Dagur - 12.05.1999, Side 3

MIDVIKUDAGUR 12. MAÍ 1999 - 3
Ttopir
FRÉTTIR
Ráðherraefni eru
farin að safna fylgi
Umræðiir um að fjtfljja
ráðherrum í 12 verða
æ háværari. Fram-
sóknarmenn sagðir
vilja losna við þungu
ráðuneytin.
Stjórnarmyndunarviðræður
stjórnarflokkanna héldu áfram í
gær. Akveðið hefur verið að vara-
formenn flokkanna, þeir Finnur
Ingólfsson og Geir H. Haarde,
annist viðræðurnar til að byija
með og fari yfir málefnalista
flokkanna, skiptingu ráðuneyta
og fleira. Formennirnir Davíð
Oddsson og Halldór Asgrímsson
koma svo inn í viðræðurnar þeg-
ar frá líður. Halldór Asgrímsson
sagði í gær að hann gerði ráð fyr-
ir að stjórnarmyndunarviðræð-
urnar standi út þennan mánuð.
Þingmenn stjórnarflokkanna,
sem Dagur hefur rætt við, full-
yrða að ef stjórnarflokkarnir ná
saman aftur og mynda ríkisstjórn
verði ekki sama skipting ráðu-
neyta og var í síðustu stjórn.
Framsóknarmenn munu ákveðn-
ir í að Sjálfstæðisflokkurinn taki
við hinu þunga heilbrigðis- og
tryggingaráðuneyti og Sjálfstæð-
/ þingflokki framsóknar eru margir sem gera tilkall til ráðherradóms.
isflokkurinn hefur samþykkt á
landsfundi að leggja áherslu á að
fá iðnaðar- og viðskiptaráðuneyt-
ið.
Halldór „heim“
Margir framsóknarmenn vilja að
Halldór Asgrímsson „komi heim“
eins og þeir kalla það, þ.e. að
hann láti af starfi utanríkisráð-
herra. Taki hann ekki við forsæt-
isráðuneytinu er helst talið að
hann taki fjármálaráðneytið.
Ymsir hafa nefnt þann möguleika
að þeir Halldór og Davíð verði
sín tvö árin hvor forsætisráðherra
á kjörtímabilinu.
Eins og sagt var frá í Degi í gær
eru fleiri kallaðir en útvaldir til
ráðherradóms hjá báðum flokk-
unum. Samkvæmt upplýsingum
sem Dagur telur áreiðanlegar eru
þeir Halldór Ásgrímsson og
Finnur Ingólfsson taldir öruggir
sem ráðherrar Framsóknar-
flokksins og Guðni Ágústsson er
sagður hafa svo sterka stöðu að
fram hjá honum verði ekki geng-
ið. Verði ráðherrum fjölgað í 12
eins og menn velta fyrir sér nú,
telja ýmsir líklegt að konurnar
þrjár í þingflokki Framsóknar-
flokksins, Ingibjörg Pálmadóttir,
Valgerður Sverrisdóttir og Siv
Friðleifsdóttir, verði allar ráð-
herrar. En þeir Kristinn H.
Gunnarsson og Hjálmar Árnason
banka líka fast á dyrnar.
Hart sótt
Hjá Sjálfstæðisflokknum eru
þeir Davíð, Björn og Geir H.
Haarde, allir úr Reykjavík, sagðir
öruggir sem ráðherrar. Sfðan er
fullyrt að útilokað sé að ganga
fram hjá Árna M. Mathiesen
oddvita flokksins í Reykjanesi.
Síðan er það kona og þá er talað
um Sólveigu Pétursdóttur og
Arnbjörgu Sveinsdóttur. Sólveig
gæti goldið þess að vera úr
Reykjavíkurkjördæmi. Síðan eru
það þeir Halldór Blöndal, Sturla
Böðvarsson, Hjálmar Jónsson og
Árni Johnsen, sem allir banka
fast á dyrnar.
