Dagblaðið Vísir - DV - 06.05.1988, Side 8

8
FÖSTUDAGUR 6. MAÍ 1988.
Utlönd
Búa sig undir
áhlaup lögreglu
Lech Walesa og þrjú þúsund verk-
fallsmenn virtu að vettugi boð yfir-
valda um að yfirgefa Lenínskipa-
smíðastöðina í Gdansk á miðnætti
og bjuggu sig í nótt undir áhlaup
óeirðalögreglunnar.
í stað þess að yfirgefa skipasmíða-
stöðina komu verkfallsmenn fram
með nýjar kröfur seint í gærkvöldi
um viðurkenningu á Samstöðu auk
Verkfallsmenn hafa nú hafst við i skipasmíðastöðinni i Gdansk í Pollandi
frá þvi á mánudag og eru þeir hvildinni fegnir hvar sem hún fæst.
Simamynd Reuter
þess sem þeir kröfðust viðræðna við
vinnuveitendur.
Hundruð óeirðalögreglumanna
umkringdu skipasmíðastöðina í gær
og héldu burtu stuðningsmönnum
Samstöðu. Walesa sagðist í gær búast
við sams konar áhlaupi og óeir ðalög-
reglan í Krakow gerði í fyrrinótt á
stáliðjuver til þess að hrekja burtu
verkfallsmenn sem lágu þar og sváfu.
Heimildarmenn stjórnarandstæð-
inga segja að alls hafi áttatíu menn
verið handteknir í áhlaupinu. Neita
stjórnarandstæðingar þeirri fullyrð-
ingu yfirvalda um aö fjórtán af
sextán meðlimum verkfallsnefndar-
innar hafi verið gripnir. Segja stjóm-
arandstæðingar að sex þeirra gangi
enn lausir auk leiðtogans sem nú fer
huldu höfði. Verkfallið segja þeir
vera hafið á ný í formi fjarveru
verkamannanna.
Lögreglumenn hentu blossa- og
höggsprengjum inn í sal þar sem
verkfallsmenn lágu sofandi. Einnig
beittu lögreglumenn kylfum gegn
verkfallsmönnum, sem ekki eru
sagðir hafa veitt mótspyrnu, og liggja
nokkrir þeirra nú á sjúkrahúsi vegna
meiðsla sinna.
Leiðtogar verkfallsmanna í
Gdansk hafa fyrirskipaö að óeirða-
lögreglunni verði ekki veitt viðnám.
Verkfallsmenn hafa verið í skipa-
smíðastöðinni frá því á mánudag.
Yfirmaður frönsku víkingasveitanna, Philippe Legorjus, á Nýju Kaledóniu
eftir áhlaupið á mannræningjana og frelsun gíslanna. Simamynd Reuter
Víkingasveitimar
í viðbragðsstöðu
Alls lést tuttugu og einn maður í
árás franskra víkingasveita á mann-
ræningjana á Nýju Kaledóníu í
fyrradag er tuttugu og þrír gíslar
voru frelsaðir. Talsmaður franska
hersins tilkynnti í morgun að her-
menn, sem kembt hefðu svæðið á
eyjunni Ouvéu, hefðu fundið lík
þriggja skæruhða kanaka til við-
bótar. Það voru því alls nítján sjálf-
stæðissinnar sem féllu en áður hefur
verið greint frá því að tveir franskir
hermenn hafi látið lífið í aðgerðun-
um.
Rúmlega átta þúsund franskir her-
menn eru nú í viðbragðsstöðu á Nýju
Kaledóníu vegna hótana leiðtoga
sjálfstæðissinna um að taka upp bar-
áttu gegn drottnurunum í kjölfar
árásarinnar á mannræningjana.
Leiðtogar skæruliða höfðu sagt að
gíslunum yrði sleppt ómeiddum og
að óeirðirnar, sem staðið hafa yfir í
tvær vikur, myndu hætta ef yfirvöld
í París útnefndu óháðan milligöngu-
mann til opinna viðræðna um sjálf-
stæði fyrir Nýju Kaledóníu.
Chirac nýtur góðs
af frelsun gíslanna
Ættingjar fagna gíslunum við komuna til Parísar. Lengst til hægri má
sjá Jacques Chirac, forsætisráðherra Frakklands. Slmamynd Reuter
JVIikið er rætt um þá samninga
sem franska ríkisstjórnin gerði við
ofsatrúarsamtökin sem héldu
mönnunum í gíslingu, samninga
sem fæstir þekkja til enn þá og
óvíst að verði nokkurn tíma opin-
beraöir. Auðvitaö er hér um að
ræða samninga franskra og íran-
skra yfirvalda með milligöngu
ræningjanna. Talað er um að
franska stjórnin hafi borgað mikið
lausnargjald og ætli að minnka
vopnasölu til Iraks, sem er and-
stæðingur írans í Persaflóastríð-
inu. Einnig er talað um að Frakkar
ætli að selja Sýrlendingum vopn,
sem síðan yrðu seld áfram til ír-
ans, og að viðskipti verði aukin
milli samningslandanna tveggja.
