Dagur - 12.02.1999, Side 3

rD^ftr
FÖSTUDAGUR 12. FEBRÚAR 1999 - 3
FRÉTTIR
Fræhðll rís í
Fnj óskadáLmim
Allt frá 1993 hafa staöið yfir tilraunir með lerkifrærækt í gróðurhúsi á Vögium.
Niðurstöður sýna að hægt sé að gera ráð fyrir a.m.k. 1000 spírunarhæfum
fræjum á hvern fermetra sem þýðir að nýja byggingin mun ekki rúma nema
helming áætlaðrar ársþarfar. Þetta gróðurhús rúmar trúlega ekki átta metra há
tré, enda barn síns tíma.
2-4 milljómr sparast
á ári með því að fram-
leiða lerkifræ hér-
lendis. Allt að átta
metra há tré verða
alin í glerhýsi á Vögl-
um.
I gær var undirritaður samning-
ur um byggingu fræhallar á
Vöglum í Fnjóskadal. Viðstaddir
voru Guðmundur Bjarnason
Iandbúnaðarráðherra, Jón Lofts-
son skógræktarstjóri, fulltrúar
verktakans Gríms hf. á Húsavík
sem mun ráðast í I. verkhluta og
fleiri hlutaðeigandi. Fræhöllin
verður þúsund fermetrar að
stærð og er talin hagkvæm fyrir
þjóðarbúið. Heildarkostnaður
smíðinnar er metinn á um 13
milljónir. í ár verður 4 milljónum
af Ijárlögum landbúnaðarráðu-
neytisins varið til verksins.
Með fræhöllinni skapast ákjós-
anlegar aðstæður. Þar munu allt
að átta metra há tré gefa af sér
fræ við ákjósanlegan hita og
raka. Jafnframt verður notast við
hormóna við kynbæturnar. Fram
kom í máli skógræktarstjóra að
þörf fyrir gott fræ hefði aukist
mjög að undanförnu. Fram til
þessa hafa Islendingar keypt fræ
frá Norðurlöndum og Rússlandi
en upp á síðkastið hefur ekki
verið hægt að treysta gæðum
fræjanna. Lerki verður aðallega
ræktað í fræhöllinnni en
fræskortur á því hefur hamlað
því að að hægt væri að nota það
í jafn miklum mæli og menn
hefðu kosið við uppgræðslu á
hærri svæðum landsins.
Allt frá 1993 hafa staðið yfir
tilraunir með lerkifrærækt í
gróðurhúsi á Vöglum. Niður-
stöður sýna að hægt sé að gera
ráð fyrir a.m.k. 1000 spírunar-
hæfum fræjum á hvern fermetra
sem þýðir að nýja byggingin mun
ekki rúma nema helming áætl-
aðrar ársþarfar. Aætlað er að 2-4
milljónir kr. á ári sparist við að
rækta fræin hérlendis í stað inn-
flutnings.
Guðmundur Bjarnason land-
búnaðarráðherra lýsti ánægju
með skrefið sem nú væri stigið
og minnti á að frumvarp til laga
um landshlutabundin skógrækt-
arverkefni lægi nú lyrir Alþingi.
Hann sagði bændur í auknum
mæli hafa tekið við skógrækt
sjálfir. Hlutverk skógræktar ríkis-
ins væri nú frekar í formi þjón-
ustu en fyrr. — BÞ
Árni Steinar Jóhannsson: „Ég vil nýta
allar auðlindir og hvalir eru þar engin
undantekning."
Hvalaskoðim
skaðar ekki
veiðar
Arni Steinar Jóhannsson, fram-
bjóðandi Græns framboðs og frá-
farandi stjórnarformaður Ferða-
málamiðstöðvar Eyjafjarðar,
leggst ekki gegn hvalveiðum
þrátt fyrir rök aðila í ferðaþjón-
ustu um hugsanlega skaðsemi
slíkra veiða. Stór hluti ferða-
manna á Norðurlandi hefur ár-
lega brugðið sér í hvalaskoðun
undanfarið og fer gestum mjög
fjölgandi. Arni Steinar telur áhrif
hvalveiða á hvalaskoðunina lítil.
„Eg sé ekki að við myndum
skaðast. Eg \ál nýta allar auðlind-
ir og hvalir eru þar engin undan-
tekning. Það er erfitt að fullyrða
en ég held að áhrifin á hvala-
skoðunarferðir yrðu Iítil. Ymsir í
ferðaþjónustu telja áhrifin mikil
en ég held að þau ráðist að
mestu leyti af því hvernig staðið
verður að veiðunum," segir Ami.
Landssíniinn
síyrkir Listasafnió
Þórarinn V. Þórarinsson stjórnarformaður Landssímans, Guðmundur Björnsson
forstjóri, Knútur Bruun og Úlafur Kvaran, forstöðumaður Listasafnsins, virða fyrir
sér nýtt kynningarefni um safnið. mynd: hilmar
Landssíminn styrkir Listasafn ís-
lands um 12 milljónir króna á
næstu 2 árum, samkvæmt samn-
ingi sem undirritaður var í gær.
Fjórar milljónir renna beint til
safnsins en átta milljónum verð-
ur varið til kynningarmála þess.
Þórarinn V. Þórarinsson, stjórn-
arformaður Landssímans, segir
ástæðuna fyrir því að áhersla er
lögð á kynningarmálin þá að
listasafnið hefði lítið ijármagn til
kynningarmála. „Það var sameig-
inlegt mat okkar að hér er mynd-
listarauðlegð 20. aldarinnar sam-
ankomin og afar mikilvægt að
koma henni á framfæri til þjóð-
arinnar."
