Dagur - Tíminn Akureyri - 21.02.1997, Blaðsíða 3

Dagur - Tíminn Akureyri - 21.02.1997, Blaðsíða 3
Jkg«r-'3KtttQm Föstudagur 21. febrúar 1997 - 15 MATARLIFIÐ LANDINU 99 Það verður enginn svangur hjá mér 66 María er portúgölsk kona semfluttist til Patreksjjarðarjyrir um 10 árum Hún er al- veg bit á því hvernig íslendingar sóa mat og hversu dýrt þeir elda. Því hefur hún tekið sig til og œtlar að halda námskeið í að elda ódýrt með portúgölsku ívafi... Eg get komist af með að eyða 10.000 kr. í mat á mánuði, með drykkjum og hreinlætisvörum," sagði María við blaðamann þegar hann steig inn í ilmandi eldhús- ið. „Og það verður enginn svangur hjá mér," sagði hún og brosti með öllu andlitinu þegar hún sá vantrúarsvipinn á blaðamanni - sem reyndar átti alveg rétt á sér því María á 3 syni og alla á matfrekum aldri, 2 rétt rúmlega tvítuga og einn 6 ára. María hefur aðlagað sig að íslensku vöruúrvali og f stað þess að býsnast yfir verði á t.d. grænmeti þá talar hún um að fólk eigi að nýta betur það sem til er. Hún segist t.d. hafa farið og hirt forláta rófukál eitt sinn hjá fólki sem var að taka upp rófur en ætlaði að henda kálinu. „fslendingarnir hlógu og hlógu að mér." Sojakjöt En hver er galdurinn við að elda ódýrt? í fáum orðum má segja að ráð Maríu séu á þá leið að leita uppi það sem ódýrt er, drýgja rétti með ódýrum vörum eins og lauk, frystu grænmeti og slíku, nýta alla afganga og gæta þess að koma mat fyrir í frysti áður en hann fer að skemmast. María segist einnig nota sojakjöt mikið. Hægt sé að kaupa 300 gramma poka af María hefur verið að halda námskeið í því að elda ódýrt og ætlar að halda því áfram þótt hún ætli að fara sér hægt til að byrja með enda nýstigin upp úr aðgerðum vegna bak veiki. Hún hefur einnig selt matsölustað á Rauðarár- stígnum saltfisksrétti og hafa þeir runnið út. En til þess að geta eldað fyrir Islendinga hef- ur hún þurft að laga sig að matar- venjum ís- lendinga sem hún segir býsna ólíka Portúgölum. fslendingar þurfi að hafa allt svo fínt og hún segist hreinsa saltfisk- inn mun betur hér en heima í Portúgal. „íslendingar eru vanir að hafa allt svo tilbúið." María notar ferskt grænmeti ekki mikið hér á landi en hatði það sem með- iæti til hátíðabrigða á námskeiðinu. Hún segist nota mikið af alls kyns kryddum, m.a. kúmen sem sé mikið notað í portúgalskri matargerð. Nemendur Maríu á námskeiðinu smjöttuðu á matnum og hrósuðu öllum réttum. sojakjóti á 100-200 kr. og einn slíkur dugi í 7 máltíð- ir fyrir 4ra manna fjöl- skyldu, þ.e. í staðinn fyrir kjöt í ýmis konar rétti. En þá þuríi líka að krydda réttinn hressilega því sojakjötið sjálft sé bragðlaust. Og ólíklegt er að húa fái leið á sojakjötinu því hún segist eiga mörg hundruð upp- skriftir með í kolhnum. „Ég elda aldrei sama matinn." „Efnið er svo dýrt á íslandi og fólk er búið að vera svo blankt. En það er hægt að borða ódýran en hollan og góðan mat á íslandi," sagði Mar- ía. Það virð- ist ekki vera okkur ís- lendingum eðlislægt, því 40-50 þús. króna matarreikningar heyrast mun oftar en 10.000 kr. Vilji menn læra af henni Maríu þá geta þeir skráð sig á næsta námskeið í s: 562-1585. lóa so María notaði stórar bökunarkart- öflur í Portúgalska saltfiskinn. Saltfisklasagne (fyrír 6) i. 1 smátt skorinn