Lögberg-Heimskringla - 01.10.1969, Side 2
2
LÖGBERG-HEIMSKRINGLA, MIÐVIKUDAGINN 1. OKTÓBER 1969
Fréttir frá Seattle
Kveðju skáldsins skilað
1959. Jón Helgason, fil. kand.
Framhald af bls. 1.
Ólason, sem var íslenzka prin-
sessan fyrir síðasta ár. Hún
þakkaði félaginu fyrir þann
heiður og ánægju sem sér
hafði verið veitt. Um leið og
hún lagði sín störf á hendur
Susans, óskaði hún henni til
hamingju og færði henni blóm
frá félaginu.
Með vel v ö 1 d u m orðum,
sýndi Susan áhuga fyrir þessu
hlutverki og þakkaði fyrir
tækifærið og blómin. Svo var
Kathy afhent smá gjöf frá fé-
laginu í þakkarskyni enda stóð
hún sig prýðilega í þessari
stöðu.
Það er gott að geta haldið
þessum góða sið, að íslending-
ar og vinir þeirra komi saman
á útiskemmtun á ári hverju.
The Scandinavian
Music Fesival, 1969
Síðustu 17. ár hafa Norður-
landamenn í Seattle haldið
mjög vandaðar söngsamkomur
í skemmtigarði, að sumrinu til.
Oftast hefur það verið í hinu
fallega Volunteer Park og þar
var það haldið, þann 27. júlí í
sumar.
Islendingar hafa alltaf tekið
drjúgan þátt í þessari athöfn.
Fulltrúi frá íslenzka félaginu
til að annast um þetta í ár,
var Tani Björnson, eins og oft
áður.
Þetta hátíðahald byrjar með
skrúðgöngu kvenna undir
þjóðfánum, klæddar í sínum
þjóðbúningum. S u s a n Her-
mann, sem Miss Iceland og
sex aðrar konur í fallegum ís-
lenzkum búningum, prýddu
hópinn.
Svo hófst fjölbreytt sönglist-
ar skemmtiskrá. Dr. Edward
Pálmason söng „Draumaland-
ið“ og aðra söngva og hreif
áheyrendur. E i n n i g komu
fram ræðismenn og voru
kynntir, þar á meðal Jón
Marvin Jónsson, fyrir ísland.
V e ð u r var yndislegt og
skemmtunin hrífandi.
Nordic Fesiival 1969
Það áttunda hátíðahald sem
nefnist Nordic Festival var
haldið þann 23. ágúst í Seattle
Center Playhouse. I viðbót við
þessar fimrn, Danmörk Sví-
þjóð, ísland, Noreg og Finn-
land, voru tvær aukaþjóðir,
Latvia og Estonia.
Hver þjóð hafði frábær sýn-
ishom af einhverjum sérstök-
um iðnaði. Islendingar völdu
hina ágætu íslenzku ull og
hafði til sýnis peysur, ábreið-
ur, sjöl og mörg listaverk.
Hin nýkosna íslenzka prins-
essa, Susan Hermann, klædd í
þjóðbúning var á staðnum all-
an eftirmiðdaginn. Hún heils-
aði fólki vingjamlega og ræddi
við það. Tíu aðrar konur voru
þarna um daginn, klæddar ís-
lenzkum búningum og gerðu
góða lukku.
Ágætar kvikmyndir frá þess-
um löndum voru sýndar
ókeypis, fólki til fróðleiks og
ánægju. En um kvöldið var
haldin mjög listræn skemmti-
skrá. Fyrst komu fram þessar
sjö prinsessur. Þá hafði Susan
sett upp nýja skautið og var
þá enn fallegri. Þær ávörpuðu
fólkið með fáeinum orðum
hver. Var þetta skemmtileg
byrjun.
Við þessa athöfn söng Tani
Björnson:
(1) “In Questa Tomba” by L.
Von Beethoven.
(2) “Icelandic Folk Songs” by
S. Sveinbjömsen.
(3) “Invictus” by Huhn.
Hann söng prýðilega og frú
Erika Eastvold spilaði undir
ljómandi vel.
Svo kom frú Kristín Smed-
víg með fiðlu sína. Af sinni
frábæru list, spilaði hún:
(1) “R o m a n c e” eftir John
Svendsen.
(2) “La Gauumba” eftir mann
Kristínar, Egil Smedvíg.
Þetta vakti mikla aðdáun.
Nokkrir háttstandandi menn
voru kynntir — Mr. Floyd
Miller, Seattle borgarstjóri;
ræðismenn og þar á meðal,
Jón M. Jónsson ræðismaður
Islands fyrir Washingtonríki.
Þessar sjö þjóðir tóku þátt
í þessari skemmtun á ýmsan
hátt, allt gjört sérstaklega vel
og áheyrendum til ánægju.
