Dagur - 12.12.1997, Side 4

4- FÖSTUDAGUR 12.DESEMBER 1997
FRÉTTIR
í. A
Saga Söliunið-
stöðvarlnnar á bók
Saga Sölumiðstöðvar hraðfrysti-
húsanna er komin út í þremur
bindum en höfundar hennar eru
Olafur Hannibalsson, Hjalti Ein-
arsson og Jón Hjaltason. I fyrsta
bindinu er greint frá þeim u.þ.b.
200 frystihúsum sem starfað hafa
innan vébanda SH. I öðru bindi er
saga SH á Islandi reifuð frá stofn-
un 1942 og þar til það var gert að
hlutafélagi í ársbyrjun 1997. í
þriðja og síðasta bindinu er svo
rakin saga dótturfyrirtækja SH.
Ólafur Hannibalsson, einn þriggja
höfunda Sögu Söiumidstöðvar
hraðfrystihúsanna, afhendir Jóni
Ingvarssyni, stjórnarformanni SH,
eintak af bókinni. - mynd: hilmar
Auka hlutafé í Litháen
Hlutafé í litháíska lyfjafyrirtækinu Ilanta UAB verður aukið um 250
milljónir króna á næstunni, en fyrirtækið er að meirihluta í eigu Is-
lendinga. Samningar um hlutafjáraukninguna eru á lokastigi, en sam-
kvæmt þeim leggja sænskir hluthafar fram 122 milljónir, en íslenskir
hluthafar 60 milljónir með yfirtöku á láni sem þeir eru þegar í ábyrgð
fyrir. Sjötíu milljónir verða boðnar fjárfestum og hefur Iðnþróunar-
sjóður skrifað sig fyrir helmingi þeirrar fjárhæðar.
Hlutur Lyfjaverslunar íslands í aukningunni er 25 milljónir og
lækkar eignarhlutur hennar úr tæpum 35% í 18%.
Tap hefur verið á rekstri litháíska lyfjafyrirtækisins frá upphafi
1996 og skýrist aðallega af því að stjórnvöld í Litháen stóðu ekki við
gerða samninga um löggildingu gæðastaðla í lyfjaiðnaði, að því er seg-
ir í fréttatilkynningu frá Lyfjaverslun.
Þurfa ekki að skipta um númer
Dómsmálaráðherra hefur ákveðið að eigendur öku-
tækja með eldri skráningarnúmer þurfi ekki að
skipta yfir í nýju númerin.
Samkvæmt reglugerð frá í febrúar áttu öll ökutæki
að vera komin með nýju númerin í lok næsta árs.
Það hefði þýtt að eigendur 50 þúsund ökutækja
hefðu orðið að skipta um númer með tilheyrandi
kostnaði. Tveir þingmenn Sjálfstæðisflokksins lögðu
í haust fram þingsályktun um endurskoðun reglu-
gerðarinnar og bentu m.a. á að það myndi kosta bíl-
eigendurna a.m.k. 130 milljónir króna.
Þingsályktunin hefur ekki verið afgreidd en dóms-
málaráðherra eigi að síður ákveðið að afnema þetta umdeilda ákvæði
reglugerðarinnar og gamlir bílar geta eftir sem áður keyrt um með
gömul númer.
Læknir sýknaður í fóstureyðingar-
máli
Hæstiréttur hefur sýknað lækni, sem ákæruvaldið sakaði um að hafa
framkvæmt ólöglega fóstureyðingu. Hæstiréttur staðfestir þar sýknu-
dóm undirréttar. Viðkomandi kona hafði fengið synjun úrskurðar-
nefndar á Landspítala um fóstureyðingu, en hún bar við að óvissa
ríkti um faðernið og að félagslegar aðstæður væru henni erfiðar.
Félagsráðgjafi vildi heimila fóstureyðinguna, en læknir ekki þar
sem komið var framyfir 12. viku meðgöngu. Læknir á Akranesi sam-
þykkti að framkvæma aðgerðina þótt meðgangan væri komin yfir 14
vikur. Hæstiréttur taldi að lagaákvæði um meðgöngutímann væru
óljós og því ekki unnt að leggja refsiábyrgð á lækninn.
Flugumferdarstjóri fær ekki bætur
Hæstiréttur hefur sýknað ríkið af kröfum þriggja flugumferðarstjóra,
sem vildu fá bætur vegna uppsagnar. Farið var fram á háar bætur, t.d.
tæpar 18 milljónir króna í einu málinu.
Flugumferðarstjórunum var sagt upp í ljósi reglna um lækkun ald-
urshámarks flugumferðarstjóra í 60 ár með takmörkuðum heimildum
til framlengingar. Félag flugumferðarstjóra hafði barist fyrir því að fé-
lagsmenn fengju að hætta störfum fyrr en aðrar stéttir og samþykkti
reglugerðina með fyrirvara um að tekjuskerðing yrði bætt. Hæstirétt-
ur taldi hins vegar að ekkert í kjarasamningum kvæði á um slíkar bæt-
ur og í reglugerð kveðið á um sérstaka útreikningsaðferð fremur en
einstaklingsbundna samninga.
Sýknaður af ákæru um skjalafals
Fyrrum veitingamaður hefur verið sýknaður af ákæru um skjalafals,
en hann var sakaður um að hafa komist yfir og falsað tékka upp á
hálfa milljón króna.
