Dagblaðið Vísir - DV - 21.02.1991, Page 12

12
FIMMTUDAGUR 21. FEBRÚAR 1991.
Spumingin
Borðarþú
mikið sælgæti?
Haraldur Ingvason 5 ára: Já, mér
finnst allt nammi gott nema'svona
sterkt.
Trausti Óskarsson: Já, dálítið helst
súkkulaði.
Guðmundur Ragnarsson: Já lakkrís
er bestur.
Erna Sigurvinsdóttir 10 ára: Soldið,
en ekkert voðalega.
Hallfríður Gunnsteinsdóttir 10 ára:
Nei, ekkert svo mikið.
Sigríður Alma Gunnsteinsdóttir 4
ára: Nei, ekki mikið, bangsar eru
bestir.
Lesendur___________________________
Saga um óréttlæti:
Frítt í strætó
6655-9629 skrifar:
Þjóðfélag sem framkvæmir og
bruðlar meira en það hefur nokkur
efni á, byggir heilar hallir o.fl., o.fl.
en fárast yfir unglingum sem einu
sinni í mánuðinum höfðu ekki 65
krónurnar í strætisvagninn. - Þess
konar þjóðfélagi mótmælir ofanritað
nafnnúmer og vill „stríð“ þar til við-
unandi lausn finnst á tilfmningadoöa
ríkisvaldsins. Eða hver sem það nú
er sem hefur svo fyrirskipað að inn
í strætisvagn fari ENGINN sem ekki
geti greitt að fullu, hvernig sem á
stendur.
Vagnstjóramir þora vart að bijóta
þessa reglu og virðist mér að þama
geti stundum verið greindarskortur
og getuleysi í samskiptum við sam-
borgarana sem munu vera frámuna-
legir aumingjar að hafa ekki réttan
krónufjölda til að láta detta í botn á
dunki, krónufjölda sem yfirboðarar
ætlast til að bjargi því sem bjargað
verður - greiði skuldir landsins.
Gæti hugsast að sá/sú sem getur
ekki greitt í strætisvagninn eigi í erf-
iðleikum - börn t.d., sem em oft í
strætó, hafi orðið uppiskroppa meö
smáaura, hafi týnt aurunum og séu
á leið heim? Unglingur, sem aldrei
þessu vant lenti í þessari neyðarlegu
aðstöðu en ákveður þó að spyija
vagnstjórann hvort hann megi fá að
borga næst, hafi bara gleymt pening-
unum? Auðvitað er erfitt og niður-
lægjandi fyrir hvern sem er að beið-
ast hjálpar, en...
Bréf þetta er skrifað vegna sliks ofan-
greinds dæmis hinn 7. febr. sl. úr
leiö tólf. Geðþekkur unghngur
spurði bílstjórann, er hann kom inn
í vagninn, hvort hann gæti nú lánað
sér, hefði gleymt peningunum, skuh
greiða næst. - „Nei,“ svaraði bílstjór-
inn, „hlauptu heim til þín, náðu í
peninga og taktu næsta vagn.“ - „Ég
bý nú niðri í bæ“, sagði unglingur-
inn, 15-16 ára gamall, „má ég ekki
borga næst?“ „Nei,“ var svarað
áfram og unglingurinn fékk ekki far
með strætisvagninum!
Þjóðfélag, sem ræðst á garðinn þar
sem hann er lægstur, er þjóðfélag
sem ofanritað númer berst á móti.
Ráðist á aðra en þá sem í eitt og eitt
skipti geta ekki greitt í strætó. - Við
verðum ekkert rikari þjóð með því
að koma svona fram við náungann.
- Takið strætópeningana frekar af
skattborgurum og höfum ókeypis í
strætó eins og á jólunum eða sumar-
daginn fyrsta því að þá brosa meira
að segja strætisvagnastjórar.
Minnisvarðinn um Hallgrím Pét-
ursson mætti varla molna frekar
en orðið er.
