Dagur - Tíminn Reykjavík - 12.02.1997, Blaðsíða 3

^íDagur-^Kmnm
Miðvikudagur 12. febrúar 1997 - 3
FRÉTTIR
Bankastfóralaun HHI iHi Wí Vátryggingar
Sóðaskapur í kerfínu
Bankasfjóralaun í
Seðlabanka hækkuðu
um 36% á sl. 2 árum.
Nær þreföld lægstu
laun og langt
umfram almennar
launahækkanir.
Björn Grétar Sveinsson
segir að það sé ágætt að
fólk sjái það svart á hvítu
hver launakjör bankastjóra rík-
isbanka eru í raun. Sérstaklega
þegar haft er í huga að þeir
hinir sömu telja að þjóðfélagið
fari á heljarþröm ef lægstu laun
hækka úr 50 þús. kr. á mánuði í
70 þúsund krónur. „Þeir í elít-
unni skammta hver öðrum og
það ríflcga," segir hann um
launahækkanir bankastjóra.
Steingrímur Hermannsson
Seðlabankastjóri segir að þess-
ar hækkanir skýrist af því að
bankaráð hafi talið eðlilegt að
hækka Seðlabankastjóra til
launajöfnunar við bankasjtóra
ríkisbankanna. „Ég fyrir mitt
leyti hefði getað samþykkt að
bankastjórar allra bankanna
væru með eitthvað lægri laun.
Það væri reyndar mjög fróðlegt
að vita hvað bankastjóri ís-
landsbanka hefði í laun. Ég
harma það að launamunur hef-
ur farið vaxandi í þjóðfélaginu,“
segir Steingrímur, en telur
bankana ekki fara í broddi fylk-
ingar í þeim efnum.
f svari viðskiptaráðherra við
fyrirspurn Jóhönnu Sigurðar-
dóttur á Alþingi í gær kom fram
að laun Seðlabankastjóra hafa
hækkað um 36% á sl. tveimur
árum, eða um 130 þúsund
krónur á mánuði. Það eru nær
þreföld lægstu laun og langt
umfram almennar launahækk-
anir.
í svari ráðherra kom einnig
fram að meðal mánaðarlaun
bankastjóra ríkisbanka eru frá
481 þúsund krónum í Seðla-
banka og uppí 536 þúsund hjá
Búnaðarbanka. í Landsbanka
eru meðallaunin á mánuði um
518 þúsund krónur.
Birgir ísleifur og Steingrímur: Seðlabankinn gerir tillögur um hófsemd í
kjaramálum almennings, en bankaráð telur toppmenn bankans þurfa mun
meira. Steingrímur vísar í launajöfnunarstefnu milli ríkisbankanna. Segir
að laun allra bankastjóra mættu lækka.
Gagnrýni Jóhönnu
Jóhanna gagnrýndi þessar
hækkanir harðlega
í ljósi þess hve við-
brögð við kjara-
kröfum launafólks
hafa verið dræm.
Athygli vekur að
mánaðarlaun þess-
ara bankastjóra
hafa hækkað á sl.
sex árum frá 27-
52%, eða frá 110
þúsund til 165 þús-
und á mánuði. Þar
fyrir utan fá þeir
sérstakar greiðslur vegna setu í
stjórnum fyrir bankana. Laun
fyrir hverja stjórn eru á bilinu
20-100 þúsund krónur á mán-
uði. Viðbótartekjur vegna þessa
geta því numið allt frá 50-250
þúsund krónum á mánuði eftir
því hvað menn sitja í mörgum
nefndum. Þá hefur bankaráðs-
þóknun í Búnaðarbanka hækk-
að um 42% á sl. sex árum en
aðeins 11% í Landsbanka og
27% í Seðlabanka.
Þá greiða ríkisbankarnir
bankastjóralífeyri til 17 ein-
stakhnga, eða að meðaltali um
291 þúsund kr. á mánuði.
Hæsta lífeyrisgreiðslan nemur
um 445 þúsund á mánuði.
Margir þessara einstaklinga
njóta einnig greiðslna úr Lífeyr-
issjóði þingmanna og Lífeyris-
sjóði ráðherra.
Slæm tímasetning?
En eru þessar fréttir slæm
tímasetning í ljósi kjaramála
nú? Steingrímur Hermannsson
Seðlabankastjóri og fyrrverandi
forsætisráðherra segir um það
efni: „Ég man ekki eftir því að
hækkanir til þeirra hærri hafi
ekki verið taldar tímaskekkja."
-grh
Björn Grétar Sveinsson
formaður VMSÍ:
„Þeir í elítunni
skammta hver
öðrum. “
Valum
nærri 100
trygginga-
félög
Stétt vátryggingamiðl-
ara hefur vaxið, því tólf
einstaklingar og fýrir-
tæki hafa starfsleyfi til
vátryggingamiðlunar á
íslandi í dag.
Alls 82 erlend tryggingafélög
í ýmsum Evrópubandalags-
löndum hafa nú leyfi Vátrygg-
ingaeftirlitsins til að stunda við-
skipti hér á landi. Þar af er eitt
félaganna með starfsstöð hér á
landi, þýska líftryggingafélagið
Allianz.
Aðeins eitt félaganna hefur
uppgjörsfulltrúa hér, en það er
Lloyds Ibex Motor Policies, sem
félagar í FÍB skipta við með
bflatryggingar í gegnum trygg-
ingamiðlara.
