Dagur - 03.06.1999, Qupperneq 3

FIMMTUDAGUR 3. JÚNÍ 1999 - 3
FRETTIR
VSÍ krefst sex
milljóna í bætur
Vestfirskir verkfallsverðir urðu landsfrægir vorið 1997 þegar þeir börðust
með kjafti og klóm gegn tilraunum atvinnurekenda til að brjóta verkfall
þeirra á bak aftur með því að senda skip sín til löndunar f öðrum lands-
fjórðungum. í þessari baráttu sem stóð vel á annan mánuð notuðu þeir
m.a. flugvél til að komast að því á hvaða leið skipin voru.
Verkalýðsfélög á Isa-
fírði og Súðavík kraf-
in bóta og sjö einstak-
lingar í félögunum.
Tjón af völdum verk-
falls frá vori 1997.
Málaferli yfirvofaiidi.
Spuming um lögmæti
að mati VSÍ.
VSI hefur sent innheimtubréf til
Verkalýðsfélagsins Baldurs á Isa-
firði, Sjómanna- og verkalýðsfé-
lagsins Alftfirðings í Súðavík og
til sjö félagsmanna þeirra. Þar er
krafist tæpra 6 milljóna króna
skaðabóta vegna verkfallsað-
gerða þeirra vorið 1997, sem
áttu sér stað utan Vestfjarða.
Þórarinn V. Þórarinsson, fram-
kvæmdastjóri VSI, segir að ef fé-
lögin greiða ekki kröfuna verður
höfðað mál síðar í mánuðinum.
Ef félögin reyna hins vegar að
koma sér undan ábyrgðinni, þá
verður reynt að fá einstaklingana
sjö dæmda til greiðslu.
Innlegg í kröfugerð
Pétur Sigurðsson, formaður
Verkalýðsfélagsins Baldurs á Isa-
firði, undrast að þessi krafa skuli
vera komin í ljölmiðla í þann
mund sem hann var að ná í
ábyrgðarbréfið frá VSÍ £ pósti.
Hann telur einsýnt að með þessu
sé VSI að biðja þá um að taka
þessa kröfu með í komandi
kröfugerð. Að öðru leyti hæðist
Pétur að þessu hjá VSI og telur
þetta vera mjög vinalegt af þeim í
aðdraganda að gerð næstu kjara-
samninga, enda flestir búnir að
gleyma þessu verkfalli. I sam-
ræmi við það segir Pétur að það
geti vel komið til greina að leggja
þessa fjárhæð fram í hússjóð at-
vinnurekenda. Þannig gætu þeir
hjá Baldri kannski fengið lítið
kjallaraherbergi í byggingunni og
verið í kallfæri við þá. I slíku ná-
býli gæti forusta Baldurs spurt þá
á hverjum tíma hvað félagið
mætti gera til að þóknast þeim
hvað best. Pétur segir að þeir hjá
Baldri þurfi í sjálfu sér ekki stórt
herbergi til ráðstöfunar en gott
væri að hafa aðgang að salerni.
t
Traust á dómstóla
Heiðar Guðbrandsson einn af
sjömenningunum segist ekki
hræðast þessa kröfu. Hann segir
að ef menn eiga að komast upp
með það að brjóta niður löglegar
aðgerðir verkalýðsfélaga, þá sé
óþarfi að velta því fyrir sér að
reka kjarabaráttu á íslandi svo
ekki sé minnst á verkfallsvopnið.
Hins vegar muni hann leggja
traust sitt á dómstóla landsins í
þessu máli. Hann minnir einnig
á að bæði lögreglan í Hafnarfirði
og á Grundarfirði hefðu fallið frá
öllum kröfum á hendur sér
vegna aðgerða í verkfallinu.
