Dagur - Tíminn Akureyri - 17.07.1997, Blaðsíða 2

ílagur-^Jtmum
2 - Fimmtudagur 17. júlí 1997
F R É T T I R
Myndlistarmennt
Kiddi, Einar, María og Erla Dröfn sögðu leiðsögnina fína en ekkert þeirra, nema María, hafði áður farið sjálfviljugt
á myndlistarsýningu. „Nei, vá rólegur maður," sagði Kiddi og þótti hugmyndin fráleit. Þau virtust hafa náð útskýr-
ingum llluga að hluta en eins og Kiddi sagði: „Sumt af þessu var alveg fáránlegt og ég botnaði ekkert í því.“ En
fíluðu þau eitthvað verkið? Já, þau fíluðu Erró. „Hann er að mála nútímann..." Myn&E.ói.
Ala upp gagnrýna
neytendur
Heiti Potturinn
Nefnd sem falið var að gera
tillögur um framtíðarskip-
an bæjarmála á Sauðárkróki
ætlar að kynna niðurstöður
sínar í dag og fullyrt er f heita
pottinum að þar sé að finna
margar bombur. Engir pólitík-
usar áttu sæti í nefndinni, né
heldur áttu bæjarstjórnarflokk-
arnir sérstaka fulltrúa þar. Það
segja pottormar að kunni að
skýra þá ósvinnu nefndar-
manna að vilja kynna tillögur
sínar fyrst á almennum borg-
arafundi, í stað þess að kynna
bæjarfulltrúunum þær fyrst.
Þeir verða að sætta sig við að
sitja á bekk með óbreyttum al-
múganum og hlusta á framtíð-
arnefndina. Sagt er að það
hafi komið nokkuð á bæjarfull-
trúa, þegar þetta rann upp fyrir
þeim, en þeir hafi ekki þorað
að setja sig upp á móti því.
Hafnarfjarðarpólitíkin er oft
til umræðu í heita pottin-
um þessa dagana, enda búist
við að til tíðinda dragi í meiri-
hlutasamstarfi krata og Jó-
hanns Bergþórssonar. Því
verður væntanlega slitið fljót-
lega og myndaður meirhluti A-
flokkanna. Allaballar eru sagðir
tilbúnir til sætta sig við Ingvar
Viktorsson sem bæjarstjóra út
kjörtímabilið en ekki lengur.
Reyndar er fullyrt að Ingvari
verði skipt út af lista krata fyrir
kosningarnar næsta vor og
jafnvel fleirum af núverandi
bæjarfulltrúum flokksins. Sagt
er Tryggvi Harðarsson sé far-
inn að líta hýru auga til alþing-
ishússins við Austurvöll. Einnig
er fullyrt að Guðmundur Árni
Stefánsson sé tvístígandi yfir
því hvort hann eigi að leiða
Hafnafjarðarkrata og verða
bæjarstjóri eða halda áfram á
þingi og taka slaginn aftur við
Sighvat Björgvinsson um for-
mennsku í flokknum á flokks-
þingi 1998.
Illugi Eysteinsson
hoppar, tekur andköf,
leggst flatur, rífur skó
af áheyranda, slettir
og svissar milli móð-
urmálsins og tv-máls-
ins. Hvar? Á Kjarvals-
stöðum...
Starfsmenn Kjarvalsstaða
eru nefnilega að reyna að
brúa bilið milli myndbstar-
innar og unglinganna. Ekki
með því að tala niður eftir ffla-
beinsturninum heldur með því
að útskýra hvernig landslagið
vék fyrir fólkinu í landinu á 4.
áratugnum („landslag, who gi-
ves a shit?“), hugmyndir abstr-
aktmálaranna um mátt lita og
forms með vísunum í appels-
ínugula plaststólana á McDon-
alds, gulu bekkina á Subway,
re-mixið í verki Errós o.s.frv.
Er’ann eikva
ruglaður
Það er listamaðurinn Illugi Ey-
steinsson sem á heiðurinn af
leiðsögninni en í sumar hafa
allir 10. bekkingar í Vinnuskól-
anum í Reykjavík farið á yfir-
litssýningu Kjarvalsstaða sem
spannar íslenska listasögu frá
upphafi til vorra daga. Dagur-
Tíminn slóst í för með þeim í
gær og fylgdist með því hvernig
unglingarnir litu stundum hver
á annan með svipnum: „er’ann
eikva ruglaður maðrinn?" en
létu sig samt hafa það að hríf-
ast með. Þeim leist að vísu fæst-
um á blikuna þegar hverjum og
einum var úthlutað einhverju
óvígu verkefninu, þ.e. að tjá til-
finningar sínar gagnvart
einhverju nútímalistaverkinu.
Unglingar illa
læsir á myndmál
„Við erum ekki að kenna krökk-
um að vera skapandi," segir
Ólöf K. Sigurðardóttir, safn-
vörður fræðsludeildar. „Við er-
um að efla áhuga þeirra á
skapandi list, fá þá til að vera
krítíska neytendur. Það er svo
rosalegt myndefni sem flæðir
yfir krakka og þau hafa ekki
nokkra aðstöðu til að meta það
því þau eru illa læs á myndmál
og ógagnrýnin."
Ólöf segir afar misjafnt
hvernig gangi að fá unglingana
til að tjá sig um verkin. „Ég
held að krakkar séu ekkert
vanir að tjá sig um eitthvað sem
er ekki lesið af bók, heldur þar
sem þau þurfa að draga eigin
ályktanir."