Auk hinna erlendu félaga
sem mega hasla sér völl á Is-
landi í skjóli Evrópusamninga,
eru íslensku tryggingafélögin
19 talsins. Vátryggingastarf-
semin á íslandi rennur hins
vegar eftir sem áður að stórum
hluta gegnum tvö fornfræg fyr-
irtæki, Sjóvá-Almennar og VÍS.
Stétt vátryggingamiðlara
hefur ennfremur vaxið, því tólf
einstaklingar og fyrirtæki hafa
starfsleyfi til vátryggingarmiðl-
unar á Islandi í dag. -JBP
Öskudagur
Nammidagur númer 1
Mesti sælgætisdagur þjóðarinnar er í dag. Börn fara um og syngja
tönnum sínum til tjóns. Sælgætisgerðin Nói-Síríus er nýflutt til Ak-
ureyrar og búa menn sig undir stórsókn barna í bænum þar sem
Öskudagshefðir standa traustari en annars staðar á landinu. Búið
er að útbúa 1500 sælgætispoka til að allt sé til reiðu.
Sjá Lífið i landinu.
vís
Toppmaður hættir
• •
rn Gústafsson, fram-
kvæmdastjóri einstak-
lingstrygginga VÍS, hefm
látið af störfum hjá félaginu.
Þetta var tilkynnt innan félags-
ins í gær, en meira var ekki gefið
upp um málið. Ekki náðist í Örn
Gústafsson í gærkvöldi.
Hvorki Axel Gíslason, for-
stjóri VÍS, né Hilmar Pálsson,
stjórnarformaður, vildu neitt
segja um þetta er eftir því var
leitað. Heimildarmaður blaðsins,
sem þekkir til innan VÍS, telur
greinilegt að brotthvarf Arnar
hafi ekki borið að hávaðalaust.
Samkvæmt upplýsingum
Dags-Tímans hafa verið átök
innan VÍS að undanförnu milli
arms Samvinnutrygginga gt. og
Brunbótafélags íslands, en þessi
tvö fyrirtæki sameinuðust fyrir
nokkrum árum í Vátryggingafé-
lag íslands. -sbs.
Þjóðsöngurinn
Skiptar skoðanir uin
nýjan þjóðsöng
Flestir forystumenn í
íþróttahreyfingunni
vilja nýjan þjóðsöng,
en kórar, sýslumenn,
ráðuneyti og rithöf-
undasambandið
leggjast gegn því.
Iþróttasamband íslands og
nær öll sérsambönd þess
eru hlynnt því að lög um
þjóðsöng Islendinga verði end-
urskoðuð. Þetta kemur fram í
umsögnum þeirra um þings-
ályktunartillögu Unnar Stefáns-
dóttur og 4 annarra þingmanna
um þjóðsönginn. Þar er lagt til
að skipuð verði nefnd til að
endurskoða lögin um þjóðsöng-
inn og það m.a. skoðað hvort
rétt sé að taka upp annan þjóð-
söng við hlið þess gamla. Rökin
eru einkum þau að finna þurfi
söng, sem sé aðgengilegri í
flutningi og henti betur t.d. í
skólum og á íþróttakappleikj-
um, en „Ó, Guð vors lands.“
Allsherjarnefnd hefur óskað
eftir umsögnum íjölmargra að-
ila, en þær skiptast mjög í tvö
horn. í umsögn framkvæmda-
stjórnar ÍSÍ segir m.a. að öfugt
við aðrar þjóðir virðist íslend-
ingar almennt ekki kunna text-
ann við þjóðsönginn og lagið sé
of þungt og erfitt til þess að
menn taki undir.
Öfund í garð annarra
„íþróttaforystumenn og raunar
íþróttafólk hefur stundum
hlustað öfundar- og aðdáunar-
eyrum á stuðningsmenn ann-
arra þjóða meðan íslenskir
áhorfendur hafa að mestu
staðið hljóðir undir sínum eigin
þjóðsöng," segir ÍSÍ. Sundsam-
bandið, körfubolta,- knatt-
spyrnu- og fimleikasambandið
eru sama sinnis og einnig sam-
tökin íþróttir fyrir alla og
Ólympíunefndin. Fimleikasam-
bandið mælir reyndar sérstak-
lega með laginu „ísland er land
þitt.“ Ungmennafélagið tekur
ekki afstöðu til þjóðsöngsins,
en telur rétt að skipa nefndina.
Sýslumannafélagið
varar við
Stjórnir Glímusambandsins,
HSÍ og íþróttasambands fatlað-
ar vilja hins vegar ekki að
hróflað verði við þjóðsöngnum.
í sama streng taka Kvenna- og
karlakórar
Reykjavíkur,
stjórnir Kirkju-
kórasambandsins,
Prófastafélagsins,
sýsliunannafélags.
íslands og rithöf-
undasambandsins
o.fl. í umsögn
Sýslumannafélags-
ins segir m.a. að
varhugavert sé að
hafa annan þjóð-
söng við hlið þess
sem fyrir er. „Líklegt er að sá
þjóðsöngur yrði fljótlega að
hverju öðru síbyljulagi, auk
þess sem því má velta fyrir sér
hvort ólíkir hópar færu að til-
einka sér annan hvorn þjóð-
sönginn.“ -vj
íþróttasambandið:
„íþróttafólk hefur stundum hlustað
öfundar- og aðdáunareyrum á
stuðningsmenn annarra þjóða,
meðan íslenskir áhorfendur hafa
að mestu staðið hljóðir undir sín-
um eigin þjóðsöng. “