Skólablaðið - 01.02.1914, Blaðsíða 7
SKOLABLAÐIÐ
23
að Iáta vera hærra lágmark meðaleinkunnar við gagnfræðapróf
fyrir þá, sem v'lja halda áfram í lærdómsdeildinni, eða 5 í stað
3V2. Það er að vísu handhægt ráð, en mundi fyrst og fremst
gera það að verkum, að því sem næst allir utanskólanemendur
féllu við gagníræðapróf, meðaleinkunn þeirra er oftast lægri en
5, en í þeirra hóp eru margir, sem reynast nýtir nemendur; af
bekkjarnemendum mundu og margir falla, sem vel mættu halda
áfram. Auk þess myndi það ráð hvorki bæta úr öðrum né
þriðja gallanum, sem að framan er talinn. Svo er einnig um
tillögu um skóiagjald í lærdómsdeildinni, sem vel mætti hafa, þó
að valið væri það ráð, sem síðar skal nefnt, en hefur þann
ókost helst að baka aðstandendum r.emenda all-mikinn kostnað.
í samræmi við skýring mína á göllunum, hygg eg, að
best væri að fara þessa leið: Nema burt undirbúningsnámið
milli barnaskóla og gagnfræðadeildar og krefjast eigi annars til
inntöku í hana en að nemendur kunni vel flest það, sem getið
er um í 2. grein fræðslulaganna, en það er aðallega skýr og
áheyrilegur lestur, léttur ritvillu- og mállýtalaus stíll, læsileg og
hreinleg snarhandarskrift, fjórar höfuðgreinar reiknings í heilum
tölum og brotnum, not landabréfs (og lítilsháttar landfræðis-
þekking). Breyiingin frá því fyrirkomulagi, sem nú er, væri þá
einkum sú, að þá yrði eigi framar krafist til inntökuprófs dönsku,
sögu og náttúrufræða. Sem dönskukennari get eg borið um, að
það væri nærri þakkarvert, ef sumir neniendurnir, sem þó sleppa
inn í skólann, kynnu ekkert í dönsku, og fáir eru svo vel að
sér, að ekki m< gi vinna það upp á 3 árum, einkum af því að
allir nemenduriiir yrðu þá jafnir. Lítið mundi saka, þó saga
hyrfi, því að hún er hvort sem er margsinnis lesin og endur-
lesin frá upphafi til enda í skólanum (í báðum deildum), og
með þessu mótí félli úr sögulærdómur, þar sem minstur er
skilningur og þroski, og tel eg það skaðlítið. Líkt hygg eg
megi segja um náttúrufræði. Kann að vera, að gagnfræðadeildin
þyngdist nokkuð við þetta, ef jafnmiklar yrði kröfurnar þar og
nú eru, en það mundi ekki saka, því að gagnfræðadeildin er
ekki of þung. — í staðinn fyrir undirbúninginn til inntöku í
skólann ætti svo að koma undirbúningur undir lærdómsdeildina,
þ. e. aukadeild (1 ár) rnilli gagnfræðadeildar og lærdómsdeildar.