Dagur - Tíminn Akureyri - 05.03.1997, Blaðsíða 5

|Oagur-®mrám
Miðvikudagur 5. mars 1997 -17
VIÐTAL DAGSINS
Sagnfræðin á erindi til allra
Búist er við að allt
að 250 manns sitji
íslenska söguþing-
ið, sem verður hald-
ið í lok maí. Þar
verða tekin til um-
fjöllunar ýmis sögu-
leg efni, svo sem ís-
lensk heimili á mið-
öldum og ísland og
umheimurinn og
samskipti íslend-
inga og annarra
þjóða á þessari og
síðustu öld.
Þetta er stærsta fag-
ráðstefna sagnfræðinga,
sem er haldin hérlendis.
Þar munu koma saman fræði-
menn í greininni og bera saman
bækur sínar. Við viljum einnig
leyfa almenningi að kynnast
þessari fræðigrein, en það hefur
borið á þeirri umræðu að sagn-
fræði sé einangruð fræðigrein.
Þessu viljum við breyta og sýna
fram á að rannsóknir sagnfræð-
inga eigi erindi til allra,“ segir
Þórmundur Jónatansson sagn-
fræðinemi. Hann er íjölmiðla-
fulltrúi íslenska söguþingsins,
sem haldið verður í Reykjavík
28. til 31. maí í vor. Sagnfræði-
stofnun Háskóla fslands og
Sagnfræðingafélag íslands
standa að þinginu.
Viðamikil samkoma
fslenska söguþingið er viðamikil
samkoma. Búist er við að hana
sæki allt að 250 sagnfræðingar,
sagnfræðinemar og aðrir
áhugamenn um söguleg efni.
Þeir sem hyggjast sækja þingið
„Hefur borið á þeirri umræðu að sagnfræði sé einangruð fræðigrein. Þessu viljum við breyta," segir Þórmundur Jónatansson, einn af forsvarsmönnum
íslenska söguþingsins, sem er til hægri á myndinni. Með honum er Viggó Ásgeirsson. Myn&. gs
ættu að láta skrá sig fyrir 15.
mars, en eftir þann tíma hækka
þátttökugjöld.
í megindráttum skiptist dag-
skráin í tvö aðalefni, sem
standa heilan dag hvort um sig.
Sex hliðarefni verða svo til um-
ræðu og þau standa í hálfan dag
hvert. í annarri aðalmálstofu
þingsins er tekin fyrir saga ís-
lensk heimilis á miðöldum, en
hitt aðalefnið fæst við fsland og
umheiminn og samskipti íslend-
inga við aðrar þjóðir á 19. og
20. öld. Þessi hluti þinghaldsins
er eingöngu ætlaður þinggest-
um, og fer fram í Odda. Aðrir
þættir á dagskrá þingsins verða
í Hátíðarsal Háskóla íslands.
Þar verður annars vegar boðið
uppá sérstaka dagská undir
heitinu Skiptar skoðanir. Þar
koma tíu fræðimenn og skiptast
á ólíkum skoðunum um hvenær
nútíminn hélt innreið sína á ís-
landi. Hins vegar verða fluttir
tólf fyrirlestrar, sem dreifast á
alla þingdagana. Öllum er
frjálst að hlusta á staka fyrir-
lestra og Skiptar skoðanir.
Fjölmargir fyrirlestrar
Margir aðrir fyrirlestrar verða á
söguþinginu. Þjóðarauðurinn -
varðveisla og miðlun, er yfir-
skrift fyrirlestra þann 29. maí.
Þar mun Ágúst Guðmundsson
ijalla um hvernig kvikmyndir
hafi sinnt þjóðararfinum og
lilja Árnadóttir safnstjóri á
Þjóðminjasafninu veltir upp
þeirri spurningu hvort söfn hafi
rækt hlutverk sitt við að varð-
veita arf þjóðarinnar. Þennan
sama dag flytur Guðjón Frið-
riksson sagnfræðingur fyrirlest-
ur um ris og hnignun íslenskra
flokksfjölmiöla. Er þá aðeins
fátt eitt nefnt af því sem verður
til umfjöllunar á fslenska sögu-
þinginu í lok maí næstkomandi.
-sbs.
