Dagblaðið Vísir - DV - 27.11.1987, Blaðsíða 1
FÖSTUDAGUR 27. NÓVEMBER 1987.
19
Dansstaðir - Matsölustaðir - Leikhús - Sýningar - Kvikmyndahús - Myndbönd o. fl.
ABRACADABRA,
Laugavegi 116
Diskótek föstudags- og laugardagskvöld.
ÁRTÚN,
Vagnhöfða 11, simi 685090
Gömlu dansamir á fóstudagskvöld. Opiö
kl. 21-3. Nýju og gömlu dansarnir laugar-
dagskvöld. Opið kl. 22-3. Hljómsveitin
Danssporið ásamt söngkonunni Krist-
björgu Löve bæði kvöldin.
BROADWAY,
Álfabakka 8, Reykjavík, sími 77500
Stórsýningin „Allt vitlaust" á fóstudags-
og laugardagskvöld. Söngvarinn og
píanóleikarinn Manu De Carvalho, sem
heillað hefur íslendinga er sóttu Torre-
molinos í sumar, skemmtir einnig bæði
kvöldin.
CASABLANCA,
Skúlagötu 30
Diskótek fóstudags- og laugardagskvöld
frá kl. 22-3.
DUUS-HÚS,
Fischersundi, sími 14446
Diskótek fóstudags- laugardags- og
sunnudagskvöld. Opið frá 22 til 3. A
sunnudagskvöld verða jasstónleikar í
Heita pottinum.
EVRÓPA
v/Borgartún
Hljómsveit hússins, Saga Class, leikur
fyrir dansi föstudags- og laugardags-
kvöld. Hljómsveitin Karlmenn frá
Akureyri kemur og skemmtir á laugar-
dagskvöld.
Húsið er opið frá kl. 22-3.
GLÆSIBÆR,
Álfheimum
Hljómsveitin Hafrót leikur fyrir dansi
fóstudags- og laugardagskvöld. Tónlistin
frá 6. og 7. áratugnum er í hávegum höfö.
Opið kl. 22-3.
HOLLYWOOD,
Ármúla 5, Reykjavik
Swinging Blue Jeans skemmta fóstudags-
og laugardagskvöld. Þessi hljómsveit hef-
ur tvisvar áður komið til landsins. Húsið
opið 22-3.
HÓTELBORG,
Pósthússtræti 10, Reykjavík, sími 11440
Diskótek föstudags- og laugardagskvöld.
Gömlu dansarnir á sunnudagskvöld.
Hljómsveit Jóns Sigurðsspnar leikur.
HÓTEL ESJA, SKÁLAFELL,
Suðurlandsbraut 2, Reykjavik, sími
82200
Dansleikir föstudags- og laugardags-
kvöld. Hljómsveitin Kaskó leikur. Tísku-
sýning öll fimmtudagskvöld.
HÓTEL SAGA, SÚLNASALUR,
v/Hagatorg, Reykjavík, sími 20221
Lokað vegna einkasamkvæmis fóstu-
dagskvöld. Hringekjan á laugardags-
kvöld í síðasta sinn. íslenski jassballett-
flokkurinn með frábær dansatriði,
Jóhanna Linnet syngur lög úr frægum
söngleilgum.
LEIKHÚSKJALLARINN,
Hverfisgötu
Diskótek föstudags- og laugardagskvöld.
LENNON
v/Austurvöll, Reykjavík, sími 11630
Diskótek föstudags- og laugardagskvöld
MIAMI,
Skemmuvegi 34, Kópavogi, sími 74240
Diskótek fóstudaga og laugardaga. Ald-
urstakmark 16 ár.
ÚTÓPÍA,
Suðurlandsbraut 26
Diskótek fóstudags- og laugardagskvöld.
ÞÓRSKAFFI,
Brautarholti, s. 23333
Hljómsveitin Pelican og hljómsveit Stef-
áns P. og Þorleifur Gísla leika og
skemmta fóstudags- og laugardagskvöld.
Ómar Ragnarssón skemmtir matargest-
um ásamt Hauki Heiðari undirleikara.
Ölver,
Álfheimum 74, s. 686220
Lifandi tónlist um helgina og kráar-
stemning. Opið frá 22 til 3 um helgar.
Sjallinn,
Akureyri
„Stjörnur Ingimars Eydal í 25 ár“ um
helgina.
Hljómsveitin Pelican á velmektardögum sínum, piltarnir hærðir i góðu
meðallagi. Núna, tólf árum síðar, gera þeir stormandi lukku í Þórskaffi,
öllu snöggklipptari.
Þórscafé:
Pelican gerði
stormandi lukku
Hljómsveitin Pelican skemmti í
Þórscafé um síðustu helgi en þá
voru liðin tólf ár frá því hljómsveit-
in lagði upp laupana. Pelican gerði
stormandi lukku, ekki hvað síst á
laugardaginn var, og varð nánast
„allt vitlaust" eins og einn gesta í
Þórscafé orðaði það.
