Dagur - 09.05.1998, Blaðsíða 4

4 -LAUGARDAGUR 9. MAÍ 1998
Mótmæli vegna hálendis
Táknræn mótmæli verða við Kjarvalsstaði í dag til að leggja áherslu
á áskoranir til stjórnvalda um að fresta afgreiðslu á frumvarpi ríkis-
stjórnarinnar sem varðar stjórnsýslu á hálendinu. Listamenn og
fræðimenn koma saman og flytja dagskrá um hálendið. Dagskráin
hefst kl. 15:30.
„Höfum ekkert að fela“
Formenn hrossaræktarsamtaka á Norður- og Austurlandi hafa farið
fram á opinbera rannsókn á því hvernig hrossasóttin komst norður í
Skagafjörð og vilja atbeina lögreglunnar í málinu. Asta Sigurbjörns-
dóttir á Flugumýri í Skagafirði telur að tíðar gestakomur í hesthús
tengdasonar síns, Páls Bjarka Pálssonar, séu valdur að smitinu. Hún
vísar því alfarið á bug að hross hafi vísvitandi verið smituð.
„Hér hafa menn ekkert að fela. Enginn af bænum hefur farið á sýkt
svæði nema einu sinni á jarðarför til Reykjavíkur. Hingað hafa hins
vegar komið margir gestir og þá sérstaklega í hesthús tengdasonar
míns. Ég get ekki séð annað en að smitið hafi borist með einhverjum
gesti,“ segir Asta. — BÞ
ro^ir
FRÉTTIR
KísiHdjan við Mývatn nýtur stuðnings meirihluta heimamanna.
Georg lögreglustjóri
Dómsmálaráðherra hefur sett Georg Kr. Lárus-
son varalögreglustjóra til að gegna störfum lög-
reglustjórans í Reykjavík í veikindaleyfi Böðvar
Bragasonar frá og með deginum í dag og til 15.
nóvember.
Georg tók við embætti varalögreglustjóra fyrir
nokkrum dögum en var áður sýslumaður í Vest-
mannaeyjum. Hann sagði ( viðtali við Dag þeg-
ar hann tók við að brýnasta verkefni sitt væri að
bæta ímynd lögreglunnar. Hún hefur beðið
nokkurn hnekki eftir að uppvíst var um mál sem
týndust og að fíkniefni sem lagt hafði verið hald
á fundust ekki vörslu lögreglunnar. I skýrslu Ragnars Hall um týndu
fíkniefnin er bent á að ábyrgðin í því máli hljóti að vera Böðvars
Bragasonar en dómsmálaráðherra hefur ekki tekið ákvörðun um
hvemig brugðist verði við þeirri niðurstöðu.
Bætur stéttarfélaga óháðar
tryggiiigabótum
Hæstiréttur hefur kveðið upp þann dóm að bætur tryggingafélags
vegna slyss geti ekki lækkað á þeim forsendum að hinn slasaði hafi
fengið bætur úr Iífeyrissjóðum og sjúkrasjóði stéttarfélaga. Með
dómnum var Tryggingamiðstöðinni gert að greiða einstaklingi 2,2
milljónir króna auk dráttarvaxta.
Einstaklingurinn í málinu slasaðist í bílveltu og hafði Trygginga-
miðstöðin samið við hann og greitt honum bætur, en vildi draga frá
greiðslur sem maðurinn hafði fengið úr þremur Iífe)TÍssjóðum og
sjúkrasjóði stéttarfélags. Hæstiréttur snéri úrskurði undirréttar við,
en í Héraðsdómi Reykjavíkur hafði Tryggingamiðstöðin verið sýknuð.
- FÞG
Þóruirn Bergsdóttir skóla-
stjóri Luudarskóla
Bæjarstjórn Akureyrar hefur samþykkt að ráða
Þórunni Bergsdóttur, skólastjóra á Dalvík,
skólastjóra Lundarskóla á Akureyri að fengnu
samhljóða áliti skólanefndar 4. maí sl. Jón Ingi
Cæsarsson (A) óskaði að bókað yrði að hann
teldi Þórunni Bergsdóttur og Sigmar Olafsson
jafn hæf en með tilliti til jafnréttisstefnu Akur-
eyrarbæjar og umsagnar kennararáðs mæli hann
með ráðningu Þórunnar. Ráðningu skólastjóra
Brekkuskóla var frestað. Ein umsókn barst, frá
núverandi skólastjóra Sveinbirni Njálssyni, sem vill að jafnframt
verði gerður við hann sérstakur samningur.
Göngu- og hjólreiðastígar í Kjama
Bygginganefnd hefur falið byggingafulitrúa í samráði við skipulags-
deild og umhverfisdeild að hefja undirbúning að lagningu göngu- og
hjólreiðasti'gs milli lóðar Verkmenntaskólans og útivistarsvæðisins í
Kjarnaskógi. Útivistarsvæðið í Kjarnaskógi er mjög vinsælt sumar
sem vetur. Þangað kemur fólk sem vill njóta útiveru og hreyfingar í
fallegu og notalegu umhverfi. Aðkoma að svæðinu að norðan er hins
vegar óviðunandi nema fyrir akandi gesti.
Mývetningar
styoja Kísiliðju
Heimafólk gerir könn-
un í Mývatnssveit uin
viðhorf til Kísiliðju.