Minnisvarði
við
Dómkirkjuna
Ragnar Benediktsson skrifar:
Fyrir nokkrum árum ritaði ég
nokkrar hnur í blað í því skyni
aö benda á nauðsyn þess að
minnisvarðinn af Hallgrími Pét-
urssyni viö Dómkirkjuna í
Reykjavík yrði lagfærður og var-
inn frekari skemmdum.
Á seinni árum hefur steypan
molnað nokkuð og veðrast eins
og eðlilegt er, enda varðinn settur
við kirkjuna um þjóðhátíðina
1874, en Hallgrímur látinn 1644. -
Leitt væri ef taflan á minnis-
merkinu molnaöi frekar en oröið
er.
Lög og regla á vamarsvæðinu:
Herlögreglan hlýtur að ráða
M.G. hringdi:
Ég furða mig mjög á fréttum af
ágreiningi Lögreglufélags Suður-
nesja vegna þess sem þaö kýs að
kalla „yfirgang" herlögreglunnar á
Keflavíkurflugvelli. Vilja hinir ís-
lensku lögreglumenn fá yfirmenn
Varnarmálaskrifstofunnar til að
svara umkvörtunum, gömlum og
nýjum, sem enga úrlausn hafa fengið
hjá yfirstjórn og Varnarmálaskrif-
stofu. - Og að sjálfsögðu styðja ís-
lenskir lögregluþjónar einn sam-
starfsmann sinn sem er aðstoðaryfir-
lögregluþjónn á Vellinum.
Eg hélt satt að segja að úr því Kefla-
víkurflugvöllur er á yfirráðasvæði
vamarliðsins (nema nýja flugstöðin
sem er utan girðingarinnar) þá væri
yfirstjórn á varnarsvæðinu í hönd-
um herlögreglunnar og varnarhðs-
ins en ekki íslenskrar lögreglu. Ég
veit svo ekki hvað yfirleitt er verið
að gera við íslenska lögreglumenn á
varnarsvæðinu. - Þeir hljóta að vera
þar aðeins til trafala en ekki lög-
gæslu.
Ef eitthvað ber upp á eru þeir
óvopnaðir og geta ekki sýnt það vald
eða beitt sér á þann hátt sem búast
má við að skapist á erlendum mikil-
vægum herflugvelli eins og Keflavík-
urflugvöllur er. Öðru máli gegnir um
flugstöðina nýju sem er utan varnar-
svæðisins og getur vel verið undir
stjórn íslenskrar löggæslu, ef það
þykir yfirleitt heppilegt að þar séu á
verði vopnlausir gæslumenn, utan
hvað kannski tveir vopnaðir menn
eru þar með lauslegt eftirlit.
Ég held að engin slík starfsemi sé
við lýði á varnarsvæðinu sjálfu sem
krefst þess að ísienskir lögregluþjón-
ar séu þar á vakt, hvorki á svæðinu
sjálfu né í hliðunum sem hleypa fólki
inn og út af því. - Varnir á þessu
svæði eru alfarið í höndum varnar-
liðsmenna og vopn vilja íslensku lög-
reglumennirnir ekki sjá eða bera og
geta því ekki gert annað en ógagn
með veru sinni þarna efra.
Hvað varð um Jupiters?
G.R. skrifar:
Það ætlar víst ekki af þeim að
ganga, tilraununum sem hafa verið
geröar til að koma á laggirnar cdvöru
hljómsveit sem flytur góða „big-
band“ tónlist. Hafa þó margar slíkar
verið gerðar, bæði af opinberum aðil-
um og einkaframtaki. - Eitt sinn hét
það Léttsveit Ríkisútvarpsins, áður
Stórsveit Ríkisútvarps. - Svo kom
fram á sjónarsviðiö hljómsveitin
Jupiters sem lofaði góðu, var vinsæl
og lék allvíða við ýmis tækifæri.
Nú hefur ekki heyrst í þessari
hljómsveit lengi og eftir því sem ég
kemst næst á hún að hafa lagt upp
laupana. Ég vona svo sannarlega að
það sé misskilningur. - Nú væri fróð-
legt að heyra eitthvað nánar um til-
Hljómsveitln Jupiters. - Er hún lífs
eða liðin?
vist Jupiters eða hvort hún kemur
fram aftur.
