Dagur - 26.09.1998, Blaðsíða 5

Xfc^MT
LAUGARDAGUR 26.SEPTEMBER 1998 - S
Skerðing
afniunin
FRÉTTIR
Risaslagur um efsta
sætið á D-listanum
Það stefnir í harðan
slag í prófkjöri Sjálf-
stæðisflokksins í
Reykjanesi um efsta
sæti listans milli
þriggja frambjóðenda,
sem allir teljast
þungavigtarmenn.
Gríðarleg átök og mikil áróð-
ursvinna er nú í gangi varðandi
komandi prófkjör Sjálfstæðis-
flokksins í Reykjanesi. Sannkall-
aður risaslagur er framundan
um efsta sæti listans sem þrír
frambjóðendur hafa lýst yfir að
þeir sækist eftir. Það eru þau
Arni Mathiesen alþingismaður,
sem nú skipar 2. sæti listans,
Sigríður Anna Þórðardóttir, sem
skipar nú 3. sætið og Gunnar
Birgisson, bæjarfulltrúi og Ieið-
togi sjálfstæðismanna í Kópa-
vogi.
Eins og málin standa í dag er
talið að Arni Mathiesen standi
sterkast að vígi í þessari fyrsta-
sætisbaráttu. Þeir Mathiesenar
eru firna sterkir í flokknum í
Reykjaneskjördæmi og þá alveg
sérstaklega í Hafnarfirði.
Sigríður Anna Þórðardóttir er
formaður þingflokks Sjálfstæðis-
flokksins, sem styrkir hana mjög
£ þessum slag auk þess sem
margir vilja auka hlut kvenna í
kjördæminu og flokknum. Sig-
ríður Anna er einn af þeim þing-
mönnum sem ekki hefur sig svo
mjög í frammi í umræðum en
vinnur þeim mun betur í nefnd-
um og að öðrum mikilvægum
störfum sem alþingismenn þurfa
að vinna. Hún mun því ógna
veldi Mathiesenanna.
Umdeildur maður
Gunnar Birgisson er maður
þeirrar gerðar að vera ævinlega
umdeildur. Hann er einn af þeim
sem menn eru annað hvort með
eða á móti. Hann hefur verið
óskoraður foringi sjálfstæðis-
manna í Kópavogi undanfarin ár
og er sagður eiga mestan þátt í
velgengni flokksins þar í bæ.
Hann mun hafa sagst ætla að
starfa áfram í bæjarmálunum
Árni R Árnason, sem skipar 4. sæti
listans, hefur á brattan að sæk/a í
þessu prófkjöri.
fyrir bæjarstjórnarkosningarnar í
vor. Þess vegna þykir sumum
sjálfstæðismönnum í Kópavogi
sem hann sé að svíkja þá með því
að ætla á þing. Þetta gæti kostað
hann þó nokkuð fylgi f prófkjör-
inu en hann sækir trauðla fylgi
til annarra staða en Kópavogs í
því.
Kristján á siglingu
Kristján Pálsson, sem skipar 5.
sæti listans, hefur lýst því yfir að
hann gefi kost á sér í 2. sætið.
Atök þremenninganna um efsta
sætið gætu hæglega orðið til
þess að hann nái öðru sætinu.
Kristján hefur vaxið mjög sem al-
þingismaður og er óskoraður for-
ingi sjálfstæðismanna á Suður-
nesjum í landsmálunum. Hann
hefur unnið vel fyrir kjördæmið
og þá alveg sérstaklega í sjávarút-
vegsmálum.
Arni R. Arnason, sem skipar 4.
sæti listans, hefur á brattan að
sækja í þessu prófkjöri. Hann bjó
áður á Suðurnesjum en fluttist
fyrir fimm árum í Kópavog. Það
mislíkaði Suðurnesjamönnum
og hafa þeir ekki fyrirgefið hon-
um það enn. Og einhverra hluta
vegna líta sjálfstæðismenn í
Kópavogi ekki á hann sem sinn
mann. Því er hætt við að róður
hans verði þungur í prófkjörinu.
