Umferð - 01.11.1964, Page 4

um að kenna og þarf ekki að ske. Þvert á móti gæti
þessi minnisstæði dagur oröið okkur til mikillar bless-
unar og nýr áfangi í umferðarmenningu okkar. En
þetta skeður ekki án undirbúnings, það er víst. Breyt-
ingin veitir okkur einstakt tækifæri til að hafa mikil
og varanleg áhrif á manninn við stýrið, manninn á göt-
unni, tækifæri, sem við megum ekki láta hjá líða að
nota vel. Og það, sem meira er, verði þessu tækifæri
sleppt, getur H-dagurinn orðið dagur, sem við lengi á
eftir myndum ekki telja neinn happadag.
Það hefur oft verið sagt, og með miklum sanni, að
menn væru svo til eintómur vani. Svo mikið er víst, að
vaninn er einn snarasti þátturinn í hverri manneskju.
Að snögghætta því, sem menn eru búnir að venja sig á
árum saman eða nærri allt sitt líf, er átak, sem er ekki
öllum hent. Þó er vafalítið miklu auðveldara að venja
sig af hlut er allir aðrir verða að gera hið sama. Samt
er hér hin mikla hætta fólgin í sambandi við H-daginn.
Margur mun þurfa að einbeita sér vel, meira en honum
er eiginlega hent, eða hann er fær um andlega. Þessu
fólki, og raunar öllum, verður að hjálpa svo sem unnt
er.
Varðandi vegfarendur verða aðal aðgerðirnar til
undirbúnings hinnar væntanlegu gjörbreytingar að
byggjast á málefnalegum upplýsingum, leiðbeiningu
og jafnvel beinni kennslu. Nokkrar greinar í blöðun-
um dagana fyrir breytinguna, eða pésar, sem sendir
væru inn á hvert heimili með áskorun um að gæta sín
nú vel, myndi ekki ná fullum árangri. Meira þarf til.
Hið opinbera þarf að ná samvinnu við sem flest félög
og stofnanir, sem til greina geta komið. Þegar, og ef til
kemur, þarf í tíma að skapa almennan áhuga og hrifn-
ingu í þá átt að leysa vandann sem bezt. Þetta má ekki
leggja á eitt eða tvö félög t. d., það verður að kalla alla
til: Rauða kross Islands, Slysavarnafélagið, bílstjóra-
félög, bifreiðaeigenda- og ökumannafélög, kvenfélög,
skátana, bindindisfélög, íþróttafélög, skóla og kirkju.
Allir verða að vinna að því að árangurinn verði strax
góður og ánægjulegur en ekki slys, tjón og sorg.
Væri ekki rétt, ef og er hægri handar aksturinn verð-
ur lögboðinn hér, að setja á laggirnar sérstaka „hægri
akstursnefnd“ með fulltrúum frá öllum helztu aðilum,
sem til greina koma. Þessi nefnd gæti svo falið hverju
félagi og stofnun nánara verkefni til að vinna að.
Tækist vel til með breytinguna frá „vinstri til
hægri“, myndi hún geta orðið einn hinn merkasti á-
fangi að aukinni umferðarmenningu eins og hér er áð-
ur sagt.
Bindindisfélag ökumanna mun ekki láta á sér standa
að leysa það hlutverk af hendi, sem því verður ætlað.
H dagur, heilla dagur.
Á. S.
VOLVO
AMAZON
1965
-jf Nýir, frábærir framstólar.
•jf Diskahemlar á framhjól.
•fr Endurbætt ryðvörn, galvaniseraðir silsar
og hjólbogar.
Nýtt „andlit" með nýrri kæiihlíf.
-jf Armhvíla í miðju aftursæti.
■jf Nýjar, formaðar gúmmímottur.
-Jf Ný merki.
•jf Nýr lofthreinsari á vél.
Nýjar flautur.
jf Ný handföng á hurðum.
-fc Handfang á mælaborði, fyrir farþega.
-Jc Taumotta á hattahiliu (við afturglugga).
-jf Nýtt áklæði í þaki.
-jf Nýjar felgur.
-j- Betri miðstöð.
VANDIÐ VALIÐ -VELJIÐ VOLVO
Gunnar Ásgeirsson h.f.
4
UMFERÐ