Dagur - 18.08.1954, Blaðsíða 2

2
DAGUR
Miðvikudaginn 18. ágúst 1954
Kínverska sýningin
Undanfarna daga hefur verið
opin mjög nýstárleg listsýning í
Barnaskóla Akureyrar. Eru þetta
útvaldir kínverskir listmunir í
eigu frú Oddnýjar E. Sen.
Frá því að frú Sen hélt sína
fyrstu sýningu í Reykjavík, 1938,
hafa margir Akureyringar óskað
þess, að frúin kæmi með sýning-
una norður hingað, svo að fleir-
um gæfist kostur á að njóta þess
að skoða hina dýrmætu, kín-
versku gripi.
Nú rann upp óskastundin, og
frú Sen kom með dýrgripina til
Akureyrar og kom þeim fyrir á
mjög smekklegan hátt í prýðilegu
húsnæði í Barnaskóla Akureyrar.
Er þetta mest ýmiss konar út-
saumur og vefnaður. Mest úr
silki. Einnig mjög fagur hvítur
saumur og fíleringar. Fegursti
útsaumurinn er eftir tengdamóð-
ur frú Oddnýjar. Sumt af því er
svo fínt og smátt, að hreint er
óskiljanlegt, hvernig mannlegar
hendur séu þess umkomnar að
vinna slíkt. Litasamsetningin er
eftir því dásamleg.
Sama má segja um silkivefn-
aðinn, því að allt er þetta hand-
gert, hver einasta ögn. Þá eru
steinprentuðu myndirnar dásam-
leg listaverk. Myndmótin eru
höggvin á steintöflur. Er það
mikil list.
Lakkmunirnir vöktu mikla at-
hygli. Þeir eru mótaðir í silki og
lakkaðir sextán sinnum. En það
tekur fjóra mánuði að þurrka
hvert lakklag, svo að fimm ár
þarf til að fullgera slíkan mun.
Þá er útskurðurinn ekki síður
merkilegur; Þarna voru útskorn-
ir baukar í fílabein, hver öðrum
fegurri og orðnir brúnir af elli.
Einn bar þó af. Hann var eins og
blúnda, svo fínn var skurðurinn.
Ferskjukjarnar tveir útskornir,
annar sem húsbátur með glugg-
um á hjörum á hliðunum og
margvíslegum útskurði. Neðan á
hotninn er rituð á kínversku heil
ritgerð. Hinn kjarninn er skorinn
með aldinum og blómum, og er
hann undirstaða húsbátsins. Ell-
efu f ílabeinskúlur útskornar,
hver innan í annarri, úr heilu
stykki. Það er undur. Útskorna
korkmyndin er líka eitt af því
óskiljanlega, og pappírsvefnaður-
inn má þar teljast með.
Eitthvað gott er efnið í langa,
gyllta veggreflinum með drekun-
um og kögrinu, úr því að hann er
orðinn þrjú hundruð ára, og ekk-
ert er fallið á hann enn. Þvílíkur
dýrgripur! Útskurðurinn á altar-
istöflunni er líka meistaralegur,
og allt er það táknrænt að sjálf-
sögðu. Á sama borði er gyðja
miskunnseminnar og guð auð-
legðarinnar skorinn í tré, frá
Mingtímabilinu (1368—1644).
Þarna er borð með ritfærum,
og er það allt mjög merkilegt og
athyglisvert og margt mætti
fleira telja.
Allt ber þetta vott um listgáfu,
ástundun, auðmýkt og óumræði-
lega þolinmæði og mikið mætti
læra af þessari merkilegu sýn-
ingu.
Það er ekki oft, sem okkur Ak-
ureyringum hlotnast annað eins
og það, að vera færð slík dýrind-
is sýning. Það má segja að sýn-
ingin hafi verið vel sótt eftir at-
vikum, en þó hygg eg að fleiri
hefðu komið, ef tíðin hefði verið
betri.
Eg held að allir, sem sáu kín-
versku sýninguna, hafi verið frú
Oddnýju E. Sen þakklátir. Frá
mínu sjónarmiði var sýningin
ómetanleg.
Ragnh. O. Björnsson.