Iðnaðarráðherra kraf-
inn svara.
Sigfríður Steingrímsdóttir og
Gunnar Ellertsson, íbúar í
Reykjahlíð í Mý\'atnssveit, eru
frumkvöðlar að undirskriftalista
sem farið hefur inn á hvert heim-
ili í Mývatnssveit til stuðnings
Kísiliðjunni. Samkvæmt örugg-
um heimildum Dags er niður-
staða fengin og eru 60% heima-
manna á kosningaaldri fylgjandi
því að Kísiliðjan verði starfrækt
áfram. 1 næstu viku gera þeir
sem að listanum standa ráð fyrir
að afhenda iðnaðarráðherra
hann og biðja um upplýsingar
um framtíð verksmiðjunnar.
Sigfríður vildi ekki staðfesta
þetta hlutfall og vildi lítið tjá sig
um málið áður en hún næði eyr-
um iðnaðarráðherra. Hún sagði
þó að hugmyndin hefði kviknað
við eldhúsborðið eftir að ráð-
herra hafði lýst eftir vilja heima-
manna. „Við viljum fá á hreint
hvað á að gera. Fáum við að vera
hér áfram eða á að koma okkur í
burtu? Auðvitað vilja flestir að
Kísiliðjan starfi áfram, en fyrst
og fremst verðum við að létta á
þessari óvissu," sagði Sigfríður.
308 manns eru á kjörskrá og ját-
aði Sigbjörn Gunnarsson, sveit-
arstjóri f Mývatnssveit, því að
hann væri einn þeirra sem hefðu
ritað nafn sitt á listann.
Samkvæmt heimildum Dags
gengur svipaður listi nú á Húsa-
vík, enda eru hagsmunir þar
mjög miklir vegna starfrækslu
verksmiðjunnar. — bþ
Ingólfnr fékk
hærri sekt en Esra
Dómur falliim vegna
Sálumessu syndar-
anna.
Esra Pétursson læknir og Ingólf-
ur Margeirsson rithöfundur voru
í gær dæmdir til fésekta í Hér-
aðsdómi Reykjavíkur, en þeir
voru fundnir sekir um að hafa
brotið gegn friðhelgi einkalífs og
Esra fyrir brot gegn þagnarskyldu
lækna. Vegna þessara brota við
útgáfu bókarinnar „Sálumessa
syndara" fékk Ingólfur 450 þús-
und króna sekt, en Esra 350 þús-
und króna sekt.
Athygli vekur að sektin skuli
vera hærri hjá Ingólfi en hjá
Esra, en fram kemur að fjölskip-
aður dómurinn hafi metið það til
þyngingar hjá Ingólfi „að hann
gerði sér grein fyrir því að brot
hans gæti raskað tilfinningum
barna Áslaugar Jónsdóttur".
Dómararnir töldu að brot
ákærðu gegn persónufriði og
einkalífi Áslaugar heitinnar Jóns-
dóttur væri „stórfellt og siðferðis-
lega mjög ámælisvert. Þá er á
það að líta að brotið er framið í
tengslum við útgáfu bókar sem
ætla verður að varðveitist lengi“.
I dómnum kemur fram sá vitnis-
burður Ingólfs að þeir Esra hafi
ekki beinlínis grætt á útgáfu bók-
arinnar, því síðast er Ingólfur
hefði vitað til hafi tapast 700
þúsund krónur á bókinni. - FÞG
Yfirlýsing frá Matthíasi
Degi barst í gær eftirfarandi yfirlýsing frá
Matthíasi Jóhannessen, ritstjóra Morgunblaðs-
ins, undir heitinu „Klámhögg":
„í Degi í dag er reynt að gera mig tortryggileg-
an með því að benda á að ég hafi veitt með
Sverri Hermannssyni í Hrútafjarðará og gefið í
skyn að ég hafi verið þar boðsgestur. Af því til-
efni skal það upplýst að ég hef veitt í Hrútu und-
ir lok veiðitímans en aldrei f boði eins eða neins
eða á annarra kostnað. Ég hef ævinlega greitt 'W"'
mín veiðileyfi þar og uppihald úr eigin vasa.“ ritstjriri—orgun a sins.
90 mHljóiiir í Nýja bíó
Ein tillaga hóps fjárfesta sem
keypt hafa Nýja bíó á Akureyri
gerir ráð fyrir að allt að 90 millj-
ónum króna verði varið í upp-
byggingu á húsinu. Þetta segir
Haukur Grettisson, einn fimm
aðila sem standa að kaupunum,
en hann ítrekar þó að ýmsar
áætlanir séu uppi á borðinu.
Nýja bíó hefur staðið ónotað
frá því að það brann í september
árið 1996. Húsið var reist árið
1929 og setur mikinn svip á
miðbæ Akureyrar. Fjárfestarnir,
sem eru bæði frá Reykjavík og
Akureyri, hyggjast nýta húsið
sem kvikmyndahús eins og hlut-
verk þess var áratugum saman,
en þeir sjá einnig fyrir sér ráð-
stefnuhald í húsinu. Eitt bíó er
fyrir á Akureyri með tveimur söl-
um, Borgarbíó. Nýja bíó þjónaði
hlutverki skemmtistaðar síðustu
árin sem það var notað.
- BÞ