Dagur - Tíminn - 26.11.1996, Blaðsíða 8

8 - Þriðjudagur 26. nóvember 1996
jDíXgur-©mtrat
PJOÐMAL
^agur-Œtmtmt
Útgáfufélag: Dagsprent hf.
Útgáfustjóri: Eyjólfur Sveinsson
Ritstjóri: Stefán Jón Hafstein
Aðstoðarritstjóri: Birgir Guðmundsson
Framkvæmdastjóri: Marteinn Jónasson
Skrifstofur: Strandgötu 31, Akureyri, Garðarsbraut 7, Húsavík og Þverholti 14, Reykjavík
Símar: 460 6100 og 563 1600
Netfang ritstjórnar: ritstjori@dagur.is
Áskriftargjald m. vsk. 1.600 kr. á mánuði
Lausasöluverð kr. 150 og 200 kr. helgarblað
Prentun: Dagsprent hf./l'safoldarprentsmiðja
Grænt númer: 800 70 80
Fax auglýsingadeildar: 462 2087 - Fax ritstjórnar: 462 7639
Átök um auðlmdina
I fyrsta lagi
Átök á þingi Framsóknarflokksins um stefnu í sjávar-
útvegsmálum er heilbrigðisvottur. Ræða formanns
Framsóknarflokksins var í öllum grunntóni ólík ræðu
formanns Sjálfstæðisflokksins við svipað tækifæri fyrir
nokkrum vikum. Halldór Ásgrímsson opnaði á umræð-
ur um endurskoðun sjávarútvegsstefnu og viðurkenndi
ágalla á núverandi kerfi. Flokksþingið tók við sér. Ekki
svo að tímamótaályktanir hafi verið samþykktar - síð-
ur en svo. En undiraldan á Hótel Sögu leyndi sér ekki,
sú undiralda sem er hvarvetna í þjóðfélaginu og öllum
stjórnmálaflokkum hollast að viðurkenna.
Framsóknarflokkurinn gerði líka annað sem með af-
gerandi hætti gerir flokksþing hans ólíkt Landsfundi
Sjálfstæðisflokksins. Jafnréttismálin fengu ítarlega
umíjöllun og lauk henni með áætlun um að koma á til-
tölulega jafnri skiptingu kynjanna í ábyrgðarstöður.
Kynjakvóti er sérlega viðkvæmt og vandasamt mál.
Verði Framsóknarflokkurinn áfram í ríkisstjórn eftir
næstu kosningar verður að fjölga konum í ráðherra-
embættum án tillits til frammistöðu þeirra karla sem
nú gegna þeim embættum. Og hvað með framboðslist-
ana fyrir næstu sveitarstjórnar- og Alþingiskosningar?
Og hvað með flokksþing framtíðarinnar? Ef jafnréttis-
áætlun Framsóknarflokksins gengur upp verða margir
að kyngja særðu karlmannsstolti. Mun það gerast?
í þriðja lagi
Það á auðvitað ekki að vera sérstakt umræðuefni að
endurskoðun sjávarútvegsmála sé komin á dagskrá
annars stjórnarflokkanna. Einkum vegna þess að hver
túlkar það sem fram fór með sínu hagsmunanefi. En
samt...er þetta smáskref í rótta átt. Því fagnaði að
minnsta kosti einn fundarmanna um helgina sem
. sagði: Hvernig getum við réttlætt það að svokallaðir
útgerðarmenn selji ókeypis aflaheimildir sínar ár eftir
ár og spili bara golf?
Sp

ÍTLÓ
Hefur staða Framsóknarflokksins breyst
eftir flokksþingið?
Sighvatur
Björgvinsson
formaður
Alþýðuflokks
Flokkurinn virðist ein-
dreginn miðjuflokkur
með afdráttarlausari
hætti en oft áður. Hann er
opinn fyrir umræðum um
ýmis mál svo sem fiskveiða-
stjórnun og veiðileyfagjald
sem Sjálfstæðisflokkurinn
hreyfir ekki. Framsóknar-
flokkurinn hefur alltaf stað-
ið þétt að baki foringja sín-
um og þar hefur engin
breyting orðið. Einnig má
nefna að það hefur áhrif á
stefnumótun flokksins að
hann hefur haslað sér völl í
ríkari mæli en áður í þétt-
býli.