Lesendasíða veitir slíkum upplýs-
ingum að sjálfsögðu viðtöku og birtir
þær ef þær berast.
Viðtökurí
Þjoðarsalmni
Ragnheiður Sigurðard. skrifar:
Þjóðarsálin á rás 2 er vettvang-
ur sem einkum hlustendur á
landsbyggðinni nota. Næstum
hver maður, sem í þáttinn hring-
ir, viröist vera dreifbýlismaður.
Mér blöskrar stundum hvernig
viðtökur fólk fær í þættinum.
Umsjónarmaður verkar stund-
um eins og hann sé alvitur, byrjar
að mótmæla eða verða yfir sig
undrandi, eins og t.d. á háu verð-
lagi, sbr. sl. mánudag þegar mað-
ur kvartaði undan hækkun á
Ajaxlegi. - Þarna eiga umsjónar-
menn litið að hafa sig í frammi,
utan hvað þeir verða auðvitað að
takmarka timalengd hvers og
eins, heldur hlusta og leyfa fólk-
inu að ljúka sér af. En það er
auðheyrt á fólkinu, sem hringir,
að það er orðið afar þreytt á skatt-
píningu, háu verðlagi og „þjóðar-
sátt".
Börnin komu
upp um þá!
Pétur Stefánsson skrifar:
Það var sl, laugardagskvöld aö
nokkur börn komu fram í þætti
Spaugstofunnar og svöruðu
spurningu um þjóðmálin.
Börnin svöruðu nákvæmlega
með sama orðalagi og stjórn-
málamenn og fulltrúar hagkerfis-
ins (t.d. Þjóðhagsstofnunar og
Seölabanka) hafa gert þegar þeir
eru spurðir þessarar eða álíka
spurninga.
Þegar hlustað var á börnin
ílytja mál sitt var eins og opnað-
ist fyrir manni glufa i hugskotinu
og tnaður sá hvílík vitleysa hefur
oltið út úr munni hinna fullorðnu
„spekinga“. - Þetta var eins og
detta inn i ævintýri H.C. Ander-
sen, Nýju fótin keisarans, þegar
barnið hrópaði „Hann er ber,
hann er ekki í neinum fótum!“
Litháen:
Núerlag
Egill Jónsson hringdi:
Nú er fariö að örla á lítið eitt
meiri tilhliðrunarsemi frá hendi
Sovétvaldhafa gagnvart Litháen.
Farið er að ræða um að ef af sjálf-
stæði Litháens verði þurfi að
koma til breytt landamæri. - Áö-
ur var ekki léð máls á neinum
slíkum vangaveltum. Einnig er
tónninn í þeim Sovétmönnum nú
smám saman að breytast gagn-
vart kröfum Eystrasaltsríkjanna.
í gær bárust svo fréttir af því
að þingið í Vilnius, höfuðborg
Litháens, hefði gefið Islendingum
hús undir sendiráð okkar þar
þegar við skiptumst á sendiherr-
um. - Nú er lag fyrir okkur ís-
lendinga að fylgja eftír samþykki
Alþingis um aö taka upp stjórn-
málasamband við Litháen.
Sjálfsögð
skattakönnun
Kaupmaður skrifar;
Ég vil lýsa velþóknun minni á
því frumkvæði skattrannsóknar-
stjóra aö kanna söluskráningu
hjá verslunum og þjónustuíyrir-
tækjum, ástand sjóðvéla, kassa
og reikninga þeirra fyrirtækja
sem ekki nota peningakassa. -
Við sem erum skyldaðir til að
nota sjóðvélar og stöndum skil á
öllum sköttum eins og lög gera
ráð fyrir höfum ekki verið of
ánægðir með að vita af mörgum
fyrirtækjum sem hafa komist hjá
skilagrein til hins opinbera.
Ég held að allt aðhald í þessum
málum sé nauðsynlegt svo að
þeir sem hugsa sér til hreyfmgs
í viðskiptum og halda að þar sé
hægt að láta reka á reiðanum
heiji ekki rekstur nema vita með
vissu að lögunum um skattaskil
verður framfylgt.