Dagur - 05.07.1945, Blaðsíða 3

Fimmtudaginn 5. júlí 1945
» AGUR
I
ÍÞRÓTTIR OG ÚTILÍF
############^#################
r#####>################################################ r######################################################J
Keppni Eyfirðinga og
Þingeyinga.
Nýtt íslandsmet sett.
Kep>mi milli Héraðssambands
Þingeyinga og Ungmennasambands
Eyjafjarðar i frjálsum iþróttum og
sundi fór fram að Breiðumýri
fyrra sunnudag. Bæði samböndin
höfðu áður samþykkt á aðalfundum
sinu mið vinna að því, að slik keppni
færi fram árlega og var þetta hið
fyrsta i röðinni.
Mótið hófst um kl. 2 e. h. með því
að Jón Sigurðsson, formaður „Þingey-
ings“, liauð gesti velkomnaf En síðan
hófst íþróttakeppnin. Var henni hag-
að þannig, að í hverri íþróttagrein
kepptu 3 frá hvoru sambandi. Úrslit
urðu:
400 m. hlaup:
1. Haraldur Sigurðsson U. M. S. E.
,á 11.5'sek.
2. Halldór Jóhannesson U. M. S. E.
á 11.9 sek.
3. Steingrímur Birgisson H. S. Þ.
á 12.1 sek.
Haraldur hafði hér greinilega yfir-
burði. í undanrás hljóp hann á sama
tíma.
400 m. hlaup:
1. Baldur Þórisson H. S. Þ. á 55.2
sek.
2. Óskar Valdimarsson U. M. S. E.
á 56. lsek.
3. Egill Jónasson H. S. Þ. á 56.2
sek.
Hlaupið var á malarvegi og hlupu
aðeins tveir í riðli, en engin úrslita-
hlaup. Úrslitin virðast þó réttmæt,
því að tveir fyrstu mennirnir hlupu
saman. Ekki er þó ólíklegt að Egill
hefði náð betri tíma, ef hann hefði
hlaupið með sterkari manni.
3000 m. hlaup:
1. Jón A. Jónsson H. S. Þ. á 9 mín.
49.5 sek.
2. Ó >kar Valdimarsson U. M. S. E. I
á 9 mío. 53.7 sek.
3. Friðbjörn Jóhannsson U. M. S.
E. á 9 mín. 53.8 sek.
Hér var einnig hlaupið á malarvegi,
sem fl ístir eða allir keppendur voru
óvanir við.
80 m. hlaup kvexma:
1. Kristín Friðbjarnardóttir U. M.
S. E. á 11.2 sek.
2. Björk Jónasdóttir H. S. Þ. á 11.9
sek.
3. Valgerður Jónsdóttir H. S. Þ. á
12.1 sek.
Arangur Kristínar er nýtt Islands-
met, sem þó eigi fæst staðfest vegna
þess að U. M. S. E. er ekki í í. S. 1.
Kristín er mjög efnilegur hlaupari,
sem hefir fallegan hlaupastíl og
óvenjulega snerpu til að bera.
4000 m. boðhlaup:
1. Sveit H. S. Þ. á 2 mín. 15.4 sek.
2. Sveit U. M. S. E. á 2 mín. 15.6
sek.
Hástökk:
1. Stefán Sörensson H. S. Þ. stökk
1.62 ni.
2. Gunnar Sigurðsson H. S. Þ. stökk
1.62 m.
3. Jónas Jónsson U. M. S. E. stökk
1.58 m.
Árangurinn er ekki góður miðað
við innansambandsmótin, þar sem
þessir menn stukku allt að 10 cm.
hærra.
Lartgstökk:
1. Stefán Sörensson H. S. Þ. stökk
6.32 m.
2. Halldór Jóhannesson U. M. S, E.
stökk 6.00 m.
3. Steingr. Birgisson H. S. Þ. stökk
5.89 m.
Þrístökk:
1. Stefán S.rensson H. S. Þ. stökk
13.27 m.
2. Halldór Jóhannesson U. M. S. E.
stökk 12.63 m.
3. Steingr. Birgisson H. S. Þ. stökk
12.50 m.
Stefán er geysilegur stökkvari og með
góðri þjálfun getur hann bætt árang-
urinn að miklum mun. Hann er allt of
óviss á plankanum, en viðspyrnan er
mjög öflug og stökklagið ágætt.
Hann mun keppa á drengjamóti í
Reykjavík á næstunni og verður fróð-
i legt að sjá árangur hans þar.
