Dagur - 27.01.1999, Page 2

18 - MIÐVIKUDAGUR 27. JANÚAR 1999

LÍFIÐ í LANDINU
L.
■ SMflTT OG STÓRT
UMSJÓN:
BJÖRN
ÞORLÁKSSON
Steinn Ármann
Magnússon.
Salómonsdómur?
Ein sérstæðasta deila síðari vikna er hvernig
Iakkrísgerð hefur orðið bitbein á Akureyri.
Listamenn hafa mótmælt harðlega hugmynd-
um um að lakkrísgerðin Skuggi fái húsnæðið í
Listagilinu þar sem brauðgerð KEA var áður
til húsa. Þeir telja óveijandi að lakkríslyktin
skyggi á listina og vilja allan iðnað burt úr
hverfinu eins og bæjaryfirvöld hafa reyndar
stefnt að. Listamennirnir vilja ólmir fá brauð-
gerðarhúsnæðið undir eigin listastarfsemi, en
óvíst er hvort þeim verður að ósk sinni. Krist-
ján Þór Júlíusson bæjarstjóri mun taka ákvörð-
un innan skamms, en einhver hvíslaði því að
S&s að ákvörðun lægi í raun fyrir. Góðu frétt-
irnar fyrir listamennina en vondu fyrir Skugga,
væru að lakkrísgerðin fengi ekki inni, enda
telji menn að vistaskiptin ein og sér dugi ekki
til að leysa vanda fyrirtækisins. Vondu fréttirn-
ar fyrir artistana eru hins vegar þær að þeir
munu ekki fá ádrátt um afnot heldur verður
húsnæðið auglýst opinberlega til leigu. Ef
þetta gengur eftir tala menn um n.k.
salómonsdóm bæjarstjórans, en allt er þetta
óstaðfest.
„Ég þekki ekkert
til þessa manns en
ég held, eins og í
ævintýrinu um
Búkollu, að hann
sé ekki einn í ráð-
um því að Einar
Arnason, sem er
einhver hat-
rammasti og til-
finningaþrungn-
asti andstæðingur
gagnagrunnsins,
var nemandi hjá
þessum banda-
ríska prófessor."
Kári Stefánsson í
DV um prófessor-
inn R.C. Lewontin.
Tippastærð Hafnfirðinga
Steinn Armann Magnússon skemmtikraftur
átti stórleik á laugardag þegar gagnvirk
skemmtidagskrá Hafnfirðinga og Akureyringa
fór fram. Eins og gefur að skilja var Steini Ar-
manni ætlað að vera fyndinn, en húmor hans
er ekki allra og má útiloka allan tepruskap
þegar hann hefur orðið. Saga hans af tippa-
samanburði Hafnfirðinga, Akureyringa og
Reykvíkinga mun t.d. hafa hleypt blóði í kinn-
ar sumra, á meðan aðrir fögnuðu mjög. Sagan
gengur í stuttu máli út á að Reykvíkingurinn,
Hafnfirðingurinn og Akureyringurinn eru að
lýsa karlmennsku sinni. Akureyringurinn var
með tippið niður á hné, en hjá Reykvíkingnum
gægðist það út undan buxnaskálminni. Hafn-
firðingurinn hlýddi á, en stóð síðan annars
hugar upp og dró skjaldböku undan klæðum
sér. Hinir spurðu hvað hann væri að gera með
skjaldböku í náragrennd, en þá svaraði Hafn-
firðingurinni: „Þetta er ekki skjaldbaka. Þetta
er flatlús."
„Gott kaffi er líka
ódýr munaður
miðað við margt
annað svipað sem
fólk lætur eftir
sér,“ segir Aðal-
heiður Héðinsdóttir
í Kaffitári í Njarð-
vík, maður ársins á
Suðurnesjum.
mynd: víkurfréttir.
Merniingm í kaffinu
„íslendingar eru mikið kaffifólk
og við Norðurlandabúar höfum
tamið okkur að drekka mjög gott
kaffi miðað við hvað gerist víða
um lönd. Síðustu ár hefur verið
mikill vöxtur í starfseminni hjá
okkur í Kaffitári, sem ég tel
helgast af því að þegar fólk hef-
ur komist upp á Iagið með að
drekka kaffi sem hefur til að
bera sérstök bragðgæði þá hætt-
ir það því ekki svo glatt eða fer
aftur í það kaffi sem síðra er.
Gott kaffi er líka ódýr munaður
miðað við margt annað svipað
sem fólk lætur eftir sér, rauðvín,
osta eða annað slíkt,“ segir Aðal-
heiður Héðinsdóttir í Kaffitári.
Húnframleiðir eitt
landsins besta kaffi,
sem nýtursífellt
meiri vinsælda. Aðal-
heiðurHéðinsdóttir
varvalin Suðumesja-
maður ársins.
SPJALL
Jöklakaffi með ísmola
Víkurfréttir, blað Suðurnesjamanna, útnefndi á
dögunum Aðalheiði Héðinsdóttur í Keflavík sem
mann ársins á Suðurnesjum 1998. Þetta er í ní-
unda sinn sem blaðið útnefnir Suðurnesjamann
ársins með þessum hætti, en fyrir valinu verður
fólk sem framúr skarar á einstökum sviðum.
Það má réttilega segja um Aðalheiði, en fyrir-
