Óðinn - 01.12.1912, Blaðsíða 1

Óðinn - 01.12.1912, Blaðsíða 1
OÐINN O. BLAÐ DESEMBER. lölS. VIII. A.R, Jens prófastur Pálsson. Síra Jens Pálsson prófastur í Görðum á Álfta- nesi andaðist 28. f. m. Hann hjet fullu nafni Jens Ólafur Páll og fæddist á Skarði á Skarðsströnd 1, apríl 1851. Foreldrar hans voru síra Páll Jónsson Matthíesen, er síðar var prestur að Arnarbæli, dáinn 1880, og Guðlaug Þorsteinsdóttir bónda í Núpakoti Magnús- sonar. Síra Jens varð stúd- ent 1870, fór svo á presta- skólann og útskrifaðist það- an 1872. Eftir það var hann um tíma erlendis, en vígðist 2. nóv. 1873 að- stoðarprestur til föður síns í Arnarbæli. Vorið eftir kvæntist hann og gekk að eiga Guðrúnu Sigríði dóttur Pjeturs Guðjohnsens organ- leikara. Fáum árum síðar, 1879, fjekk síra Jens Þíng- vallaprestakall, en Útskála fjekk hann 1886, og loks Garða á Álftanesi 1895. Hefur hann verið þar prest- ur síðan og prófaslur í Kjalarnesþingi frá 1900. Jafnan hefur síra Jens Pálsson verið vinsæll af sóknarbörnum sínum og öllum, sem náin kynni hafa haftafhonum, því hann var lipurnienni og dreng- ur góður, glaðvær maður og fjörugur og vildi öll- um vel gera. Búhöldur var hann allgóður, áhuga- samur um almenn mál, bæði hjeraðsmál og lands- mál yfir höfuð. Hann var þingmaður Dalamanna á árunum 1891—1899, en í Gullbringu og Kjósar- sýslu var hann kosinn á þing 1908 og endurkosinn 1911. Á fyrri þingverutímabili síra Jens voru sam- göngumálin aðaláhugamál hans. Á þeim árum kom hugmyndin fyrst fram um lagning járnbraut- ar frá Reykjavík til Suðurlandsundirlendisins og var síra Jens einn þeirra þingmanna, sem mesta trú höfðu á gagnsemi þess fyrirtækis og löngun til að fá því framgengt. Hann taldi vöntun greiðra sam- gangna landsins mesta mein. Ekki var hann tal- inn laus við öfgar, er þann hjelt fram þessu á- hugamáli sínu, en allmikil áhrif mun hann hafa haft í þá átt að hrinda á stað breytingum þeim, sem um það leyti urðu á samgöng- unum. 1908—9 var hann í flokki andstæðinga sam- bandslagafrumvarpsins, og 1911 var hann forseti efri deildar. En á síðasta þingi gekk hann í Sambands- flokkinn og var það þá hans heitasta áhugamál að koma á sáttum og samlyndi milli þeirra, sem áður höfðu staðið hvorir öðrum önd- verðir í sambandsmálsdeil- unni. Enginn maður gat verið einlægari en hann var í því máli, enda var hann alstaðar heill og óskiftur. Heimili síra Jens Páls- sonar var rausnarheimili. Börn eignuðust þau Garða- hjónin ekki. En þau ólu upp mörg börn og gengu þeim í foreldra stað. Síra Jens hafði verið hraustur maður og heilsu- góður, en dó af slysi. Hann var staddur í Hafn- arfirði kvöldið 20. f. m., og var að leggja á stað þaðan heim til sín. En um leið og hann stje á bak hesti sínum, fældist hesturinn og hljóp með hann út í hraunið. Prófastur fjell af hestinum og meiddist mikið, viðbeinsbrotnaði og siðubrotnaði. Lá hann eftir það í húsi Augústs kaupmanns Flyg-

x

Óðinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Óðinn
https://timarit.is/publication/205

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.