Kúluvarp:
1. Gunnar Sigurðsson H. S. Þ. kast-
aði 12.91 m.
2. Haraldur Sigurðsson U. M. S.
kastaði 11.84 m.
3. Halldór Jóhannesson U. M. S. E.
kastaði 10.96 m.
Kringlukást:
1. Haraldur Sigurðsson U. M. S. E.
kastaði 36.38 m.
2. —3. Gunnar Sigurðsson H. S. Þ.
kastaði 32.85 m.
2.—3. Kristinn Albertsson H. S. Þ.
kastaði 32.85 m.
Spjót:
1. Stefán Sörensson H. S. Þ. kastaði
44.30 m.
2. Pálmi Pálmason U. M. S. E. kast-
aði 42.88 m.
3. Adam Jakobsson H. S. Þ. kastaði
41.75 m.
200 m. sund karla (frjáls aðferð):
1. Hermann Stefánsson U. M. S. E.
á 3 mín. 35. 5sek.
2. Yngvi Júlíusson U. M. S. E. á
3 mín. 39 sek.
3. Hinrik Sigfússon H. S. Þ. á 4
mín. 11.4 sek.
Allir keppendur syntu bringusund.
100 m. bringusund karla:
1. Aermann Stefánsson U. M. S. E.
á 1 mín. 34.9 sek.
2. Yngvi Júlíusson U. M. S. E. á 1
mín. 38.3 sek.
3. Sigurður Sigurðsson H. S. Þ. á 1
mín. 44.8 sek.
50 m. bringusund kvenna:
1. Freyja Guðmundsdóttir U. M. S.
E. 52 sek.
2. Sigrún Sigtryggsdóttir U. M. S.
E. 54.9 sek.
3. Erna Sigfúsdóttir H. S. Þ. 56.0
sek.
Að lokum fór fram glímukeppni.
Keppendur voru 5, 4 úr Þingeyjar-
sýsl og 1 úr Eyjafjarðarsýslu. Úrslit
urðu:
^ 1. Jón Kristjánsson Þ. 3 vinn. Eink-
unn 8.13.
2. Guðmundur Þorvaldsson E. 3
vinn. Einkunn 7.67.
3. Hallgrímur Þórhallsson Þ. 3 vinn.
Einkunn 6.61.
Urslit mótsins:
1. U. M. S. Eyjafjarðar alls 43 stig.
2. H. S. Þingeyingur alls 40 stig.
Yfirdómari var Ármann Dalmanns-
son og glímudómarar auk þess Har-
aldur Jónsson og Haraldur Sigurðs-
son. — Að keppni lokinni bauð H. S.
Þ. öllum þátttakendum til sameigin-
legrar kaffidrykkju.
Mótið fór í alla staði ágætlega fram
og ber að þakka það Héraðssambandi
Þingeyinga, sem annaðist allan undir-
búning og framkvæmd þess á mynd-
arlegan hétt. Það er von allra þeirra
Eyfirðinga, sem sóttu þetta mót, að
fá að sjá hina drengilegu, þingeysku
íþróttamenn á sumri komanda hér í
Eyjafirði.
Háhá.
AKUREYRI.
Mánudaginn 18. júní fóru fram,
sunnan sundlaugarinnar, þeir liðir há-
tíðahaldanna 17. júní, sem frestað
hafði verið vegna veðurs.
Fyrst sýndu nokkrir drengir íslenzka
glímu undir stjórn Ármanns Dal-
mannssonar. í. B. A. hélt í vetur nám-
skeið í íslenzkri glímu, en óskandi
væri að sýning þessara drengja hafi
vakið meiri áhuga hjá þeim eldri fyrir
glímunni.
Næst fóru fram fimleikasýningar
þriggja gvennaflokka. Fyrstar sýndu
stúlkur úr Menntaskólanum á Akur-
eyri undir stjórn frú Þórhildar Stein-
grímsdóttur, þá flokkur íþróttafél.
Þór undir stjórn frú Steinunnar Sigur-
björnsdóttur og loks flokkur Gagn-
fræðaskólans á Akureyri undir stjórn
ungfrú Þórhöllu Þorsteinsdóttur.
Sýningarnar tókust mjög vel og
vöktu þær allar mikinn fögnuð áhorf-
enda.
Gleðilegast var þó, hve áþreyfan-
legur vottur þær voru um tilveru nýja
íþróttahússins og hve bjartar vonir
jær gáfu um likamsrækt æsku þessa
bæjar í framtíðinni.