Alla vega er ljóst að prófkjörið
verður jafnt og spennandi að
þessu sinni. - S.DÓR
Heilbrigðisráð-
herra, Ingibjörg
Pálmadóttir, boð-
aði umbætur í mál-
efnum öryrkja á
fundi Trygginga-
stofnunar í gær.
Oryrkjar hafa sem
kunnugt er meðal
annars kvartað mjög undan því
að örorkubætur þeirra skerðist
vegna tengingar bótanna við tekj-
ur maka þeirra. Ingibjörg sagði
áformað að þessi tekjutenging
yrði felld niður í áföngum - og
fyrsti áfanginn á þeirri leið yrði
stiginn á næsta þingi.
Ráðherra segir almannatrygg-
ingalöggjöf nú í endurskoðun
víðast hvar í heiminum. Sagðist
hún fyrir löngu hafa skipað nefnd
um endurskoðun almannatrygg-
ingakerfisins á Islandi, en sú
nefnd hefði enn ekki skilað af sér.
I Iok ræðu sinnar drap Ingi-
björg á það hvernig Hlemmtorg
tengdi saman flesta þætti ís-
lenska heilbrigðis- og trygginga-
kerfisins. Þar væri að finna á ein-
um stað Landlækni, heilbrigðis-
ráðuneytið og Tryggingastofnun
og líka marga smæstu bræðurna í
hópi skjólstæðinga stofnunarinn-
ar. A leið til vinnu sinnar síðari
hluta mánaðarins væri ekki ótítt
að hún heyrði kallað: „Inga mín,
áttu ekki fyrir einu sprittglasi
handa mér.“
Ingibjörg.
Samtylkmgiii og auðlínda-
málin efst á blaoi Sighvats
t opniuiarræðu 49.
flokksþings Alþýðu-
fLokksins lagði Sig-
hvatur Björgvinsson
áherslu á samfylking-
armálin og sagði að
skörpustu pólitísku
skilin í dag væru auð-
lindamálin.
Draumurinn um stóra jafnaðar-
mannaflokkinn er að rætast,
sagði Sighvatur Björgvinsson
formaður Alþýðuflokksins við
opnun 49. flokksþings krata í
gær. Hann greindi frá því að nú
væri verið að vinna upp úr mál-
efnaskrá samfylkingarinnar verk-
efnaskrá til næstu fjögurra ára
og notaði tækifærið til að undir-
strika að í málefnaskránni væri
„ekki stakt orð um uppsögn
varnarsamningsins" við Banda-
ríkin eða „yfirlýsingar um brott-
för hersins heldur eingöngu bent
á blákaldar staðreyndir, sem sér-
hver íslensk ríkisstjórn verður að
bregðast við.“
Sighvatur hvatti flokksmenn
til að sýna samstöðu, en láta af
átökum, sundrungu og sundur-
þykkju. „Það er óneitanlega mik-
ilsvert í pólitísku starfi, að þeir,
sem fara fyrir flokki finni, að þeir
séu að gera það, sem flokkurinn
vill og að flokksmenn standi að
baki þeim eins og samhent sveit
sem stefnir að einu marki. Þessa
gjöf hefur Aiþýðuflokkurinn ver-
ið spar á að gefa forystumönnum
sínum,“ sagði Sighvatur.
I innanlandsmálum lagði Sig-
hvatur annars mestu áhersluna á
auðlindamálin, en átökin um
þau muna að mati hans skörp-
ustu skilin milli Sjálfstæðis-
flokksins og jafnaðarmanna í
dag. Þar verði í öllum atriðum að
setja almannahag ofar sérhags-
munum. -FÞG
Eruin ekki vondu kallamir
Friðrik Friðriksson sem stýrir
breiðbandsdeild Landssímans
hræðist ekki málsókn af hálfu
Barnarásarinnar og Viacom.
Hann segir Landssímann á eng-
an hátt hafa brotið gegn samn-
ingsákvæðum. Breiðbandið þurfi
sinn tíma til að fá útbreiðslu og
það liggi ekki fyrir fyrr en um
næstu áramót hver fjöldi teng-
inga sé orðinn. Þá vísar Friðrik
því á bug að markaðssetningu
breiðbandsins hafi verið ábóta-
vant.
