Dagur - Tíminn Akureyri - 17.07.1997, Blaðsíða 8

8 - Fimmtudagur 17. júlí 1997
PJÓÐMÁL
|Dagur-'3Kmmn

Útgáfufélag: Dagsprent hf.
Útgáfustjóri: Eyjólfur Sveinsson
Ritstjóri: Stefán Jón Hafstein
Aðstoðarritstjóri: Birgir Guðmundsson
Framkvæmdastjóri: Marteinn Jónasson
Skrifstofur: Strandgötu 31, Akureyri, Garðarsbraut 7, Húsavík og Þverholti 14, Reykjavík
Símar: 460 6100 og 800 7080
Netfang ritstjórnar: ritstjori@dagur.is
Áskriftargjald m. vsk. 1.600 kr. á mánuði
Lausasöluverð kr. 150 og 200 kr. heigarblað
Prentun: Dagsprent hf./lsafoldarprentsmiðja
Grænt númer: 800 70 80
Fax auglýsingadeildar: 460 6161 - Fax ritstjórnar: 460 6171
Góðir punktar
í fyrsta lagi
Loksins góðar fréttir úr umferðinni. Nýja punktakerfið
sem kynnt hefur verið mun veita ökumönnum aðhald,
gott aðliald. í viðtölum við Dag-Tímann lýsa almennir
ökumenn yfir ánægju sinni með nýja kerfið og óánægju
með ástand mála í umferðinni. Nú munu menn hugsa
sig um áður en þeir gerast lífshættulegir í umferðinni.
Ungir ökumenn þurfa sérstaklega á áminningu að
halda. Blaðið birti frétt frá Slysavarnafélagi fslands þar
sem fram kom að 2/3 þeirra sem láta lífið í umferðar-
slysum eru ungir vegfarendur. Glannaskapur og gal-
gopaháttur fara nú á syndaseðilinn og safnast saman.
Rétt eins og önnur brot.
öðru iagi
Loksins verður hægt að taka á vandamáli sem hingað til
hefur verið látið nánast átölulaust: lítil notkun öryggis-
belta. í viðtali við blaðið í dag, sem vert er að vekja sér-
staka athygli á, segir Margrét Sæmundsdóttir hjá Um-
ferðarráði að einungis 70-80% spenni belti. Þá eru 30%
barna laus í bflum. Margrét segir að rekja megi nýleg
dauðaslys til þess að börn séu ekki varin með öryggis-
búnaði. Nú gefst tækifæri til að taka á svona málum.
Löggæslan á ekki að fara fram með offorsi fyrstu
punktamánuðina, en nota þá til að minna á yfirvofandi
refsistig. Og síðan beita þeim.
J
í þriðja lagi
En fleiri úrbóta er þörf. Engin ástæða er til þess að
draga lengur að leyfa hægri beygju á móti rauöu ljósi á
flestum gatnamótum. Álagið á umferðarmannvirki er
slíkt. Þá er alveg óhætt að skilgreina hættur í umferð-
inni í víðara samhengi en nú er. „Sunnudagabflstjórar"
sem aka til að njóta útsýnis í garða bæjarbúa eða inn-
um stofuglugga þeirra eru stórhættulegir. Og af
einhverjum ástæðum fer sérlega slæmt orð af „köllum
með hatt“. Þeir aka hægt og ruglingslega, koma óorði á
tilteknar bflategundir, eru óútreiknanlegir og skapa
mikla hættu án þess að veita þvi' minnstu athygli. Eini
kosturinn við þá er sá að þeir eru auðþekkjanlegir.
Löggan á lflca að taka á þeim sem gera öðrum lífið
óbærilegt í umferðinni - þó í rétti séu.
Stefán Jón Hafstein.
SpuHttlng dxigöinA
Er Þjóðkirkjan orðin of frjálslynd, einsog
Ungt fólk með hlutverk rökstyður úrsagnir sínar
úr henni með?
Sr. Baldur
Kristjánsson
biskupsritari
S
Islenska þjóðkirkjan er x'
eðli sínu uraburðarlynd og
kærleiksrík, almenn og
breið og vill vera skjól sem
flestum kristnum mönnum.