Fyrsta samstarfsverkefni mark-
aðsdeildar Landssímans og
Listasafnsins ber fyrir augu
landsmanna um helgina en þá
hefst auglýsingaherferð safnsins
í sjónvarpi og er markmið henn-
ar einkum að ná til ungu kyn-
slóðarinnar sem hefur ekki verið
mjög áberandi í sölum safnsins
til þessa. í gær var nýrri heima-
síðu Listasafnsins, sem markaðs-
deild Landssímans sér um,
einnig hleypt út á Netið í fyrsta
sinni. Slóðin er www.listasafn.is.
Skautahús i alútboð
Ásgeir Magnússon, formaður
framkvæmdanefndar Akureyrar-
bæjar, segir ekki koma til greina
af hálfu hæjarins að setja meira
fé í byggingu skautahúss en þær
150 milljónir sem þegar hafa ver-
ið ákveðnar til verksins. Á bæjar-
ráðsfundi í gær var þessi afstaða
bæjarins áréttuð. Ásgeir segir að
miðað við enduskoðaða hönnun-
arforsögn sé talað um að 600
áhorfenda skautahús muni gróft
áætlað kosta 180 milljónir, en
með ýmsum tilfæringum mætti
hugsanlega koma tölunni niður í
150 milljónir. Ásgeir segir að
samþykktir framkvæmdanefndar
og bæjarráðs séu til þess gerðar
að árétta að bæjaryfirvöld telji að
hægt sé að koma upp mjög fram-
bærilegu skautahúsi fyrir 150
milljónir.
Verkið mun nú fara í alútboð
og var umsjón með verkinu líka
boðin út. Það er tækni og verk-
fræðistofan Opus sem bauð
lægst og mun fara með verkefnis-
stjórnina. Á bæjarráðsfundinum
í gær var samþykkt að setja eina
milljón króna alls í að borga
þeim sem koma með tilboð í
verkið en að sögn Ásgeirs er mjög
dýrt að gera tilboð samkvæmt al-
útboði og mikil vinna sem þar
liggur á bak við. Hann segir
milljón vera í lægri kantinum, en
vonar að það muni þó ekki fæla
menn frá að gera tilhoð.
Síbrotamaður fékk tvo mánuði
Héraðdómur dæmdi í gær 35 ára síbrotamann í tveggja mánaða fang-
elsi fyrir þjófnað. Ekki eru nema örfáar vikur síðan Hæstiréttur stað-
festi annan tveggja mánaða dóm yfir manninum fyrir þjófnað, en mað-
urinn hefur nú alls 17 dóma að haki.
Sá nýjasti var vegna þjófnaðar í Bónus við Holtabakka á matvörum,
sælgæti, hreinlætisvörum, bókum og sjónaukum fyrir alls 55 þúsund
krónur. Maðurinn játaði skýlaust brot sitt. Staðfesting Hæstaréttar í
janúar var vegna þjófnaðar, sem ákærði þó neitaði; en hann var sakað-
ur um að hafa kastað eign sinni á íþróttatösku. I henni v'oru soltkar,
snyrtiv'örur, geisladiskur, silfurhálsmen, 3 silfurhringir, íþróttaföt,
GSM-sími og 70 þúsund krónur. Töskunni hafði ákærði stolið úr bif-
reið útlendings, sem stóð við Veghúsastíg. — FÞG
Þingmeim fá myndband uni Eyjabakka
Páll Steingrímsson kvikmyndagerðarmað-
ur afhenti Ólafi G. Einarssyni þingforseta
í gær 63 eintök af myndbandi um Eyja-
bakka. Því fylgir hv'atning til þingmanna
um að skoða það vandlega með íjölskyldu
og vinum, en Eyjabakkar fara sem kunn-
ugt er undir miðlunarlón ef Jökulsá á
Fljótsdal verður virkjuð.
Myndbandið hefur að geyrna sérstæðar
senur af heiðargæsum og hreindýrum úr
mynd Páls Oddaflug. Hann segir að mynd-
bandið veki undrun og spurningar sem
hugleiða beri í tengslum við fyrirhugaðar
virkjanir. Páll segist ekki vilja hafa það á
samviskunni að hafa ekki reynt að andmæla þeim meðan enn var tími
til.
SakamáLum fiölgaði um 18%
Sakamálum fjölgaði á síðasta ári töluvert hjá Héraðsdómi Reykjavíkur
eða um tæplega 18%. Á nýliðnu ári bárust 1.252 sakamál til héraðs-
dómsins á móti 1.062 árið áður. Almenn einkamál höfðuð á síðasta ári
voru 6.276, rúmlega 200 fleiri en árið áður.
Á síðasta ári voru afgreidd 794 einkamál og 1.237 sakamál. Meðal-
afgreiðslutími einkamála er um 7,5 mánuðir og litlir möguleikar að
óbreyttu á að stytta þann tíma niður fyrir 7 mánuði. Meðalafgreiðslu-
tími sakamála sem ríkissaksóknari höfðar er 2,5 mánuðir, en mála sem
lögreglustjórar höfða þrjár vikur. Gjaldþrotamálum sem fara fyrir Hér-
aðsdóm Reykjavíkur hefur fækkað töluvert síðustu tvö árin. - FÞG
i