Vísir - 04.10.1965, Blaðsíða 8

8
V í SIR . Mánudagur 4. október 1965.
VISIR
Otgefandfc Blaðaútgáfan VÍSIR
Framkvæmdastjóri: Agnar Ólafsson
Ritstjóri: Gunnar G. Schram
Aðstoðarritstjóri: Axel Thorsteinson
Fréttastjóran Jónas Kristjánsson
Þorsteinn Ó. Thorarensen
Auglýsingastj.: Halldór Jónsson
Sölustjóri: Herbert Guðmundsson
Ritstjórn: Laugavegi 178. Slmi 11660 (5 línur)
Auglýsingar og afgreiðsla Ingólfsstræti 3
Áskriftargjald: kr. 80,00 á mánuði innanlands
í lausasölu kr. 7,00 eintakið
Prentsmiðja Vísis — Edda h.f.
Nýr keppinautur
það vakti að vonum mikla og verðskuldaða athygli
er það spurðist hingað til lands fyrir nokkrum dög-
um að Sovétríkin hefðu nú í haust selt þó nokkurt
magn af Íslandssíld til sænsku samvinnufélaganna
og einnig nokkurt magn til Vestur-Þýzkalands. Er hér
bæði um að ræða saltsíld og sykurverkaða síld. Þessar
fregnir vekja enn meiri athygli en ella, vegna þess að
ekkert hefir orðið af kaupum Rússa á saltsíld frá ís-
landi á þessu ári. Undanfarin ár hafa þeir hins vegar
jafnan verið með stærstu kaupendum saltsíldar hér og
hafa kaup þeirra numið á annað hundrað þúsund
tunnum. Hér virðist vera um greinilega stefnubreyt-
ingu að ræða í sölumálum Sovétríkjanna Rússar hafa
á liðnum árum lagt á það mikla áherzlu að byggja upp
fiskveiðiflota sinn og verða sjálfum sér nógir á því
sviði.Fyrrgreindarfregnirbenda til þess að þeir hygg
ist nú ráðast inn á þá markaði, sem við íslendingar
höfum selt á hingað til og gerast þar harður keppi-
nautur okkar, í stað þess að vera áður einn af aðal
viðskiptavinum okkar í síldarverzluninni.
\ p
yið þetta bætist að þá hafa Rússar einnig nýlega
selt nokkurt magn af frystri síld til Vestur- Þýzka-
lands fyrir verð, sem liggur töluvert undir heims-
markaðsverðinu. Slíkar sölur geta haft hinar alvar-
legustu afleiðingar fyrir markaði okkar íslendinga í
Vesur-Þýzkalandi á frystri síld, því þangað seldum
við í fyrra um 2.400 tunnur. Markaður fyrir frysta
síld í Evrópu er takmarkaður og saltsíldarmarkaður-
inn hefur heldur verið að dragast saman. Því er það
augljóst að mjög er það gegn hagsmunum okkar að
Sovétríkin hafa nú byrjað samkeppni á síldarmörk-
uðunum, beita greinilegum undirboðum, og neita jafn
framt að eiga síldarviðskipti við okkur.
í ljósi þessara staðreynda verða ummæli íslenzkra
kommúnista og Þjóðviljans um það að alla okkar
síldarframleiðslu sé unnt að selja í Sovétríkjunum,
furðu hláleg. Eftir samtöl hinna íslenzku liðsodda
kommúnista við félaga Bréznev á fyrra ári var sá
boðskapur látinn út ganga að ekkert væri því til fyrir-
stöðu að margfalt meira síldarmagn væri selt til
Sovétríkjanna og byggja mætti röð síldarverksmiðja
um allt Norður og Austurland til þess að framleiða
fyrir hinn gerzka risamarkað. Nú er komið á daginn
hvert sannleiksgildi þessara ummæla íslenzku komm-
únistaleiðtoganna var. Er mál þetta allt enn eitt sönn-
unargagnið um heilindi íslenzkra kommúnista og
ráðsnilld þeirra, er leysa skal vandamál þjóðarinnar
á þessu mikilvæga sviði.