Drulla, 40.000.000.000, blóm og fleira
HallMon
Gleðilegt vor kæru lesend-
ur. Eftir snjóinn í Osló,
rigninguna í Bergen og
rokið í Köben er komið vor. Al-
vöru vor með fimmtán stiga
hita, túlípönum, sól og síðdeg-
iskaffi útí garði. En samt logar
allt í mótmælum. Ekki útaf lág-
um launum heldur kjarnorku-
úrgangsflutningum. Og nú
stendur ekkert smáræði til. Því
eins og löngu ljóst ætti að vera
nenna Frakkar ekki lengur að
geyma geislavirkt drasl fyrir
Þjóðverja og vilja skila þessu til
baka og „Deutsche Bahn AG“,
sem sagt „Þýskar lestir hf.“,
taka að sér að flytja herra Ca-
stor eftir leynilegri leið á braut-
arteinunum hingað til Norður-
Þýskalands þar sem Gorleben
heitir og á vel við. Þar er nefni-
lega millilager fyrir svona dót
og stendur næstum alveg autt
og tilbúið fyrir kjarnorkuker
fyllt af plútóni. En einsog í
Hvalfirðinum eru bændur hér
ekkert sérstaklega hrifnir af
ruslinu og vilja ekki sjá neinn
Castor koma rúllandi í sveitina.
Þeir njóta að sjálfsögðu
liðsinnis náttúruverndarsinna
og kjarnorkuandstæðinga mis-
öfgasinnaðra. Lögreglan er til-
búin með 30 þúsund manna lið
til að taka á móti Castor og
hrekja skrflinn burt af brautar-
teinunum. Þetta er mesta lög-
reglulið sem saman er komið
hér í Þýskalandi frá stríðslok-
um. Því nú á að sýna þessum
pönkurum í eitt skipti fyrir öll
hver ræður hér og að lagerinn
verði fylltur af 240 Castorum á
næstu árum sem allir innihalda
þetta fína plútóníum 239. Sem
er að vísu smá geislavirkt en
geislavirknin minnkar um
helming ... á 24.110 árum, af
sjálfu sér á lagernum. En þang-
að til sá tími rennur upp verður
vonandi búið að byggja enda-
stöð eða endanlegan lager fyrir
Castorana og flytja allt þangað.
Einhversstaðar verður allt
lögguliðið að sofa og geyma
táragasið sitt og kylfurnar
þangað til allt er komið í höfn.
Mönnum þótti því tilvalið að
gefa skólakrökum frí í leikfimi
og setja upp rúm í leikfimihús-
unum fyrir lögreglurnar. Það
þótti krökkunum hinsvegar ekki
gott og settust að í leikfimisöl-
unum og neituðu að fara fyrr
en bæjarstjórnin lofaði að
hleypa engum löggum í stur-
turnar og leikfimi. Og fyrsti sig-
ur er unninn og lögreglan verð-
ur að finna sér nýjan nætur-
stað. Gæti að vísu orðið dýrara
en hvað munar um það þegar
aðgerðir lögreglunnar eiga
hvort sem er að kosta litla 40
milljarða íslenskra króna bara
þessa viku sem flutningurinn á
að standa yfir. Fyrir þann pen-
ing gæti maður auðvitað gert
ýmislegt, en ríkið er nú búið að
spara svo mikið af peningum á
ódýrri raforkunni úr öllum
kajrnorkuverunum að það
munar ekki um nokkrar millur
af D-mörkum. Annars eru
grænfriðungar á tvennum víg-
stöðvum um þessar mundir, því
þeir eru líka með áróður og
mótmælagöngur gegn því að
fólk leiki sér að matnum. Aðal-
lega vísindamenn samt. Gen-
tómatar og maís eru ekki vin-
sæll matur á okkar diskum og
fyrst það er ekki hægt að koma
í veg fyrir genavöruframleiðslu
þá er nú að minnsta kosti hægt
að merkja genmaísinn sérstak-
lega en því nenna framleiðend-
ur helst ekki. Kohl er hinsveg-
ar alveg á móti genarollum og
öðrum klónum enda ekki þýsk
framleiðsla. En það eru víðar
mótmæli, því að í Múnchen
stendur yfir sýning á stríðs-
myndum teknum af hermönn-
um úr seinni heimsstyrjöldinni
þar sem þýskir hermenn sjást
murka lífið úr varnarlausu
fólki. Og þetta líkar hægri
mönnum, nýnastistum og öðr-
um þjóðernissinnum ekki enda
voru hermennirnir hetjur í
þeirra augum en ekki morðingj-
ar. Eiginlega ætlaði ég líka að
skrifa um þriggja lítra bfla, ál-
ver, göngugötur og ógeðslegar
parasetamól-auglýsingar og
hversu gott það er að ala upp
börn í Þýskalandi og vorið .. en
það verður bara að bíða þang-
að til næst. Kœrar kveðjur.