Dagblaðið Vísir - DV - 28.06.1988, Qupperneq 40

1%
♦
Cr
F R
TTASKOTIÐ
Hafir þú ábendingu eða vitneskju um frétt, hringdu besta fréttaskotið ( hverri viku greiðast 5.000 krón-
þá í síma 62-25-25. Fyrir hvert fréttaskot, sem birt- ur. Fullrar nafnleyndar er gætt. Við tökum við
ist eða er notað í DV, greiðast 2.000 krónur. Fyrir fréttaskotum allan sólarhringinn.
Ritstjórn - Auglýsingar - Áskrift - Dreifing: Sími 27022
Hefur skrifað
ættfræðiforrit
Friðrik Skúlason, 24 ára Reykvík-
ingur, sem er að ljúka viö nám í tölv-
%r unarfræði og sálfræði við Háskóla
íslands, er þessa dagana að ljúka við
mjög athyglisvert ættfræðiforrit. Og
svo getur farið að Friðrik safni upp-
lýsingum um milljón íslendinga allt
aftur til landnámsaldar. Það þýðir
að tölvuforritið getur rakið ættir
núlifandi íslendinga til manna eins
og Ingólfs Arnarsonar og Egils
Skallagrímssonar.
„Ég byrjaði að skrifa ættfræðifor-
ritið fyrir mánuði og er að ljúka því
þessa dagana," segir Friðrik. „Ég hef
enn ekki ákveðið hvort ég sel forritið
eða set upp ættfræðiþjónustu.“
Velji Friðrik síðari kostinn hyggst
hann safna upplýsingum um milljón
íslendinga í gagnabanka, spurningin
sé fyrst og fremst hvernig hann fari
• að því.
„Það er sá fjöldi íslendinga sem til
eru heimildir um. Erfiðast verður að
vinna gamlar heimildir en eftir 1700
má styðjast við manntöl og
kirkjubækur."
-JGH
Nauðgunarmálin:
r Fara öll til
saksóknara
Nauðgunarmálin þrjú, sem kærð
voru sunnudaginn 19. júní, veröa öll
send til ríkissaksóknara. Stúlkan
sem kærði tvo varnarliðsmenn hefur
óskað eftir að ekki verði frekari að-
gerðir vegna kæru sinnar. Ríkissak-
sóknari fær málið eigi að síður til
umsagnar.
Þau tvö mál sem kærð voru vegna
nauðgunar og tilraunar til nauðgun-
ar, í heimahúsum í Hafnarfirði,
verða send til ríkissaksóknara í dag
eða á morgun. í öðru tilfellinu mun
^vera um fullframda nauögun að
ræða. Sá maður hefur ekki áður gerst
sekur um slíkt afbrot. í hinu tilfellinu
var maður kæröur fyrir tilraun til
nauðgunar. Maðurinn var sakfelldur
fyrir nauðgunartilraun árið 1985.
-sme
LOKI
Þeir ætla greinilega að
reyna samkeppni við
okkur á DV í ættfræðinni.
Nýstofnað Félag rækj uvi n nsl ustöðva:
Ætlar ser að stefna
sjávarútvegsráðherra
„Það verður örugglega látið
reyna á þessa reglugerð fyrir dóm-
stólum. Við trúumþví ekki að hægt
sé að innleiða aftur svipað fyrir-
komulag og hér gilti fyrir 1762. Þá
voru menn skyldaðir til að selja
ákveðnum kaupmönnum og hýdd-
ir ef þeir sinntu því ekki,“ sagði
Óttar Yngvason, framkvæmda-
stjóri íslensku útflutningsmið-
stöðvarinnar. Nýstofnað Félag
rækjuvinnslustöðva hyggst nú
stefna sjávarútvegsráðherra vegna
reglugerðar sem sett hefur verið
um kvóta á rækjuvinnslu.
Sextán rækjuvinnslur stofhuðu
Félag rækjuvinnslustöðva fyrir
tveimur mánuðum, í kjölfar deilna
vegna samráðs Félags rækju- og
hörpudisksframleiðenda við sjáv-
arútvegsráöuneytið vegna þessar-
ar reglugerðar. Á félagsfundi í fe-
brúar voru samþykkt mótmæli við
hugmyndum um kvóta á stöðvam-
ar. Að sögn Óttars hélt þó meiri-
hluti stjórnar og framkvæmda-
stjóri félagsins áfram samráði við
ráðuneytið. Það varð til þess að
fjöldi framleiöenda stofnaði nýtt
félag og hætti afskiptum af því
gamla.
