Vísir - 10.09.1962, Síða 6

VISIR
- Mánudagur 10. september 1962.
Myndir þessar gefa nokkra hugmynd um, hvemig ástandið er á jarðskjálftasvæðinu í Persíu.
Þær eru teknar í rústum bæjarins Dan Isfahan. Á annarri sést hálfnakið barn, sem misst hefur
báða foreldra sína, á hinni sér yfir rústir og fólk, sem eigrar um götuna. — Dan Isfahan
varð verst úti allra bæja á jarðskjálftasvæðinu. Þar eru eftirlifandi aðeins 700 af 4200 íbú-
Styrkleiki jarðskjálftans var helmingi meiri en í Agadir í Marokko fyrir nokkrum árum.
Hörmungarástafid er enn
á jarðskjálftasvæðinu í
Persíu, þar sem einhverjir
mestu jarðskjálftar þessar-
ar aldar skullu yfir um
fyrri helgi. Enn er f jarri því
að heildaryfirsýn hafi feng
izt um tjónið, en áætlað er
að 20—30 þúsund manns
hafi látið lífið undir hrund-
um húsum.
Vatnsleysi hættulegast
Alger örvænting er ríkjandi U
sumum þeim bæjum sem verst
urðu úti og ógnar nú þorsti, hung
ur og sjúkdómar. Verst er vatns-
leysið og munu hundruð manna nú
láta lífið daglega úr vatnsleysi.
Lýsing sjónarvotts á jaróskjálftasvæðinu:
eftir mestu jarðskjálfta er
komið hafa á þessari öld
Eyðileggingin alger
Fréttamaður United Press
fréttastofunnar í Teheran, Josef
Mazandi, ferðaðist um jarð-
skjálftasvæðið fyrir vestan Te-
heran og sendi frá sér þessa
lýsingu: Aldrei fyrr hef ég séð
þvílíka eyðileggingu, dauða og
neyð. Ég ferðaðist um þetta
svæði í sex klst. í hópi með for-
sætisráðherra Persíu Assadoll-
ah Alam. Það er umhverfis
gömlu borgina Quasvin um 20
km vestur af Teheran.
Við ókum gegnum tugi þorpa
þar sem ekki stóð steinn yfir
steini, -
Þeir sem eftir lifðu komu grát
andi og kveinandi á móti okkur.
Sumt af þessu fólki, sem sjálft
hafði sloppið var blóðugt og föt
þess f tætlum. Það hafði rifið
sig til blóðs við að reyna að
draga grjótið með berum hönd-
um ofan af ástvinum sínum.
Svo virtist sem enn væri deyj-
andi fólk í leirsteinshaugunum
og heyrðust neyðaróp frá því.
Sumir sem eftir lifðu gengu um
rústirnar með starandi augu,
höfðu misst vitið af örvílnun og
hugarlosti.
í Bouine, sem er bær suðaust
ur af Quasvin virtist eyðilegg-
ingin alger. Ég sá ekki einn
einasta kofa uppistandandi. Við
rústirnar af einu húsinu hafði
hópur fólks safnazt kringum
gamlan gráskeggjaðan mann,
sem sat efst á hrúgunni er einu
sinni hafði verið heimili hans.
Hið hrukkótta andlit hans var
stirðnað af skelfingu. — Hann
hefur misst allt, sagði fólkið,
konu sína, börn. Hann á ekkert
eftir.
Annars staðar voru hermenn
og björgunarlið að vinna við
að grafa í rústir. Þeir unnu svo
að svitinn bogaði af þeim í
þeirri von að einhverjir leynd-
ust lifandi í hrúgunni. Þeir
grófu upp mörg lík, en ég sá
þá einnig grafa upp fólk sem
lífsmark leyndist með.
En þýðingarmest er að flytja
vatn til jarðskjálftasvæðisins.
Allir tankbílar í Teheran eru
teknir í notkun til þess. Hérað
þetta fékk-áður vatn með hin-
um gömlu neðanjarðarskurðum
og var vatnið oft leitt þannig
langar leiðir. 1 jarðskjálftunum
hafa neðanjarðarleiðslur þessar
brotnað og stíflazt og geta liðið
margir mánuðir áður en það
kemst aftur í lag.
Þjóðarsorg hefur verið lýst yfir
í Persíu. En þetta eru aðrar meiri
háttar jarðhræringar sem verða
þar á tveimur árum og eru þessar
meiri. Jarðskjálftarnir nú eru
meðal kröftugustu jarðskjálfta er
mælzt hafa eða 7,2 stig og má
geta þess, að jarðskjálftinn sem
lagði Agadir í Marokko í rústir
var helmingi vægari.
Keisarinn á jarðskjálftasvæðinu
Persíukeisari kom i vikunni til
bæjarins Dan-Isfahan sem verst
fór í jarðskjálftunum. 1 honum
bjuggu 5 þúsund manns, en 4 þús
und létu lífið. Þegar keisarinn gekk
um rústirnar safnaðist fólk í kring
um hann. Þar varð hann var við
gamla konu, sem grét og flóði öll
í tárum. Hann sneri sér að henni
og reyndi að hugga hana:
— Ég hef misst allt sem ég
átti, veinaði konan, manninn minn,
tvo syni og fjórar dætur. Tveir
bræður minir fórust líka og níu
börn þeirra. Þarna átti ég heima,
kveinaði konan og benti á múr-
steinshrúgu.
Keisarinn dvaldist eina nótt í
tjaldbúðum sem hafa verið reist-
ar þarna fyrir fólkið.
Næsta dag fór hann til bæjar-
ins Bouine. Þar fórust nærri 3
þúsund af 4 þúsund fbúum. Skóli
bæjarins hvarf með öllum börnun
um niður í jarðsprungu sem mynd
aðist í jarðskjálftanum.
Hjálp er farin að berast víða að
með flugvélum frá öðrum lönd-
um. Eins og svo oft áður er að-
stoð Bandaríkjamanna drýgst, en
þeir hafa komið á fót loftbrú með
50 flutningaflugvélum til að flytja
vistir og hjálpargögn til þeirra
staða þar sem ástandið er verst.
© ©JjS síS
• nær 30
• þúsund
• manns
• hnfi forizt