Þeir sem misstu af endurkomu
Pelican um síðustu helgi þurfa þó
ekki að örvænta því sveitin mun
einnig skemmta í Þórscafé nú í
kvöld og á laugardagskvöld ásamt
skemmtikraftinum góðkunna, Óm-
ari Ragnarssyni, sem mun tryggja
það að borðhaldið verði skemmti-
legt.
Magnús Magnússon í Norræna húsinu:
Landið, sagan
og sögumar
í tilefni af útkomu nýrrar bókar
sinnar, Landið, sagan og sögurnar.
sem Vaka-Helgafell gefur út í dag,
flytur Magnús Magnússon, rithöf-
undur og sjónvarpsmaður, fyrir-
lestur í Norræna húsinu og ber
hann sama heiti og bókin. Fyrir-
lestur Magnúsar hefst klukkan
20.30 í kvöld, fóstudag.
Magnús kýs að segja sögu fyrstu
alda íslandsbyggðar meira og
minna með hliðsjón af fornbók-
menntunum en tekur jafnframt
mið af nýjustu rannsóknum á öðr-
um sviðum. Á þennan hátt fléttar
Magnús saman á lipran hátt og
skemmtilegan sögulegum fróðleik,
efni íslendingasagna og upplýsing-
um um landið og sögustaði.
Fyrirlesturinn verður fluttur á
ensku og hefst á stuttum inngangi
um íslendingasögurnar, tilurð
þeirra og sögu. Hann fjallar um
sagnahefð íslendinga og rekur efni
helstu íslendingasagnanna. Þá
mun Magnús kynna efni bókar
sinnar og fjalla um gerð hennar og
Magnús Magnússon, rithöfundur-
inn og sjónvarpsmaðurinn frægi,
á Þingvöllum.
aö loknum fyrirlestrinum mun
hann árita bækur sem verða til
sölu í Norræna húsinu fyrir og eft-
ir fyrirlesturinn.
Swinging Blue Jeans eins og þeir eru í dag - alltaf jafnhressilegir og unglegir.
Hollywood:
Swinging Blue Jeans
skemmta týndu kynslóðinni
Gömlu brýnin í hljómsveitinni
Swinging Blue Jeans, eða sprell-
fjörugu gallabuxunum, taka þátt í
leitinni að týndu kynslóðinni sem
staðið hefur yfir í veitingahúsinu
Hollywood um skeið. Sjálf er
hljómsveitin hluti af þessari týndu
kynslóö og kannski rúmlega það
því að hún tók til starfa upp úr
1960 og hefur haldið nær óbreyttri
mannaskipan frá upphafi.
Swinging Blue Jeans skemmtir
gestum Hollywood á föstudags- og
laugardagskvöld og mun það ör-
ugglega gleðja marga af sandala-
kynslóðinni. Þetta er nefnilega í
þriðja skipti sem hljómsveitin kem-
ur til landsins. Fyrst kom hún
hingað árið 1963 og gerði þá allt
vitlaust, enda þá á hátindi frægðar-
innar með lög eins og „Hippí, hippí
shake," og „Good Golly Miss
Molly".
Auk flutnings Swinging Blue Je-
ans á gömlu góðu lögunum verða
spiluð íslensk og erlend lög í diskó-
tekinu sem unglingar týndu kyn-
slóðarinnar kunna að meta og
koma lífi í gömlu bítlaskóna.
Reiðhöllin:
Grafík og
Cock Robin
Poppsöngvarinn Cock Robin, sem
nýlega skaust upp á stjörnuhimin-
inn og nýtur mikilla vinsælda hér
á landi, verður með hljómleika í
Reiðhöllinni á sunnudag, aðdáend-
um sínum til mikillar ánægju.
Tónleikarnir heflast klukkan 15 og
mun íslenska hljómsveitin Grafik
sjá um upphitun fyrir Cock Robin
og ennfremur kemur þar fram
hljómsveitin Solid Silver með
Bobby Harrison í broddi fylkingar.
Samkvæmt reglugerð um tón-
leikahald i Reiðhöllinni verður
tónleikunum að ljúka fyrir klukk-
an 19 og verða rútuferðir fyrir og
eftir hljómleikana til Reiðhallar-
innar.
Dostojevskí
í.MÍR
Sovéska myndin, 26 dagar í lífi
Dostojevskís, verður sýnd í bíósal
MÍR að Vatnsstíg 10 á sunnudag,
klukkan 16. Leikstjóri myndarinn-
ar er Alexander Sarkhí en með
aðalhlutverkið fer Anatólí Solon-
itsín. Myndin verður sýnd með
íslenskum skýringartextum.
Kvikmyndin fjallar um það tíma-
bil í lífi hins fræga, rússneska
rithöfundar er hann vann að skáld-
sögunni Fjárhættuspilaranum.
Myndin er sýnd í tengslum við
bókasýningu í húsakynnum MÍR.
Ásamt bókum eru þar sýndir list-
munir og listaverk frá Hvíta-Rússl-
andi og er sýningin opin alla virka
daga klukkan 17-19 og um helgar
klukkan 14-19.