Þeir sem ekki geta látið sér
lynda að Þjóðkirkjan sé með
þessum hætti verða að eiga
við sjálfa sig hvort þeir finni
sér þá annan stað í trúarlegu
tilliti. En ég hef þó ekki orðið
var við neinar hópúrsagnir
úr Þjóðkirkjunni að undan-
foi-nu. Satt að segjast efast ég
um að skoðanir Friðriks
Schram endurspegli skoðanir
Ungs fólks með hlutverk.
Sr. Sigurður Haukur
Guðjónsson
Jv. sóknarprestur
Þjóðkirkjan er of frjáls-
lynd fyrir suma af
prestum hennar. Kirkj-
an er klofin í fylkingar -
vegna þess að núverandi
biskup hefur lagt áherslu á
að auka safnaðarstarf. Undir
það voru klerkar óundirbún-
ir, og margir telja stól nú sín-
unx ógnað. En hafi fólk ekk-
ert að sækja til boðunar
klerksins, skil ég ekki hvers
vegna kirkjur eru byggðar
yfirleitt. Með auknu safnað-
arstarfi hefur myndast gjá
milli presta og safnaðar og
þess hefur biskupinn goldið.
♦

Sr. Bragi J.
Ingibergsson
sóknarprestur
á Siglufirði
*
Eg hef ekki kynnt mér
málflutning Ungs fólks
með hlutverk ítarlega,
en almennt er ég ósammála.
Kirkjan á að opna faðm sinn
gagnvart samkynhneigðum
einsog öðru fólki. Samkyn-
hneigðir eru fæddir einsog
þeir eru og við verðum að
láta af fordómum gagnvart
þeim. Samkynhneigð er ekki
lifsstíU sem hægt er að breyta
- og það á Þjóðkirkjan að við-
urkenna með skírskotun til
kærleiksboðskapar Krists.
Sr. Flóki
Kristinsson
Evrópuprestur
S
Islenska þjóðkirkjan er
frjálslynd á mörgum svið-
um, til dæmis hvað varðar
helgihald, en líka mjög lin
siðferðilega. Hættulega lin.
Það hefur lengi staðið til hjá
Ungu fólki með hlutverk að
stofna sinn eigin söfnuð,
enda hefur þetta fólk ekki
náð fótfestu innan Þjóðkirkj-
unnar.
1 — 1
S, TWi WSÆk
Gengur ekki lengur
„Skilnaðir meðal presta virðast
vera orðnir algengir og þeir gifta
sig aftur með pompi og prakt í höf-
uðkirkjum landsins. Þetta er meðal
annars ástæða þess að við getum
ekki starfað lengur innan kirkjunn-
ar. Á síðustu árum hefur orðið það
sem ég vil kalla hnignun, innan
kirkjunnar. Það hafa orðið fráhvörf
frá því sem áður var haft í heiðri.“
- Friðrik Schram, talsmaður Ungs fólks
með hlutverk, í Alþýðublaðinu í gær.
Einnota glópur
„Mér og öðrum vinum Framsókn-
arflokksins er afar mikill ami af
því Páll minn, að „einnota" glóp-
ur á þínum snærum hafi þvælt
þér inn í þessa endemis heimsku
og rýrt þannig verulega það sem
gott er við þitt rykti."
- Birgir Dýríjörð í opnu bréfi til félags-
málaráðherra í Alþýðublaðinu í gær.
Linnulaust diskódúndur
„Það eru ekki ópin og skrækirnir
í tívolígestum sem valda mér og
öðrum íbúum hugarangri og
heldur ekki flautið og ýlfrið í
tækjunum. Það er fyrst og fremst
linnulaust diskódúndrið, sem
stendur klukkustundum saman."
- Lesendabréf í Morgunblaðinu.
Ekki íkór
„Mér finnst öll umræða, bæði í
fjölmiðlum og á almannafæri, vera
á þeim nótum að þarna sé verið
að taka saklaus ungmenni, setja
þau í fangelsi og láta þau játa. Það
er einfaldlega ekki málið. Þetta
voru ekki saklausir kórdrengir.“
- Ragnar Hall, settur saksóknari í Geir-
fínnsmálinu, í DV í gær.
