Dagur - 30.03.1999, Blaðsíða 2

18 — ÞRIÐJUDAGUR 30. MARS 1999
ro^tr
r
LÍFIÐ í LANDINU
r
r
■ SMÁTT OG STÓRT
UMSJÓN:
SIGURDÓR
SIGURDÓRSSON
Sjáið þið mig mikið
Lítill strákur var einu sinni að reyna að ná at-
hygli foreldra sinna og annarra viðstaddra þeg-
ar hann hoppaði af stökkbretti út í laug. Hon-
um þótti athyglin lítil og hrópaði: „Sjáið þið
mig mikið.“ Mér datt þetta í hug þegar ég sá
blað sem gefið er út í Vestmannaeyjum til
stuðnings Arna Johsen alþingismanni og heitir
Eyjamaðurinn. Þar kemur fram að nánast ekk-
ert hefur verið gert í Vestmannaeyjum sl. 16 ár
nema fyrir forgöngu Ama. Hann tók af skarið
og langning varanlegs slitlags hófst á allar göt-
ur „langt á undan áætlun." Arni var í íjárlaga-
nefnd þegar tryggð var bygging nýs Heijólfs og
það var hann sem tryggði fjármagn til bygging-
ar á móttökusvæði Herjólfs. Það var fyrir bar-
áttu Arna að annað prestsembættið sem flutt
var til lands eftir gos var aftur flutt til Eyja. Og
Arni Johnsen er „guðfaðir Háskólasetursins" í
Eyjum. Stafkirkju á að reisa við Skansinn fyrir
forgöngu Arna. Ami „var á vaktinni" þegar
fjármagn fékkst til kaupa á björgunarbátnum
Þór. Þetta er aðeins lítið brot af afrekaskrá
Árna í Eyjamanninum.
„Maðurinn sem
skrifaði bókina,
er aftur kominn á
kreik...“
Jónas Sigurgeirs-
son sagnfræðingur í
grein um Þorvald
Gylfason í Mbl. sl.
laugardag.
Misstu af Jóni Sigurðssyni
Olafur G. Einarsson, forseti Alþingis, lætur nú
af þingmennsku. Hann var á dögunum að lýsa
því í hópi þingmanna hvað hann hefði verið
samtfmis mörgum þingmönnum á Alþingi eða
1/3 af þeim sem setið hefðu á þingi síðan
1849. Hann sagði að Ragnar Arnalds, sem
einnig er að hætta, hefði verið samtímis enn
fleiri þingmönnum. Þegar Jón Kristjánsson
heyrði þetta orti hann:
Ólafog Ragnar, vildarvini
visu um þá ég set á blað.
Misstu afjóni Sigurðssyni
en sárafáum eftir það.
Óþolandi
I viðskiptablaði Flugleiða hf. eru viðtöl við fólk
sem er í viðskiptum og telur sig spara peninga
með því að ferðast á Saga Class og borga fyrir
það hátt verð miðað við almenn fargjöld. Með-
al viðmælenda blaðsins er Guðmundur Túliní-
us, skipaverkfræðingur og starfsmaður hjá
Mecklenburger Hochseefischerei. Hann hælir
Saga Class möguleikanum en segir svo: „Þó
verð ég að viðurkenna að vegna þess hvað ég
flýg oft með Flugleiðum verð ég stundum Ieið-
ur á matnum um borð. Hann er að vfsu mjög
góður en nokkuð keimlíkur til lengdar. Þá fer
það í taugarnar á mér að stundum er fyllt upp
í Saga Buisness Class sætin með farþegum
sem ekki komast fyrir á almenna farrýminu."
Einu sinni talaði frægur maður um „skíta-
pakk.“
Það er betra að
sitja fyrir á mynd
en að vera í landa-
fræðitíma eða ein-
hverjum öðrum
tíma. Hafdís Inga
Rafnsdóttir skóia-
vinur, önnur frá
vinstri, og Sölvi
Blöndal, lengst til
hægri, ásamt vin-
um sínum, ungling-
unum í skólanum.
Vama skrópi
Skólavinir eru nýjasta uppfinn-
ingin í unglingastarfi grunnskól-
anna. Krakkarnir eru hressir með
þessa nýju vini.
Hafdís Inga Rafnsdóttir, 25
ára, hefur verið skólavinur í Aust-
urbæjarskóla í vetur ásamt Sölva
Blöndal og telst því ein af frum-
heijunum í þessu verkefni. Haf-
dís byrjaði í skólanum um miðjan
september að undangengnu
námskeiði og hefur síðan gert sér
far um að kynnast krökkunum,
spjalla við þau, varna skrópi og
leiðbeina þeim eftir föngum þeg-
ar þeim líður illa. Skólavinirnir hafa aðstöðu
uppi í risinu í Austurbæjarskóla og þar geta þeir
spilað tónlist með krökkunum í frímínútum,
spilað eða spjallað við þau - allt eftir því hvað
krakkarnir sjálfir vilja gera.
Skólavinir eru verkefni í nokkrum grunnskól-
um á höfuðborgarsvæðinu og eru þeir á aldrin-
um 20-25 ára. Þetta er tilraunaverkefni í vetur
en ef vel gengur fá fleiri skólar skólavini næsta
haust. í Austurbæjarskóla hafa skólavinirnir lagt
áherslu á krakka í 8. bekk tii að geta fylgt þeim
eftir í 9. og 10. bekk en að sjálfsögðu hafa þau
einnig kynnst og leiðbeint krökkum í eldri
bekkjunum tveimur. Þau reyna að vera krökkun-
um vinir og fara með þeim í ýmsar ferðir, til
dæmis á skauta, skíði, eða á námskynningu í
fjölbrauta- eða menntaskólum um leið og þau
stuðla að því að þau mæti í skólann og sinni
náminu.
