Birkibeinar - 01.07.1912, Blaðsíða 1

Reynistaðarsveinninn.1
Ekki veldur vorið ]»ví,
verði skuggi í lundu,
þegar sól úr heiði hlý
hjúpar ljósi grundu.
Ekki veldur vorið, ])ótt
verði á fáu bætur,
þegar sólin svarta nótt
síga í hafið lætur.
Ekki veldur vorið því,
verði hugur svalur,
þegar Ijúfu laugast í
ljósi hlíð og dalur.
Skuldar dómar skapi í
skuggum vefja að flestu,
afglöp mörg og iðgjöld því
örlögsímu festu.
Mig hefir vantað vit og þrótt,
verða þess ei bætur;
sigurleysi sortanótt
síga yfir lætur.
Myrðir vonir vélráð tið,
verður hugur svalur.
Heillar ævi Orrahríð
eftir: fallinn vulur.
í) Sbr. norska þjóðsögu, Bygnestadgutten,
Alþingi.
Setning alþingis fór fram þann 15. Hófst hún
á venjulegan hátt — með guðsþjónustu í dómkirkj-
unni; séra Magnús Andrésson prédikaði.
Eáðherra Kr. J. lýsti alþingi sett, las upp boð-
skap konungs og talaði nokkur orð um lát Eriðriks
konungs áttunda og hlýddu þingmenn á það standandi.
Hrópuðu því næst „húrra“ fyrir Kristjáni tíunda.
Þá tók við fundarstjórn aldursforseti þingsins Júl.
Havsteen amtmaður og tók sér til aðstoðar þá Jón
Magnússon bæjarfógeta og séra Sig. Stefánsson sem
skrifara.
Vóru þá kjörbréf rannsökuð — og reyndust öll
ógölluð nema tvö og voru samþykt orðalaust. Ann-
að þessara tveggja var kjörbréf Bjarnar Jónssonar
fyrv. ráðherra, en yfir kosningu hans (umbúnaði um
atkvæðakassa) hatði verið kært; var þó samþykt lög-
mæt. — Hitt var kosningin í Vestur-Isafj.s. Höfðu
komið kærur yfir henni frá þingmannsefninu séra
Kristni Danielssyni ennfremur frá 172 kjósendum (en
þar höfðu 276 greitt atkv.). Hafði Matth. Ólafsson
hlotið kosningu með því, að hann hafði fengið gerða
ógilda allmarga seðla hjá andstæðing sínum sökum
þess að margbrotnir höfðu verið saman, en ekki
„einbrotnir“, eins og sumir vilja halda fram, að lög-
skipað sé samkv, 35 gr. kosningalaganna. Matth. Ól.
var sjálfur í yfirkjörstjórn í kjördæminu. — Varð um
þetta þjark nokkuð og tóku til máls þeir Guðl. Guðm.,
Björn Jónss., J. 01., Bj. Kr., Matth. Ól. og J. P.
Lyktaði þannig að frestað var að skera úr kosning-
unni, en tnálinu visað til kjörbréfanefndar samkvæmt
þingsköpum.