Dagblaðið Vísir - DV - 16.11.1988, Síða 2
2
MIÐVIKUDAGUR 16. NÓVEMBER 1988.
Fréttir
Forráðamenn fiskmarkaðanna í Reykjavík, Hafnarfirði og á Suðurnesjum á fundi í morgun. Þar var rætt um aukna
samvinnu og hugsanlega tölvusamtengingu allra markaðanna til hagræðis fyrir þá alla. Aukin samvinna er sögð
koma öllum til góða. DV-mynd GVA
Fiskmarkaöimir:
Ahugi fyrir auk-
inni samvinnu
og samtengingu
- forráöamenn markaöanna funda um málið
„Við höfum um nokkurn tíma rætt
það með hvaða hætti við gætum auk-
ið samvinnu okkar og jafnvel sam-
tengingu fiskmarkaðanna í Reykja-
vík, Hafnarfirði og á Suðurnesjum.
Viö teljum að með því mætti auka
hagræðinguna stórlega hjá fisk-
mörkuðunum. Þess vegna er þessi
fundur haldinn," sagði Einar Sveins-
son, framkvæmdastjóri fiskmarkað-
arins í Hafnarfirði, í samtali við DV.
í morgun komu forráöamenn þess-
ara fiskmarkaða saman til að ræða
þessi mál. Það er talið tæknilega
mögulegt að tölvutengja fiskmarkað-
ina og sagði Einar að meö því móti
mætti 'spara mönnum á Suðurnesj-
um að fara inn til Reykjavíkur eða
Hafnarfjarðar til aö kaupa fisk ef
ekkert er að fá á Suðurnesjum og
öfugt.
Logi Þormóðsson, stjórnarformað-
ur fiskmarkaðarins á Suðurnesjum,
sagði í samtali við DV að þetta mál
væri mjög áhugavert en hann sagðist
óttast að tölvutenging markaðanna
yrði mjög dýr. Það mál þyrfti að
kanna en allir markaðirnir eru með
tölvukerfl.
Einar Sveinsson tók fram til aö fyr-
irbyggja allan misskilning að þetta
mál væri aðeins til umræðu- en alls
ekki komið á framkvæmdastig.
„Við hittumst oft þessir karlar og
höfum verið að ræða málin. Það rabb
hefur svo leitt til þess að við ákváð-
um að halda með okkur formlegan
fund um þetta með aukna hagræð-
ingu fyrir alla í huga,“ sagöi Einar
Sveinsson.
Fiskmarkaðirnir í Reykjavík og í
Hafnarfirði eru kallaðir gólfmarkað-
ir. Það þýðir að menn hafa þann fisk
sem þeir ætla að kaupa fyrir augun-
um. Markaðurinn á Suðurnesjum er
aftur á móti fjarskiptamarkaður. Þá
gefa bátarnir sem ætla að selja á
markaðnum upp hvað þeir eru með
og menn bjóða í aflann óséðan.
-S.dór
Sölumiöstöðin kaUar saman neyöarfimd:
Vegna hinnar hrikalegu
afkomu sem við blasir
- segir Jón Ingvarsson stj ómarformaður
„Hvort kalla á þetta neyðarfund
skal ég ekkert segja um en hitt er
staðreynd að aldrei hefur verið rík-
ari ástæða til að kalla saman fund
hjá Sölumiðstöðinni en nú. Við okk-
ur blasir svo hrikaleg afkomumynd
í frystingunni að ekki verður komist
hjá því að ræða hana. Teygjan í mál-
inu er búin og þolinmæði okkar á
þrotum,“ sagði Jón Ingvarsson,
stjómarformaður Sölumiðstöðvar
hraðfrystihúsanna, í samtali við DV.
Sölumiðstöðin hefur boðað til
þessa fundar í dag. Slíkur aukafund-
ur sem þessi hefur ekki verið boðaö-
ur i Sölumiðstöðinni í fjölda mörg ár.
