Dagblaðið Vísir - DV - 12.04.1991, Side 12

12
Spumingin
Hefur þú unnið í ffiski?
Þóra Steinunn Kristjánsdóttir dyra-
og gangavörður: Já, í ein fjögur ár.
Þórarinn Árnason bankalögfræðing-
ur: Já, en mjög lítiö. Ég var einhvern
tímann aö berja harðfisk.
Óli Hrafn Ólafsson nemi: Nei, aldrei.
Freyr Friðriksson nemi: Já, í fyrra-
sumar og líklega aftur í sumar.
Kristján Þorgeirsson skrifstofumað-
ur: Já auðvitað, þaö hafa allir ein-
hvem tímann unnið í fiski.
Gísli ísleifsson hæstaréttarlögmað-
ur: Nei aldrei, en ég hef verið á sjó.
Lesendur
Óbærilegt ok
frelsisins og EB
Einar Gíslason skrifar:
Okkur hefur verið kennt að land-
námsmenn íslands hafi flúið Noreg
þegar hann komst undir vald eins
manns af því að þeir þráðu frelsi
öðru fremur. Eftir að hafa búið við
þetta þráða frelsi í fjórar aldir var
svo komið að hagfræðingar þeirra
tíma og menn þess nútíma sáu að
frelsiö var vont. Það einangraði þjóð-
ina. Menn yrðu að svara kalli tímans,
ganga inn í nútímalegri heild.
Árið 1262 gengu íslendingar inn í
norska efnahagssvæðið og afsöluðu
sér sjálfstæði með tryggum fyrirvör-
um Gissurar- og Gamlasáttmála um
að halda lögum sínum og landhelgi
að embættismenn yrðu íslenskir, ut-
anstefnur engar og að lokum að ís-
lendingar fengju íslenskan kóng-
gerving. - Fyrir óverulegan skatt
kæmi verslunarfrelsi og friður.
íslendingar urðu sárfegnir að
þurfa nú ekki að ráða fram úr vanda-
málum sínum sjálfír, heldur geta vís-
að þeim til kóngsins. Það var rökrétt
framhald að létta sjálfstæðisfargan-
inu af þjóðinni með því að sverja
konungi einveldiseið árið 1662. Einn
afturhaldsmaður grét þó opinberlega
við athöfnina. Síðan reið hver guðs-
náðin af annarri yfir þjóðina, t.d. hið
ágæta tollabandalag sem fávísir
menn hafa kennt við einokun, Stóra-
dóm o.fl. - Allt gæði sem menn hljóta
er þeir gera sér viðhlæjendur vini.
Á 19. öld og raunar fyrr upphófust
sérvitringar sem fundu bandalaginu
allt til foráttu. í upphafi 20. aldar
höfðu þeir fengið heila kynslóð
bændadurga á sitt band. Linnti
þeirra fólk ekki látum fyrr en íslend-
ingar fengu samning um fullveldi
1918 og fullt sjálfstæði 1944. Nútíma-
menn telja þessa aldamótakynslóð
einhverja þá hlægilegustu sem uppi
hefur verið í samanlagðri íslands-
sögu. - Kenna þeir hana gjarnan við
föðurlandsflíkur, moldarkofa og
samræmt göngulag fornt enda fylgdi
hún tísku illa, hugsaði ekki um hag-
vöxt og það sem hlálegast var, borg-
aði sjálf fyrir sig.
Ljóst er að barátta þessara skýja-
glópa hefur leitt til mikils ófarnaðar.
Ekki var fyrr fengið sjálfstæði en
óleysanleg vandamál hrönnuðust
upp. Ástandið er orðið óbærilegt. -
Forfeður okkar þraukuðu við frelsi
í nær 400 ár. Við nútímamenn getum
að sjálfsögðu ekki lagt á okkur slíkt
harðræði svo lengi - 40-50 ár er
meira en nóg fyrir okkur enda eygj-
um við nú tækifæri sem ekki má
ganga okkur úr greipum.
Upp er risið EB, miklu merkilegra
efnahagsbandalag en Noregur var
1262 og mun á næstu árum slá við-
skiptajárntjaldi um verulegan hluta
Evrópu. Þetta bandalag brosir við
okkur. Nú er tækifæri til að losna
undan frelsinu og þjóðeminu. - Því
tækifæri má ekki glata. Styðjum boð-
bera EES - EB. Kjósum AD.