Maðurinn framseldi tékkann í Múlaútibúi Landsbankans, en tékk-
inn var gefinn út af Rafveitu Hafnarljarðar til handa Wvs verkfræði-
þjónustunni. Hann lagði 400 þúsund inn á reikning sinn, en fékk af-
ganginn í peningum. Framsal verkfræðiþjónustunnar reyndist falsað
og þegar hinn ákærði var yfirheyrður bar hann að hafa fengið tékk-
ann sem greiðslu fyrir sölu á húsbúnaði og áhöldum til veitingarekst-
urs. Hann hafi fengið tékkann þannig með framsali, frá manni sem
hann þekkir ekki. Þessi framburður var ekki rannsakaður frekar og
þótt rithandarsérfræðingur RLR teldi miklar líkur á að hinn ákærði
hefði framselt tékkann taldi dómarinn ekki nægilega mikið fram kom-
ið til að sakfella hinn ákærða. Hann taldi söguna um söluna á veit-
ingabúnaði ekki trúverðuga.
Sameinaðar útgerðir á Höfn eru taidar sterkari en sitt í hvoru iagi. - mynd: gs
Útgerðir á Höfn
að sameinast
Allt bendir til þess að
fiiiiin homfirskar út-
gerðir sameinist uin
áramótin uiidir nafni
Borgeyjar hf.
Þetta eru Borgey hf. sem gerir út
Hvanney SF-51 og Húnaröst
SF-550, sem raunar hefur verið
gerð út af dótturfyrirtæki
Borgeyjar til þessa, Garðey SF-
22 sem Agúst Þorbjörnsson ger-
ir út, Melavík SF-34 sem Guð-
jón Þorbjörnsson gerir út og
Garðar II SF-164 semAxelJóns-
son gerir út. Rætt var um að
sjötta skipið, Skinney SF-30,
væri einnig með í sameiningar-
pottinum, en það mun ekki vera.
Auk útgerðar rekur Borgey salt-
fiskverkun, frystingu og síldar-
verkun og þannig mun hráefnis-
öflun fyrirtækisins styrkjast til
muna.
Kvóti Borgeyjar frá næstu ára-
mótum verður 5.218,814
þorskígildistonn, mestur hjá
Hvanney SF, eða 1.766,778
tonn, en minnstur hjá Garðari
II, 266,481 þorskígildistonn.
Halldór Árnason, fram-
kvæmdastjóri Borgeyjar, segir
ástæðu þess að verið sé að sam-
eina þessar hornfirsku útgerðir
að þær verði sterkari saman en
sitt í hvoru lagi, svipað og í sveit-
arstjórnarmálunum.
„Rekstur þessara útgerða
gengur mjög vel í dag og því er
þessi sameining auðveldari en ef
einhver þeirra ætti í fjárhagserf-
iðleikum. Það á heldur ekki að
sameinast vegna erfiðleika í
rekstri heldur til að verða sterk-
ari eining á markaðnum," segir
Halldór Árnason. — GG
Samstarf við
Japana æskilegt
Steingrímur J. Sigfússon, formaður sjávarútvegsnefndar, segir nýjustu tiðindi af tún-
fiskveiðum Japana góðar fréttir.
Formaður sjávarút-
vegsnefndar telur litl-
ar líkur á gullæði í
kringum túnfiskveið-
ar en mælir með sam-
starfi við japönsk fyr-
irtæki til að hyrja
með.
„Þessar góðu fréttir hljóta að ýta
undir að menn reyni enn frekar
fyrir sér. Nú er einhver þekking
að koma inn í landið með veru
eftirlitsmannanna um borð og
það var jú einmitt öðrum þræði
tilgangurinn með þvf að leyfa
Japönum að veiða túnfisk hér í
landhelginni. E.t.v. er þetta
ódýrasta Ieiðin til að öðlast
nauðsynlegar upplýsingar,“ segir
Steingrímur J. Sigfússon, for-
maður sjávarútvegsnefndar Al-
þingis, vegna frétta af mokveiði
Japana í nóvember.
Eins og fram kom í Degi í gær
skýrði íslenskur eftirlitsmaður
frá því að japanskt skip sem
hann var á, hefði veitt túnfisk
fyrir 150 milljónir ísl. króna á 57
dögum. Steingrímur vonast til að
íslenskir útvegsmenn hafi sjálfir
frumkvæði að næstu skrefum og
hann finnur fyrir vaxandi áhuga.
„Best væri til að byrja með að ná
einhverju samstarfi við Japana á
fyrirtækjagrundvelli í þessum
efnum.“
En er einhver hætta á gullæði
Iíkt og í ígulkeraæðinu sem nú er
lokið. „Það held ég ekki. Þetta
eru mjög sérhæfðar veiðar og
þessar ferðir yrðu ekki strax til
fjár en möguleikarnir eru aug-
ljóslega miklir. Þjóðhagslega er
hins vegar mjög mikilvægt fyrir
Islendinga að fara af stað og leita
sér aflareynslu til að við getum
orðið fullgildir aðilar að nýtingu
þessa flökkustofns,“ segir Stein-
grímur J. Sigfússon. — BÞ