Lögmætt eða ekki
Framkvæmdastjóri VSI segir að
aðalatriðið í þessu máli sé að fá
úr því skorið hvað má og hvað
má ekki. Hann minnir á að í
þessari kjaradeilu hefði verið
deilt um það hvort aðgerðir
verkalýðsfélaganna og verk-
fallsvarða þeirra hefðu verið lög-
Iegar eða ekki. Hann segir að
VSI vilji ekki lenda í því aftur að
deila um lögmæti slíkra aðgerða
þar sem verkfallsverðir hindruðu
afgreiðslu þriggja vestfirskra
skipa í höfnum utan fjórðungs-
ins. Hann segist ekki óttast það
nema síður sé að þessi krafa og
væntanleg málaferli muni skaða
samskipti verkalýðshreyfingar og
atvinnurekenda. Þá sé þetta mál
alveg óviðkomandi gerð næstu
kjarasamninga og eigi ekki að
hafa nein áhrif á þá vinnu. — GRH
Berglind Hallgrímsdóttir.
Atviimuleysi
hjá skrif'stofu-
fólM
Hlutfall verslunar- og skrifstofu-
fólks á atvinnuleysisskrá hefur
hlutfallslega hækkað mest að
undanförnu á Akureyri. Þetta
segir Berglind Hallgrímsdóttir,
atvinnumálafulltrúi hjá Akureyr-
arbæ.
Miklar uppsagnir hafa orðið á
Akureyri að undanförnu. Munar
þar mestu um tæpa tvo tugi hjá
Slippstöðinni og um 30 manns
hjá KEA sem einnig hefur verið
sagt upp. Vonast er til að nokkur
hluti þessara starfsmanna verði
endurráðinn en hitt veldur
áhyggjum að hópur þeirra sem
misst hafa störfin að undan-
förnu er á miðjum aldri og býr
yfir sérhæfðri kunnáttu. Erfitt
kann að reynast fyrir þetta fólk
að fá nýja vinnu.
Eflaust hefur verið annríki hjá
Svæðisvinnumiðlun Norður-
lands eystra í gær því þótt Dag-
ur hringdi ítrekað til að Ieita
upplýsinga hjá miðluninni um
atvinnumál, varð jilarei neinn
fyrir svörum. / — BÞ
■
Davíd sækir
Bilderbergfund
Davíð Oddsson forsætisráðherra
er nú staddur í Portúgal í boði
Bilderberg samtakanna á árleg-
um fundi þess. Bilderberg eru
samtök vestrænna áhrifamanna
úr atvinnu- og stjórnmálalífi. A
fundi samtakanna koma margir
af helstu auðjöfrum og embætt-
ismönnum heims, þjóðarleiðtog-
ar, jafnt fyrrverandi, núverandi
sem verðandi, og fjölmargir
áhrifamenn úr viðskiptaheimin-
um. Davíð hefur nokkrum sinn-
um áður setið þessa fundi.
Fundurinn nú er haldinn
skammt frá Lissabon og stendur
til sunnudags. A honum sitja vel
á annað hundrað gestir.
Mikið hefur verið rætt og
skrifað um Bilderberg samtökin,
sem þykja einhver þau leyndar-
dómsfyllstu í heimi. Þau eru
m.a. sögð hafa mikil áhrif á
stjórnun nokkurra af stærstu
iðnríkjum heims. Nafn samtak-
anna vísar til samnefnds hótels í
Hollandi, þar sem fyrsti fundur
áhrifamanna úr Evrópu og
Bandaríkjunum fór fram árið
1954. Síðan hafa samtökin dafn-
að og yfirlýst markmið þessara
funda er að koma á „opinskáum"
umræðum um sameiginleg hags-
munamál vestrænna ríkja. Fund-
irnir eru ávallt lokaðir fjölmiðl-
um. Samkvæmt umfjöllun á
Internetinu eru umræðuefni
fundarins nú m.a. stríðið f
Kosovo, efnahagsvandinn í Asíu,
2000-vandinn og framtíð NATO.
Er jafnvel talað um að leggja nið-
ur NATO og að vestræn ríki sam-
einist um einn herafla.
Þekkt nöfn
Aðrir áhrifamenn úr íslensku
þjóðlífi en Davfð, sem þekkst
hafa boð Bilderberg, eru m.a.