Hlutabréf í
sólarlaginu
Hlutabréf er lausnarorðið í dag.
Hlutabróf eru vegabréf að
himnaríki kapítalismans. Hluta-
bréf eru syndakvittun aumingjanna
sem ekki hafa döngun í sér til að
stofna eigin fyrirtæki. Enginn er mað-
ur með mönnum nema hann eigi
hlutabréf.
fsland er að verða háeff. Ekkert fyr-
irtæki eða fyrirbæri er svo aumt að
ekki sé hægt að stofna um það hlutafé-
lag og gefa út hlutabréf. Stofnuð eru
hlutafélög um stóðhesta og golfleikara.
Og það er örugglega hægt að selja
hlutabréf í efnilegum fótboltapilti,
feykiöflugri varphænu og óviðjafnan-
lega og gröðum og frjósömum hrúti.
Og nú stendur til að fara að selja
hlutabréf í menningunni.
íslensk menningarbylting hf.
Fyrsta eintak hins stórmerkilega og
góða blaðs Fjölnis leit dagsins ljós á
þjóðhátíðardegi USA. Þar er sagt frá
áformum nokkurra menningarvita um
að stofna í haust íslenska menningar-
byltingu hf. og bjóða út hlutafé fyrir
300 milljónir króna. Höfuðmarkmið fó-
lagsins er að blása nýju lífi í íslenska
menningu.
Þetta er að sjálfsögðu góð hugmynd
en ekki ýkja frumleg, því eins og áður
sagði er þegar búið að gera bróður-
part íslands að há
eff, meira að segja
kaupfélögin eru að
feta sig yfir í hluta-
bréfaformið og er þá
fokið í flest skjólin í
þeim efnum.
Vinsældir og gæði
En það verður vísast nokkrum vand-
kvæðum bundið að selja hlutabróf í ís-
lenskri menningu þar sem eðli hluta-
bréfakaupenda er að vilja græða á sín-
um hlutabréfum. Þeir vilja því væntan-
lega ráðskast með það í hvað hlutafé
þeirra er varið. Ég er t.d. viss um að
það er auðveldara að selja hlutabréf í
Björku Guðmundsdóttur en mér, þó ég
hafi gefið út ljóðabók fyrir rúmum 20
árum, eigi mikinn skúffukveðskap og
sé því ómótmælanlega hluti af íslenskri
menningu.
Vissulega stendur margt í íslenskri
menningu undir útlögðum kostnaði og
skilar arði. En sennilega eru fleiri
þættir hennar sem
ekki standa undir
sér, ef beinharðir
peningar eru eini
mælikvarðinn.
Hlutabréfakaup-
endur munu því
væntanlega krefjast
þess að þeirra fé verði lagt í metsölu-
höfunda, tónlistarmenn sem trekkja og
málara sem selja. Hlutafé í íslenskri
menningu mun því óhjákvæmilega
renna í þá menningarþætti sem þegar
ganga vel, þegar skila arði. En þeir að-
ilar sem e.t.v. þurfa mest á fjármagni
að halda, fá minnst í sinn hlut.
Og listamenn og menningarforkólf-
ar sem stefna að stofnun íslenskrar
menningarbyltingar hf., vita það ör-
ugglega manna best að það vinsælasta
og söluvænlegasta í menningunni á
hverjum tíma er ekki alltaf mesta og
besta listin. Það segir sagan okkur.
Að styrkja þá sterku
Málið er því nokkuð snúið. En auðvitað
er allt fé sem inn kemur til menning-
armála af hinu góða, jafnvel þó það
fari fyrst og fremst í styrki til þeirra
sem sterkastir eru fyrir og þeir veiku,
sem hugsanlega eru þó vaxtarbroddur
þeirrar menningar sem koma skal,
verði að láta sér nægja molana sem
hrjóta af borði þeirra betur settu.
En svona hefur þetta auðvitað alltaf
verið og verður væntanlega áfram.
Stofnun íslenskrar menningarbyltingar
hf. mun því væntanlega ekki valda
neinni byltingu í menningarlífinu. En
kannski mun hún auðvelda
einhverjum að skapa meiri og betri list
og þá er betur af stað farið en heima
setið.
Jóhannes Sigurjónsson.
fáAatmeó