í Degi í gær kom fram að rekst-
ur Barnarásarinnar er að hruni
kominn og sakaði framkvæmda-
stjóri stöðvarinnar Landssímann
um samningsrof. Efninu er dreift
um breiðband Landssímans, en
Friðrik telur ástæður erfiðleik-
anna aðrar en þær að hægt sé að
kenna Landssímanum um. „Er
það fyrirhyggja að leggja af stað
með sjónvarpsstöð 1. maí og
þurfa á skyndilegum árangri að
haida á aðeins þremum mánuð-
um. Eg veit ekki til að nein sjón-
varpsstöð hafi verið hugsuð
þannig. Það er hvorki komin
reynsla á breiðbandið né
Barnarásina, menn þurfa að leg-
gja upp með eitthvað í höndun-
um. Við erum ekki vondu kall-
arnir í þessu rnáli," segir Friðrik.
- BÞ
Mývetmngar mót-
mæla
Sveitarstjórn Skútustaðahrepps
hefur sent forsætisráðherra, Davíð
Oddssyni, harðorða ályktun vegna
afskiptaleysis stjórnvalda af fram-
gangi Kísiliðjunnar. Ríkið á 51%
hlut í Kísiliðjunni og byggir fjöldi
íbúa í S-Þingeyjarsýslu afkomu
sína á starfsemi verksmiðjunnar.
Langlundargeð íbúa er á þrotum. Þeir vilja svör um framtíðina og vill
sveitarstjórn að Kísiliðjunni verði tryggt áframhaldandi starfsleyii og
víðtækari heimildir til töku kísilgúrs.
Innan fárra ára verður hráefni uppurið á því svæði í Mývatni sem
Kísiliðjan hefur vinnsluleyfi á. I ályktun sveitarstjórnar segir að á 30
ára starfstíma hafi vinnsla aðeins átt sér stað á um 7-8% þess svæð-
is sem talið er vinnanlegt í vatninu. Sveitarstjóm átelur jafnframt að
rúmt ár sé síðan framkvæmdastjóri fyrirtækisins lét af störfum.
Endalaust hafi dregist að skipa nýjan stjóra og við það verði ekki
unað. — BÞ
Snjóflóðagarður vígður
Snjóvamargarðurinn sem hefur verið í byggingu ofan byggðarinnar á
Flateyri var formlega vígður í gær af umhverfisráðherra, Guðmundi
Bjamasyni. Sóknarpresturinn, sr. Gunnar Björnsson í Holti í Önund-
arfirði, blessaði síðan mannvirkið. — GG
Helmingur nýrra öryrkja verið
atvinnulaus
Samkvæmt rannsókn á félagslegum aðstæðum örorkubótaþega, sem
unnin var á vegum Sigurðar Thorlacius tryggingayfirlæknis, hefur
nær helmingur þeirra sem koma nýir inn í örorkubótakerfið verið at-
vinnulaus í einhvern tíma nokkur ár á undan. Mikið samspil virðist
ríkja í aðgengi að hinum ýmsu þáttum velferðarkerfisins á Islandi.
Auk þess sem stór hluti „nýrra“ öryrkja hefur verið á atvinnuleysis-
bótum þá sýndi rannsóknin að 21,3% öryrkjanna höfðu á síðustu 5
árum þegið fjárhagsaðstoð frá félagsmálastofnunum. 63% svöruðu
því til að þeir treystu sér ekki til að vinna á þeim tímapunkti sem
spurt var, en 33% treystu sér til þess og þá aðallega létt störf. 55% að-
spurðra höfðu aðeins lokið skyldunámi. A Islandi er örorka marktækt
algengari á höfuðborgarsvæðinu en á landsbyggðinni og meðal
kvenna en karla. Ungir öryrkjar eru hlutfallslega fleiri hér á landi en
á hinum Norðurlöndunum og sagði Sigurður Thorlacius á ársfundi
Tryggingastofnunar í gær að þeirri kenningu hefði verið fleygt fram
að þetta stafaði e.t.v. af því að á Islandi væri enginn her. - fþg
Kísiliðjan við Mývatn.