Á þessum fundi mun Jón Ingvars-
son flytja yfirlitsræðu og Steingrím-
ur Hermannsson forsætisráöherra
flytur ávarp. Þá munu þeir Amar
Sigurmundsson, formaður Samtaka
fiskvinnslustöðva, Þórður. Friðjóns-
son, forstjóri Þjóðhagsstofnunar,
Sigurður Stefánsson endurskoðandi,
Ólafur B. Ólafsson framkvæmda-
stjóri, Jón Páll Halldórsson fram-
kvæmdastjóri, Finnbogi Jónsson
framkvæmdastjóri og Sigurður Ein-
arsson framkvæmdastjóri halda
ræður.
Jón Ingvarsson sagði að ein höfuö-
ástæðan fyrir slæmri afkomu fryst-
ingarinnar væri fall dollarans en um
þaö bil 67 prósent í tekjumynstri
frystingarinnar eru í dollurum. Fyrir
utan viðskiptin við Bandaríkin eru
notaðir dollarar í viðskiptum við
Sovétríkin og Japan.
-S.dór
Minni kvóti:
Enn nýjar efnahagsaðgerðir?
í Þjóðhagsstofnun er nú reiknað
hvaða áhrif minni þorskkvóti á
næsta ári muhi hafa á útflutnings-
tekjur, viðskiptahalla og þjóöartekj-
ur. Þá mun minnkandi afli minnka
tekjur útgerðar og veiða. Þaö má því
búast við að afkoma þessara greina
versni enn í útreikningum Þjóð-
hagsstofnunar þó útgjöld þeirra
muni að sjálfsögðu einnig veröa
minni.
Ljóst er að útflutningstekjur muni
dragast saman um fáeina milljarða.
Viðskiptahallinn mun aukast að
sama skapi en samkvæmt nýbyrtri
þjóðhagsspá var gert ráð fyrir um
12,6 milljarða halla á næsta ári.
Það er þó ekki víst að þessi verði
raunin þar sem minnkandi afli hefur
hingað til ekki einungis haft áhrif á
helstu hagstærðir heldur einnig
efnahagsstefnu stjómvalda. Það má
því búast við aö ríkisstjómin móti
aðgerðir til að mæta þessum sam-
drætti innan tíðar.
-gse
DV
Aflakvótinn 1989:
Samdráttur í
veiðum helstu
botnfisk-
tegundanna
Sjávarútvegsráðherra hefur
ákveðið heildarafla helstu botnflsk-
tegunda fyrir næsta ár og er þar um
nokkurn samdrátt að ræða í þeim
flestum.
Eins og skýrt var frá í DV fyrir
nokkru verður samdráttur þorskafla
10 prósent, hann minnkar úr 355 til
360 þúsund lestum í ár niður í 325
þúsund lestir á næsta ári. Hafrann-
sóknastofnun lagði til að aflinn yrði
minnkaður um 20 prósent eða í 300
þúsund lestir. Vegna efnahags-
ástandsins var ekki talið fært að fara
svo neðarlega.
Búist er við að heildarkarfaaflinn
í ár verði um 90 þúsund lestir en
gert er ráð fyrir að hann verði ekki
meiri en 75 þúsund lestir á næsta
ári. Heimilt er að veiða 65 þúsund
lestir af ýsu í ár og er gert ráð fyrir
óbreyttu magni næsta ár. í ár var
heimilt að veiða 80 þúsund lestir af
ufsa en útlit er fyrir að aflinn verði
ekki nema um 70 þúsund lestir. Á
næsta ári er gert ráð fyrir 80 þúsund
lesta afla.
Loks er svo dregið verulega úr grá-
lúðuveiðum eða úr 50 þúsund lestum
í ár niður í 30 þúsund lestir á næsta
ári.
-S.dór
Svalbaröseyrarmálið:
Óvíst hvort bændurnir
taka tilboði Sambandsins
Gylfi Kristjánssan, DV, Akureyri:
„Viö funduðum um tilboö Sam-
bandsins í gærkvöldi og þaö er
nákvæmlega ekkert að frétta af
þeim fundi en við ætlum að fara
suður til Reykjavíkur í dag og ræð'a
við Iðnaðarbankann," sagði Bjarni
Hólmgrimsson, bóndi aö Svalbarða
við Eyjafjörð, í morgun.
