Dagur - Tíminn Reykjavík - 29.01.1997, Qupperneq 2

2 - Miðvikudagur 29. janúar 1997
jÐíigur-'CEftnmm

Heiti Potturinn
Hafi menn haldið að for-
sætisráðherrann væri
búinn að týna kímnigáfunni,
þá kom annað í Ijós á þorra-
blóti sjálfstæðismanna í
Kópavogi á laugardags-
kvöldið. Ræða Davíðs Odds-
sonar, 17 kílóum léttari en
áður, hress og unglegur,
hristi af sér hvern brandar-
ann öðrum betri. Ýmsir ráða-
menn fengu sinn skammt,
ráðherrann sjálfur ekki und-
anskilinn. Núverandi og fyrr-
verandi forseti komu við
sögu. Og það gerði sam-
starfsflokkurinn líka. Fjöldi
„stjórnmálaskýrenda" var á
staðnum. Sumum fannst
ráðherrann ganga of langt,
og jafnvel að hann ýjaði að
óánægju með sam-
starfsflokkinn...
Skattmenn íslands láta
ekki að sér hæða. [ pott-
inum í gær heyrðum við frá
fyrstu hendi um ítarlegt bréf
frá Skattstofu Reykjavíkur til
iðnmeistara, sem krafinn var
skýringa á innkaupum frá
föndurbúð, - heilar 139 krón-
ur! Það fór ekki fram hjá
vökrum augum skattmanna
að snyrtistofa á ekki að
versla við föndurbúð. Skýr-
ing var þó á þessu. Nú er að
vita hvort tekið verður mark
á henni. Einn pottverji veðj-
aði á að svo yrði ekki, skatt-
verjar teldu almenning upp til
hópa glæpsamlega í skatta-
málum...
Eftir utandagskrárumræð-
ur á þingi í gær, þar sem
Gunnlaugur Sigmundsson
kom fram sem harður stór-
iðjumaður eru menn farnir að
kalla iðnaðarráðherra Álfinn,
en Gunnlaugur gengur undir
nafninu Stálfinnur....
FRÉTTIR,
Þórir Einarsson, ríkissáttasemjari, Jóngeir Hlynason, framkvæmdastjóri VMS og Geir Gunnarsson, varasátta-
semjar eiga erfitt verk fyrir höndum, enda allir með lausa samninga.
Ágreinmgur um
bardagaaðferð
Skiptar skoðanir
Kvort hjóla eigi fyrst í
Davíð áður en slagur-
inn verður tekinn við
atvinnurekendur.
s
herslumunur er innan
verkalýðshreyfingar um
forgangsröðina við gerð
komandi kjarasamninga. Innan
Rafiðnaðarsambandsins leggja
menn t.d. áherslu á að ríkið
svari fyrst ákveðnum grundvall-
arspurningum um breytingar í
skattamálum og öðrum þáttum
er lúta að velferðarkerfinu áður
en hægt sé að taka slaginn við
atvinnurekendur. í röðum ófag-
Iærða leggja menn hinsvegar
áherslu á launahækkanir áður
en tekist verður á við stjórnvöld
í Ijósi reynslunnar í samskipt-
um við þau.
Á umræðustigi
Guðmundur Þ. Jónsson formað-
ur Landssambands iðnverka-
fólks segir að engin ákvörðun
liggi fyrir í þessum efnum, enda
séu þessi mál öll enn á um-
ræðustigi. Fyrst sé að koma sér
saman um stefnuna gagnvart
ríkinu og síðan hvernig sú
kröfugerð verður borin fram.
Hann býst við að þessi mál
muni skýrast í næstu viku.
Gylfi Arnbjörnsson hagfræð-
ingur ASÍ segir að í undirbún-
ingi að væntanlegri kröfugerð á
hendur rikinu sé m.a. verið að
skoða stöðuna í ýmsum málum
er lúta að velferðarkerfinu og
hvað hafi gerst í þeim þáttum á
undanförnum árum.
í því sambandi er t.d. undir
smásjánni sú þróun sem hefur
orðið í auknum álögum í lyíja-,
heilbrigðis-og skattamálum svo
nokkuð sé nefnt. Til að snúa
þeirri þróun við eru uppi á
borðum hugmyndir um fjölga
þrepum í skattakerfinu og
lækka tekjutengingu í bótakerf-
inu auk ýmissa annarra þátta
sem verkalýðshreyfingin hefur
lagt áherslu á á undanförnum
árum til að stuðla að jöfnun
lífskjara. -grh
Hafísinn
F.kkt land-
fastur
Igær kom í ljós í könnun-
arflugi Landhelgisgæsl-
unnar að líkurnar á land-
föstum ís allra næstu daga
við Ísaíjaröardjúp höfðu
minnkað en þó er ekki hægt
að spá fyrir um framhaldið
síðar meir. Vel var greiðfært
á siglingaleið en þó voru
stakir jakar varasamir.