Sakna okkar
„Þau hafa tekið okkur rosalega vel en verða
pirruð ef við erum að reka þau í
tíma,“ segir Hafdís. „Þau virðast
sakna okkar ef við erum ekki í
vinnunni og það er mjög já-
kvætt.“
- Náið þið að kynnast öllum
krökkunum, eru ekki alltaf ein-
hverjir sem verða út undan ?
„Við Iöbbum að öllum krökk-
unum og tölum við þau. Það eru
alltaf nokkrir sem koma ekki upp
í risið en það er samt mjög stór
hópur sem kemur og talar við
okkur. Við reynum að fá athygli
hinna með því að vera út um allt
og tala við þau öll,“ svarar hún og segist ekki
hafa tekið eftir því að neinn unglingur ýti skóla-
vinunum frá sér. Krakkarnir leiti til þeirra með
ýmislegt sem liggur þeim á hjarta. „Þau eru já-
kvæð því að við erum jákvæð. Við erum bara til
þess að tala við þau, leiðbeina þeim, til dæmis
um vímuefni og hvað er rétt og rangt."
Betra en pabbi og mamina
Ef einhver vandamál koma upp hjá unglingun-
um benda skólavinirnir þeim á námsráðgjafa,
sálfræðing eða einhvern annan fullorðinn sem
getur hjálpað þeim. „Við megum ekki taka
ákvarðanir sjálf,“ segir hún og þegar rætt er við
krakkana kemur strax í ljós að þetta telja þau
helsta kostinn við skólavinina. „Það er fínt að
hafa þau, gott að tala við þau,“ sagði Kristján
Freyr Kristjánsson. Þau eru öll sammála um að
það sé miklu betra að tala við skólavinina en
pabba og mömmu. -GHS
Unglingamir hafa
tekið skólavinunum
rosalega vel en verða
stundumpirmð ef
þau em rekin í tíma.
SPJflLL
■ FRÁ DEGI
Spakmæli er stutt setning byggð á
Iangri reynslu. Miguel de Cervantes
Þetta gerðist 30. mars
• 1816 var Hið íslenska bókmenntafélag
stofnað.
• 1858 fékk maður að nafni Hyman L.
Lipman einkaleyfi á blýöntum með
áfast strokleður.
• 1867 keyptu Bandaríkin Alaska af
Rússlandi fyrir 7,2 milljónir dala.
• 1870 fengu svartir karlmenn kosninga-
rétt í Bandaríkjunum.
• 1934 hófst eldgos í Grímsvötnum í
Vatnajökli.
• 1949 aðild íslands að Atlantshafs-
bandalaginu samþykkt á Alþingi.
• 1981 skaut geðveikur maður Ronald
Reagan Bandaríkjaforseta, sem náði sér
þó fljótlega.
Þau fæddust 30. mars
• 1746 fæddist spænski listamaðurinn
Francisco de Goya.
TIL DAGS
• 1840 fæddist breski skipaeigandinn og
félagsfræðingurinn Charles Booth, sem
skrifaði 17 binda ritverk um líf og störf
almennings í London.
• 1844 fæddist franska ljóðskáldið Paul
Verlaine.
• 1886 fæddist bandaríska ljóðskáldið
Frances Cornford, sem m.a. orti frægt
ljóð um feita konu.
• 1937 fæddist bandaríski leikarinn
Warren Beatty.
• 1945 fæddist breski gítarsnillingurinn
Eric Clapton.
• 1965 fæddist Hrafnhildur Hagalín
Guðmundsdóttir skáld.
• 1968 fæddist kanadíska sönkonan
Celine Dion.
Vísa dagsins
Vísa dagsins er eftir Orn Arnarson
Ég á leið um heiðar og hraun,
hjartað mitt, fylgdu mér.
Annarsfer ég villur vegar,
vel skal ég launa þér.
Hollenski málarinn Vincent van
Gogh fæddist 30. mars 1853. Fyrstu
verk van Gogh eru máluð í dökkum
jarðlitum og lýsa frumstæðu bænda-
samfélagi, t.d. Kartöfluætumar. Arið
1986 flutti hann til bróður síns Theo
sem bjó í París. Þar kynntist hann
málrunum Toulouse Lautrec og Paul
Gouguin. Van Gogh flutti síðan til
Arles í Suður-Frakklandi þar sem
hann skar af sér eyrað og færði
vændiskonu sem tákn ástar sinnar.
Hann var um tíma á geðveikraspítala
í St. Rémy-de-Provence. Hann féll
íyrir eigin hendi út á akri voriðl890.
Brandari
Eiginkonan var að því komin að fæða og
eiginmaðurinn þurfti að bíða frammi, enda
gerðist þetta snemma á öldinni. Eftir
nokkra stund kemur læknirinn fram og
biður eiginmanninn um rörtöng. Eigin-
maðurinn fölnar, en finnur handa honum
rörtöng. Nokkru síðar kemur læknirinn
aftur fram og spyr um hamar og meitil.
Eiginmaðurinn hvítnar, en þá segir lækn-
irinn: „Hafðu engar áhyggjur, ég er bara í
vandræðum með að opna töskuna mína.
Veffang dagsins
Vefsetur sem nefnist „Comic Book Reso-
urces" er hreinasta gullnáma fyrir áhuga-
fólk um teiknimyndasögur, og er að finna
á www.comicbookresources.com
r