laukur 3-4 pressuð hvítlauksrif 'á dós af niðursoðnum tómötum 3 msk. aftómatsósu 1-2 súputeningar Kryddað með 3 msk. af karríi og hnífsodd af eftirfarandi: papriku, pipar, Taza Masala, Schlaschlik, kúmeni, múskati og negul. Hráefnið er steikt í blöndu af ólífuolíu og matarolíu, laukurinn fyrst. Þegar laukurinn er orðinn glærgulur er ríflega hálfu glasi af vatni helt útí pottinn. II. Slurkur afólífuolíu '/2 skorinn laukur 1 pressað hvítlauksrif 400 g beinlaus saltfiskur Laukarnir steiktir á vægum hita í olíunni. Því næst er fiskurinn settur út í. Blandið saman 1 msk. af hveiti og rúmum dl af mjólk og hrærið út í fiskinn. Bætið við dálítið af ferskri stein- selju. III. Hvíta sósan: 1 glas afmjólk l'Á msk hveiti/maizena mjöl smá pipar 1 dl rjómi Fiskurinn, rauða sósan og lasagneplöturnar settar til skiptis í eldfast mót í 3 lög. Hvítu sósunni hellt yfir efsta lagið. Bakað í 200 gráðu heitum ofni í tæpan klukkutíma. Nokkrum mínútum áður en rétturinn er tilbúinn skal setja ostsneiðar yfir lasagne- að. Appelsínugul grœnmetissúpa 2kartöflur 300ggrasker l-2rófur 1 laukur 3 pressuð hvítlauksrif Soðið í potti fullum af vatni f um 15 mínútur. Þegar grænmetið er orðið meyrt er það maukað niður í mixara eða með svokölluðum töfra- sprota. Nú, ef eldhúsið er afar frumstætt má líka notast við stöppu. Þeg- ar súpan er orðin fagurlega appelsínulituð, með engum kekkjum, er 2 msk. af ólífuolíu bætt við, 1 msk. af ósoðnum hrísgrjónum, rófukáli (þessu græna ofan á rófunum) og tveimur súputeningum. Súpan er lát- in maHa í nokkrar mínútur en svo borðuð. Girnilegur sojakjötsréttur 1. 100 g sojakjöt sett í bleyti og látið liggja yfir nótt. II. Sósa með kjötinu: 1 glas AB-mjólk kryddað með dálitlu af: negul, túrmerik, múskati, papriku, pipar, pikles-kryddi, schaschlik og kúmeni. Sósunni hellt yfir sojakjötið og geymt þannig meðan verið er að útbúa heitu sósuna. III. Ólífuolía 1 laukur 3 hvítlauksrif '/2 dós aftómötum 3 msk tómatsósa 3 súputeningar 1-2 lárviðarlauf AB-sósan með kryddblöndunni gaf sojakjötinu afar gott bragð. Laukurinn er steiktur í olíunni og því næst er tómötum, tómat- sósu og teningum bætt við. Þegar sósan hefur mallað í dálitla stund er sojakjötinu bætt út í ásamt rúmlega hálfu glasi af vatni og glasi af frosnu blönduðu grænmeti. Soðið í um 40 mín. og borið fram með hrísgrjónum. Portúgalskur saltfiskur 1. Fjórar bökunarkartöflur skornar ífernt og steiktar þar til gull- inbrúnar í smá olíu. Geymdar. II. Ólífu- og matarolía 2 laukar skornir í skífur 4 pressuð hvítlauksrif Mikið afpapriku-kryddi Dálítill pipar Steikja í um 5 mín. Saltfiskur í roðflettum flökum er skorinn í stykki og stykkin eru lögð ofan á sósuna í pottinn. Lokið er lagt ofan á pottinn og fiskurinn er soðinn í gufunni í 10-15 mín. á lágum hita. Þá er steiktu kartöflunum raðað ofan í pottinn, upp með hliðunum. Potturinn hafður á hellunni í 5 mín. í við- bót en þá settur á kalda hellu. Niðurskorinni steinselju dreift yfir. Leyfa lokinu að sitja á pottinum í um 10 mín. í viðbót. Borið fram með glóðarsteiktum paprikum og grænmeti.

x

Dagur - Tíminn Akureyri

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur - Tíminn Akureyri
https://timarit.is/publication/252

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.