Gerðardómur féllst ekki á
kröfur lækna í Keflavík
um laun fyrir varðþjónustu
Að undanfömu hefur deila
staðið í Keflavfk og Njarðvikum
milli sjúkrasamlagsins og lækn
anna þar um varðþjónustu að
næturlagi og á helgidögum. Mál
þetta hefur verið tekið upp af
Tryggingastofnun rikisins og
Læknafélagi Islands og var deil-
an lögð í gerðardóm skv. al-
mannatryggingalögum. Var deilt
um upphæð þess gjalds sem
sjúkrasamlaginu bæri að greiða
læknum fyrir slíka varðþjónustu
en þeir óskuðu þess að greiðsl
an yrði hliðstæð og læknar fá
fyrir slika þjónustu. Gerðardóm
urinn fellst hinsvegar á það sjón
armið Sjúkrasamlagsins í Kefla-
vík og Tryggingarstofnunarinn-
ar að taka bæri tillit til mann-
fjöldans og greiða til þessarar
þjónustu fast árgjald fyrir hvem
samlagsmann og svo visst vitj
unargjald. Læknamir telja þau
kjör óviðunandi og hafa nú sagt
dómi gerðardóms upp frá og
méð næstu áramótum.
Samkvæmt eldri samningum
greiddi Sjúkrasamlagið í Kefla-
vík og Njarðvik til þessarar varð
þjónustu kr. 26,00 á ári á hvem
samlagsmann og nam sú heildar
greiðsla um 88 þúsund krónum.
En auk þess fengu læknar 110
króna vitjunargjald frá sjúkl-
ingum. Þessir samningar féllu
úr gildi 1. apríl s.I. en þó störf
uðu læknamir eftir þeim til 1.
ágúst ,þegar þeir ákváðu að
taka sömu gjöld fyrir störf sín
og læknar i varðþjónustu í
Reykjavík, sem er um 600 krón
ur á nótt, 600 krónur á helgi
dagsvarðstöðu og 300 krónur
fyrir laugardagsvarðstöðu.
Þessi hækkun hefði haft mikil
aukin útgjöld í för með sér fyrir
Sjúkrasamlagið í Keflavík og
Njarðvík, þar sem útgjöld fyrir
samlagið af þessu hefðu orðið
hátt f 300 þúsund krónur.
Óskaði Tryggingastofnunin
þess þá að málið færi fyrir gerð-
ardóm. Þar gerðu báðir aðilar
grein fyrir sjónarmiðum sínum.
Læknamir kröfðust þess að fá
hliðstæðar greiðslur fyrir varð-
stöðuna og tfðkast hjá læknum
í Reykjavík, það er 600 kr. fyrir
nóttina o.s. frv. Rök þeirra voru
að þeir ættu ekki að vera verr
settir en starfsbræður þeirra í
Reykjavík. í Reykjavík væri
læknum auk þess lögð til bifreið
með talstöð og bifreiðastjóra og
Sjúkrasamlagið í Reykjavík ann
aðist fullkomna símaþjónustu
fyrir þá. Læknar í Keflavík yrðu
hins vegar sjálfir að leggja sér
til símaþjónustu og bifreið. Á-
niðsla á heimilium þeirra væri
mjög mikil og símaafgreiðsla
á þessum tímum einnig mikil,
en vegna atvinnuhátta á stöðum
þessum noti mjög margir sér
að hringja til lækna eftir vinnu
tíma til að leita ráða. en fyrir
slíkt komi ekkert gjald frá sjúkl
ingi.
Tryggingarstofnunin fyrir hönd
Sjúkrasamlagsins í Keflavík og
Njarðvík benti á að samsvarandi
greiðslur fyrir varðþjónustu og
í Keflavík væru í gildi í ýmsum
kaupstöðum, svo sem Akranesi,
Hafnarfirði, Akureyri og Vest-
mannaeyjum.