Lýðveldistakan árið 1944. - Getum við lagt á okkur slíkt harðræði meira en tæp 50 ár?
Breytingar á bótum - breytingar til bóta
Ásta R. Jóhannesdóttir í 2. sæti B-
listans í Reykjavík skrifar:
Óbreyttur borgari, kjósandi og elli-
lífeyrisþegi, Ingólfur Jónsson, slær
fram heldur hæpnum fullyrðingum
í lesendabréfi í DV 27. mars sl. - Ég
ætla ekki að elta ólar við öfgakennd-
an málílutning Ingólfs en vildi koma
nokkrum athugasemdum á fram-
færi. Áhyggjuefni Ingólfs eru hug-
myndir þær að nýjum lögum um al-
mannatryggingar sem heilbrigöis- og
tryggingaráðherra kynnti á nýaf-
stöönu þingi.
í frumvarpinu, sem lagt var fyrir
þingið, er ekki gert ráð fyrir að tekj-
ur úr lífeyrissjóði skerði ellilífeyri.
Hins vegar er ekki gert ráð fyrir að
ellilífeyrir verði greiddur þeim sem
hafa aðrar tekjur umfram ákveðna
upphæð. Miðað viö tölur frumvarps-
ins (júlí 1990) þá fellur ellilífeyrir
niður þegar tekjur einstaklings fara
yfir kr,- 96.100 á mánuði. Tekjur, allt
að 62.500 kr. á mánuði, skerða ekki
lífeyrinn. Ingólfur segir að fella eigi
niður „lífeyri þeirra sem einhverju
höfðu nurlaö saman“. - Þetta er
rangt! Það er rætt um aö fella niður
lífeyri þeira sem hafa nóg að bíta og
brenna.
Kæri lesandi, hversu margir ellilíf-
eyrisþegar hafa 100.000 krónur á
mánuði í tekjur, umfram bætur al-
mannatrygginga?
Kæri lesandi, er þörf fyrir sér-
stakan stuðning skattborgara viö
þann einstakling sem hefur 100.000
krónur á mánuði eða meira?
Mér finnst aðalatriði í almanna-
tryggingum vera það að jafna að-
stööu fólks eins og hægt er. Reyna
að gera betur viö þá sem litlu hafa
úr að spila. Ég veit að margir eru
sama sinnis. - Stuðnigur við B-list-
ann er því stuðningur viö eldri borg-
ara.
Kirkjurnar undir langlegudeildir
Margrét Jóhannsdóttir skrifar:
Allir vita hversu hér er orðiö slæmt
ástand í sjúkrahúsmálum og þá
einna verst varðandi langlegudeildir
- raunar bæði fyrir yngri sem eldri.
Sjúkrarými fyrir aldraða skortir þó
langmest. - Nærri allir sem rætt er
við um þennan vanda staðhæfa að
hann liggi í skorti á sjúkrarými fyrst
og fremst. Hvaö má til ráða verða?
Varla er það fjárskortur! - Eða hvort
er nauðsynlegra svo dæmi sé tekið;
að veita 60 milljónir króna til að reisa
skála erlendis undir heimssýningu,
sem stendur skamma stund, eða að
koma upp langlegudeildum hér
heima fyrir þá sem þess þarfnast?
Það er einnig sífellt klifað á því aö
svo og svo mikiö íjármagn þurfi til
aö byggja húsnæði fyrir langlegu-
deildir. En íjármagni er þó í sömu
framkvæmdina?
andrá ausið út í annað sem sannan-
lega er ekki nauðsyn á. Hvað um
kaupin á byggingu SS-hússins í
Laugarnesi? Þar fór bygging sem vel
hefði mátt nýta og það fyrir langlegu-
deild sem allir landsmenn gætu haft
aðgang að.
Nú legg ég til að skoðað verði hvort
hinar stóru og vannýttu kirkjubygg-
ingar hér á höfuðborgarsvæöinu geta
ekki nýst undir langlegudeildir.
Vissulega þyrfti aö innrétta þær að
nýju en húsnæðiö er fyrir hendi. Þar
gæti svo verið lítil kapella í kjallara
sem nota mætti fyrir messur, útfarir
og aörar trúarathafnir. - Ég sé hrein-
lega ekkert nema gott viö þessa upp-
ástungu. Hvaö segiö þið sem sjáið
um útdeilingu á fjármagni ríksisins
en kvartið sífellt um íjárskort?
