hægt að þamba
mjólk eiris og í sveitinni.“
„Ég hef nú bara aldrei vitað
annað eins, að eiga engan
mjólkurdropa í húsinu,“ taut-
aði Maríanna hneyksluð.
„En brauðið! Ein smurð
sneið handa hverri og ein
kaka. Við verðum víst jafn
hungraðar, þó að við fáum
þetta,“ sagði Dadda. „Ég er
hissa á þér, mamma, að fara
að setjast hér að, hjá þessari
systur þinni.“
„Það er ekki um annað að
tala, fyrst íbúðin okkar er
ekki til, nema að Tómas geti
eitthvað hjálpað okkur. Vertu
svo bara glöð og ánægð á
svipinn eins og þú ert vön að
vera,“ sagði móðir hennar.
Systurnar klæddu sig og
fóru fram á ganginn. Þar var
gluggi, sem sneri út að göt-
unni og sýndi þeim alla henn-
ar dýrð. Bíll eftir bíl rann
fram hjá og fólkið gekk í hóp-
um eftir gangstéttunum. Það
var nokkuð dimmt í lofti og
húðarigning. Kvenfólkið var
með allavega skrautlitar regn-
hlífar.
„En þau fínheit! Ekki eig-
um við svona fallegar kápur
og regnhlífar. En hvað margt
fólk er hér á götunni," sagði
Málfríður. „En út í rigning-
una er ómögulegt að fara. Við
verðum að dúsa inni í allan
dag.“
„Og ég sem ætlaði að biðja
Fríðu að fara með mig þang-
að, sem hárið er klippt af
manni,“ sagði Dadda.
„Ætlarðu að láta klippa af
þér hárið?“ spurði Málfríður
hissa.
„Ég verð að gera það. Ekki
get ég látið fólkið hlæja að
mér og glápa á mig.“
Málfríður kallaði til móður
sinnar.
„Heyrirðu, hvað Dadda er
að ráðgera? Hún ætlar að láta
klippa af sér hárið.“
„Já, ég heyri það. Hún ræð-
ur því alveg hvað hún gerir.
Ég get ekki sagt, að ég sé
ánægð með það. En það eru
víst allar stúlkur hér með
klippt hár, svo að hana larig-
ar til að líta út eins og þær,“
var hið hógværa svar móður-
innar.
Þá kallaði skræka röddin
fyrir innan næstu dyr fram á
ganginum:
„Maríanna mín! Ég hefði
þekkt málróminn þinn, þó að
ég hefði ekki verið búinn að
frétta, að þú værir hér innan
veggja. Ætlarðu ekki að
heilsa upp á pabba gamla?“
„Jú, ég er að koma mér í
fötin. Svo kem ég til þín,“
kallaði hún á móti.
Systurnar biðu með óþreyju
eftir að móðir þeirra yrði bú-
in að næla á sig húfuna, svo
að þær gætu séð þennan
skrækróma afa sinn, sem var
fyrir innan þessa hvítu her-
bergishurð, sem þær þorðu
ekki að opna. Þær hvísluðust
á um, að hann talaði eins og
gömul kona, allt öðruvísi en
afi í Látravík. Dadda bjóst
við að hann væri sjúklingur.
Svo þegar móðir þeirra kom
fram og fór inn til gamla
mannsins, þokuðu þær sér
nær dyrunum.
„Ósköp ertu orðin lík henni
mömmu þinni, góða mín,
nema hvað þú ert ennþá feit-
ari en hún var,“ tísti öldung-
urinn. „Þetta er nú heldur
skemmtilegri búningur en
kjólarnir, sem hver manneskja
er í, með hárið í þyrli eins og
það hafi aldrei verið greitt.“
„Ósköp er þér aftur farið,
pabbi minn,“ sagði Maríanna.
„Mér finnst þér hafa hrakað
svo mikið síðan í fyrravetur.“
„Er það kannske furða, þó
að manni fari aftur, þegar
maður er lokaður inni hjá
hálfvitlausum mönnum, svo
árum skiptir, á þesssum gam-
almennahælum. Þau ættu
heldur að heita fávitahæli,“
sagði gamli maðurinn.
„Ég sem hélt að þér liði svo
vel þar. Systir mín var svo
innilega ánægð yfir því, að þú
værir kominn þangað,“ sagði
Maríanna.
„Já, hún hefir náttúrlega
verið ánægð yfir því að þurfa
ekki að hugsa um mig eða
skipta sér af mér,“ skrækti
hann. „Svoleiðis eru börnin
orðin á þessum tímum; verða
guðs fegin að þurfa hvorki að
sjá foreldra sína né heyra til
þeirra.“

BRIEFS-JERSEYS-T-SHIRTS
FOR MEN
KVENNA OG STÚLKNA
NÆRFÖT
Skyrlur og i
brækur fyr- Æ
ír 2—4 og 6 i ií %
ára stúlkur * rt
í hvítar baS- f|
I mullar
I skyrtur og WSs.
1 brækur fyrir 8 lil ’lpi
1 1G ára slúlkur.
I Kvenna skyrtur og
f brækur úr fínu
I hvítri baðmull, smá
ar, miðlungs og !
I slórar
"95”
UNDERWEAR
Ermalausar
iþrólla jerseys
með stuttbux-
um
Fáanlegar
íÉ fyrir menn
fff .jJ! og drengi
meg iegju
bandi um milt
ið og úr jersey
: að ofan-stuttar
: eða langar erm
ar skyrtur og
i: brækur
t-shirts
WORK SOCKS
T-skyrtur með
slerkum nælon
krögum, Agæta:
nærskyrlur fyrir
brækur með mitl
isleigjubandi
Smábarna nærföl
Skyrtur, vafnar og
bundnar eða hnepplar i
framan ú/ fínni baðmu
fyrir 3—6—9 mánaða,
1 og 2 ára.
Fyrir Drengi
Penmans hefir ending
argóð nærföl sem
mæður vilja fá fyrir
drengi sína

SPARI OG
SPORT SOKKAR
OTHER
PRODUCTS: Merino "95” Underv
Merino "71” Underwear; Fleece-Lined Underweor;
Penmani Golf Hoie; Penmans Mitts; Penmans Sweaters.