Að sýningunum loknum var svo
dansað á palli til miðnættis.
J. H.
Handknattleiksmót Alcur-
eyrar 1945.
Handknattleiksmót Akureyrar fór
fram hér, dagana 30. júní til 2. júlí.
Þátttakendur voru frá Knattspyrnu-
félagi Ak. og Iþróttafél. „Þór“. Keppt
var í I.—II. og III. fl. kvenna, í I. fl.
kvenna sendi Þór A og B sveit, og i I-
fl. karla var A og B sveit frá báðum
fél. Er það í fyrsta sinn, sem keppt
er í karlafl. á Ak.-móti.
Mótið hófst með leik í I-fl. kvenna,
A-lið. Leikur þessi var allmiklu betri
en afmælismótsleikurinn, og var
hraði og samleikur oft ágætur. Sér-
staklega var Þórsliðið nú miklu heil-
steyptara, sýndi það oft nokkra yfir-
burði, enda sigraði það með 4:2
mörkum. Næst lék Il-fl. og var sá
leikur mjög lélegur, sem stafaði auð-
sjáanlega af lítilli þjálfun, hraðann
vantaði alveg og samleikur var léleg-
ur, þó hafði K.A.-liðið augljósa yfir-
burði og vann leikinn með 1:0 marki.
Að lokum léku svo B-lið karla.
Skemmtu áhorfendur sér vel við
að horfa á þennan leik, þótt leikni
manna kæmi bezt fram í því, að missa
knöttinn og setjast á völlinn! Þetta
lagaðist þó allmikið eftir því, sem á
leið og var oft góður hraði í leiknum.
Þórsliðið hafði allmikla yfirburði, sér-
staklega í staðsetningu. Úrslit leiksins
urðu 9:2 mörkum Þór í vil.
1. júlí áttu að leika A-lið K.A. og
B.-lið Þórs, en hvorugt liðið mætti
til leiks. 2. júlí léku svo A- og B-lið
„Þórs“ og sigraði A.-liðið með 8:2
mörkum. I fyrstu virtist svo, að B,-
liðið ætlaði að standa nokkuð í A,-
liðinu, en i síðari hálfleik juku A,-
liðs stúlkurnar hraðann í leiknum og
brutu vörn B-liðsins á bak aftur.
Næst léku A-lið karla. Var þar leikið
af miklum dugnaði og krafti, sam-
leikur og hraði var oft góður. Svo
virtist sem sumir leikmenn hefðu ekki
nægilega góða þekkingu í leikreglun-
um og þurfti því alloft að stöðva leik-
inn af þessum sökum, gerir það leik-
ina þunglamalegri og leiðinlegri á að
horfa. Bakverðir K.A. dekkuðu ekki
sem skyldi og voru framverðir þórs
því oft um of einráðir við markið,
enda skoruðu þeir 8:4 mörkum. Að
síðustu lék 3.-fl. kvenna; voru það
smávaxnir leikmenn, sem, þar mætt-
ust, en leikurinn var skemmtilegur
og merkilega góður. Sýndu þessar
ungu stúlkur oft allgóða boltameðferð
og góðan skilning á leik og leikregl-
um. Þór vann leikinn með 1:0 marki.
í heild má segja, að mót þetta hafi
verið hið ánægjulegasta og vel og
drengilega leikið, og mun dómarinn
Tryggvi Þorsteinsson, sem dæmdi
alla leikina eiga sinn þátt í því. Hafði
hann mjög gott vald á öllum leikjun-
um, íþróttafélagið Þór sá um mótið
og fórst það vel úr hendi.
Íslandsglíman.
Guðmundur Ágústsson frá íþrótta-
félaginu Ármanni, Reykjavík, varð
bæði glímukappi íslands 1945 og
glímusnillingur íslands 1945. Vann i
þriðja sinn Fegurðarverðlaunaskjöld
í. S. í. og þar með til eignar.
Íslandsglíman, hin 35. í röðinni, fór
fram hér á Akureyri sl. föstudag á
vegum í. B. A. Glímt var á palli á
hinu fyrirhugaða hátíða- og íþrótta-
svæði sunnan súndlaugarinnar. Kepp-
endur voru 11 frá 6 félögum og hér-
aðasamböndum: Davíð Hálfdánarson
K. R., Einar Ingimundarson U. M. F.
Vaka, Árn., Friðrik Guðmundsson K.
R., Guðmundur Ágústsson Á., Guð-
mundur Guðmundsson U. M. F.
