Dagur - 02.02.1999, Blaðsíða 7

ÞRIÐJUDAGUtt 2. FEBRÚAR 1999 - 7
n~uftr_
ÞJOÐMAL
Öld bættra
lífskjara
IÍALLPOR
ASGRIMS-
SON
utanr/kisrAðherra,
FORMAÐUR FRAM-
SÖKNARFLOKKSINS
SKRIFAR
Nú í upphafi árs er ekki úr vegi
að líta yfir farinn veg og horfa
fram á við og reyna að ráða í hvað
framtíðin ber í skauti sér. Hafið
er síðasta ár aldar sem fært hefur
þjóðina úr litlum efnum til vel-
sældar, tímabil sem íslenskri þjóð
hefur í raun fleygt fram um
margar aldir hvað varðar lífskjör
og aðbúnað allan. Þannig
markast öldin af ótrúlegum fram-
förum og þótt ekki séu þær
bundnar við íslenskar aðstæður
hefur framþróunin í hinum vest-
ræna heimi óvíða verið meiri.
Áhrif Framsóknarflokksiiis
Oldin er um leið tímabil átaka á
mörgum sviðum. Sjálfstæðisbar-
áttuna ber þar hæst en oft hefur
þjóðin þurft að taka á sem einn
maður og tekist það vel. Við höf-
um líka mátt þola andbyr og
tímabil hnignunar, fátæktar og
harðræðis en staðið það allt af
okkur með miklum sóma. Við
getum því stolt litið um öxl og
þakkað það sjálfum okkur en
ekki síður kynslóðunum sem á
undan gengu, að við búum nú
við lífskjör sem eru með þeim
allra bestu í heimi.
Saga Framsóknarflokksins er
samofin sögu þjóðarinnar á þess-
ari öld. Flokkurinn hefur átt sæti
í 18 rfkisstjórnum, þar af stýrt 10
þeirra. Hann hefur ævinlega haft
það að markmiði sínu að beijast
fyrir bættum hag íslensku þjóðar-
innar og standa vörð um sjálf-
stæði hennar og sérkenni. Hann
hefur þannig haft veruleg áhrif á
það líf sem við lifum í dag og þau
kjör sem okkur er kleift að búa
börnum okkar og komandi kyn-
slóðum.
Umskipti síðustu ára
Framsóknarflokkurinn gekk til
síðustu kosninga undir kjörorð-
inu „Fólk í fyrirrúmi“. Við lögð-
um stefnuskrá okkar í dóm kjós-
enda, stefnuskrá sem var um
margt framsækin og boðaði
breytta tíma. A þeim tíma hafði
íslenska þjóðin mátt ganga í
gegnum nokkrar þrengingar í
efnahags- og atvinnulífi. Ríkis-
sjóður var rekinn með miklum
halla, þrátt fyrir auknar álögur á
almenning. Aukin gjaldtaka í
heilbrigðis- og menntakerfi þjóð-
arinnar mætti mikilli andstöðu,
skattar og opinber gjöld fóru
hækkandi.
A þessum tíma hafði Iíka gert
vart við sig draugur, sem íslenska
„Sem dæmi um árangurinn á kjörtímabilinu má nefna: Fjölgun starfa um 14.000 frá árinu 1995 til aldamóta, atvinnuleysið hefur minnkað um 30-40%,
segir Halldór Ásgrímsson m.a. í grein sinni.
þjóðin hafði ekki orðið vör um
langa hríð. Köld hönd vofunnar
sem kennd er við atvinnuleysi lá
yfir öllu eins og mara. Fjöldi
fólks með fullt þrek, vel menntað
og reiðubúið að taka að sér marg-
vísleg verkefni, sat með hendur í
skauti. Jafnvel var talað um land-
flótta og víst er að fleiri íslenskar
Qölskyldur en um langa hríð, sáu
þann kost vænstan að flytjast af
landi brott.
Uppbygging íslensks samfé-
lags
Við þessar aðstæður Iagði Fram-
sóknarflokkurinn fram áætlun
um uppbyggingu íslensks samfé-
Iags. Aætlun sem byggði á skipu-
lagðri fjölgun starfa, stöðvun
hallareksturs ríkissjóðs, eflingu
heilbrigðis- og menntakerfis og
sérstökum úrræðum fyrir fjöl-
skyldur í greiðsluerfiðleikum. Við
lögðum einnig fram áætlun um
örvun hagkerfisins sem leiddi af
sér aukinn hagvöxt og aukningu
kaupmáttar launa. Þá boðuðum
við ný vinnubrögð og breyttar
áherslur í heilbrigðismálum, að-
gerðir í byggðamálum og þannig
mætti áfram telja.
