Dagur - Tíminn Akureyri - 16.07.1997, Qupperneq 5

,®agyr-®ítttnm
F R É T T
Miðvikudagur 16. júlí 1997 - 5
I R
Bandaríkin að lokast?
Nýjar tillögur Samstarfsnefndar bandarískra læknasamtaka gætu leitt til þess að íslemskir læknar geti ekki stundað
framhaldsnám f Bandaríkjunum.
Óttast er að aðgangur
íslenskra lækna að
háskólasjúkrahúsum í
Bandaríkjunum muni
jafnvel lokast vegna
vaxandi offramboðs
lækna þar.
Atriði í tillögum samstarfs-
nefndar bandarískra
læknasamtaka til að
stemma stigu við vaxandi fram-
boði á læknum vestra geta haft
mjög mikla þýðingu fyrir mögu-
leika erlendra lækna, þeirra á
meðal íslenskra, á að stunda
framhaldsnám í Bandaríkjun-
um, segir Davíð 0. Arnar í
Læknablaðinu (júlí-ág.’97).
Annars vegar er lagt til að
námsstöðum verði fækkað um
8.000 á ári og hins vegar að
Medicare (ríkistryggingastofnun
aldraðra og öryrkja) hætti að
greiða fyrir menntun erlendra
lækna.
Af um 25.000 námsstöðum á
fyrsta ári, sem nú eru í boði í
Bandaríkjunum, manna banda-
rískir læknar aðeins um 16.000,
en reynt er að fylla hinar með
útlendingum. En meginhluti
þeirra dvelur síðan áfram í
Bandaríkjunum að sérfræði-
þjálfun lokinni og keppir um
stöður við innfædda.
Fjármögnun þessa náms hef-
ur til þessa verið þannig háttað
að Medicare hefur greitt há-
skólasjúkrahúsxmum sem svar-
ar tæplega 5 milljómnn kr. á ári
fyrir hverja námsstöðu, þannig
að bandarískir skattgreiðendur
borga 15-20 milljónir fyrir 3-
4ra ára sérfræðimenntun hvers
læknis, útlendinganna einnig.
Þykir því að vonum að stjórn-
völd skoði fyrrnefndar tillögur
ofan í kjölinn. En ljóst þykir, að
komi þær til framkvæmda yrði
miklum mun erfiðara fyrir
lækna að komast í námsstöður í
Bandaríkjumnn og þar á ofan
óskaplega dýrt.
Ekki alveg svart
Matthías Halldórsson aðstoðar-
landlæknir segir að ekki sé al-
svart í þessu efnum: í fyrsta lagi
verði alltaf stöður til fyrir góða
menn vestra, og þá sé Evrópa
að opnast með auknum sam-
skiptum sem geti leitt margt
gott af sér fyrir hérlenda lækna.
HEI
Kvennalistinn
Fundað um
nýjar leiðir
Meðan landsmenn eru í
sumarfríi hafa kvenna-
listakonur fimdað reglulega
einu sinni í viku um nýjar
leiðir í kvennabaráttu.
Framkvæmdastýra Kvenna-
listans segir að hugsanlegt
samstarf við hina stjórnar-
andstöðuflokkana sé meðal
annars til umræðu. Niður-
staða fundanna verði örugg-
lega kynnt síðar.
„Við höfum tekið þátt í
sameiginlegum viðræðuhóp
stjórnarandstöðuflokkanna.
Við sendum bréf til hinna
flokkanna og vildum fá
nefnd sem myndi ræða af al-
vöru um kvenfrelsi og þátt
kvenna í hugsanlegu fram-
tíðarsamstarfi. Við vildum fá
að heyra um vilja og hug-
myndir hinna flokkanna,"
segir Sigrún Erla Egilsdóttir,
framkvæmdastýra Kvenna-
listans.
Á fundunum er einnig
fjallað um kvenréttindabar-
áttu á hinum Norðurlöndun-
um, meðal annars kvóta-
kerfi og svokallað „main-
streaming“, það er að við
ákvarðanatöku og stefnu-
mótun sé tekið tillit til þess
hver áhrifín verða á karla og
kornn-. -GHS
Lögreglan á Akureyri
Daníel Guðjónsson, iögreglustjóri á Akureyri, tekur við lyklum af nýjum
lögreglubíl frá umboðsmanni Heklu hf. Þetta er áttundi bdlinn af tfu sem Hekla
hf. afhendir lögreglunni á Akureyri. Myn&. e.ó
Ríkissaksóknari
Ræða bara
umfjöllunina
orsteinn Geirsson, ráðu-
neytisstjóri dómsmála-
ráðuneytisins, mun ræða
við ríkissaksóknara á næstunni
um unifjöllun þá sem orðið hef-
ur um fjárhag hans. Ekki stend-
ur til að fara fram á það við
Hallvarð Einvarðsson að hann
geri opinberlega grein fyrir
fjárreiðum sínum. Fram hefur
komið í fjöliniðlum að ríkissak-
sóknari hefur verið fjárhags-
kröggum í mörg ár og fyrir
nokkrum árum tók Landsbank-
inn íbúð hans upp í skuldir.
