Óðinn - 01.07.1908, Side 4

28
Ó Ð I N N
Skafti Jósefsson
ritstjóri.
Fyrir skömmu voru hjer í lilaðinu myndir af
fjórum elstu blaðastjórum landsins. En eftir Björn
Jónsson »Norðanfara«-ritstjóra er það Skafti Jó-
sefsson sem lengst hefur haldið uppi blaðamensku
fyrir norðan og austan.
Björn Skafti Jósefsson var fæddur á Hnausum
í Húnavatnssýslu 17. júní 1839, sonur Jósefs hjer-
aðslæknis Skaftasonar og
Önnu Margrjetar Björns-
dóttur Ólsens umboðs-
manns á Þingeyrum, og
er sú ætt komin fi'á
hinum fornu Mýramönn-
um. Skafti ólst upp
hjá foreldrum sínum og
fór 16 ára gamall í lat-
ínuskólann og útskrif-
aðist þaðan 1861. I3á
fór hann til háskólans
og las þar lögfræði nokk-
ur ár, en tók aldrei
próf. Síðasta ár sitt í
Khöfn stundaði liann
búfræðisnám hjá pró-
fessor Segelcke. í Höfn
kvæntist hann Sigríði
Þorsteinsdóttur prests
Pálssonar á Hálsi og
var brúðkaup þeirra
haldið á heimili Jóns
Sigurðssonar.
1872 fluttust þau
heim til íslands og varð
Skafti þá verslunarmað-
ur á Grafarósi. 1874
var hann um tíma sett-
ur sýslumaður í Þingeyjarsýslu, en fluttist vorið
eftir til Akureyrar og fór að gefa þar útblað, sem
»Norðlingur« hjet, og kom það út í nokkur ár.
Einnig fjekst Skafti þá, og jafnan síðan, við mála-
færslustörf og skuldainnheimtur.
1891 stofnaði Otto Wathne blaðið »Austra« á
Seyðisfirði og rjeð Skafta fyrir ritstjóra. Fór hann
þá þangað austur og dvaldi þar síðan til dauða-
dags. En ekki gaf Wathne blaðið út nema fyrsta
árið, og tók Skafti þá við þvi. »Austri« náði
SKAFTI JOSEFSSON.
mikilli útbreiðslu um Austurland og Norðurland,
og mun hagur Skafta aldrei hafa staðið eins vel
og fyrstu ritstjórnarár hans á Seyðisfirði, því á
Akureyri hafði hann jafnan átt við erfið kjör að
að búa. Hann var að ýmsu leyti duglegur hlaða-
maður. Ritsnillingur var hann reyndar enginn og
frnmlegar hugsanir lagði hann til fárra mála. En
liann hafði lag á því, að gera blað sitt útgengi-
legt, og hjelt allaf útbreiðslu þess vel uppi, svo
að það hafði jafnan áhrif, er hann beitli því fyrir
eitthvert mál.
Á Hafnarárum Skafta
fóru margar sögur af
afli hans og var hann
þar talinn allra manna
sterkastur. Hann var
stór maður vexti og vel
vaxinn, þreklegur og
fríður sýnum, og hjelt
sjer vel til dauðadags.
Glaðlyndur var hann og
Ijettlyndur og skemtinn
í viðtali, laus við heift-
rækni, þó hann ætti
stundum í skærum við
ýmsa og í blaðadeilum,
enda var honum miklu
tamara að lofa menn
en lasta, og í blaði sínu
blóð hann oft slíku of-
loíi á menn, að leita
verður í líkræður til að
finna annað eins.
Geta má þess, að
Skafti stofnaði bókasafn
Austurlands, 1892, og út-
vegaði því miklar bóka-
gjafir áferðalagi erlendis.
Hann andaðist á
Seyðisfirði 16. mars 1905.
Blaði bans þar hefur síðan haldið áfram Þor-
steinn sonur hans, og er liann jafnframt póstaf-
greiðslumaður á Seyðisfirði og býr með rnóður
sinni. Önnur börn þeirra Skafta eru Ingibjörg,
er áður gaf út kvennablað þar eystra um tíma,
og Halldór símritari á Seyðisfirði.
Síra Matth. Jochumsson hefur ort falleg eftir-
inæli eftir Skafta (Ljóðm. V. b.), en þeir voru
skólabræður og vinir frá þeim árum.