Um 600 manns sóttu þessa
ágætu kvöldsamkomu.
Laxveiðiferð
íslenzka félagið stóð fyrir
laxveiðiferð og George Svein-
son annaðist um hana þetta
ár. Þann 27. júlí fóra þrettán
manns til Westport.
Veður var yndislegt og allir
komu heim ánægðir með lax
í soðið.
Dánarfregnir
Þann 12. maí 1969 andaðist
hér í Seattle, ekkjan, frú Ósk
Smith, 84 ára, var Stefánsdótt-
ir og fædd á Seyðisfirði. Hún
átti ekki börn en ein systir er
á lífi, Elizabet Thorbergson í
Califomia. Hin látna var jarð-
sett þann 15 sama mánaðar.
Þar flutti kveðjumál séra Kol-
beinn Sæmundsson.
* * *
Þann 10. júní, 1969 andaðist
á sjúkrahúsi í Seattle, Nanna
Einarson, 84 ára. Hún var
skólakennari að menntun og
stundaði þá kennslu til sjötugs
aldurs og var ógift. Hún var
jarðett þann 13. sama mánaðar
og þar flutti kveðjumál séra
Robert McMillan. Einn bróðir
þeirra látnu er á lífi, Sturla
Einarson, prófessor í stjömu-
fræði við Berkley Háskóla.
Föðurbróðir hennar var Ind-
riði Einarsson, leikritaskáld.
Jón Magnússon.
Þegar Gunnar Gunnarsson
skáld varð áttræður 18. maí
s. 1., daginn eftir að við hjónin
komum til íslands, sendi ég
honum í nafni okkar beggja,
Ijóðkveðju í símskeyti. Var
hún prentuð í Lögb.-Heimskr.
29. maí, ásamt smáfrétt frá
mér um það, hversu vel og
maklega þessa merkisafmælis
hins mikilhæfa og víðfræga
rithöfundar hafði verið minnst
heima á ættjörðinni. Lýsti þar
sér einnig ágætlega, hve víð-
tæk og djúpstæð ítök hann á
í hugum þjóðarinnar.
Stuttu eftir afmælið barst
okkur hjónunum einkar hlý-
legt þakkarbréf frá skáldinu
fyrir ljóðkveðjuna. Fórast
honum meðal annars þannig
orð: „Við hjónin óskum ykkur
báðum gæfu og gengis á ó-
komnum áram, og einnig öðr-
um löndum vestra sendum við
hugheilar h j a r t a n s óskir."
(Leturbr. greinarhöf.)
Ég tel mér sóma að því að
skila þeim kveðjum hins mik-
ilsvirta og vinsæla skálds, og
til þess, að þær nái til sem
flestra Islendinga vestan hafs,
vil ég biðja Lögb-Heimskr. að
koma þeim á framfæri. En ég
veit, að margir íslendingar
hérlendis hafa lesið rit skálds-
ins á frummálinu eða í ensk-
um þýðingurp, og kunna vel
að meta sjálfan_,hann og verk
hans.
Gunnar Gunnarsson hefir
verið óvenjulega mikilvirkur
rithöfundur, og hefir með
skáldritum sínum, er þýdd
hafa verið á mörg erlend
tungumál, borið hróður ís-
lands víða um lönd. Hann er
fágætur ritsnillingur og hefir
fairið höndum snilldar sinnar
um hin fjölbreyttustu við-
fangsefni. Ekki var það heldur
út í bláinn, að ég ávarpaði
h a n n sem „Skáldið sálar-
skyggná“ í upphafsorðimum í
ljóðkveðju minni til hans átt-
ræðs, því að eitt höfuðeinkenni
hans sem rithöfundur er ein-
mitt það, hve djúpskyggn
ha-nn er á sálarlíf hinna fjar-
skyldu, en ávalt mannlegu
sögupersóna sinna.
Hann hefir skrifað umfangs-
mikinn og stórmerkan bálk
skáldsagna, þar sem hann sæk-
ir efnið í sögu íslands á ýms-
um tímum. 1 grein minni
„Gunnar Gunnarsson’s His-
torical Novels — A Brief Sur-
vey” (Annual Literary Supple-
ment, Lögb.-Heimskr., 10. apríl
1969) rakti ég í nokkrum meg-
indráttum i n n i h a 1 d þessa
merkilega skáldsagnaflokks,
og dró nokkra athyggli að því,
hvernig þar væri á efni haldið
og hvernig lífshorf höfundar
speglast í sögum þessum.
Verður það eigi endurtekið
hér. Læt ég mér nægja að
vitna til eftirfarandi ummæla
um þessar skáldsögur Gunnars
úr hinni merku bók Stellan
Arvidson um skáldið (Gunnar
Gunnarsson, Helgafell, Rvík.