Allt þetta eru getgátur sem ríkis-
stjórnin staðhæfir að séu út í
bláinn. Viðbrögð ráðamanna í
Bretlandi og Bandaríkjunum hafa
einkennst af áhyggjum yfir undan-
látssemi Frakka en þeir fullvissa
bandamenn sína um að gíslaaf-
hendingin hafi fariö fram á full-
komlega boölegan hátt og að ekki
hafi króna verið borguð.
Jacques Chirac lýkur í kvöld
kosningabaráttu sinni til forseta-
embættisins, líkt og Francois
Mitterrand, og hefur hann notið
góðs af frelsun gíslanna þótt fæstir
reyni aö spá um áhrifm sem þetta
muni hafa á úrslit kosninganna.
Ríkisstjóminni hefur tekist það
sem allir eru sammála um að sé
mikið afrek þótt margir spyiji á
bak við tjöldin hvaða verð hafi ver-
ið greitt. Chirac virðist í ljósi
þessara atburða staðfastur og rögg-
samur. Hann þakkar stjóm sinni
frelsun gíslanna en veit að það
væri hættulegt að ætla sér að snúa
þessari sameiginlegu gleði og til-
finningu frönsku þjóðarinnar yfir
frelsun gíslanna í pólítískan sigur
stjórnmálamanna. Því hafa flestir
þeirra látið lítið hafa eftir sér annaö
en ánægju og létti. Formaður Sós-
íalistaflokksins, Lionel Jostin, er
sá eini af andstæðingum forsætis-
ráðherrans sem látið hefur hörð
orð falla er hann sagði aö Chirac
léki sér með kjósendur.
Mitterrand forseti hefur verið
varkár í sínum yfirlýsingum en
sagði þó aö þaö hefði veriö alit í
lagi ef forsætisráðherrann hefði
sýnt aðeins meiri hæversku. Hann
bætti því við að forsetinn væri sá
eini sem gæti ákveðið hvort eðli-
legu stjórnmálasambandi væri
komið á aftur við írani.
í Líbanon eru enn þá fjórir
franskir gíslar, tvær ungar stúlkur
sem teknar vom í gislingu í nóv-
ember 1987 ásamt móður þeirra og
fjórða aðila.
Frakkarnir þrír, sem leystir voru
úr gislingu í fyrradag, komu til
Parísar í gærmorgun eins og áætl-
að var. A flugvellinum tók fjöldi
manns á móti þeim, fyrst og fremst
fjölskyldur þeirra en einnig Jacqu-
es Chirac forsætisráðherra og
Danielle Mitterrand, eiginkona for-
setans. Fjölmiðlar voru vitanlega
viðstaddir og franskar sjónvarps-
stöðvar voru með beinar útsend-
ingar í belg og biöu auk sérlega
langra fréttatíma í gærkvöldi.
Gíslarnir fyrrverandi virtust við
góða heilsu en breytingin á högum
þeirra er gífurleg og eftir fagnaðar-
fundina á flugbrautinni var farið
með þá á sjúkrahús þar sem þeir
dvelja einnig í dag. Sérstakur hóp-
ur sálfræðinga er mönnunum
þremur til aðstoðar svo að þeir geti
aðlagað sig fyrra lífi sínu eftir
þriggja ára einangrun. Aðrir fyrr-
verandi franskir gíslar eru
mönnunum einnig innan handar.
Blaðamaðurinn á meðal hinna
þriggja, Jean-Paul Kauffmann, talaði
talsvert við fjölmiðla á flugvellinum
og þá helst um Michel Seurat, gíslinn
sem ekki lifði af fangavistina.
Forsætisráðherrann hélt ræðu á
flugvellinum þar sem hann þakk-
aði Assad Sýrlandsforseta, irönsku
ríkisstjórninni, líbönskum hernað-
aryfirvöldum og Alsírstjóm fyrir
aðstoðina við lausn gíslamálsins.
Hann sagði að nú kæmi til greina
að koma á eðlilegu stjómmálasam-
bandi við írani en því var slitið af
Frakka hálfu í júlí á síðasta ári
þegar Wahid Gordji, túlkur í ír-
anska sendiráðinu, granaður um
aðild að sprengjutilræðunum í Par-
ís 1986, neitaði að koma fyrir rétt.
Skýrt var frá því í fréttum banda-
rískrar sjónvarpsstöðvar í gær að
íraninn Ghorbanifar, sem var
milligöngumaður í vopnasölu
Bandaríkjanna til írans, hafi einnig
verið milligöngumaður í að fá gísl-
ana þrjá látna lausa.
Eftir þrjú ár í haldi mannræningja í Libanon komu frönsku gíslarnir þrír til Parísar i gær. Frá vinstri: Marcel
Carton, Jean-Paul Kauffmann og Marcel Fontaine. Símamynd Reuter