tækið hefur vaxið hratt síðustu ár. Þar eru unn-
ar og malaðar kaffibaunir af ýmsum tegundum
og hefur kaffið sem úr þeim er gert til að bera
allt önnur bragðgæði en þekkist úr því verk-
smiðjukaffi sem við öll þekkjum.
„Eg fór af stað með þennan rekstur árið 1990
og æ síðan hefur hann verið í sí-
felldum vexti. Gjarnan um 25 til
40% árlega sem er í samræmi við
það sem gerist erlendis. Eg sé
ekki betur en að vöxtur Kaffitárs
geti haldið áfram á þessu róli að
minnsta kosti næstu þrjú til fjög-
ur árin,“ segir Aðalheiður, sem í
dag er alls með um 20 manns í
vinnu. - Kaffitár starfrækir í dag
kaffibrennslu í Njarðvík og eru
framleiðsluvörur seldar í verslun-
um um allt land. Einnig starfræk-
ir Kaffitár tvær verslanir í Reykja-
vík, eina í Kringlunni og hina í
Bankastræti, sem eru jafnframt
kaffihús. Þar er hægt að fá kaffi
af ýmsum tegundum, meðal ann-
ars svonefnt Jöklakaffi, sem er
Expressokaffi með bragðsírópi
útí. Utí er hræður ijómi og settur í ísmoli. Það
gerist ekki flottara!
Sparikaffió er kennt við Kenýa
„Það er að myndast menning í kringum kaffið,"
segir Aðalheiður Héðinsdóttir, Suðurnesjamað-
ur ársins 1998. „Þú spyrð um þær kaífitegundir
sem eru f uppáhaldi hjá mér og þá nefni ég
Kosta Ríka, það er bragðgott kaffi með sætum
berjakeim. Sérstakt sparikaffi hjá mér er Kenýa.
Það hefur góða fyllingu og er mjög þétt í sér.
Hefur jafnframt skemmtilega vín- og ávaxta-
tóna. Og bragðast ákaflega vel.“ -SBS.
■ FRÁ DEGI TIL DflGS
Iðjulaus heili er verkstæði djöfulsins.
Enskt máltæki
Þessir fæddust 2 7. janúar
• 1775 fæddist þýski heimspekingurinn
Friedrich Wilhelm Joseph von Schell-
ing.
• 1823 fæddist franska tónskáldið Édo-
ard Lalo.
• 1859 fæddist Vilhjálmur annar Prússa-
keisari, sem ríkti á árunum 1888-1918.
• 1908 fæddist William Randolph Hearst
yngri, fréttamaður og fjölmiðlajöfur í
Bandaríkjunum.
• 1910 fæddist Edvard Kardelj, sem tók
við af Josíp Broz Tito í Júgóslavíu og
var aðalhugmyndasmiður hinnar
júgóslavnesku útgáfu marxisma, eða
títóisma.
• 1920 fæddist Sigurður Sigurðarson
íþróttafréttamaður.
• 1964 fæddist Geir Sveinsson hand-
knattleiksmaður.
Þetta gerðist 2 7. janúar
• 1880 fékk Thomas Alva Edison einka-
leyfi á rafmagnsljósaperunni.
• 1891 var Verslunarmannafélag Reykja-
víkur stofnað.
• 1907 var Kvenréttindafélag íslands
stofnað.
• 1916 stofnuðu kommúnistar í Berlín
með sér hreyfingu sem þeir nefndu
Spartakus.
• • 1924 var Iíki Leníns komið fyrir í graf-
hýsi á Rauða torginu í Moskvu.
• 1944 voru Þjóðveijar hraktir á brott úr
Leníngrad eftir 880 daga hersetu.
Vísan
Vísa dagsins er vísa KNs um þjóðerni:
Bóndaskinn í bróðemi
bauð mér inná salerni;
minntist þar á þjóðerni,
það sem er í Kringlunni.
Afmælisbam dagsins
Lewis Carroll er höfundur sögunn-
ar um Lísu í Undralandi, sem hann
samdi að mestu leyti eina síðdegis-
stund í bátsferð á ánni Thames
þann 4. júlí 1862, þótt hann hafi
Iagað hana til síðar og aukið við
hana. Lewis fæddist 1832, en lést
14. janúar árið 1898. Hann bjó í
Oxford þar sem hann kenndi
stærðfræði og skrifaði skrýtnar sög-
ur og kvæði ásamt ritgerðum um
stærðfræðileg efni.
Einkaritarinn
Nemendurnir áttu að skrifa tímaritgerð og
efnið var „ef ég væri milljónamæringur".
Allir byija að skrifa um leið og kennar-
inn segir til nema Óli sem situr og horfir í
kringum sig og kennarinn spyr hann: „Af
hverju byrjar þú ekki að skrifa, ÓIi?“
„Eg er að bíða eftir einkaritaranum mín-
Veffang dagsins
Pathfinder stendur alltaf fyrir sínu sem
fréttasetur á Netinu, en þar er að finna
tímaritin Time, Money, Fortune, People og
Entertainment, daglegar fréttir frá Reuters
og sitthvað fleira forvitnilegt. Slóðin er
www.pathfinder.com
. rif i jaqtt. rintff p 11
-J»T Htwþ* iþpítfh MíiHtþ ifúvw iHpM'fi

i I