Geir heitinn Hallgrímsson, Ein-
ar Benediktsson, sendiherra,
Hörður Sigurgestsson, forstjóri
Eimskips, Jón Sigurðsson, fyrr-
um ráðherra og núverandi
bankastjóri NIB, Björn Bjarna-
son, menntamálaráðherra, og
faðir hans, Bjarni heitinn Bene-
diktsson.
Af erlendum gestum, sem set-
ið hafa Bilderberg-fundina, má
t.d. nefna Henry Kissinger,
Emmu Bonino, Leon Brittan,
Uffe-Elleman Jensen, Carl Bildt,
fréttakonuna Lesley Stahl á
CNN, Colin Powell, Richard
Holbrook, Paavo Lipponen,
William Hague, Solana núver-
andi framkvæmdastjóra NATO
og Carrington lávarð sem er for-
maður samtakanna. — BJB
Sjómaimadagsblað Austurlands
komið út
Sjómannadagsblað Austurlands er nú komið út, fullt af fróðleiks- og
skemmtiefni. Blaðið er um 100 síður og inniheldur á þriðja hundrað
ljósmyndir og um 30 greinar. Efnistök eru fjölbreytt og spanna allt frá
hversdagsvísum til sjóslysa, með mataruppskriftum, gömlum sögum,
vísindum og viðtölum þar á milli. Blaðið höfðar því ekki aðeins till allra
Austfirðinga heldur til landsmanna allra. Meðal greinarhöfunda í blað-
inu eru Arni M. Mathiesen, sjávarútvegsráðherra, Bjarni Hafþór Helga-
son, framkvæmdastjóri, Anna Olafsdóttir, næringarfræðingur, Ragnar
Ingi Aðalsteinsson og fleiri. Ritstjóri Sjómannadagsblaðs Austurlands er
Kristján J. Kristjánsson frá Sjónarhóli á Norðfirði.
Helmingslækkuu á sölulaimum
Ibúðalánasjóður náði helmings lækkun á sölulaunum - úr 1,5% niður í
0,74% - í útboði sem hann efndi til, með milligöngu Ríkiskaupa, vegna
sölumeðferðar íbúða sem Ibúðalánasjóður eignast á uppboðum og
vegna hagsmunagæslu og mætinga við nauðungarsölur hjá sýslumönn-
um. Ahugann vantaði ekki. Að sögn Viðskiptablaðsins bárust 73 tilboð
frá 41 aðilá hvar af ríflega helmingnum var tekið. Helmings lækkun
ætti að spara íbúðalánasjóði einar 3 milljónir á ári í sölulaun vegna
fbúða á höfuðborgarsvæðinu, m.v. 6-7 milljóna greiðslur í fyrra. Minni
lækkanir náðust fram annars staðar á landinu og í öðrum þáttum út-
boðsins, einkum á minni stöðum, þaðan sem fá tilboð bárust. Lítil
lækkun varð t.d. á kostnaði vegna mætinga hjá sýslumönnum á lands-
byggðinni. - HEI
Efling mótmælir hækkimum
Stjórn Emngar - stéttarfélags hefur mótmælt harðlega hækkunum
tiy'ggingafélaga á iðgjöldum vegna bifreiðatrygginga. I yfirlýsingu stjórn-
arinnar segir að hækkanirnar séu tilefnislausar með hliðsjón af veruleg-
um hagnaði tryggingafélaga mörg undanfarin ár og digrum og sístækk-
andi bótasjóðum. Þá er bent á að útreikningar tryggingafélaga á afkomu
vegna bifreiðatrygginga gefi ekki rétta mynd af afkomunni þar sem fjár-
magnstekjur af bótasjóðunum vegna umferðarslysa séu ekki nema að
hluta bókaðir sem tekjur vegna bifreiðatrygginga. Félagið mótmælir enn
fremur hækkunum á bensíngjaldi og telur stjórnin það sérstaklega
ámælisvert að ríkisstjórnin skuli ganga fram fýrir skjöldu um þá hækk-
un, sem muni óhjákvæmilega bitna á Iáglaunafólki.