íbúðin var nýlega seld aftur og
flutti ríkissaksóknari þá í sum-
arbústað sinn við Elliðavatn.
Þorsteinn Pálsson, dómsmála-
ráðherra, ítrekaði í samtali við
Dag-Tímann í gær að ráðuneyt-
ið gæti ekki séð að það væri
neitt í þessu máli, sem benti til
þess annars en ríkissaksóknari
fullnægði þeim skilyrðum sem
lög kvæðu á um. Hann væri
ekki gjaldþrota og því ekki
ástæða fyrir ráðuneytið að
grípa inn í. En hvað á ráðuneyt-
isstjórinn að ræða um við Hall-
varð Einvarðsson? „Þeir ræða
bara saman um þessa umfjöll-
un sem orðið hefur um málið,“
segir dómsmálaráðherra. Það
verður væntanlega fljótlega eft-
ir að ríkissaksóknari kemur úr
sumarfríi.
Veðjað á reynsluna
Fyrstu togararnir á
leið í Barentshafið.
Allir túrar óskrifað
blað í byrjun.
Reynslan segir okkur að
það sé fiskur í Smugunni
á þessum árstíma," segir
Eiríkur Tómasson, fram-
kvæmdastjóri Þorbjarnar hf. í
Grindavík.
í vikunni heldur annar af
tveimur frystitogurum fyrirtæk-
isins, Hrafn Sveinbjarnarson
GK, í Smuguna í Barentshafi.
Tveir aðrir togarar eru á
leiðnni þangað norður, Orri ÍS
og Stakfellið ÞH. Viðbúið er að
fleiri togarar muni halda þang-
að á næstunni.
„Ég hef aldrei vitað hvað
menn munu fá þegar þeir fara
á sjóinn," segir Eiríkur að-
spurður hvernig túrinn leggst í
útgerðina. Hann segist ekki
hafa heyrt eitt einasta orð um
að einhverja veiði væri að hafa í
Smugunni. í því ljósi hafa t.d.
skipverjar á Hrafni búið sig
undir að eiga langa útiveru fyr-
ir höndum, eða jafnvel til
ágústloka.
Framkvæmda-
stjóri Þorbjarnar
segir að afleiðingar
af hagræðingu í
sjávarútvegi skili
sér í meiri kvóta á
hvert skip. Það
skýrir að hluta af
hverju togaraút-
gerðir senda skip
sín seinna en áður
til veiða í Smug-
unni. -grh
Eiríkur Tómasson
framkv.stj- Þorbjarnar hf. i Grindavík
„Reynslan segir okk~
ur að það sé fiskur í
Smugunni á þessum
árstíma“
Peningamarkaður
Umframeftirspurn
eftir ríkisvíxlum
Takmarkað framboð á
ríkisvíxlum vegna
lítillar lánsfjárþarfar
ríkissjóðs.
Frá því línur skýrðust í
kjaramálum um miðjan
apríl hafa skilyrði á pen-
inga- og gjaldeyrismarkaði ver-
ið þannig að umframeftirspurn
hefur verið eftir ríkisvíxlum og
stöðugt innstreymi gjaldeyris,“
segir í Hagtölum Seðlabankans
þar sem ljallað er um þróunina
á fyrstu mánuðum ársins.
Seðlabankinn segir greinilegt
að kjarasamningarnir hafi ann-
að hvort stuðlað að lægri verð-
bólguvæntingum eða lægra
áhættuálagi, nema hvort
tveggja sé.
Umframeftirspurn eftir ríkis-
víxlum segir Seðlabankinn stafa
af litlu framboði þeirra, sökum
lítillar lánsfjárjiarfar ríkissjóðs.
Þessi umframeftirspurn hafi
vaxið eftir því sem liðið hefur á
árið, og kjarasamningarnir og
mikið gjaldeyrisinnstreymi
magnað hana. Erlendar lántök-
ur, bæði langar og stuttar, virð-
ast meginskýringin á gjaldeyris-
innstreyminu. Að baki þeirra
liggi vaxtamunurinn milli ís-
lands og nágrannalandanna
þar sem vextir séu um 3-3,5
prósentustigum lægri en hér.
Sérstaklega hafa endurlán
bankanna á erlendu lánsfé auk-
ist mikið. - HEI