Alþýðublaðið - 31.07.1965, Blaðsíða 9

Aukin þáttaka USA
í Vietnam-stríðinu
JOHNSON forseti hefur tilkynnt,
aS Bandaríkjamenn muni taka
virkari þátt í styrjaldarrekstrin-
um í Suður-Vietnam og senda
þangað aukið herlið og fleiri her-
gögn. Forsetinn mun nú fara fram
á stuðning þjóðþingsins við þessa'
auknu þátttöku í stríðinu. Hann
lýsti því yfir nýlega, að ástandið
mundi versna áður en það gæti
batnað. Þegar McNamara land-
varnaráðherra var í heimsókn
sinni í Suður-Vietnam á dögunum
komst hann að raun um, að ástand-
ið væri talsvert verra en þegar
hann var í landinu fyrir 15 mán-
uðum. Suður-vietnamiski herinn
er í hálfgerðri upplausn og Banda-
xíkjamenn taka æ virkari þátt í
stríðinu.
Mikilvægar hernaðarlegar á-
kvarðanir bíða nú bandarískra
leiðtoga. Hvernig á að beita hin-
um mikla liðsauka? Og hvað um
hinar sífelldu loftárásir á Norður-
Vietnam, á að halda þeim áfram
eða hætta þeim? Þessar árásir
voru hafnar í febrúar sl. vegna
hins alvarlega ástands í Suður-
Vietnam þar sem hersveitir Viet-
cong sóttu jafnt og þétt fram.
Spyrja má hvort það hefði ekki
verið vænlegast til árangurs ef
ákveðið hefði verið fyrir löngu
síðan að beita hersveitum í ríkum
mæli í landhernaðinum í Suður-
Vietnam. Margt bendir til þess,
að valdamenn í Washington hafi
hikað við að taka upp slíka stefnu
með tilliti til almenningsálitsins
heima fyrir, því að óvinsælt er að
senda marga æskumenn lands-
ins til styrjaldar í fjarlægum
heimshluta. Gripið var til loft
árásanna, þar sem þær væru auð-
veldari leið út úr ógöngunum. —
Þar sem þær hafa ekki borið árang
ur krefst ástandið þess, að sent
verði fjölmennt herlið á vettvang
þrátt fyrir allt.
★ Eldflaugar
Það sem nú á eftir að gerast er
að miklu ieyti komið undir því,
sem ákveðið verður í Washington.
Vaijdi Johnsons forseta er sá, að
! auka þátttökuna í stríðsrekstrin-
um en sjá jafnframt svo um, að
átökin verði takmörkuð. Áfram-
haldandi loftárásir og gífurleg
. sókn til að hrekja Vietcong yfir
j 17. breiddargráðuna munu ekki
skýra styrjaldarmarkmiðin.
Ef hersveitunum verður hins
vegar beitt með það takmarkaða
markmið fyrir augum, að sann-
færa mótaðilann um að hernaðar-
legur sigur sé óhugsandi og ef
jafnframt verður gert hlé á loft-
árásum verður ef til vill unnt að
skapa hagstæðara andrúmsloft á
iiokkrum mánuðum. Þá neyðist
Vietcong, sem bersýnilega hefur
talið að sigur í styrjöldinni sé á
næsta leiti, ef til vill til að dæma
ástandið á annan veg en hreyfing-
in hefur gert til þessa. Með hlið-
sjön af því, hvernig styrjöldin hef-
ur þróazt og hvernig styrkleika
hlutföllin verða nú, ætti það að
vera ljósara en nokkru sinni fyrr,
að engin hernaðarleg lausn er til
og að samningaumleitanir einar
eru líklegar til að bera raunveru-
legan árangur.
Eitt atriði, sem gerir ástandið
flóknara en ella hvað Bandaríkja-
menn snertir eru sovézku eld-
flaugastöðvarnar við Hanoi. Banda
JOHNSON
— nýjar ákvarðanir
rísk ílugvél hefur verið skotin
niður með sovézkri eldflaug. Þetta
gæti haft alvarlegar afleiðingar,
sem Bandaríkjamenn jafnt sem
Rússar hafa viljað forðast. Rúss-
ar hafa hingað til ekki viljað
beita áhrifum sínum í Hanoi til
þess að koma samningaviðræðum
til leiðar. En hvað hafa Rússar í
rauninni mikil áhrif í Hanoi? Um
það er mjög erfitt að segja.