Trausti, Rang., Haukur Aðalgeirsson
I. R., Hermann Þórhallsson H. S. Þ„
Rögnvaldur Guðlaugsson K. R., Sig-
urður Hallbjörnsson Á„ Steinn Guð-
mundsson Á. og Steingrimur Jóhann-
esson í. R. Einn keppenda meiddist
lítillega á ökla og varð að hætta
keppni. Er einn hafði glímt við alla
og allir við einn voru þeir Guðmund-
arnir jafnir að vinningum, 8 vinninga
hvor. Guðm. Ág. féll fyrir Steini
Guðmundssyni, en Guðm. Guðm. féll
fyrir Guðm. Ágústssyni. ‘Þá glímdu
nafnarnir til úrslita og sigraði Guðm.
Ágústsson. Nokkur spenningur var í
áhorfendum þegar Guðmundarnir
tóku saman. Guðm. Guðm. hóf þegar
snarpa sókn að nafna sinum, og hélt
henni drykklanga stund. Guðm. Ág.
tók sókninni með jafnvægi, ró og
mýkt og leitaði fyrir sér. Segja má, að
glímukóngurinn hafi fylgt lokabragð-
inp full mikið eftir, eða nokkuð til
lýta, en bragðið var hreint og vel tek-
ið. Annars vakti Guðm. Ágústsson á
sér sérstaka athygli fyrir prúðmann-
lega og látlausa framkomu. Oft voru
glæsileg tilþrif í glímum hans. Guðm.
er sterkur og fagurlimaður. Mest
beitti hann sniðglímu á lofti og nokk-
uð klofbragði. — Guðm. Guðm. frá
U. M. F. Trausta er ágætur glímu-
maður, sem mikils má af vænta í
farmtíðinni. Hann er fimur og drengi-
legur, gengur rösklega til sóknar og
hefir óhagganlegt, andlegt jafnvægi.
— Einar Ingimundarson er sterkur og
aðsópsmikill, en skortir enn kunnáttu
á við þá nafna. — Hermann Þórhalls-
son, glímukappi Mývetninga, tók nú
í fyrsta skipti þátt í Íslandsglímunni.
Hermann er prúðmannlegur á glímu-
palli, en er óvanur keppni sem þessari
og háði það honum nokkuð. Hermann
getur orðið þeim nöfnum hættulegur
keppinautur. — Friðrik Guðmunds-
son, glímukapp'i K. R„ er ungur og
efnilegur glimumaður.
Glímustjóri var Jón Þorsteinsson.
Falldómarar Haraldur Jónsson,
Magnús Pétursson og Þorsteinn Ein-
arsson. Fegurðardómarar: Ármann
Dalmannsson, Kjartan Bergmann og
Þorgils Guðmundsson.
Armann Dalmannsson, form. í. B.
A„ setti glímuna og bauð íþróttamenn-
ina velkomna. Að lokinni keppni af-
henti forseti I. S. I„ Ben G. Waage,
sigurvegurum verðlaunin. Flutti hann
við það tækifæri snjallt erindi um
þróun glímunnar.
Íslandsglíman var háð hér á Akur-
eyri síðastliðið föstudagskvöld, þann
29. júní. Þátttakendur voru í fyrstu
11, en einn meiddist lítið eitt og gekk
því úr leik, en 10 þreyttu glímuna til
enda. Um þessa Islandsglímu — eins
og að vísu kappglímur hinna síðari
ára — mætti margt segja. Mun hinum
eldri glímumönnum — og unnendum
íslenzku glímunnar — hér á Akureyri
og við Eyjafjörð yfir höfuð, bera sam-
an um það, að glíman hafi heldur tap-
að fegurð sinni og mýkt, síðan þeir
lærðu og æfðu glímur. Hverju sem
um þetta er að kenna, er illt til þess
að vita, að svo skuli vera. Okkur ber
að stefna að því — ekki siður í glím-
unni en öðrum íþróttum — að fegra
hana og prýða. Islenzka glíman er
fyrst og fremst jafnvægisraun, sé hún
réttilega æfð og iðkuð. Sigursæld
bragða á að vera að miklu leyti undir
því komin, hvað þau eru lögð fljótt
og fimlega. Sama máli gegnir með
viðbrögðin (varnirnar). Ef viðbrögð-
in eru nógu fljót og skörp (áður en
verjandinn missir jafnvægir) getur
vöm hans á sama augnabliki snúizt
.upp í sókn og sækjandinn fallið á
sjélfs sín bragði. Varnir bragða eru á
ýmsa lund og misfallegar, en sú vörn,
sem sumir stórir og sterkir menn
temja sér — að standa af sér brögðin
— standa fast og stíft fyrir og halda
andstæðingnum frá sér, hún er ljót og
ætti ekki að sjást í íslenzkri glímu
okkar tíma, á opinberum vettvangi.
