Dagur - Tíminn - 17.10.1996, Blaðsíða 8
8 - Fimmtudagur 17. október 1996
Ælagur-©mntn
PJÓÐMÁL
JDagur- Itmmw
Útgáfufélag: Dagsprent hf.
Útgáfustjóri: Eyjólfur Sveinsson
Ritstjóri: Stefán Jón Flafstein
Aöstoðarritstjóri: Birgir Guðmundsson
Framkvæmdastjóri: Hörður Blöndal
Skrifstofur: Strandgötu 31, Akureyri, Garðarsbraut 7, Húsavík og Brautarholti 1, Reykjavík
Símar: 460 6100 og 563 1600
Áskriftargjald m. vsk. 1.600 kr. á mánuði
Lausasöluverð kr. 150 og 200 kr. helgarblað
Prentun: Dagsprent hf./ísafoldarprentsmiðja
Grænt númer: 800 70 80
Fax auglýsingadeildar: 462 2087 - Fax ritstjórnar: 462 7639
Lof sé landlækni
í fyrsta lagi
Loksins loksins - ofnotuð orð við ýmis tækifæri -
en nú má. Vímuefnavandinn er ekki vímuefna-
vandi heldur samfélagsvandi. Pess vegna er for-
varnarkjaftæðið ekki annað en það: kjaftæði til að
friða samvisku ráðlausra og dáðlausra. f viðtali við
Dag-Tímann segir landlæknir: „Menn virðast sam-
mála um, og éta það hver eftir öðrum, að höfuðat-
riðið sé að kenna unglingum að segja nei“.
Fræðsla fræðsla: ALLIR vita að tóbak drepur en
þriðji hver maður reykir. Fræðsla fræðsla: ALLIR
vita að drykkjuvenjur landsmanna eru hættulegar
en ekki minnkar drykkjan. Fræðsla fræðsla: Hvar
er sá unglingur sem ekki veit að amfetamín í æð er
lífshættulegt og hass gerir menn ruglaða? Samt...
Fólk misbýður sjálfu sér þegar því er misboðið.
Þeir sem ánetjast fíkniefnum gera það ekki vegna
fíkniefnanna heldur vegna félagslegra aðstæðna í
samspili við bágan persónulegan hag. Sem sagt:
Fíkniefnavandinn er ekki einangrað vandamál
heldur vandmál samfélágsins. Þar fór í verra. Það
er svo dýrt og erfitt að bregðast við því. Einfaldara
að byggja hæli og æpa „forvarnir".
í þriðja lagi
Alltaf verða einstaklingar sem munu leita á náðir
vímu til að flýja vandamál. En staðreyndin er að
þeim fjölgar og fleirum er hætt þegar fara saman
áhættuþættir eins og lág laun, langur vinnutími
eða alls enginn, lítil menntun og fjöskyldulíf í rúst.
Hvað kemur þá í ljós? Þvert á ríkjandi hugmynda-
fræði síðari ára sannast að félagslegt velferðar-
kerfi þarf að vera gott! Það borgar sig fyrir alla að
þeir aumustu hafi það gott.
Stefán Jón Hafstein.
\_______________________________________________________)
Sp
9. n rfj
Uló
Er það rétt stefna hjá menntamálaráðherra
að listaviðburðir séu kostaðir í auknum
mæli af fyrirtækjum?
Runólfur Birgir
Leifsson
framkvœmdastjóri
Sinfóníuhljómsveitar
íslands
Þessi styrkir hafa kom-
ið sér vel og gert okk-
ur kleift að halda uppi
fjölbreyttari starfsemi en
ella. Við höfum reynt að fá
stærri styrktaraðila m.a. í
samvinnu við markaðsráð-
gjafa en það hefur borið
takmarkaðan árangur. Ég
tel því að fyrirtæki geti
aldrei komið inn í rekstur
listfyritækja nema að tak-
mörkuðu leyti.
Guðbergur
Bergsson
rithöfundur
Nei, það held ég ekki.
Það er vegna þess að
ríkið er yfirleitt
miklu hlutlausara en fyrir-
tæki og ég held að höfund-
um finnist vera meira nið-
urlægjandi að fara til fyrir-
tækja en leita til ríkisins.
