Alþýðublaðið - 16.11.1967, Blaðsíða 4

Bltstjóri: Benedikt GrBndal. Slmar 14900—14903. — Auglýsingaslml:
14906. — ACsetur: AiþýðuhúslS vlö Hverfisgötu, Kvlk. — PrentsmlOja
AlþýOublaðslns. Siml 14905. — Áskriítargjald kr. 105.00. — t lausa*
sölu kr. 7.00 elntaklO. — Útgefandl: AlþýSuflokkurlnn.
Aðvörun til Vísis
FYRIR NOKKRÚM DÖGUM gerðist það, að bátar
Romu hlaðnir af síld til hafna á Suðvesturlandi, en
síldarverksmiðjur á því svæði neituðu að kaupa afl
ann og vinna hann. Alþýðublaðið sagði þá, að rétt-
ast væri að þjóðnýta verksmiðjur, sem tækju slíka
afstöðu þegar mikið lægi á. Nokkru síðar tilkynntu
verksmiðjurnar, að þær mundu taka á móti úrgangi
vi'nnslustöðva, og síðan hefur verið hljótt um málið.
Þó hefur dagblaðinu Vísi þótt ástæða til andsvara,
j;ar sem Alþýðublaðið hafði vakið máls á þjóðnýtingu.
Þarf ekki að lýsa þeirri fyrirlitningu, sem kom fram
í grein Vísis, og minnti blaðið á tap Hafnfirðinga af
íogaraeign og frystihúsi.
Það má að sjálfsögðu benda á þjóðnýtt fyrirtæki,
.’em hafa tapað. En hafa engin einkafyrirtæki í þessu
landi tapað? Hafa engin ein^afyrirtæki fengið að-
stoð úr ríkisábyrgðasjóði? Lendir ekki tap einkafyrir
tækja eins og annarra að lokum á þjóðinni allri.
Einkaframtaksmenn eru ekki feimnir við þjóðnýt-
ingu, þegar það hentar eiginhagsmunum þeirra. Þeir
ætluðu að græða skjótlega á nýjum síldarverksmiðj-
um á Austurlandi — en ganga nú bónarveg til ríkis-
ins og biðja það um að kaupa verksmiðjurnar. Aðr-
:ir berjast fyrir því, að ríkið kaupi Áburðarverksmiðj-
una, sem það hefur alltaf átt!
Jafnaðarmenn halda ekki lengur fram, að þjóðnýta
eigi öll atvinnutæki heldur vilja þeir hlandað
hagkerfi, þar sem opinber rekstur, samvinnurekstur
og einkarekstur fara saman. En hlutverk ríkisrekstr-
arins er enn mikið og það hefur ekki farið minnkandi
tiér á landi síðustu ár. Seðlabankinn er voldugasta
og þýðingarmesta ríkisfyrirtæki, sem komið hefur
verið upp hér á landi. Hann er bæði stórfyrirtæki og
sterkt hagstjórnartæki, sem gerir ríkisstjórn kleift að
Uafa úrslitáhrif á efnahagslífið. Þessi banki er þýð-
ingarmeiri þjóðnýting en ríkisrekstur hundrað smá-
fyrirtækja. Þá er Sementsverksmiðjan ríkisfyrirtæki,
og ríkið er mikill hluthafi í fleiri nýjum iðnfyrirtækj-
um. Sjónvarp er enn eitt ríkisfyrirtæki, sem hefur
rnikla þjéðfélagslega þýðingu.
Vísir þarf að gera sér ljóst, að það er ekki alltaf
veifað rauðum fánum, þegar þjóðnýttur rekstur er
aukinn hér á landi. Samt sem áður hefur hlutur rík-
isins stöðugt vaxið og það væri ekkert stórskref þótt
nokkrum síldarverksmiðjum iværi bætt þar við, ef
ástæða þætti til.
4 16. nóvember 1967 - ALÞÝÐUBLAÐID
Loðfóðraðir háír og lágir
kuldaskór fyrir
KARLMENM
SKÓBÚÐ AUSTURBÆJAR, Laugavegi 100.
Stór sending:
há og lág kuldastígvél fyrir kvenfólk
Ný sending:
Verð kr.: 324-341-383-442-486
531-552-590.