þýddi. Bls. 48):
„En Gunnar Gunnarsson er
íslendingur og saga landsins
er því rannin honum í merg
og bein — þúsund ára saga
íslands, hin langa barátta fyr-
ir góðu mannlífi og menningu
á fjarlægu, hrjóstragu eylandi
og við óblítt veðurfar. Þegar
á skuggaárum heimsstyrjald-
arinnar fyrri ákvað hann að
blása lífi í þessa sögu í sam-
stæðum flokki skáldsagna. Að-
alefni þeirra allra skyldi vera
landnám og inntak þess orðs
fært út, svo að það tæki til
aldalangrar baráttu fyrir
mannsæmandi kjörum í land-
inu, frelsi, réttlæti og friði,
menningu og anda. Landnám-
ið og barátta íslenzku þjóðar-
innar verður, þegar lengst er
skyggnzt að tákni gjörvallrar
menningarviðleitni mannsand-
ans.“
Þegar þetta er í minni bor-
ið, þarf engum að koma það
á óvart, þótt Gunnar Gunnars-
son skilji ágætlega og meti að
sama skapi þjóðræknislega
viðleitni okkar Islendinga
vestan hafs. Hin hlýja kveðja
skáldsins til okkar á þá einnig
rætur sínar í þeim glögga
skilningi hans á þeirri við-
leitni okkar og virðingu hans
fyrir henni. Þökk sé honum
fyrir góðhug hans í garð okk-
ar Islendinga í Vesturheimi!
RICHARD BECK.
Fréttir frá fslandi
„Möðruvellir" vígðir
Hið n ý j a raungreinahús
Menntaskólans á Akureyri var
vígt með viðhöfn á höfuðdag,
29. ágúst. Athöfnin fór fram
í samkomusal á neðstu hæð
hússins og hófst kl. 14. Skóla-
meistari, Steindór Steindórs-
son, ávarpaði gesti og bauð þá
velkomna, sérstaklega dr.
Gylfa Þ. Gíslason, mennta-
málaráðherra, og frú hans, sem
komu til Akureyrar gagngert
til að vera viðstödd vígsluna.
Því næst rakti skólameistari
byggingarsögu hússins, sem
hann kvað eitt allra vandað-
asta kennsluhúsnæði, sem til
væri hér á landi. Upphaf þeirr-
ar sögu má rekja til þess, að
á kennarafundi í Menntaskól-
anum á Akureyri, sem haldinn
var 9. apríl 1965, var samþykkt
áskorun til Menntamálaráðu-
neytisins og Alþingis um, að
veitt yrði fé til nýbyggingar
við skólann fyrir kennslu í
raunvísindum.
Húsið er 550 fermetrar að
flatarmáli og 6000 rúmmetrar,
tvær hæðir og kjallari. Á
hvorri hæð eru fjórar kennslu-
stofur ásamt tækj ageymslum
og vinnuplássi fyrir kennara.
Fjórar stofurnar era sérstak-
lega b ú n a r til verklegrar
kennslu, en tvær þeirra eru
fyrirlestrar- og kvikmynda-
stofur. Er til þess ætlast, að á
neðri hæðinni verði kennd eðl-
isfræði og stærðfræði, en á efri
Framhald á bls. 8.
Aðeins $1 16 00
með Loftleiðum
Það er einmill núna, á þessu ári, að þú æiiir að fara heim iil
íslands, og laka þáli í háiíðahöldunum sem þar fara fram,
um land alll, í lilefni af tuitugu og fimm ára afmæli lýð-
veldisins.
Auðvilað ferðu með Lofileiðum, en það er félagið sem um
aldarfjórðung hefir boðið fólki bezlu ferðabréfin.
Fargjaldið, báðar leiðir, er venjulega aðeins $232.00, en um
hásumarið er það örlílið hærra, eða $320.00. Ef þú eri í 15
manna hóp kosiar ferðin þig aðeins $180.00.
Ef þú ællar alla leið lil meginlandsins, bjóða Lofileiðir beiri
kjör en nokkuri annað flugfélag.
* aðra leiðina á venjulegum árstíma.
MUNDU AÐ LOFTLEIÐIR BJÓÐA LÆGSTU
FARGJÖLD TIL ÞESSARA LANDA:
ÍSLANDS, SVÍÞJÓÐAR. NOREGS, DANMERKUR.
ENGLANDS, SKOTLANDS OG LUXENBOURG.
Hafið samband við umboðsmenn vora:
ICELANDIC aÍrlÍnes 1
610 FIFTH AVENUE (ROCKEFELLER CENTRE)
NEW YORK, N. Y. 10020 PL 7-8585
New York Chicago San FrancLco
Fáið upplýainga bæklinga og róðatafið farðlnnl & farOa-
•kriíatofu yðar.