Mjög mikil vinna er hafin hjá
þeim, sem ætla sér ráðherradóm,
við að tryggja sér fylgi þessa dag-
ana því skipan ríkisstjórnarinnar
gæti brostið á fyrr en síðar þótt
talað sé um stjórnarmyndunar-
viðræður út mánuðinn. - S.DÓR
Kemtarar
mótmæla
Margir kenn-
arar Tónlist-
arskólans á
Akureyri fjöl-
menntu í
mótmæla-
skyni á fund
bæjarfulltrúa
í fyrrakvöld
vegna óá-
nægju með
kjaramál. All-
margir nem-
endur skólans
sýndu kenn-
urunum stuðning með því að
fylgja þeim sem og foreldrar
nemendanna.
Hannes Guðrúnarson, einn
talsmanna tónlistarkennara,
segir brýnt að þeir ræði við fleiri
fulltrúa frá bænum en kjara-
nefnd. Formaður kjaranefndar
sagði í Degi fyrir skömmu að
bærinn gæti ekki teygt sig lengra
en orðið væri til að koma á móts
við kröfur tónlistarkennara, en
þeir segja á hinn bóginn að bær-
inn hafi engin rök fundið gegn
því að þeir fái sömu kjarabætur
og grunnskólakennarar fengu í
fyrra.
Hannes segir að um tugur
kennara hafi sagt upp störfum í
vetur og spili kjaramál þar mis-
mikið inn í. Þetta er um þriðj-
ungur kennaraliðsins og segir
Hannes að stór hluti til viðbótar
sé að hugleiða uppsögn. Því sé
mikil óvissa um framtíð skólans
ef deilan leysist ekki. Boðað hef-
ur verið til fundar með kjara-
nefnd 17. maí nk. - Bi>
Hannes Guðrúnar-
son vill tala við fleiri
en kjaranefnd.
1
i
1
Alíka margar upp-
sagnir og í fyrra
Grunnskólakennarar úr Breiðholtsskóla skila inn upsögnum á Fræðslumiðstöð
Reykjavíkur í síðustu viku. mynd: pjetur
64 uppsagnir. Þar af
38 vegna óánægju
með laun. Mest úr
fjórum skólum. Að-
gerðir ekki útilokað-
ar. Boltinn hjá borgar-
stjóra.
„Þetta er ekki orðið meira en í
fyrra,“ segir Ingunn Gísladóttir,
starfsmannastjóri fræðslumið-
stöðvar Reykjavíkur, um upp-
sagnir grunnskólakennara.
64 uppsagnir
I fyrrakvöld höfðu borist um 64
uppsagnir kennara til fræðslu-
miðstöðvarinnar. Þar af voru 38
sem sérstaklega voru vegna óá-
nægju kennara með launakjör
sín. Það er nýjung frá fyrra ári.
Hinar 26 uppsagnirnar voru af
ýmsum öðrum ástæðum. Starfs-
mannastjórinn segir að þessar
uppsagnir vegna Iaunakjara séu
einkum frá 5-6 skólum af 37 sem
borgin rekur. Þar af skera fjórir
skólar sig einkum úr, en það eru
Breiðholtsskóli, Melaskóli, Há-
teigsskóli og Selásskóli. Lítið bar
á uppsögnum í gær hvað sem síð-
ar kann verða.
Aðgerðir ekki útUokaðar
Trúnaðarmenn grunnskólakenn-
ara í borginni komu saman til
fundar seinnipartinn í gær til að
bera saman bækur sínar. Magnús
Þór Jónsson, trúnaðarmaður
kennara í Breiðholtsskóla, sagði
aðspurður um hugsanlegar að-
gerðir kennara að það væri ekk-
ert útilokað í þeim efnum. Hann
segir að boltinn sé hjá borgaryfir-
völdum við lausn kjaradeilunnar
við kennara. Hinsvegar hefur
ekkert heyrst frá þeim, þótt Ijóst
sé að ekkert verði af tilrauna-
samningi á milli kennarafélag-
anna og launanefndar sveitarfé-
laga. Þess vegna geti borgarstjóri
ekki lengur skýlt sér á bak við
þennan samning og gert hann að
forsendu þess að hægt sé að
ræða um framkomnar launakröf-
ur kennara um 230 þúsund
króna eingreiðslu vegna yfir-
standandi skólaárs.