Bandaríkjamenn líta á deiluna
frá ýmsum sjónarhólum. í fyrsta
lagi eru þeir í Suður-Vietnam til
að standa við skuldbindingar um
aðstoð, sem Eisenhower forseti tók
á herðar þegar á árinu 1954, og
forsetarnir Kennedy og Johnson
hafa ítrekað heit Bandaríkja-
manna um aðstoð. Þannig vilja
Bandaríkjamenn sýna fordæmi og
gera Ijóst að þeir geta staðið við
orð sín er þeir hafa heitið smá-
þjóðum því að tryggja öryggi
þeirra.
★ Kínverjar
En eru íbúar Suður-Vietnam
þjóð? Hér hafa röksemdir Banda
ríkjamanna verið óljósar. Áður
hefur verið staðið fast við yfirlýs-
ingu Genfar-samningsins um sam-
einingu landsins. Er markmiðið nú
að sjá svo um, að Suður-Vietnam
verði sérstakt þjóðland um aldur
og ævi?
Hins vegar kemur greinilega
fram af bandarískri hálfu, að hér
standi þeir andspænis styrkleika-
prófi við Kínverska alþýðulýðveld
ið. Þótt Kínverjar hafi haldið að
sér höndum telja Bandaríkjamenn
að Vietcong-liðar sé fyrst og
fremst flugumenn Kínverja og að
fall Suður-Vietnam yrði upphafið
að kommúnistísku valdaráni í
mörgum öðrum ríkjum í hinni
hernaðarlega mikilvægu Suðaustur
Asíu.
Bandaríkjamenn dæma ástandið
með öðrum orðum út frá hernaðar
legum sjónarmiðum og vilja
tryggja sér „öryggissvæði” í Asíu
á sama hátt og Sovétríkin tryggðu
sér hagsmuni sína í Austur-Evrópu
eftir síðustu heimsstyrjöld. Mörg
lönd í Austurlöndum fjær telja
það mjög mikilvægt fyrir jafnvægi
í þessum heimshluta að myndað
verði virki gegn útþenslu Kín-
verja.
★ Hlutleysi?
En jafnframt líta aðrir svo á,
að sameining Vietnam undir for-
ystu Ho Chi Minh mundi ekki endi-
lega leiða til þess, að Kínverjar
víkkuðu út áhrifasvæði sitt. Hik
Framhald á 15. síðu
Bandarískir landgönguliðar stíga á land skammt frá Da Nang-
herstöðinni í Suður-Vietnam.
1
?
Algerlega ný gerð. Aluminium boga-súlur.
Tveggja til þriggja manna, grunnflötur
200x135 cm., vigt 5,9 kg. Verð kr. 3,200,00,
Finnsku TENA tjöldin komin
V eiðistengurnar
vinsælu og ódýru
frá KANADA.
Einkaumboð
á íslandi.
Ensku stangaveiðihjólin
TNTREPID
nýkomin í miklu úrvali.
SILUNGAFLUGUR frá
HARDY BROTHERS (Alnwick) Ltd.
eru að verða uppseldar
SP0RTVÚHUHÚS BEYKJ/Wím
V-þýzkar picnic-
töskur — einnig
nýjar gerðir til að
festa á bílsætið.
I veiðitúrinn —
í ferðalagið —
VASAPELAR
— Mikið úrval.
Rafha-húsinu við Óðinstorg.
Sími 1-64-88.
Skrifstofusijóri
Opinber skrifstofa óskar eftir að ráða skrif-
stofustjóra með góða starfsreynslu. Þeir sem
áhuga hefðu á starf inu vinsamlega sendi nafn
sitt til blaðsins merkt „Skrifstofustjóri“.
ALÞÝÐUBLAÐIÐ - 31. júlí. 1965 9