Vísir - 21.10.1963, Side 8

8
V í S IR . Mánudagur 21. október 1963
Utgetandi: Blaðaútgáfan VISIS-
Ritstjðri: Gunnar G. Schraœ.
Aðstoðarritstjóri: Axel Thorsteinson
Fréttastjóri: Þorsteinn ó. Thorarensen.
Ritstjórnarskrifstofur Laugavegi 178.
Auglýsingar og afgreiðsla Ingólfsstræti 3.
Áskriftargjald er 70 krónur á mánuði.
1 lausasölu 5 kr. eint. — Sími 11660 (5 llnur).
Prentsmiðja Visis. — Edda h.f.
Ráð Eysteins
Á það hefur nokkrum sinnum verið bent hér í blað-
inu að þrátt fyrir harðar deilur á núverandi stjórnar-
stefnu hefir Framsóknarflokkurinn aldrei bent á nein
úrræði til þess að leysa vanda efnahagsmálanna.
Nú hefir það þó gerzt, á fundi framsóknarmanna í
vikunni, að formaður flokksins Eysteinn Jónsson hefir
loks tilkynnt hvernig leysa eigi vandann. Ráð Eysteins
eru tvenns konar. í fyrsta lagi vill hann láta nota
sparifjáraukninguna „í stað þess að frysta hana í banka
kerfinu“. í annan stað vill hann láta verja greiðslu-
afgangi fjárlaga frá því í fyrra og í ár til útlána.
Það er staðreynd, sem allir flokkar viðurkenna,
að grundvöllur efnahagsvanda þjóðarinnar í dag er of
mikil þensla, of mikið fé í umferð. Það fé spennir upp
verðið á vörunum og þurrkar upp allt það vinnuafl
sem er til í landinu. Það úrræði Eýsteins að veita hundr
uðum milljóna enn inn í efnahagskerfið myndi því
stórauka á þá spennu og þenslu sem fyrir er, auka enn
dýrtíðina og framleiðslukostnað atvinnuveganna. Ráð
Eysteins þýðir því eitt af tvennu: Stórfelld gengis-
lækkun eða algjör stöðnun og gjaldþrot atvinnuveg-
anna.
Framsóknarmenn verða þess vegna að gera betur
en þetta, ef þeir ætlast til að mark sé tekið á orðum
þeirra og gagnrýni.
Fargjaldastríðið
Segja má að fargjaldastríðið á Norður- Atlants-
hafsflugleiðinni sé nú komið í algleyming. Um miðja
síðustu viku hóf SAS sínar ódýru ferðir og eru far-
gjöldin 18—25% lægri en með þotunum. Loftleiðir hafa
einnig fengið leyfi til þess að lækka fluggjöldin á leið-
inni yfir hafið um 25% frá þeim taxta sem gilti í fyrra-
vetur og sækja nú enn um leyfi til lækkunar á leið-
inni Reykjavík — Luxemborg. Svar við þeirri beiðni
hefir enn ekki borizt.
Sú spuming er eðlilega ofarlega í hugum manna
hvernig Loftleiðum muni vegna í hinni hörðu sam-
keppni á þessari flugleið, nú þegar risafélögin hafa
lækkað fargjöld sín. Munu flestir óska þess að Loft-
leiðir bíði engan hnekki af þeirri samkeppni. Sjálfir eru
fomstumenn félagsins bjartsýnir og telja samkeppnis-
aðstöðu félagsins ekki alvarlega hættu búna, svo fram-
arlega sem félagið fái þær lækkanir fargjalda sam-
þykktar sem það hefir beðið um. Er það auðvitað
meginforsendan fyrir því að félagið nái til þess far-
þegafjölda sem það hefir haft hingað til, nú eftir að
stóru félögin hafa gengið í leikinn.
Þess er að vænta að íslenzku loftferðayfirvöldin
geri framvegis jafnt og hingað til, allt það sem þau
mega til þess að styrkja og styðja Loftleiðir í starf-
semi sinni nú þegar veður hafa skipazt svo í lofti.