„Það hafa ekki nema þrír fram-
leiðendur sagt sig úr félaginu,“
sagði Lárus Jónsson, fram-
kvæmdastjóri Félags rækju- og
hörpudisksframleiðenda. „Ég á
bágt með aö skilja hvers vegna
framleiðendurnir láta óánægju
sína með kvótann bitna á félaginu.
Við höfum einungis fylgst með
störfum ráðuneytisins á sama hátt
og Landssamband útvegsmanna
hefur gætt hagsmuna sinna félaga
varðandi ráðuneytinu. Kvótinn er
ekki settur á fyrir okkar tilstuðl-
an," sagði Lárus.
Óttar sagði hins vegar að mun
fleiri hefðu hætt afskiptum af félag-
inu. Á félagsfundinum í febrúar
heföu þannig mætt fulltrúar 36
framleiðenda en á aðalfundinum
fyrr í þessum mánuði hefðu ein-
ungis fulltrúar frá 20 framleiðend-
um látið sjá sig.
„Menn höfðu ekki einu sinn fyrir
því að fella meirihluta stjómar sem
hafði unnið gegn vilja meirihluta
félagsmanna. Við ætlum okkur að
vinna á öðrum vettvangi að okkar
málum," sagði Óttar. ■
í gamla félaginu sitja eftir nokkr-
ar kaupfélags- og Sambandsverk-
smiöjur og nokkrar af stærri verk-
smiðjunum í einkaeign, í nýja fé-
laginu eru þeir sem fá minni kvóta
vegna reglugerðarinnar.
-gse
Það er engu líkara en að Gisli Reynisson sitji undir stýri á einhvers konar vörubil. En raunin er önnur, hann er hér
að aka öðrum hjólabáti félagsins Mýrdælings í Vik í Mýrdal. Félagið á tvo fimm tonna báta, sem í sjálfu sér er ekki
í frásögur færandi nema vegna þess að bátarnir eru á hjólum. Margir gestir sem og heimamenn i Vík i Mýrdal hafa
án efa oft rekið upp stór augu þegar áhöfnin á Farsæl heldur til veiða. Bátnum er einfaldlega ekið eftir götum
þorpsins, niður að flæðarmáli og út i sjó. Sjá frétt á bls. 4. DV-mynd Brynjar Gauti
Veðrið á morgun:
Vindursnýst
til norð-
lægrar áttar
Á morgun snýst vindur smám
saman til norölægrar áttar. Léttir
þá til um landið sunnanvert en
norðanlands verður skýjað og
sums staðar súld á annesjum.
Hiti 6 til 13 stig, hlýjast á Suðaust-
urlandi. Víða sunnanlands er
hætta á síðdegisskúrum.
Enskur ferðalangur:
Drukknaði
í Jökulsá
Ensk kona féll í Jökulsá á Dal í gær
og drukknaði. Slysið varð rétt við
brúna við Fossvelli síödegis í gær.
Lík konunnar fannst nokkru neðar
í ánni skömmu síðar.
Erlendir feröalangar voru saman í
hópferðabíl og yfirgáfu þeir bílinn
um stund. Ekki er vitaö með vissu
hvernig slysið bar að.
-sme
Innbrot
í íbúð
Brotist var inn i íbúð á sjöundu
hæð hússins númer 4 viö Hátún í
nótt. Þjófurinn hafði á brott með sér
sjónvarpstæki, myndbandstæki og
myndbandsspólur.
Rannsóknarlögreglan hefur máliö
til rannsóknar.
-sme
Eldur í íbúð:
Glóð í
húsgagni
orsök eldsins
íbúð á efri hæð hússins númer 36
a við. Kársnesbraut í Kópavogi
skemmdist töluvert af völdum elds,
reyks og sóts í nótt. Þegar slökkvi-
liðsmenn komu á vettvang lagði mik-
inn reyk frá íbúðinni. íbúarnir höfðu
komist út óskaddaðir.
Reykkafarar fóru inn í íbúðina.
Þeir sáu strax aö eldur var í hús-
gagni og greinilegt að glóðin hafði
logað lengi. Vel gekk að slökkva eld-
inn.
Húsgögn og stofan eru mikið
skemmd vegna hita, reyks og sóts.
Þá lagði reyk og sót um alla íbúðina.
-sme