Jóhanna
Sigurðardóttir
formaður Þjóðvaka
Það er ekki hægt að
svara því fyrr en mað-
ur sér hvernig þeir
fylgja eftir samþykktum
Ðokksþingsins. Það er já-
kvætt að flokkurinn opni
fyrir veiðileyfagjald en ég
bfð líka eftir að sjá hvort
afgerandi samþykkt flokks-
ins um Lánasjóð íslenskra
námsmanna og samtíma-
greiðslur nái fram að
ganga.
Sigríður
Jóhannesdóttir
alþingismaður (G)
Nei. Ég tel að þetta
flokksþing hafi ekki
afgerandi áhrif á
stöðu flokksins. Gríðarlegur
ágreiningur í sjávarútvegs-
málum kom berlega í ljós
og niðurstaðan varð að það
er haldið fast við kvótakerf-
ið eins og það hefur verið
framkvæmt. Mér flnnst það
- sem og annað á þinginu -
ekki benda til að Fram-
sóknarflokkurinn sé í sókn.
/
Mér sýnist sem Fram-
sóknarflokkurinn
hafl eftir að Halldór
Ásgrímsson tók við stjórn-
inni skilgreint sig í ríkari
mæli sem miðjuflokkur eins
og þeir starfa í Evrópu. Ég
tel að frá því að Sjálfstæðis-
flokkurinn var stofnaður
með samruna íhaldsflokks-
ins og Frjálslynda flokksins
hafl ekki verið hér á landi
slíkur miðjuflokkur fyrr en
núna. Þetta er að vissi leyti
til góðs, í Evrópu hefur
þetta þýtt öðruvx'si áherslur
en hjá sósíalistum til vinstri
og íhaldsmönnum til hægri.

Si S5 m£M
Unnur og Jökull
„Elsku Unnur mín, til hamingju
með afmælið. Viltu giftast mér?
Þinn Jökull."
- Jökull öryggisvörður notaði ljósaskilti
Kringlunnar til að krækja sér í Unni
sem förunaut. Mogginn segir frá þessu
nútfma bónorði. Menn verða að vera
frumlegir í dag ætli þeir að krækja í
góða konu.
Snorri og Búbba
„Rétt eins og Snorri forðum þá
fjalla ég um kóngafólk. Svona
miðað við breytta tíma, væri
Snorri sjálfur líklega bara
ánægður með það að fá eina
blaðsíðu til umráða í hverri
viku í þessu ágæta fjölskyldu-
blaði.“
- Hin fræga Búbba Dags-Tímans á laug-
ardaginn, þegar hún slúðrar um kdnga-
fólk heimsins.
Er líf hugsanlegt án sjónvarps?
„Er hægt að lifa af án sjón-
varps? Hvað gerist þegar fjöl-
skyldan getur ekki dregið tím-
ann við kassann?"
- Dagur-Tfminn spyr þessara góðu
spurninga á laugardag og óskar eftir
Ijölskyldu, sjálfboðaliðum, til að taka
þátt í (þjáningarfullri?) tilraun blaðsins.
Hollusta íþróttanna
...sperrileggurinn og sköflung-
urinn hafa gróið saman og það
gengur vitanlega ekki. Það þarf
að skera í þetta og íjarlægja
stykkið þarna á milli...,“
- segir Eiður Smári Guðjohnsen, ungi
knattspyrnukappinn í Eindhoven, í sam-
tali við „læknaritið" DV, sem gjarnan
lýsir tíðum uppskurðum íþróttakappa,
og það út í hörgul.
Hugvitið í askana látið
Islenskt hugvit er mikil auðlind.
Þangað sækja stjórnmálamenn og
aðrir sköpuðir bjartrar framtíðar
væntingar sínar og annarra um að
loksins fari að rofa til í táradalnum.
Ekki er alltaf gott að átta sig á hvað
þetta einstæða og þjóðlega hugvit er,
en víst er að það íslenska er mun
merkilegra en útlent hugvit, enda er
treyst á að það verði aðalútflutnings-
varan áður en langt um h'ður.
