Dagur - 24.06.2000, Blaðsíða 2
2 —LAUGARDAGUR 24. JÚNÍ 2000
D&fptr
FRÉTTIR
Stefnt að 17 millj-
arða tekjuafgangi
Fjárlög 2001. Ivið
meiri afgangur en í
ár. Niðurskurður í
sanmeyslu ávísuu á
óróa. Áhyggjufiillt at-
vinnulíf.
Stefnt er að því að 17 milljarða
afgangur verði á fjárlögum ríkis-
sjóðs á næsta ári. Það er ívið
meira en á þessu ári. Við fjár-
lagagerðina er verið að farið yfir
alla þætti með tilliti til fram-
kvæmda ríkisins og áhrifa þess á
þenslu. Jón Kristjánsson, for-
maður fjárlaganefndar Alþingis,
segir að menn hafi einsett sér að
setja ekki þær tekjur sem koma
inn vegna aukinnar einkaneyslu
út í efnahagslífið. Hann segist
vonast til að hægt verði að ná
þessu án þess að skera niður
samneysluna að neinu marki.
Enda mundi sjálfsagt verða órói
á vinnumarkaði ef gengið yrði
mjög harkalega fram í því.
MiMar áhyggjur
Á fundi Samtaka atvinnulífsins í
fyrradag kom fram að atvinnu-
rekendur hafa miklar áhyggjur af
versnandi sam-
keppnisstöðu at-
vinnulífsins og
verðbólgu. Þau
hafa m.a. hvatt
ríki og sveitarfélög
til að draga úr út-
gjöldum sínum.
Samtökin telja
einnig að það
þyrfti að létta á
þeim úrræðum
sem birtast í
háum vöxtum og
háu gengi í pen-
ingastjórnun með
meira aðhaldi í
opinberum rek-
stri. Einnig þarf
að stuðla að
minni neyslu al-
mennings og auka
sparnað í stað
skuldasöfnunar.
Þá sé mjög að-
kallandi að ræða
allar leiðir til að
bæta samkeppnis-
stöðuna, lækka kostnað og auka
framleiðni. I húfi sé m.a. áfram-
haldandi velmegun, stöðugleiki
og friður á vinnumarkaði með
kjarasamningum til langs tfma.
Þögn niii innflutiiiiigsverð
Formaður Ijárlaganefndar segist
alls ekki gera lítið úr þætti ríkis-
sjóðs í þessu máli og þeim vanda
sem mikil þensla getur haft á
efnahagslífið. Hinsvegar finnst
honum að Samtök atvinnulífsins
mættu einnig beina tilmælum
sínum til ýmissa annarra að
hægja aðeins ferðina. I því sam-
bandi bendir Jón t.d. á að þrátt
fyrir gengisþróunina hafi inn-
flutningsverð ekki Iækkað sem
því nemur. Hann segist engar
ályktanir hafa heyrt um það frá
Samtökum atvinnulífsins.
„Krítískt“ ástand
Aðspurður hvort hann sé jafn
bjartsýnn og forsætisráðherra að
hægt sé að ná tökum á verðbólg-
unni segir hann að ástandið sé
mjög „krítískt." Hinsvegar telur
hann enga ástæðu til að vera
með heimsendaspár í þeim efn-
um. Engu að síður verður að
leita allra ráða til að „kæla“ efna-
hagskerfið ef svo má segja. Það
sé einnig mjög alvarlegt þegar
verðbólgan mælist yfir 5% í nú-
tíma efnahagskerfi og alþjóðlcgri
samkeppni. Enda sé ekki hægt til
lengdar að búa við allt annað
verðbólgustig en aðrar sam-
keppnisþjóðir. Af þeim sökum sé
það mjög áríðandi að það takist
að koma böndum á verðbólguna
og hann vonar að svo geti orðið.
-GRH
Greiðslur Innheimtustofnunar
svara til þess að hún hafi þurft að
greiða með um 3.600 börnum
milljarðiir
í meðlag
Innheimtustofnun sveitarfélaga
fékk 544 milljónir úr Jöfnunar-
sjóði í fyrra til að greiða meðlag
með börnum fyrir feður sem
sem ekki stóðu í skilum með sín
lögboðnu meðlög, samkvæmt
Sveitarstjórnarmálum. Al-
mennt meðlag nam um 152.300
krónum með hverju barni á síð-
asta ári. Greiðslur innheimtu-
stofnunar svara því til þess að
hún hafi þurft að greiða með um
3.600 börnum, fyrir feður þeirra
- sem er t.d. litlu minni barna-
hópur heldur en fæðist hér á
landi ár hvert. Þessi 544 millj-
óna vanskilameðlög, sem greidd
voru úr opinberum sjóðum,
samsvöruðu rúmlega 20% af
greiðslum Jöfnunarsjóðs til
grunnskólanna í landinu. En
þau námu um 2.650 milljónum
króna á síðasta ári. -HEl
Háskólaúrskurð-
ur feHdur úr gUdi
Áfrýjunarnefnd í kærumálum
háskólanema hefur fellt úr gildi
úrskurð háskólaráðs frá 7. apríl í
kærumáli Stúdentaráðs gegn há-
skólaráði. Málið snýst um fram-
kvæmd samkeppnisprófa í hjúkr-
unarfræði, en þar var prófum
breytt eftir að þau voru Iögð fyr-
ir, þ.e. ákveðnar spurningar voru
teknar út. Þetta Ieiddi til þess að
nemandi sem átti að komast
áfram miðað við þau próf sem
lögð voru fyrir lenti utan þess 69
manna hóps sem hleypt var
áfram. Háskólaráð féllst á þessa
framkvæmd en Stúdentaráð ekki
og kærði til áfrýjunarnefndar þar
sem krafist var að viðkomandi
nemandi fengi heimild til að
halda áfram námi sínu í hjúkrun-
arfræði. Krafa Stúdentaráðs var
sem sagt tekin til greina.