Réttlætismál
Þá hefur stjórn Félags grunn-
skólakennara í Hinu íslenska
kennarafélagi lýst yfir stuðningi
við kröfur kennara í borginni.
Þær séu réttlætismál vegna auk-
ins vinnuálags en séu engin
heildarlagfæring á launum kenn-
ara. Stjórnin skorar á borgar-
stjórn að ganga strax til samn-
inga við kennara og koma þannig
í veg fyrir að vandræðaástand
skapist f skólum borgarinnar í
haust. - GRII
12
Lnuuui i
INNLENT
Lágmarkslaim í kiaradóm
Stjóm Alþýðusambands Vestfjaroa skorar á lauri
launafólk að krefjast strax
leiðréttingar á launum sínum með því að ná samkomulagi við ríkis-
vald og atvinnurekendur um kjaradóm. Tilgangur dómsins sé að
ákveða lágmarkslaun með samanburði við laun verkafólks í Noregi,
Svfþjóð og Danmörku eins og gert var í dómi Kjaradóms á kjördag.
Þá fagnar stjórnin því að góðærið skuli veita svigrúm til að hækka
laun þingmanna, ráðherra og annarra háttsettra embættismanna svo
myndarlega sem nemur mánaðarlaunum verkafólks. Að auki sé það
gott vegarnesti fyrir verkafólk í næstu kjarasamningum að ráðamenn
þjóðarinnar skuli með svona skýrum hætti senda þau skilaboð, að
verulegar launahækkanir ógni á engan hátt stöðugleikanum í efna-
hagsmálum. - GRH
Hlýr sjór í Síldarsmuguimi
Fyrsti síldarfarmurinn úr norsk-íslenska síldarstofninum á þessu vori
barst til Eskifjarðar í gær er Jón Kjartansson SU kom þangað með
fullfermi. Um er að ræða nokkuð stóra síld, en í henni er töluverð
áta. Hitastig sjávar á veiðisvæðinu í norðausturhorni Síldarsmugunn-
ar er óvenju hátt, eða um 8 gráður. Svend Aage Malmberg, haffræð-
ingur hjá Hafrannsóknastofnun, segir að mikið streymi hlýsjávar sé
nú í Noregsstraumi sem sé kvísl úr Norðuratlantshafsstraumnum
eða Golfstraumnum og það valdi þessum hlýindum.
„Þegar nær dregur Islandi verður Austur-íslandsstraumurinn, eða
svokölluð kalda tunga, alltaf fyrir okkur sem veldur kaldari sjó hér
nær. Því heldur síldin sig svo langt frá okkur og norðarlega auk þess
sem þarna gæti verið um nægjanlegt æti að ræða fyrir hana. Ástand
sjávar er því fremur gott nú sem gefur okkur leyfi til vissrar bjart-
sýni,“ segir Svend Aage Malmberg. - GG
Bylgjan í Ólafsvík
Nýr útvarpssendir Bylgjunnar hefur verið tekinn í notkun í Olafsvík.
Hann sendir út á tíðninni 92,1 og er afl hans 100 vött. Sendirinn í
Ólafsvík er fjórði sendir Bylgjunnar á Vesturlandi, en sendar eru fyr-
ir í Stykkishólmi, Þjóðólfsholti í Borgarfirði og Borgarnesi.
Nýi sendirinn í Ólafsvík dregur upp á Fróðárheiðina miðja, þar
sem útsendingarsvæði Vatnsendasendis Bylgjunnar ofan Reykjavíkur
sleppir. Bylgjan heyrist nú vel í allri Ólafsvík, á Rifi og sæmilega á
Hellissandi. - GG
mniiíiufi [tidmi fftu