Þeir tornæmu og illa menntuðu,
sem aldrei hafa botnað í öllu talinu um
íslenska hugvitið og gildi þess, fengu
skýrt dæmi um þessa útflutningsafurð
frá Ráðhúsplássinu í okkar gömlu höf-
uðborg og núverandi heiðurshöfuð-
borg íslands. Þar flutti þjóðhöfðingi
vor fágæta ræðu um útflutning á ís-
lensku hugviti.
Hann felst í því að dugnaðarstrákar
með íslenskt ríkisfang opna pítsusölu í
höfuðstað heiðursdrottningar vorrar.
Útleggingin var klár: Að íslenskir
pítsusalar selja gestum og gangandi
ítalskan mat í erlendri stórborg.
Utflutningur atorku
Hvað svona útflutningur á hugviti
kemur íslenska samfélaginu á Fróni
við er óútskýrt. Hráefnið í pítsurnar er
fráleitt íslenskt og viðkomandi greiða
skatta af umsetningunni og tekjum
sínum í kassa heiðursdrottningar ís-
lands.
Spurningin um hvað íslandi kemur
við stórfelldur út-
flutningur á atgjörvi
gildir raunar um
mörg önnur svið en
pítsusölu. Dugnaðar-
menn hasla sér völl
við fjarlægar strend-
ur og byggja upp at-
vinnuvegi fyrir fólk sem við þekkjum
varla haus eða sporð á og eru þar með
úr sögunni sem íslenskir skattgreið-
endur. En hafa samt góðan aðgang að
mennta- og heilbrigðiskerfinu við okk-
ar gráglettna Dumbshaf.
Um allan þennan útflutning á ís-
lensku atgjörvi er talað eins og að
framtíð þjóðarinnar byggist á því að
losna við sem flesta dugnaðarmenn,
O
framkvæmdasama og úrræðagóða, úr
landi. Það þarf mikla stjórnspeki til að
sjá hvernig það kemur þjóðarheildinni
til góða.
Viðskipajöfnuðurinn
En það skyldi þó aldrei vera að inn-
flutningur á menntun og hugviti sé
ekki síður nokkurs virði en útflutning-
ur á íslenskri atorku.
Dr. Kári Stefánsson
gerir sér lítið fyrir og
flytur inn mikið er-
lent áhættuQármagn
í fyrirtæki sem veitir
ljölda hámennta-
manna atvinnu við hæfi. Hann flytur
með sér dýrmæta vísindaþekkingu,
sem vonast er til að ávaxtist hér og
verði að arðbærum útflutningi.
Nokkrir nútímamenn vita að þekk-
ingin verður í askana látin, en til að
svo verði þarf að afla hennar. Það er
ekki gert með orðagjálfri eða fagur-
gala um eigið ágæti. Islenska mennta-
kerfið er að fá enn eina falleinkunn-
ina, þar sem sýnt er svart á hvítu að
íslenskir námsmenn eru eftirbátar
flestra annarra.
Allir eru voða hissa og gapa hver
upp í annan, að líklega sé þetta bar-
asta öllum að kenna. Áuðvitað að þeim
undanskildum sem skapa og
skipuleggja menntamálin. Og eðlilega
bera þeir enga sök, sem beita öllum
sínum kröftum og hugviti til að gera
samfélagið barnljandsamlegt og æsku-
lýðinn afskiptan í öllum sínum alls-
nægtum.
Innflutningur á hugviti og menntun
er, þegar öllu er á botninn hvolft, ekki
síður mikilsverður en útflutningur á
orðaleppnum „íslenskt hugvit".
En vel má kalla það góð kaup að fá
bandarískt íjármagn og hátæknifyrir-
tæki dr. Kára til landsins, en senda
Dönum, sem eru alls góðs maklegir, ís-
lenskt hugvit í formi pítsubaksturs.
En mestu skiptir að viðskiptajöfnuð-
urinn sé hagstæður og að Mörlandinn
þurfi ekki að þylja fyrir sjálfum sér hið
forna vísubrot landnámsmann sins:
IJreppek Kaldbak / og læt Akra.
OÓ