Viðbrögð mótherja okkar í
stjórnmálum létu ekki á sér
standa. Talað var um óraunhæfa,
hástemmda Ioforðaskrá Fram-
sóknarflokksins og jafnvel látið
að því liggja að hún væri ekki í
nokkrum tengslum við þann
raunveruleika sem blasti við
þjóðinni. Kjósendur voru hins
vegar á öðru máli. Þeim féll okk-
ar málflutningur vel í geð enda
var áherslum okkar beint gegn
vanda fjölmargra fjölskyldna í
landinu og fengum við góðan
stuðning í kosningum vorið
1995.
Kosningar snúast um traust
Framsóknarflokkurinn hefur
haldið því fram að stjórnmál snú-
ist um fólk og kosningar um
traust. Þannig ráði það miklu um
það hvaða stórnmálaflokk fólk
kýs, hvernig það treystir honum
og forystumönnum hans til að
fylgja eftir þeim málum sem birt-
ast í stefnuskrá flokksins. Nú
hlýtur það að ráðast að nokkru
leyti af reynslu, hvert það traust
er sem stjórnmálaflokkar ávinna
sér meðal kjósenda. Stjórnmála-
flokkur eða stjórnmálamaður,
sem gengur á bak orða sinna, er
síður líklegur til þess að njóta
trausts en sá sem fylgir eftir yfir-
lýsingum með aðgerðum, stend-
ur \ið það sem sagt hefur verið.
Að afloknum síðustu alþingis-
kosningum myndaði Framsókn-
arflokkurinn ríkisstjórn með
Sjálfstæðisflokki, en þessir tveir
flokkar höfðu fengið afgerandi
stuðning þjóðarinnar í kosning-
unum. Margir mótheijar flokk-
anna höfðu hátt að lokinni
myndun stjórnarinnar, svo helst
mátti skilja að nú hefði þjóðinni
endanlega verið steypt í glötun.
Við væri tekin stjórn sem hafa
myndi stöðnun og afturhald að
leiðarljósi, hér yrði engin fram-
þróun á nokkru sviði. Þessar
raddir eru nú löngu þagnaðar
enda reyndin allt önnur.
Arangursríkt samstarf
Sem dæmi um árangurinn á kjör-
tímabilinu má nefna: Fjölgun
starfa um 14.000 frá árinu 1995
til aldamóta, atvinnuleysið hefur
minnkað um 30-40%. Halla-
rekstur ríkissjóðs hefur verið
stöðvaður og raunar munu skuld-
ir ríkisins lækka um 32 milljarða
á þessu ári og því síðasta. Hag-
vöxtur hefur stóraukist eftir ára-
Ianga efnahagslægð, tekjuskattur
einstaklinga hefur lækkað og lífs-
kjör almennings hafa stórbatnað,
enda kaupmáttur launa aukist
um 17%.
Nýir áfangar hafa náðst í orku-
frekum iðnaði eftir áratuga
stöðnun, með tilheyrandi örvun
fyrir efnahags- og atvinnulíf
þjóðarinnar. Bændum hefur ver-
ið tryggð betri afkoma með nýj-
um búvörusamningi. Húsnæðis-
kerfið hefur verið endurskipu-
lagt, lánstími lengdur og komið
hefur verið á fót Ráðgjafarstofu
um fjármál heimilanna. Ríkisvið-
skiptabankarnir og fjárfestingar-
lánasjóðirnir hafa tekið miklum
breytingum og eru nú meðal fjöl-
mennustu almenningshlutafé-
laga landsins.
Veruleg aukning hefur þegar
orðið í framlögum til heilbrigðis-
mála og frekari aukning verður á
þessu ári. Framlög til forvarna-
mála hafa verið aukin, frelsi í líf-
eyrissparnaði hefur vaxið með
nýrri löggjöf. Aherslan á virð-
ingu fyrir náttúrunni og öllu um-
hverfi okkar hefur einnig vaxið.
Nokkrum áfanga hefur enn-
fremur verið náð f þeirri viðleitni
að hægja á flutningum fólks af
landsbyggðinni til höfuðborgar-
innar. Nægir þar að nefna aukin
framlög til jöfnunar húshitunar-
og námskostnaðar auk þess sem
kynnt hefur verið ákvörðun ríkis-
stjórnarinnar um uppbyggingu
aðstöðu fyrir margþætta menn-
ingarstarfsemi á landsbyggðinni.
Hvað ber framtíðin í skauti
sér?
Eg hef í þessari grein farið yfir
það sem liðið er, einkum síðasta
kjörtímabil. Að viku liðinni mun
ég gera grein fyrir nokkrum
áherslumálum sem ég tel að
verði uppi á næsta kjörtímabili
og Framsóknarflokkurinn mun
einkum beita sér fyrir að nái
fram, verði hann í ríkisstjórn þá.