Dagur - Tíminn Reykjavík - 14.01.1997, Qupperneq 3

^Dagur-®TOimn
Þriðjudagur 14. janúar 1997 - 15
SKÓLALÍFIÐ í LANDINU
„Nei, ég sakna þess ekki verulega að hafa persónuleg samskipti við nemendur, þó að vitanlega væri það
skemmtilegra," segir Haukur Ágústsson, kennslustjóri fjarnáms Verkmenntaskólans á Akureyri, sem hér er á
skrifstofu sinni. Mynd: -GS.
Við teljum að ekki hafi verið stigið
stærra skref til jöfnunar á náms-
aðstöðu fólksins í landinu, en með
tilkomu þessa fjarnáms. Nemendur okk-
ar eru gjarnan fólk sem ekki gæti stund-
að nám með öðrum hætti til dæmis
vegna búsetu eða annarra aðstæðna,"
segir Haukur Ágústsson, kennslustjóri
fjarnáms Verkmenntaskólans á Akur-
eyri.
Byggt á gagnvirkum
sendingum
Fjarnám, byggt á gagnvirkum tölvusend-
ingum, hófst við VMA vorið 1994. Á
ákveðnum dögum vikunnar fá nemend-
ur send verkefni, sem aimennt er gert
ráð fyrir að séu viku vinna. Þeim ber svo
að skila eftir vikuna eða í síðasta lagi
háifan mánuð til baka til kennarans og
þá með sama hætti og þau voru send
nemandanum. í skólanum eru verkefnin
yfirfarin og þau síðan send tii baka aftur
til nemandans.
Einnig eru í nokkrum greinum notað-
ar æfingar á veraldarvefnum. Þær eru
gagnvirkar og gert er ráð fyrir að nem-
andinn vinni þær sjálfur allt þar tii út-
koman er orðin 100% rétt og einkunnin
er 10. - Einsog aðrir nemendur hafa
íjarnemar námsbækur og vinna sín
verkefni eftir þeim. í annarlok ganga
þeir til prófs, sem eru þreytt í þeim skóla
sem viðkomanda hentar best. Sé nem-
andinn búsettur utan landsteinanna er
skrifstofu ræðismanns eða sendiráði
gjarnan breytt í prófstofu um stund.
Fjarnemum fer fjölgandi
„Þetta er til þess að gera einföld aðferð
við skólahald. Hún hefur hvergi verið
viðhöfð á Norðurlöndunum eftir því sem
ég best veit, og ég veit ekki af henni
annarsstaðar, þó svo að hún hljóti að
„Þetta er til þess að gera
einföld aðferð við
skólahald. “
vera notuð víðar en hér.
Nánar hliðstæður eru í
ijarkennslu Kennarahá-
skólans og Fósturskól-
ans hér á landi. Kennsla
okkar og þessara skóla
hefur vakið athygli
víða,“ segir Haukur
Ágústsson. -
Grunnbúnaðurinn
sem þarf til ijarnáms er
tölva og mótald, sem
helst má ekki vera
minna en 14.400 baud.
- Auk þessa tækjabún-
aðar þarf nemandinn
netfang á tölvunetinu,
sem opnar honum al-
mennan aðgang að því.
Fyrstu fjarnemendur við VMA vorið
1994 voru 17 talsins. Haukur var þá eini
kennari og kenndi námsáfangana ensku
102 og 212. Síðan hefur nemendum sí-
fellt verið að fjölga, sem og námsgrein-
unum. Á nýhafinni vorönn verða þær
alls 24 og kennararnir álíka margir.
Nemendur eru vel á annað hundrað. -
Kennslugjald fyrir fyrsta námsáfanga er
10 þús. kr., annar áfangi kostar 8 þús kr.
og sá þriðji og þaðan af fleiri kosta 6
þús. kr. hver.
Persónuleg samskipti væru
skemmtilegri
„Nei, ég sakna þess ekki verulega að
hafa persónuleg samskipti við nemend-
ur, þó að vitanlega væri það skemmti-
legra. Ég hef heyrt á sumum nemendum
að þeir sakna nokkuð persónulegra
samskipta við kennara sína, enda þótt
þeir telji það ekki hafa haft áhrif á nám-
ið sem slíkt,“ segir Haukur.
Tækifæri fjarnemenda VMA og kenn-
ara þeirra til að sjá og hittast geta verið
Nemendur á skólabekk. Heyrir það kannski
sögunni til í næstu framtíð að nemendur
mæti í skólann og fara öll samskipti milli
kennara og nemenda fram í rafrænu formi.
Hver veit?
„Nemendur á þeirri önn, sem
nú er að hefjast íNamibíu,
Rússlandi, Mexíkó, Frakk-
landi, Bandaríkjunum og
víðar. “
mjög takmörkuð. Þannig eru nemendur
á þeirri önn, sem nú er að hefjast í
Namibíu, Rússlandi, Mexíkó, Frakklandi,
Bandaríkjunum og víðar. í hinum fjar-
lægari löndum eru nemendur gjarnan
einstaklingar sem starfa þar á vegum ís-
lenskra fyrirtækja. Hér innanlands eru
nemendur á því sem næst hverju lands-
horni. Þá má nefna áhöfn togarans Sig-
urbjargar frá Ólafsfirði, sem, einsog
greint var frá í Degi-Tímanum á laugar-
dag, mun stunda fjarnám frá borði í vet-
ur.