Bjarni er einn bændanna 9 sem
gengu í ' fjárhagsábyrgðir fyrir
Kaupfélag Svalbaröseyrar áður en
félagið varð gjaldþrota. Upphæð
þeirra ábyrgða nemur i dag um 45
milljónum króna og eru 6 þessara
bænda í mun hærri ábyrgðum en
hinir,
Sambandið itrekaði í gær tilboð
sitt viö bændurna um að koma til
hjálpar við lausn þessa máls. í til-
boðinu felst að Sambandið taki að
sér greiðslu þriðjungs upphæðar-
innar eða um 16,5 milljónir króna,
Samvinnubankinn og Iðnaðar-
bankinn taki á sig sömu upphæð
ef samningar nást við Iðnaðarban-
kann og bændurnir beri þá þriðj-
ung eöa 16,5 milljónir.
Þetta snýr þannig að bændunum
aö 6 þeirra munu þá eiga að greiöa
2,3 mllljónir hver, tveir þeirra 900
þúsund krónur og einn 380 þúsund
krónur. Samvinnubankinn mun
vera tilbúinn aö lá.na þessa upphæð
til 15 ára á lágum vöxtum þannig
aö greiðslubyrði hvers bónda á ári
verði að hámarki 200 þúsund krón-
ur á ári en um 10 milljónir myndu
þá snúa að Samvinnubankanum.
Samningar hafaekki tekist við Iðn-
aðarbankann í þessu máli en það
kann að gerast í dag. Upphæðin,
sem þar er um að ræða, nemur um
6,5 milljónum króna.
Sambandið segir að hér sé verið
að ítreka tilboð sem bændunum
var gert í sumar en bændumir
hafi ekki svaraö. „Þetta er ekki
rétt, lögfræðingar okkar svöruðu
þessu tilboði skriflega og óskuðu
eftir frekari viðr£eðum,“ sagði
Bjarni Hólmgrímsson.
Mótmæli Alþýðubandalagsins gegn álveri:
Eitthvað úr fortíðinni
- segir Jón Baldvin
„Við ætlumst til þess að menn
hlaupist ekki á brott frá samkomu-
lagi um að ljúka hagkvæmniskönn-
un á nýju álveri í Straumsvík. Við
viljum gæta íslenskra hagsmuna í
hvívetna en höfum engar skoðanir
fyrirfram. Við viljum með vinsemd
og alvöru vænta þess af öllum ís-
lendingum að þeir skoði öll efnis-
rök í málinu og taki afstöðu á
grundvelli þess en komist ekki að
niðurstöðunni fyrirfram,“ sagði
Jón Baldvin Hannibalsson utanrík-
isráðherra.
Svavar Gestsson afhenti Jóni
Baldvini mótmæli þingflokks Al-
þýðubandalagsins á ríkisstjórnar-
fundi í gær vegna málsmeðferðar
Jóns Sigurðssonar, iðnaðar- og við-
skiptaráðherra, í álmálinu. Jón
Sigurðsson, sem er erlendis, hefur,
eins og fram hefur komið í DV,
skipað nefnd til að halda áfram
samskiptum við þau fjögur erlendu
stórfyrirtæki sem vinna nú að hag-
kvæmnisathugun á byggingu ál-
vers í Straumsvík.
„Ég tel þessi mótmæh ótímabær
og ástæðulaus. Það sem iðnaðar-
ráðherra hefur gert er alls ekki
brot á samkomulagi eða vinnu-
brögðum,“ sagði Jón Baldvin.
- Er ekki ljóst að Alþýðubandalag-
ið mun aldrei samþykkja byggingu
álvers?
„Þeir hafa sagt að það hljóti að
sjálfsögðu að fara eftir niðurstöð-
um hagkvæmniskönnunar hvaða
málefnalega afstaða verður tekin
til málsins."
- Hvernig skýrir þú þá viðbrögð
þingflokksins?
„Ja, ætli þetta sé ekki eitthvað
úr fortíðinni."
- Er álmálið ekki líklegra en flest
önnur mál til að verða tilefni
stjórnarslita?
„Ég hef tröllatrú á þessu stjórn-
arsamstarfi. Eftir að viö komum
vitinu fyrir Aldi-fyrirtækiö í
Þýskalandi held ég að hægt sé að
koma vitinu fyrir alla,“ sagði Jón
Baldvin.
-gse