Þó sýnist enn fjarstæðara, þegar
þeir menn, sem standa mjög langt frá
oví að geta gert sér vonir um nokk-
urn sigur, beita bolatökum og ljótri
stöðu. Það er vel skiljanlegt, að nokk-
urt kapp verði milli þeirra manna,
sem næst standa sigrinum á hverjum
tíma. En allt „kapp er bezt með for-
sjá“, og þess verða menn vel að gæta,
að sýna hver öðrum fullan drengskap,
og ekki hvað sízt þegar til úrslita
kemur. Það mun vera leyfilegt, eftir
gildandi lögum og reglum — a. m. k.
var það svo í þessari síðustu íslands-
glímu, — að fylgja bragðinu eftir al-
veg niður i gólf. Jafnvel þó andstæð-
ingurinn komi fyrir sig kné og oln-
boga, virðist sækjanda vera leyfilegt
að leggjast með öllum bolþunga sín-
um og handleggjastyrk ofan á and-
stæðinginn og knúsa hann þannig í
gólfið. Mjög er þetta Ijótt, og á ekki
heima í hinni íslenzku glímu, sam-
kvæmt eðli hennar, tilheyrir mikið
fremur þeirri rómversku.
Olatur Jónsson frá Skjaldarstöðum.
Fimleikasýning K.R.
Knattspyrnufél. Reykjavíkur sendi
flokk fimleikamanna til Ak. um síð-
ustu helgi.
Sýning var í Samkomuhúsi bæjar-
ins á laugardagskvöld. Þar sýndu 12
piltar, undir stjórn Vignis Andrésson-
ar.
Hópur þessi er sýnilega mjög sam-
stæSur og lengi þjálfaður: Gólfæfing-
ar vorú erfiðar og kröfðust hraða,
samtaka og stíls, sem sjaldan brást.
Lauk þeim með handstöðu úr bolvog-
arstöðu og tókst vel. Öryggi piltanna
í handstöðu sást þó enn betur síðar,
er þeir voru á kistunni, — stóðu þar
jafnvel 6 í einu — teinréttir og stöð-
ugir.
Stökkin voru í heild góð, kom þar
fram fullt svo mikil mýkt, sem í gólf-
æfingunum. Dirfska og stíll var hjá
sumum í bezta lagi. Sérstaka hrifn-
ingu vöktu síðustu stökk þeirra, Ar-
abastökk og heljarstökk aftur á bak,
mjög hátt og glæsilegt í stíl. — Stjórn
Vignis er ákveðin, þekktur dugnaður
hans hefir jafnvel sett blæ af harð-
neskju á fyrirskipanir, sem aftur kem-
ur fram í fullmikilli hörku eða stifni í
sumum gólfæfingum piltanna — en
vitanlega má hér vera um smekks-
atriði að ræða.
Sýningin var tilkomumikil og vissu-
lega gott fyrir bæði kennara og fim-
leikamenn hér að hjá hana, bera sam-
an við það, sem hér gefst og sjá, hvað
mikið er eftir að læra enn í leikni
og stíl, þótt ekki sé lengra leitað til
samanburðar.
Fimleikamennirnir sýndu hér úti á
sunnudaginn, fóru síðan til Siglufjarð-
ar og sýndu þar við ágætar viðtökur
áhorfenda, eins og hér, og flugu heim
um kvöldið. Það var hraði í öllu til
enda. — Þökk fyrir komuna.
Helsingi
heitir nýtt blað sem gefið er út frá
Kristneshæli af Steindóri Sigurðssyni
rithöf. Efni fyrsta blaðsins er þetta
m. a.: Fylgt úr hlaði, Úr myrkri, 1030
atkvæði, grein um minningarsjóð
frjálsrar hugsunar á íslandi, Orðsend-
ing, Dýrt er drottins orðið, Stuttar
hugvekjur, Boðsbréf og margt fleira.
S. 1. sunnudag tapaðist
hvítt 2ja manna tjald
af bifreið frá Ráðhústorgi að
Helga rnagra stræti 2.
Finnandinn er vinsamlega
beðinn að gera aðvart í Bóka-
verzlunin Edda, Sími 334.