Það var niðurstaða meirihluta
gerðardóms, að greiðslur til
læknanna í Keflavík væri ekki
unnt að miða við skipun þessara
mála í Reykjavík m.a. vegna mik
ils mismunar á fjölda samlags
manna á þessum svæðum, en
Ijóst sé, að í fjölmennu byggð-
arlagi hlýtur erill vakthafandi
læknis að vera mun meiri en í
fámennu byggðarlagi. Auk þess
innir slysavarðstofan i Reykja-
vik mjög mikla þjónustu á þessu
sviði.
Varð það niðurstaða meiri-
hluta gerðrdóms að hæfileg
greiðsla Sjúkrasamlags Keflavík
ur og Njarðvikur til slíkrar varð
þjónustu væri 26 krónur á hvem
samlagsmann sem verið hefur
en til viðbótar þvx 10 krónur fyr
ir hvert bam samlagsmanna,
auk vitjunargjaldsins.
Þessi 10 króna viðbót fyrir
hvert barn mun þýða það að
heildargeriðsla Sjúkrasamlags-
ins í Keflavík og Njarðvík til
þessarar varðþjónustu mun
hækka um ca 30 þúsund krónur
og verða nú nálægt 120 þúsund
krónum á ári.
Úrskurður þessi hefur ekki að
eins þýðingu í Keflavík. Hefði
verið fallizt á kröfur læknanna
þar má búast við að aðrir kaup
staðir hefðu komið á eftir og
kostnaður orðið óbærilegur fyr
ir sjúkrasamlögin á hinum fá-
mennari stöðum, eða hátt upp i
300 þús krónur á hverjum þeim
stað sem vildi halda uppi slíkri
varðþjónustu.
Læknamir telja þessa niður-
stöðu óviðunandi og hafa sem
fyrr segir sagt ákvæðum gerðar
dómsins upp frá næstu áramót-
um.
22 ÞUS. LESTUM MINNI
FISKAFLI EN I FYRRA
— fyrri hluta ársins. Aukinn síldarafli og ntargfaldaður
loðnuafli en stórminnkaður þorskfiskaafli á bátunum
Fiskifélag Islands hefur
gert upp heildarfiskafla lands
manna fyrri heiming þessa
árs og nemur hann 458 þús-
und tonnum. Á sama tíma >
fyrra varð aflinn 480 þúsund
tonn eða 22 þúsunr tonnum
meiri en núna.
Togarafiskur var í þetta sinn
meiri en í fyrra eða 35 þúsund
tonn á móti 33 þúsundum í
fyrra, en bátafiskur var minni í
ár, 423 þúsund tonn á móti 446
þúsund tonnum.
Mun meiri rækja veiddist nú
en f fyrra, eða 0,4 þúsund tonn
á móti 0,1 þúsundi í fyrra. Hum-
arveiðin minnkaði aftur á móti
úr 1,2 þúsund tonnum í 0,9 þús-
und tonn. Loðnuveiðin marg-
faldaðist úr 8,6 þúsund tonna
í 50 þúsxmd tonn og hefur engin
tegxmd aukizt jafn margfalt í
aflamagninu. Síld veiddist meiri
í ^r en í fyrra, eða 163 þúsund
tonn á móti 153 þúsundum tn.
Þorskafli varð hins vegar mun
minni í ár en í fyrra, einkum á
bátunum. — Heildarþorskaflinn
varð 244 þúsund tonn á móti
317 þúsund tonnum og sá hluti
hans, sem kom á bátana, varð
209 þúsund tonn á móti 284
þúsund tonnum í fyrra.
Hvað verkunaraðferðir á
þorskfiskun snertir hefur ísing
aukizt litillega úr 19 þúsund
tonnum upp í 20 þúsund tonn
og frysting minnkað úr 129 þús-
und tonnum í 108 þúsund tonn.
Herzlan stórminnkaði úr 79 þús-
und tonnum í 42 þús. tonn og
söltun minnkaði einnig verul. úr
81 þús. tonni niður í 65 þúsund
tonn. Innanlandsneyzla hélzt
svipuð, var 7 þúsund tonn bæði
árin.
Frysting sildar jókst úr 11
þúsund tonnum upp í 13 þús-
und, söltun úr 3 þúsundum upp
í 6,5 þúiund tonn og bræðsl*,
xlr 147 þúsund tonnum upp i
192 þúsund tonn.