Margar gerðir - Margir litir - Póstsendum
Skóbúð Austurbæjar Kjörgarður skódeild
Laugavegi 100. Laugavegi 59.
Skóval Austurstræti 18
Eymundssonarkjallara.
★ SPURNINGAKEPPNI í
ÚTVAIIPI OG SJÓNVARPI.
„Sjónvarpsnotandi” skrifar: „Spurn-
ingaþættir af ýmsu tagi hafa tíðkazt í útvarpinu
um allmörg ár og þótt góð dægrastytting. T. d.
var mikið hlustað á þáttinn Kaupstaðirnir keppa
A sínum tíma, eins og margir eflaust muna. Sömu-
leiðis hefur spurningakeppni skólanna vcrið vin-
sælt útvarpseíni. í vetur eru tveir spurningaþætt-
ír á döfinni, annar í útvarpinu, sem er skóla-
kcppni, hinn í sjónvarpinu, þar sem nokkrir starfs
liópar keppa.
Skólakeppnin í umsjá Baldurs Guð-.
laugssonar fór vel af stað. Skipulag keppninnar er
gott og þættinum röggsamlega stjórnað. Keppni
Stýrimannaskólans og Kennaraskólans sem leiddu
saman hesta sína í fyrsta þætti, var jöfn — og
skemmtileg.
Spurningakeppni sjónvarpsins, sem
stjórnað er af Tómasi Karlssyni, er liins vegar ný
af nálinni og hefur ekki við neina hefð að styðj-
ast. Er því að sjálfsögðu erfiðara um vik fyrst í
stað. í fyrsta þætti komu fram slökkviliðsmenn og
lögreglan. Þrátt fyrir smávegis mistök hjá stjórn-
anda þáttarins mátti segja, að keppnin tækist vcl
að mörgu leyti. Góður hraði var í henni og nota-
leg gamansemi í sumum viðfangsefnunum. Að
einu leyti varð þó stjórnándanum á í messunni.
í upphafi þáttarins lét hann þess getið, að keppn-
inni l.vki nákvæmlega þegar liinn fyrirfram ákveðni
tími væri. úti, hvernig sem leikar stæðu. Hins
vegar féll hann í þá freistni að bæta við einni
spurningu eftir að tímavörður hafði tilkynnt að
líminn væri búinn og keppninni átti að vera lokið.
Þetta var auðvitað brot á leikreglunum, sem vand-
lega þarf að fylgja í þáttum sem þessum, þótt
jkki sé um neina heimsmeistarakeppni að ræða.
Ekkí réðu þessi mistök þó neinum úrslitum í
keppninni og sjálfsagt hefur þetta einungis stafað
af fljótfærni og athugunarleysi. Og sem sagt:
pátturinn lofar góðu.“
FYRIRHYGGJULEYSI.
Verkfall yíirmanna á kaupskipaflotan-
um hófst á miðnætti aðfaranótt síðastliðins sunnu-
dags og stendur enn yfir. Hafa nokkur skip þegar
stöðvazt m. a. olíuskipin, sem ekki hafa fengið af
greiðslu eftir að vinnustöðvun hófst. Margir hafa
Curðað sig á því, að þegar á fyrstu dögum verk-
fallsins eru olíuþirgðir á þrotum á allmörgum
stöðum á landinu, sums staðar má heita olíulaust.
Hér virðist eitthvað skorta á forsjá' og fyrirhyggju,
þar sem ekki er í önnur hús að venda um olíu-
kaup. Burtséð frá öllum verkföllum og vinnustöðv-
unum sýnist hér teflt á tæpasta vaðið í þessum
bfnum. Nú mun að vísu hafa rætzt úr þessu, þar
sem undanþágur hafa fengizt fyrir olíuafgreiðslu
á þeim stöðum, sem verst eru settir, svo að
ekki ætti til þess að koma, að tjón hlytist af að
þessu sinni. Hins vegar virðist einsætt, að búið
sé þannig um hnútana, að nægar olíubirgðir séu
jafnan fyrir hendi hvar sem er á landinu og
ekki sízt þar sem milljónaverðmæti er i húfi.
Annrð er varla afsakanlegt. — S t e i n n .