Dagur - 01.11.1997, Page 1

LAUGARDAGUR 1. NÓVEMBER - 207 TÖLUBLAÐ 1997
Útsýnið niður til Seyðisfjarðar frá Fjarðarheiði, þar sem fíiefldur karlmaður taldi sig hafa glímt við draug Þórdísar Þorgeirsdóttur.
Örmagna kona
myrt í hjátrnaræði
Um ALDABIL þorðu menn ekki að ferðast um
óbyggðir af hræðslu við útilegumenn. Það
þótti fífldirfska að fara upp á hálendið, því
þar bjuggu tröllin og útilegumannabyggðir
voru þar í yfirskyggðum dölum. Um þetta
vitna ótal sagnir, sem margir trúðu, enda
urðu fáir til að afsanna þær. Fyrir kom að
smalar og ferðalangar sem leið áttu yfir
heiðar rákust á útilegumenn og þóttust
sumir takast á við þá, en aðrir sögðust
einatt hafa stökkt Qallabúum á brott eða
komist sjálfir naumlega undan áreitni þeir-
ra. Bendir margt til að byggðamenn hafi séð
hvorir til annarra á fáförnum slóðum og
haldið sig sjá útilegumenn eða forynjur. í
stijálbýli og einangrun fyrri tíða kom hið
sanna sjaldnast í ljós og lifandi þjóðsögur
urðu til.
Svipaðar sögur eru sagðar af draugum,
sem magnaðar voru upp í hjátrú og hindur-
vitnum, en bjuggu fyrst og fremst í hugum
manna, en voru utan þess heims sem við
köllum raunveruleika.
Dæmi um hörmulegar afleiðingar hjátrú-
ar er þegar gengið var að örmagna konu
dauðri á Fjarðarheiði fyrir um 200 árum.
Bendir margt til að fílefldur karlmaður hafi
myrt unga konu, Þórdísi Þorgeirsdóttur, í
þeirri trú að hann hafi verið að fást við
draug sem losa þurfti jarðlífið við.
Sögn sú sem hér fer á eftir var rituð af
séra Sigurði Gunnarssjmi á Hallormsstað og
er skrifuð eftir frásögn Þorvaldar þess sem
braut Bjarna-Dísu á bak aftur. Einnig er
stuðst við sögur sem gengu um Fljótsdal af
atburði þessum. Því er bætt við frásögnina
af voðaverkinu, að Þórdís hafi gengið aftur
eftir það og ofsótt þá sem unnu á henni. Má
vel geta sér þess til, að þær draugasögur séu
til komnar til að breiða yfir glæpinn, því
ekkert er líklegra en að einhvern hafi grun-
að hvað fram fór í raun og veru. Frh.á bls. 4