Kjarvalsstaðir ætla að halda
áfram að brúa bilið. Eftir ára-
mót er fyrirhuguð norræn sýn-
ing á samtímalist. Sýningin
verður kynnt sérstaklega fyrir
unglinga og gerð aðgengileg
fyrir þá, m.a. sett á Internetið
þar sem imglingar og aðrir geta
tjáð sig um sýninguna. Auk
þess er ætlunin að þjálfa upp
ungt fólk (17-20 ára) til að leið-
segja jafnöldrum sínum. Allt til
að ala upp gagnrýna neytendur.
lóa
Handbolti
Bergendi
skrifaði
undir í gær
Handknattleiksdeild KA hef-
ur endanlega gengið frá
samningum við ungverska
landsliðsmannin Zoltan Berg-
endi. Hann er talinn með allra
bestu vinstrihandarskyttum í
heiminum í dag svo ljóst er að
íslandsmeistararnir eru að fá
góðan liðsstyrk. Bergendi er
væntanlegur til Akureyrar á
næstu dögum. gþö
FRÉTTAVIÐTALIÐ
„Þú verður að spyrja Davíð að því
Orri Hauksson
aðstoðarmaður forsœtisráðherra
Orri Hauksson, 26 ára véla- og iðnaðar-
verkfrœðingur og varaformaður Heim-
dallar, hefur verið ráðinn aðstoðarmað-
ur Davíðs Oddssonar forsœtisráðherra.
SL tvö ár hefur Orri slarfað hjá utan-
landsdeild Eimskips og nta. undirbúið
stofnun skrifstofa í lYomsö í Noregi og í
Boston í Bandaríkjunum.
- Kom óvœnt til að þú ferð í starf
aðstoðarmanns forsœtisráðherra ?
„Þetta er búið að eiga sér nokkurn
aðdraganda. Ég var með tveggja ára
samning hjá Eimskip, sem átti að
renna út í haust. Hafði fyrirhugað að
fara til Spánar í mastersnám í við-
skiptum og eins til að skerpa á
spænskunni. En ég ákvað að söðla um
er þetta tækifæri bauðst. Nei, ég veit
ekki hvort fleiri voru í sigtinu varðandi
starfið. Þú verður að spyrja Davíð að
því.“
- / hverju felast slörf aðstoðar-
manns forsœtisráðherra og eru ein-
hver mál sérstaklega sem þú hefur
áhuga á að kynnast eða starfa að?
„Störf aðstoðarmanns ráðherra fel-
ast í að létta undir með ráðherra - t.d.
vinna grunnvinnu eða fylgja eftir mál-
um. En þetta er breytilegt - frá einu
máli til annars. Innan stjórnarráðsins
hefur forsætisráðuneytið aðallega með
samræmingar- og efnahagsmál að gera
og ég mun ekki nema að litlu leyti ráða
því hvaða verkefni ég vinn hverju
sinni. Ég leyni þó ekki að minn áhugi
beinist að því að bæta samkeppnis-
hæfni íslands. Ekki er sjálfgefið að
ungt fólk í dag velji ísland til framtíð-
arbúsetu. Lágir skattar, lítil höft á at-
hafnaþrá fólks og almennt takmörkuð
ríkisafskipti verða, að mínu mati, með
að því helsta til að gera það aðlað-
andi.“
- Hvernig Jinnst þér núverandi rík-
isstjórn hafa staðið sig?
„Að mörgu leyti vel, það er upp-
gangur í efnahagslífinu. í samsteypu-
stjórnum þarf hinsvegar að miðla mál-
um. Persónulega hefði ég viljað sjá enn
frekari þróun í frjálslyndisátt eiga sér
stað. Ég bendi á að í dag er yfir 40%
þjóðarframleiðslu ráðstafað með
skyldugreiddum gjöldum og enn hefur
ríkið yfirburðatök á fjármagnsmark-
aði. Það verður gleðilegt að sjá þetta
breytast."
- Telur þú að auka eiga framlög til
velferðarmálaflokks?
„Ég tel að skilgreina eigi markmið í
velferðarmálum, þannig að við hjálp-
um þeim sem virkilega þurfa. Þeim
sem hafa ekki aðra kosti. Þá sem geta
staðið á eigin fótum þarf ekki aðstoða.
Að auki finnst mér eðlilegt að fólki
verði sem mest hjálpað til sjálfsbjarg-
ar, en kerfið geri fólkinu ekki þann
grikk að það verði að varanlegum
þiggjendum."
- Telur þú þig vera jjálshyggju-
mann?
„Nei, ég tel mig frekar vera frjáls-
lyndan. Almennt hefur ungt fólk í dag
frjálslyndar lífsskoðanir þannig að við
erum ílest á svipuðu róli að því leyti -
þó flokkspólitískar skoðanir geti verið
mismunandi. Ég hygg að sem greiðust
samskipti, samvinna og viðskipti milli
fólks geri tvennt. Bæði tel ég slflct um-
hverfi laða það besta fram í fólki, svo
sem ábyrgð, sjálfsbjargarviðleitni,
dugnað og umburðarlyndi. Um leið
verður sem mest verðmætasköpun, at-
vinna og hagsæld með þessu móti, sem
nýtist þeim sem minna hafa - ekki síð-
ur en efnuðu fólki. Ríkisvaldið þarf á
móti að gæta þess að fólk brjóti ekki
hvort á öðru og hjálpa þeim sem
minnst mega sín.“ -sbs.