Dagblaðið Vísir - DV - 18.07.1989, Qupperneq 25

ÞRIÐJUDAGUR 18. JÚLÍ 1989,
25
Sviðsljós
Ólyginn
sagði...
Barbara Bush
t
forsetafrú í Bandaríkjunum ætl-
ar að gerast sjónvarpsstjama á
efri árum. Heimildir segja að hún
hafi fyrr á þessu ári hringt í fram-
leiðendur þáttanna um klassap-
íurnar og beðið um að koma fram
sem gestur í einum þeirra. Hún
mun koma fram í eigin hlutverki
einhvern tíma á næsta ári. Bar-
bara segir að Klassapíur séu
uppáhalds sjónvarpsefni sitt,
enda íjallar þátturinn um konur
af hennar kynslóð. Leikkonur
þáttarins eru mjög upp með sér
af framtaki forsetafrúarinnar og
hefur ein látið hafa það eftir sér
að þetta verði stærsta stund lífs
hennar.
Lif og fjor a
reiðnámskeiði
í sumar hefur verið rekinn reið-
skóli fyrir fatlaða og aðra þá sem
þurfa á aöstoð aö halda. Skóhnn, sem
þrjár stúlkur reka, hefur aðsetur sitt
að Reykjalundi og stendur hvert
námskeið í fimm daga, þrjá tíma í
senn. Auk þess að læra aö sitja hest
er öllum kennd umhirða hests og
reiðtygja. Vistmenn á Reykjalundi
hafa átt kost á reiðþjálfun í nokkur
ár en skipulögðu námskeiðin eru
opin öllum fótluðum.

Lagt upp frá Reykjalundi og ferðinni er heitið um nágrennið.
DV-myndir S

§§:
Hesturinn er spakur og bíður þess að knapinn ferðist með hann um fjöll
og firnindi.
Barbara Eden
fékk þær fréttir þegar hún kom
til Hollywood fyrir margt löngu
að hún væri ekki nógu falleg fyr-
ir skemmtanaiðnaðinn. Hún þrá-
aðist við, leit í spegil og sagði:
fagurt er fljóðið og mun ég hvergi
fara. Eins gott, því annars hefð-
um við íslendingar ekki fengið
að njóta hennar í hlutverki Dísu
í samnefndum sjónvarpsþáttum.
Þremur mánuðum eftir þessi vá-
legu tíðindi var henni hins vegar
boðið að reyna sig fyrir framan
myndavélarnar. Og sá sem bauð
var einmitt maðurinn sem hafði
komið svo ruddalega fram við
hana áður.
Jane Fonda
er heldur betur í vanda þessa
dagana. Eiginmaður hennar fyrr-
verandi, Tom Hayden, krefst þess
að fá helminginn af auðæfum
hennar, sem metin eru á fimmtíu
milljónir dala. Jane hefur aftur á
móti boðist til að gefa honum eina
milljón við skilnaðinn og þúsund
dollara á mánuði að auki. Tom
bara hlær að þessum tillögum
konu sinnar. Helminginn vill
hann og engar refjar. Hann hefur
meira að segja hótað að ljóstra
upp um óheiðarleg peningavið-
skipti stjörnunnar, nokkuð sem
gæti komið henni mjög illa, þess-
ari frjálslyndu og verkalýðssinn-
uðu konu.
Kötturinn hefur níu líf
Kettir þykja með lifseigustu dýrum jarðar og sleppa oft ótrúlega vel úr
hættulegum hremmingum. Þessi 10 vikna kettlingur sýndi mikið baráttuþrek
og lífsvilja eftir að hafa dregist með bíl sem ók á 100 kílómetra hraða.
Hann var tekinn til meðferðar á dýraspítala í heimabæ sínum i Ástralíu.
Allar klærnar voru horfnar og hann mikið brenndur á öllum loppum. Læknun-
um tókst að koma honum til lífs og heilsu og ekki síst vegna þess hve bjart-
sýnn og kraftmikill kettlingurinn sjálfur var.
Samskipti fagmanna
um lagnir aukin
Aðalfundur Lagnafélags íslands
var haldinn fyrir skömmu. í stjórn
voru kosnir Jón Sigurjónsson verk-
fræðingur, formaður, Jónas Valdi-
marsson pípulagningamaður, vara-
formaður, Friðrik S. Kristinsson
tæknifræðingur, ritari, og Valdimar
Jónsson blikksmíðameistari, gjald-
keri. Aðrir í stjórn voru kosnir Einar
Þorsteinsson tæknifræðingur, Sig-
urður Pálsson pípulagningamaður
og Ragnar Ragnarsson verkfræðing-
ur en framkvæmdastjóri er Kristján
Ottósson blikksmíðameisari.
Stjórn félagsins leggur áherslu á
aukin samskipti tækni- og iðnaðar-
manna á sviði lagnatækni og eflingu
faglegrar þekkingar með útgáfu
fræðirita á íslensku um efnið ásamt
fræðslufundum. Stefnt verður að
einum slíkum fundi á Akureyri á
hausti komanda.
Stjórn og framkvæmdastjóri Lagnafélags íslands er aðalfundur félagsins
var haldinn. Aftari röð, f.v.: Friðrik S. Kristinsson, Sigurður Pálsson, Jónas
Valdimarsson og Kristján Ottósson framkvæmdastjóri. Fremri röð, f.v.: Ein-
ar Þorsteinsson, Valdimar Jónsson og Jón Sigurjónsson. Á myndina vant-
ar Ragnar Ragnarsson.
Um helgina var haldin vörukynning i Ferðamarkaðinum við Bildshöfða. Fólk kom og skoðaði m.a. tjaldvagna og viðleguútbúnað en af myndunum af
dæma virðist fólki alltaf jafnannt um lambakjötið okkar góða - sérstaklega ef það er ódýrt eða gefins. Aðstandendur vörukynningarinnar gáfu gestum kost
á að bragða á útsölukjöti landbúnaðarráðuneytisins til að gera útilegustemninguna á mölinni enn raunverulegri. Grillilmurinn gaf bragðlaukunum lausan
tauminn og fólk stillti sér í biðröð á íslenska vísu - stutta en breiða. DV-myndir BG