Erfitt að sjá þróunina fyrir
Sem stendur eru tölvusamskipti VMA og
fjarnemenda hans að mestu í rituðu
máli. „Það er erfitt að sjá fyrir sér hver
þróunin í þessum efnum verður, til dæm-
is hvenær farið verður að flytja bæði
hljóð og mynd í gegnum tölvur milli
nemenda og skóla á hagkvæman og not-
hæfan hátt, en að því mun án efa koma.
Tæknin er í svo örri þróun um þessar
mundir að við sjáum ekki fullkomlega
fyrir hver framvindan í fjarnámi verður,
þó að við teljum víst, að íjarnám í gegn-
um tölvur sé framtíðarleið til náms,“
segir Haukur Ágústsson. -sbs.
Kópavogur
„Landið er ein heild í flamámi“
„Fjamám er
framtíðarleið
tilnáms“
Kynni mín við nemendur í gegnum
þessi tölvusamskipti hafa orðið
persónulegri en ég bjóst við. Þegar
ég hitti nemendur aughti til auglitis er
persónuleiki þeirra ekki ósvipaður því
sem ég hef gert mér í hugarlund,“ segir
Jóna Pálsdóttir íslenskukennari í fjar-
námi Verkmenntaskólans á Akureyri.
Aðalstarf Jónu er ís-
lenskukennsla við Mennta-
skólann í Kópavogi. Síðast-
liðið haust kom hún að
máli við fjarkennslumenn í
VMA. Varð úr að hún tók
að sér kennslu í ijórum
námsáföngum í íslensku við skólann. Og
þar sem fjarlægðir í rúmi og tíma skipta
engu máli í tölvusamskiptum senda
nemendurnir verkefni sín ýmist beint til
Jónu eða þá til VMA, sem miðlar þeim
áfram til hennar suður í Kópavog.
„Landið getur orðið ein heild í Ijarnámi,
enda skipta fjarlægðir engu. Þá horfi ég
til dæmis til þess að sérskólar geti fært
út kvíarnar og náð til nemenda um allt
land. Þar nefni ég til dæmis ferðamála-
nám við Menntaskólann í Kópavogi - og
að nemendur þurfi ekki endilega að
sækja hingað,“ segir Jónu.
í fjarkennslu sinni á sl. haustönn
sendu nemendur Jónu verkefni inn til
hennar - og þegar hún hafði yfirfarið
þau voru þau síðan sett upp á póstlista,
þannig að hver gat farið yfir hjá öðrum
og lært af bekkjar-
systkinmn sínum. Þá
voru einnig settar upp
í náminu einskonar
frímínútur, þar sem
nemendur sendu
hverjir öðrum tölvu-
póst og áttu þannig
samskipti sín í millum.
„Nemendahópur sl. haust var mjög
skemmtilegur. Þarna voru bændur á
Norður- og Suðurlandi, sjómenn á Vest-
fjörðum og Austurlandi, skrifstofufólk í
Reykjavík, fiskvinnslukonur á Hofsósi og
Siglufirði, húsmóðir við Eyjaíjörð, leik-
skólakona í Grindavík og skrifstofustúlka
í Reykjavík," segir Jóna Pálsdóttir.
-sbs.
„Sérskólar geta fœrt út kví-
arnar og náð til nemenda
um allt land. Þar nejhi ég
ferðamálanám við MK. “
Villingaholtshreppur
„Ég sé ekki kennarann“
Ifjarnáminu tek ég þau námsfög sem
ég hef sjálf áhuga á - og það eru helst
þau fög sem falla að sjúkraliðanámi.
Ég starfa við hjúkrunarheimilið Ljós-
heima á Selfossi og í fyllingu tímans
stefni ég að því að ljúka sjúkraliðanámi -
og vel mér þá námsgreinar sem falla að
þeirri hugmynd minni,“ segir Birna Guð-
mundsdóttir, húsmóðir á
Egilsstöðum í Villinga-
holtshreppi í Flóa.
Birna hóf fjarnám við
Verkmenntaskólann á
Akureyri sl. haust. Áður
hafði hún um hríð _____________________
stundað nám í öldunga-
deild Fjölbrautaskóla Suðurlands. Fjar-
námið segir hún að henti sér þó betur.
„Ég vinn vaktavinnu uppi á Selfossi,
er hér með heimili og við með sveitabú-
skap. Mér finnst mikill tímasparnaður
nást með þessu námi, ég get sest niður
við námsbækurnar og tölvuna þegar mér
hentar. Nei, mér finnst ég síður en svo
vera kennaralaus þó ég stundi nám með
þessum hætti. Það einasta er að ég sé
ekki kennarann berum augum,“ segir
Birna.
„Mér Jinnst mikill tíma-
sparnaður nást með þessu
námi, “ segir Birna á Egils-
stöðum.
Birna á Egilsstöðum
segir að margir hafi
sýnt þessu námi sínu
áhuga. „Augu fólks eru
að opnast fyrir því að
þetta sé hentugur
möguleiki tU að afla sér
menntunar. Það er ekki spurning að ég
ætla að halda áfram í þessu námi,“ segir
hún. - sbs.