Ástæðan er að ríkið er
meira óhlutbundið og abst-
rakt en fyrirtæki tengjast
yfirleitt forstjórum. Lista-
menn eru yfirleitt sínir eigin
forstjórar og þeir kunna illa
við að leita náðar annarra
forstjóra sem eru yfir þeim.
♦
Sigríður Anna
Þórðardóttir
alþingismaður (D)
og formaöur
menntamálanefndar
Já. Ráðherra leggur
áherslu á að það sé
vert að skoða þessi mái
frekar og veita þá frekari
skattaívilnanir. Hann bendir
á að það gæti e.t.v. orðið til
þess að meiri fjármunir
færu í menningarlífið sem
mögulega yki enn frekar
metnað og grósku í listalíf-
inu.
Svavar
Gestsson
alþingismaður (G)
og fyrrverandi
menntamálaráðherra
Ja, þetta er gömul til-
laga frá mér og ég er
að sjálfsögðu ánægður
með að Björn skuli taka
hana upp. Ég vil þó ekki að
hún verði til þess að draga
úr framlögum ríkisins held-
ur til að auka framlög fyrir-
tækja vegna skattafríðinda.
Þetta gafst mjög vel í Ástral-
íu þar sem menn tóku upp
svona frádrætti vegna kvik-
myndanna og þar varð bylt-
ing í kvikmyndagerð á
skömmum tíma.
1 1
5 Wfl UWí^
Stjórnar Davíð líka umrœðunum
á Krataþinginu?
„Ég held að Davíð sé í raun búinn
að leggja línurnar um hvað við
jafnaðarmenn munum ræða á
ílokksþingi Alþýðuflokksins. Það
liggur í augum uppi að allt það
sem hann bannaði umræður um á
sínu þingi verður þungamiðjan í
umræðum á flokksþingi Alþýðu-
flokksins,"
- sagði Tryggvi Harðarson í Alþýðublaðinu.
Bara 0,1% eflir af krónunni
„Hérlendis hefur verðlag þúsund-
faldast á sjö áratugum, gróft reikn-
að, miðað við verðlag í Danmörku,
Noregi og Svíþjóð, sem þýðir að ís-
lensk króna hefur rýrnað um
99,9% að verðgildi samanborið við
hinar Norðurlandakrónurnar,"
- sagði Kolbeinn Kolbeins í „Uppskrift að
óðaverðbólgu“ í DV
Góðir reddarar....
„íslendingar eru útsjónarsamir og
úthaldsgóðir. Sem dæmi um þetta
get ég nefnt íslenska bflstjóra í
fyrrum Júgóslavíu. Þegar kollegar
þeirra héldu kyrru fyrir í biluðum
bflum á fjallvegum, þá liti íslend-
ingarnir svo á að vandamálin væru
til að leysa þau og það gerðu þeir.“
- Guðjón Magnússon fyrrum form. Rauða
krossins í Mbl.
Upplýsingar að gera út af við fólk
„Á meðal skuggahliða upplýsinga-
flæðisins má nefna tímasóun, að
ákvarðanataka dregst á landinn,
spenna eykst og sumir röktu veik-
indi til of mikils upplýsingastreym-
is.“
- Haft eftir Dawid Lervis sálfræðingi í
Morgunblaðinu.
Litlir fiskar soðnir
Hreint er það aðdáunarvert hve vel
Sjálfstæðisflokkurinn lætur að
stjórn. Hann er eins og risastór
sinfóníuhljómsveit, sem fylgist vel með
stjórnanda sínum og hlýðir skipunum
hans eftir bestu getu. Slái einhver falsk-
an tón, er hann yfirgnæfður af þeim
mikla styrk sem súpergrúppan og rótar-
arnir Ijá stjórnanda sínum.