FÖSTUDAGUR 12. APRÍL 1991,
DV
Þjónustuíbúðir
tilhvers?
Eldri borgari skrifar:
Mikill er áróðurinn þessa dag-
ana um áætlun í húsnæðismálum
aldraðra. Byggja á 2.400 íbúðir á
næstu fimm árum! Og nú er búið
að uppgötva „fjársjóð'1, nefnilega
fólk sem er 65 ára og eldra, og á
75 milljarða króna í fasteignum!
Hvað á að gera við þjónustu-
íbúðir fyrir aldraða? Ekki hefur
gengið svo vel að selja íbúðirnar
eftir auglýsingum í blöðum að
dæma. Nú eru a.m.k. þrjú félög
sem auglýsa og keppast um að
selja eldra fólki íbúðir!
Margar þessara íbúða standa
ónotaðar vegna þess að fólk hefur
unnvörpum orðið að fara á
umönnunar- og lfiúkrunarstofn-
anir og erfingjamir kunna ekki
við að selja á meðan eigandinn
er á lífi. Ekki geta börnin búið i
íbúðunum þar sem þau verða þá
að vera orðin 60 ára gömul. Fólk
ætti að gjalda varhuga við öllum
þessum áróðri.
Framboðsmál
áAusturlandi
Pétur Óskarsson, Neskaupstað
hringdi:
Mér fmnst það ræfildómur að
bjóða kjósendum hér upp á það,
að hafa ekki sameiginlegan fram-
boðsfund í stærsta kaupstað á
Austurlandi, Neskaupstað. - Mér
finnst Davíð Oddsson, sem ný-
kjörinn formaður Sjálfstæðis-
flokksins sýna Norðfirðingum lit-
ilsvirðingu með þvi að koma ekki
á fund í Neskaupstað og kynna
sig og stefnumál flokksins.
Er pólitíkin á íslandi komin
niður á það lágt siðferðisplan, að
öðrum en Steingrimi Hermanns-
syni, núverandi forsætisráðherra
sé ekki treystandi fýrir forsætis-
ráðuneytinu? - Alla vega hafa
sjálfstæðismenn aldrei haft svo
lélegan formann, að hann hafi
stundað bréfaskriftir við leiðtoga
erlendra hryðjuverkasamtaka.
Treysta þeir
kjósendum núna?
Jóhann Guðmundsson hringdi:
Nú, þegar kosningaundirbún-
ingur stendur sem hæst er ekki
úr vegi að hugleiða, hvort stjórn-
málamenn, frambjóðendur yfir-
leitt, eigi það inni hjá okkur að
aö við kjósum þá. Ég segi þetta
vegna svo margs sem yfir okkur
hefur verið látið ganga og gerir
enn án þess aö við séum spurð. -
Ég tek dæmi af handahófi. Hvers
vegna líða stjómvöld, að ÁTVR
greiðir ekki götu viðskiptavina
sinna meö því að taka upp
greiðslukort? Era þau ótryggari
en ávísanir? Hvers vegna hefur
ÁTVR ekki opið á laugardögum
eins og aðrar verslanir? Hér gátu
alþingismenn breytt um, en þeir
gerðu það ekki.
Hvers vegna vantreysta þing-
menn kjósendum í allflestum tíl-
vikum? Treysta þeir kjósendum
eitthvað betur núna? Gáum aö
þessu!
Fjáröflun á kjör-
dagerneikvæð
Aðalsteinn Jónsson hringdi:
Ég er svo innilega sammála
Halldóri Gíslasyni sem skrifar í
DV 26. mars sl. um þá leiðu og
óheppilegu framkvæmd að vera
með fjáröflun í gangi á kjördag.
Þegar allur áróður er annars
bannaður, má oft sjá konur og
börn vera að selja og bjóða ein-
hver mérki við kjörstaðina.
Þetta er hvimleitt og ég skora á
yfirvöld aö hafna beiðni um
svona nokkuð. Þetta eru leyfar
af miskilinni góðmennsku og vor-
kunnsemi við bágstadda, og
sömuleiöis leifar afdalamennsku
og ölmusuþægni. Ég segi eins og -
HaUdór; alls ekki á kjördag.