Úrskurður áfrýjunarnefndar-
innar hefur mikið fordæmisgildi,
þar sem fleiri nemendur eru í
sömu sporum, þ.e. komust ekki
áfram vegna framangreindra að-
gerða. Tveir nemendur í viðbót
hafa þegar kært til háskólaráðs
og ekki er ólíklegt að fleiri bætist
í hópinn. Þetta var í fyrsta sinn
sem Stúdentaráð kærði til áfrýj-
unarnefndar í kærumálum há-
skólanema.
Samnmi á iiskmörkuðuin
Fyrirtækin íslandsmarkaður hf.
og Reiknistofa fiskmarkaða hf.
verða sameinuð frá og með
næstu mánaðamótum, sam-
kvæmt samkomulagi sem stjórnir
þeirra hafa undirritað. Bæði
þessi félög hafa annast rekstur
tölvukerfa fyrir fiskmarkaði
landsins og er tilgangur samein-
ingarinnar að auka hagkvæmni í
rekstri, að auðvelda frekari upp-
byggingu tölvukerfanna, að auka
möguleika til að flytja út íslenska
þekkingu á þessu sviði og að
bæta þjónustu við fiskmarkaði,
fiskkaupendur og seljendur.
Samruninn fer þannig fram að
Reiknistofa fiskmarkaða tekur
yfir allar eignir og skuldir Is-
landsmarkaðar en nýja fyrirtældð
mun svo heita íslandsmarkaður
hf. Ingvar Örn Guðjónsson verð-
ur framkvæmdastjóri en hann
kemur frá Reiknistofunni.
Franskir í Höfða
Sjóliðar frönsku skonnortanna frá bænum Paimpol, sem legið hafa
við Miðbakka, gáfu borginni gjafir í gær og lögðu blómsveiga í kirkju-
garðana við Suðurgötu og í Fossvogi til minningar um franska sjó-
menn, sem fórust við Islandsstrendur á árum áður. Sjóliðarnir þáðu
síðan hádegisverð í Höfða í boði borgarstjóra. Skonnorturnar hafa
verið hér í tilefni af siglingakeppni sem fram ler milli Paimpol og
Reykjavíkur.
Hryggð og vanþókmm
Framkvæmdanefnd Stórstúku Islands
IOGT lýsir yfir sárri hryggð og mikilli van-
þóknun á þeirri yfirgengilegu undanláts-
semi sem viðgengst nú í leyfisveitingum til
áfengissölu af hvaða tilefni og og við hvaða
tækifæri sem er. Þetta kemur fram í álykt-
un sem framkvæmdanefndin hefur nýlega
gert. Gleggstu dæmin um þetta segir
framkvæmdanefndin vera áfengissölu á
tónleikahátíðum í höfuðborginni þar sem
þó var vitað að mikill fjöldi tónleikagesta var langt undir lögaldri til
áfengiskaupa og markhópurinn jafnvel börn og unglingar.
I bókuninni segir einnig: „Framkvæmdanefnd Stórstúku Islands
vekur athygli á þvf að hvarvetna hefur greiðara aðgengi að áfengi Ieitt
til aukinnar neyslu þess með öllum þeim skelfilegu vandamálum sem
henni fylgja. Ekki hvað síst kemur þetta fram í neyslu æ yngri aldurs-
hópa svo sem við höfum skýrust dæmi um hér á landi í framhaldi af
því að lögleidd var sala á bjór.“
Stórstúkan óánægð með
áfengismálin.
Fjórir prófessorar í myndlist
Rektor Listaháskóla íslands hefur ráðið f fjórar stöður prófessora við
myndlistadeild skólans. Umsóknir um prófessorsstöður voru alls
átján. Dómnefnd um mat á hæfi umsækjenda komst að þeirri niður-
stöðu, að átta umsækjendur teldust „Vel hæfir,“ þrír „hæfir,“ en sjö
tiildust ekki uppfylla sett skilyrði. Þau sem ráðin hafa verið eru Anna
Líndal, Einar Garibaldi Eiríksson, Ingólfur Örn Arnarsson og Tumi
Magnússon. Ráðning hvers þeirra er til allt að þriggja ára. Þá hefur
Gunnar Harðarson, heimspekingur og dósent við Háskóla íslands,
verið ráðinn gestaprófessor við dcildina.