522
Njósnari í innsta
NATO
A llir starfsmenn í bækistöðv-
um NATO í París þekktu Ge-
orges Pacques, hinn virðulega
og greinda fuiltrúa í upplýsinga
deild samtakanna. Hann var
hinn fulikomni embættismaður,
vann starf sitt óaðfinnanlega.
Hann var í þeim fámenna hópi,
sem hafði fengið skírteini frá
frönsku öryggislögregiunni, að
hægt væri að treysta honum fyr
ir þýðingarmestu hernaðarleynd
armálum.
Georges Pacques sat á fund-
um með innsta hring herfor-
ingjaráðanría. Hann var rólegur
og traustvekjandi á ráðherra-
fundum NATO, þar sem verið
var að ræða viðkvæmustu
vandamálin, ágreiningsmál Vest
urveldanna, skipun hermála, hið
leynilega varnarkerfi.
Hann sat aðeins fáa metra
frá McNamara landavamarráð-
herra, Dean Rusk utanríkisráð-
herra og Maxwell Taylor yfir-
manni herráðs Bandaríkjanna.
Viðræðurnar snerust um kjarn-
orkuvígbúnað í Evrópu. Georges
Pacques hlýddi á umræðurnar
rólegur og gætinn. Það var mik-
ið um tölur, sem táknuðu styrk
leika varnanna. Það sást að
hann tók upp blað og blýant
og punktaði eitthvað niður hjá
sér. Það var ekki nema eðli-
legt, að þessi vandvirki embætt
ismaður þyrði að skrifa atriði
niður sér til minnis.
★
'C’n svo komust starfsmenn
frönsku leyniþjónustunnar
að því fyrir tilviljun, að Rússar
höfðu komizt yfir margvfslegar
upplýsingar og leyniskjöl, sem
gátu aðeins hafa komið frá hin-
um æðstu stöðum. Þeir fóru að
kanna, hvernig þau hefðu getað
sloppið út úr hinum þrönga
hring. Þeir fóru að kanna, hverj
ir hefðu átt aðgang að skjölun-
um. Það reyndist vera auk ráð-
Hinn virðulegi embættismaður Georges Pacques á leið i fundarsal.
herranna mjög takmarkaður hóp
ur, aðeins um 20 manns. I þess-
um hópi var Georges Pacques.
Smám saman þrengdist hringur
inn, og í september s. 1. gerðist
sá atburður, sem varð honum
loks að falli.
Tveir menn sátu saman i
glæsiíbúð í húsinu númer 5 við
Place Ecrivains-Compattant í
auðmannahverfi Parísar skammt
frá Sigurboganum. Annar þeirra
var franskur maður, Georges
Pacques, hinn rússneskur, starfs
maður sendiráðs Sovétríkjanna í
Parfs, sem hafði komið í heim-
sókn til hans. Enginn gat vitað
með vissu, hvað þeir voru að
ræða um, en fundur þeirra hlaut
a.llt í einu skjótan endi, því að
hópur lögreglumanna ruddist
inn í stofuna og tilkynnti þeim,
að þeir væru handteknir.
★
IVTjósnamálin eru orðin æði
mörg frá stríðslokum. Menn
minnast kjarnorkunjósna þeirra
Rosenbergshjónanna, eða Kláus-
ar Fuchs og Pontecorvos, eða
hertækninjósna Vassals. En öll
stærstu njósnamálin hafa komið
upp í Bandaríkjunum eða Bret-
landi. Það hefur verið lítið um
stórfelld njósnamál í Frakk-
landi. En þegar fyrsta stóra mál
ið kemur þar upp, þá virðist það
heldur ekki ætla að verða nein
smásmíði.
Georges Pacques hinn virðu-
Framh. á bls. 10.
Mynd tekin á ráðherrafundi í NATO. Örin bendir á Pacques. Vinstra megin á myndrnni sitja Max-
well Taylor, Rusk og McNamara.