Skólablaðið - 01.02.1911, Blaðsíða 11

SKÓLABLAÐIÐ
27
sumum þeirra, þá er úr svo miklu að velja, að engin ástæða er
til umkvörtunar, það sem þær ná.
i fræðslulögunum frá 1907 er skipað svo fyrir, að kenna
skuli hörnum hið einfaldasta í flatamáli og rúmmáli
í þeim reikningi er ekki til nema ein bók, sem sé: Flata-
málsfræði og þykkvamálsfræði eftir Halldór Bríem. Reyndar mun
hafa verið eitthvað af einföldustu reglum flatamáls og rúmmáls-
fræðinnar í fyrstu útg. af síðari parti reikningsbókar eftir E.
Briem, en sú bók er í fárra höndum og orðin ófáanleg.
Þó nú að Flatamáls og þykkvamálsfræði eftir H. Briem
sé að mörgu leyti ágæt bók, verður hún þó tæpast notuð við
barnakenslu. Mjög vafasamt tel eg líka, að allir þeir, er við
barnakenslu fást, séu færir um að nota hana, en það verða þeir
þó að gjöra að minsta kosti að einhverju ieyti, eigi ekki að ganga
fram hjá þessu ákvæði fræðslulaganna, en það tel eg mjög illa
farið.
Vel má vera að einhverjum virðist þessi dómur minn um
barnakennara ekki rjettur.
Við nánari athugun tnunu menn þó sjá, að hann er eðli-
legur. Tökum t. d. sveitakennarana. I sveitunnm verður sami
kennarinn að kenna allar lögskipaðar námsgreinir, og þó lítið sé
kent í hverri, munu þeir þó fáir vera kennararnir, sem kenna
þær allar jafnvel, og reikningur er sjerstaklega sú námsgrein,
sem ekki er hvers manns meðfæri að úbskýra fyrir börnurn, svo
vel sé. Kenslutími sveitakennara er líka mjög takmarkaður,
verða þeir því að byggja kenslu sína meira á bókum en kenn-
arar við fasta skóla, sem starfa allan veturinn.
Eg vildi með þessum orðum benda á að full þörf sé á
nýrri og handhægri kenslubók í flatamáls og rúmmálsfræði, og
þó eg hafi aðallega tekið fram nauðsyn hennar fyrir sveitakennara
veit eg að hún verður kærkomin öllum þeim, er kenna börnum,
reikning.
Ekki ætla eg mér, að gefa neinar reglur fyrir samningi
þessarar bókar. Vona að sá, seni tekur hana sainan, ve'rði verk-
inu vaxinn. En sérstaklega verður að gæta þess að sníða hana
við barnahœfi, en þó svo, að á henni verði nokkurnveginn hæg-
lega bygð frekari kensla í námsgrein þessari.