Dagur - 03.10.1998, Qupperneq 6

I
Í.Í. - V «! v j *| í í' (I'l )in f V! \3 '•! O '•> K i> <1 ^
22 - LAUGARDAGUK 3 . OKTÓBER 19 9 8
LÍFIÐ í LANDINU

Menn verða
að þola gagnrýni
Kristinn H. Gunnarsson, þingmaður
Alþýðubandalags, hejurgagnrýnt
málefnasamning samfylkingarsinna
ogfyrirvikið hlotið ákúrurnokkurra
félaga sinna. í viðtali við Dag ræðir
Kristinn um viðkvæma vinstri
menn, samfylkingar- og sameiningaráform og
nauðsyn þess að menn fylgi sannfæringu sinni.
Kolbrún
Bergþórs-
dóttir
SKRIFAR
- Er það ekki rétt hjú mér að þú
sért kominn af sjálfstæðisfólki? •
„I föðurætt er ég kominn af
miklu sjálfstæðisfólki langt aftur
í ættir en móðir mín er hins veg-
ar af alþýðuflokksfólki. Ég hef
grun um að afar mfnir hafi báðir
tekið þátt í Gúttóslagnum en
hvor var í sínu liði. Systkini mín
eru mörg áhugasöm um pólitík
og þar má finna margar skoðan-
ir.
Foreldrar mínir kusu sitt en
ræddu ekki mikið um pólitík og
þegar ég fór að mynda mér
pólitískar skoðanir var það ekk-
ert vandamál á heimilinu. Fyrri
hluta árs ‘78 fór ég fyrst að velta
fyrir mér pólitík fyrir alvöru og
fylgdi þeim sjónarmiðum sem
Alþýðubandalagið talaði þá fyrir
í aðdraganda kosninga. Eg flutt-
ist síðan til Bolungarvíkur og var
drifinn inn í hóp sem var að
stofna alþýðubandalagsfélag á
staðnum. Það var upphafið að
mínu pólitíska starfi."
- Ég hef heyrt að þú hafir um
tíma gengið undir nafninu Kiddi
sleggja, afhverju?
„I menntaskóla lék ég hand-
bolta með Val. Ég þótti nokkuð
skotfastur og mönnum þótti
vont að verða fyrir þeim skoturn.
Þannig festist þetta nafn við
mig. Menn sem voru á sveimi á
vinstri vængnum í menntaskól-
anum og eru enn í pólitíkinni
muna eftir þessu nafni. Má þar
meðal annars nefna Ossur
Skarphéðinsson."
- Nú settist þú « þing í fyrsta
sinn árið 1991. Varstu fullur
lotningar eða hara forvitni?
„Ég var nú aðallega skjálfandi
á beinunum. Ég er í eðli mínu
frekar feiminn og glími við tölu-
verðan sviðsskrekk. Alltaf þegar
ég hef þurft að koma fram hefur
mig kviðið fyrir því, með örfáum
undantekningum þegar ég er
sérlega vel stemmdur. Þarna
kom ég vestan af fjörðum inn á
þing og var satt að segja mjög
óöruggur, svo ekki sé fastar að
orði kveðið. En ég ákvað að
henda mér út f þetta og náði
sjálfstraustinu tiltölulega fljótt."
- Hvernig leið þér þegar þú
fluttir fyrstu ræðuna?
„Ég skalf eins og hrísla. Fyrsta
þing mitt var vorþingið 1991
sem stóð stutt og ég hafði ekki
kjark til að fara í ræðustól. Þeg-
ar komið var fram á síðasta dag
þinghaldsins fór fram umræða
um húsnæðismál sem ég hafði
talsverða þekkingu á, þannig að
ég hugsaði með mér að best
væri að nota þetta tækifæri til
að bijóta ísinn og láta ekki þing-
ið líða án þess að taka til máls.
Og ég gerði það. En ég er löngu
búinn að gleyma ræðunni."
- Nií vita allir að þú vinnur vel
í þinginu en heldur þig þó nokk-
uð til hlés. Er það vegna feimni?
„Ætli það ekki. Þótt menn trúi
því kannski ekki þá er ég ekki
mikið fyrir að vera í sviðsljósinu.
Ég vil vinna störf mín vel og
standa mig þar sem ég á að vera.
Það er mér nóg. Ég veit Iíka að
þegar menn vinna vel spyrst það
út, maður þarf ekki að vera með
neina flugeldasýningu.“
- Gengurðu ekki með ráðherra
í maganum?
„Ég myndi taka þvf embætti ef
mér byðist það en ég er ekki fík-
inn í það. Mér finnst þingið vera
merkileg stofnun og það þarf að
auka styrk þess gagnvart ráð-
herrum og framkvæmdavaldi.
Það verður ekki gert nema þing-
menn velji þingið umfram ráð-
herrastólana og til þess þarf að
bæta kjör þingmanna. Launin
eru góð miðað við verkamanna-
laun en miðað við meðaltekjur
heimilanna eru þau ekki sérlega
góð og ef þingmenn færa sig yfir
í önnur störf hækka laun þeirra
um helming. Hættan er sú að
hæfustu þingmennirnir snúi sér
að öðrum störfum. Það má ekki
verða atgervisflótti úr þingsöl-
um.“
- En er þessi hága launastaða
ekki ykkur að kenna, þið hafið
látið undan nöldri þeirra sem
segja að þið hafið það svo ógur-
lega gott?
„Þessi staða er alfarið okkur
að kenna. Valdið til að breyta
þessu Iiggur hjá þinginu og
breytingin hefur ekki verið gerð
vegna þess að menn hafa ekki
verið samstiga um það.“