Næst landi var ísjaðarinn
5 sjómflur norðaustur af
Horni, en hann var 7 sjó-
mflur norður af Kögri og 9
sjómflur nv. af Rit. Þéttleiki
ísjaðarins var víðast 4-6/10
og 7-9/10. Norðaustur af
Horni voru þéttar ísspangir.
Þór Jakobsson á Veður-
stofunni sagði í samtali við
Dag-Tímann í gærkvöldi að
útlit væri fyrir óhagstæðar
vestlægar áttir en það kæmi
væntanlega í ljós um eða
upp úr helginni hvort ís
yrði landfastur. BÞ
Dalvík
Sr. Magnús
kjörinn
Sr. Magnús Gamalíel
Gunnarsson, sóknar-
prestur að IJálsi í Fnjóska-
dal, var einróma kjörinn
sóknarprestur á Dalvík á
sameiginlegum fundi aðal-
og varamanna þeirra ijög-
urra sóknarnefnda sem
prestur á Dalvík þjónar.
Sóknarbörn hafa vikufrest
til að óska eftir almennum
prestkosningum, en til að
svo megi verða þarf skrif-
lega beiðni íjórða hvers
kosningabærs manns í
prestakallinu. Fimm um-
sóknir bárust, þ.á.m. frá
tveimur konum en til gam-
ans má geta að meirihluti
þeirra sem atkvæðisrétt
höfðu voru konur. GG
FRÉTTAVIÐTALIÐ
Skipafélög sameinast um
aðleggja ánýjarálögur
Stefán Guðjónsson
Jrkvstj. Fél. ísl stórkaupmanna
Stórkaupmenn hafa áhyggjur af
100% markaðshlutdeild Eimskips
á siglingaleiðinni Ísland-Banda-
ríkin. Þeir treysta ekki einokun
og segja að svo stór markaðshlut-
deild hljóti að velga athygli
Samkeppnisstofnunar.
- Stefán, er eitthvað að óttast þótt
tvö skip hverfi af Ameríkuleiðinni?
„Ef hagræðing verður á Ameríku-
leiðinni, eins og skipafélögin tala um
þá vonum við auðvitað að hún skili sér,
og þá meina ég að ílutningsgjöld muni
lækka. Vissulega eru kaupmenn ugg-
andi um sinn hag þegar engin sam-
keppni ríkir lengur x' Ameríkusigling-
um. Minni samkeppni þýðir að öllu
jöfnu hærra verð“.
- Munu stórkaupmenn senda er-
indi til Samkeppnisstofnunar vegna
þessarar fákeppni?
„Ég tel það alveg víst og eðlilegt að
Samkeppnisstofnun skoði þetta mál að
eigin frumkvæði. Annað finndist mér
skrýtið. Við höfum hinsvegar ásamt
Kaupmannasamtökunum sent Eimskip
og Samskip athugasemdir. Þær eru
sendar vegna annars sem gerst hefur í
flutningamálefnum sem við erum afar
ósáttir við.
Það eru þjónustugjöld sem skipafé-
lögin hafa sameinast um að taka upp
fyrirvaralaust, á sama tíma, og setja
upp nánast sama verð. Skipafélögin
hafa lagt á þrjú gjöld, afgreiðslugjald,
gámagjald og gjald fyrir að útbúa farm-
skjöl. Afgreiðslugjald eða stykkjagjald
er 460 krónur hjá Eimskip, 5 krónum
hærra hjá Samskipum. Gámagjald er
980 krónur þegar flutt er í heilum gám-
um, - og 880 krónur kostar að útbúa
farmskjöl. Þessi gjöld voru tekin upp
um áramótin hjá báðum skipafélögun-
um. Þarna verður um umtalsverðar
upphæðir að ræða fyrir skipafélögin,
trúlega hátt í 40 milljónir króna á ári,
sem fara síðan út í verðlagið."
- Og flutningsgjöldin hjá íslensku
félögunum eru í hœrri kantinum?
„Flutningsgjöld hér eru miklu hærri
en gerist víðast hvar annars staðar í
heiminum. En auðvitað vonum við að
hagræðingin sem skipafélögin tala um
skili sér í lægri farmgjöldum, sem vegi
þá á móti þessum gjöldum.
Kaupmenn hafa í krafti samkeppni
náð verulegri hagræðingu í verslun
sem skilað hefur neytendum lægra
verði á íjölmörgum nauðsynjavörum.
Við eigum allt okkar undir öruggum og
öflugum samgöngum á sjó og lofti, vel-
megun landsmanna er undir hag-
kvæmum samgöngum komin. Það er
skoðun okkar að aðeins með öflugri
samkeppni sé tryggt að neytendur njóti
hagkvæmustu kjara,“ sagði Stefán
Guðjónsson í gær. -JBP