Hljómkviðan, sem gefið var heitið 32.
landsfundur, var svo vel samin að flutn-
ingurinn í Laugardalshöllinni var nær
hnökralaus, þótt ekki væri þar allt af
setningi slegið, fremur en meðal hirð-
manna Goðmundar á Glæsivöllum, sæll-
ar minningar. Uppfærslu landsfundar
var frestað um ár vegna þess að for-
maðurinn átti eitthvað erfitt með að
ákveða hvort hann vildi sitja í nyrðri
eða syðri skrifstofunni í gamla Múrnum
við Lækjartorg. Þegar svo var sýnt að
annar myndi njóta hæginda í norður-
stofunni, var forsetakontórinn íluttur
suður á Sóleyjargötu, en Davíð formað-
ur lagði undir sig norðurenda Múrsins
og er nú einráður í hinu forna tugthúsi.
Frábær stjórnandi
Hann er einnig einræðisherra í flokki
sínum og fer stjórnin þar síst verr úr
hendi en landsstjórnin og einræðið í
borgarstjórninni, þegar réttur maður og
réttur flokkur réðu þar för. Davíð Odds-
son er vafalaust hæfileikaríkasti stjórn-
andi okkar tíma og lætur fáum eða eng-
um mönnum betur að fara með vald.
Að stjórna ríki er
eins og að sjóða litla
fiska, sagði kínversk-
ur spekingur. Þetta
þykja mikii vísdóms-
orð, þótt enginn geti
útskýrt í hverju
snilldin felst. En só
litið til Davíðs formanns, liggur spekin
ljós fyrir. Þegar óróa gætir í liði hans,
stingur hann smáíiskunum í pottinn og
velgir undir þeim og allt fellur í ljúfa löð
í ríkjum formannsins. Og smáfiskarnir
vitna hver af öðrum að það hafi aldrei
verið meiningin að rugga bátnum eða
vera með uppsteit í landsfundarbandinu
sem skemmti í höllinni um helgina.
Svona kunna formennirnir í Kína og á
íslandi vel að stjórna ríkjum sínum.
Kátt í höllinni
Mikið var rætt og ritað um landsfundinn
áður en hann var haldinn og miklar
væntingar bundnar við prógrammið,
sem samið var í femínískum anda.
Kvótakerfið og viðkvæm utanríkismál-
efni áttu að breyta ásýnd Sjálfstæðis-
flokksins með áður óþekktum andlits-
lyftingum.
Fjölmiðlar birtu
fréttir í ofvæni af
tímamótunum og
skildu ekki þá og
skilja ekki enn að það
skeði ekkert annað
en það að snerpt var
undir nokkrum smá-
fiskum, sem hóldu að leyfilegt væri að
hleypa sér í stuð og sprikla dálítið eftir
eigin nótum.
Sjálfstæðisflokkurinn er stjórnlynd
samtök sem vilja sterkan foringja og
íhaldssama stýringu, en stefnan er óljós.
Formaður sem hvorki getur haldið
flokki né ríkisstjórn saman er óhæfur,
eins og sannaðist á Þorsteini, sem missti
bæði flokk og ríki úr höndum sér. Hann
lærði aldrei að sjóða litla fiska.
Menn geta hugsað og sagt hvað þeim
sýnist um Davíð og Sjálfstæðisflokkinn,
en það er jafnvíst að hvorugur getur án
hins verið og að stjórnin á annars sund-
urleitum flokki er snilldarleg.
Landsfundurinn markar þau einu
spor að staðfesta að íhaldið er íhald og
að foringjadýrkunin er komin á það stig
að jafnvel framsóknarmenn geta farið
að sjá ofsjónum yfir velgengni andstæð-
inga sinna á því sviði.
Og Davíð Oddsson er verðugur for-
ingi sem á sér enga andstæðinga í liðs-
safnaði sínum, af þvi að hann kann að
sjóða litla fiska eins og formennirnir í
Kína.
Galakonsertinum í höllinni lauk með
„grand finale“, þegar formaðurinn var
blessaður með sovéskri kosningu og
vegferðin heldur áfram í gömlu, góðu
hjólförunum, á meðan fréttaskýrendur
og pólitískir spámenn velta fyrir sér um
hvað allt „sjóið“ snérist. En eins og ann-
að ævintýri endaði þetta með glöðum
söng: „Og þá var kátt i höllinni, höllinni,
höllinni...."
OÓ