ÁVARP
frá stjórn Búnaðarsam-
bands Skagfirðinga og
landnámsstjóra vegna
eyðileggingar af völdum
skriðufalla á Fremri-
Kotum
Eins og kunnugt er af fréttum
blaða og útvarps o. fl., féllu hinn
6. júlí sl. stórkostlegar skriður í
landi Fremri-Kota í Norðurárdal
í Skagafjarðarsýslu og ollu þær
geysimiklu tjóni.
Af túninu á Fremri-Kotum,
sem var 8 hektarar að flatarmáli,
eru nú aðeins 2,5 ha. eftir í not-
hæfu ástandi. Yfir hinn hlutann
féllu þykkar og mjög stórgrýttar
skriður. Framræst land, að stærð
5 ha., sem orðið var þurrt og til-
búið til ræktunar, er að mestu
eyðilagt, og framræsluskurðir
flestir- fullir af aur og stórgrýti.
Hluti af beitilandi jarðarinnar er
skemmdur, og í því hafa skapazt
allmiklar hættur fyrir skepnur
vegna nýrra vatnsfarvega og
grafninga. Túngirðing hefur eyði-
lagzt með öllu. Fjárhús yfir 120
fjár og hlaða við þau eru gjör-
eyðilögð,, ásamt heyfyrningum og
ull af 80 fjár, er geymd var í fjár-
húsunum. Tvö hesthús yfir 10
hross og haughús áfast við fjósið,
hafa einnig eyðilagzt. Ekki er enn
vitað um skaða á sauðfé, en vitað
er, að eitthvað af því hefur farizt.
Fremri-Kot er fremsti bær í
Norðurárdal norðanverðum, við
þjóðveginn milli Reykjavíkur og
Akureyrar. Þar búa hjónin Sig-
urlaug Stefánsdóttir og Gunnar
Valdimarsson ásamt 5 börnum
sínum, flestum ungum. Hefur
fjölskylda þessi sýnt þann þegn-
skap og þrautseigju að vera
áfram á Fremri-Kotum, þrátt
fyrir þær náttúruhamfarir og
eyðileggingu, sem þar hafa orðið.
Allir, er til þekkja, eru sam-
mála um, að jörðin Fremri-Kot
verði að haldast í byggð, vegna
öryggis ferðamanna yfir haust-
og vetrartímann. Illviðri eru tíð á
Öxnadalsheiði, og hafa aðþrengd-
ir ferðamenn iðulega leitað hælis
á Kotum og ávallt fengið hina
beztu fyrirgreiðslu og aðhlynn-
ingu. Sl. vetur má telja fullvíst, að
tvö mannslíf hafi bjargazt vegna
þess að búið var á Fremri-Kot-
um, er bifreið frá Akureyri valt
út af veginum á Öxnadalsheiði
niður í Heiðarárgil. Annar mað-
urinn, sem í bifreiðinni var,
komst aðframkominn að Fremri-
Kotum og gat gert aðvart um
slysið.
Nú þegar hefur landnámsstjóri
Pálmi Einarsson og stjórn Búnað-
arsambands Skagfirðinga hafizt
handa um ræktunarframkvæmdir
á jörðinni.
Tjón það, sem fjölskyldan á
Fremri-Kotum hefur orðið fyrir,
er mikið og tilfinnanlegt, auk þess
sem skapazt hafa margvísleg
óþægindi við að nytja jörðina.
Undirritaðir vilja því með
línum þessum snúa sér til al-
mennings og leita hjálpar hans
með fjárframlögum til handa fjöl-
skyldunni á Fremri-Kotum.
Kornið fyllir mælinn, ef
mai'gir leggja eitthvað af mörk-
um.
Vinsamlegast.
Sauðárkróki, 29. júlí 1954.
Pálmi Einarsson, landnámsstjóri.
í stjórn Búnaðarsambands
Skagfirðinga:
Kristján Karlsson, skólastjóri,
Hó.lum. Jón Jónsson, bóndi, Hofi.
Jón Konráðsson, fyrrv. hreppstj.,
Bæ. Jón Sigurðsson, alþingism.
Reynistað. Sigurður Sigurðsson,
sýslumaður, Sauðárkróki.
Samkv. tilmælum lancl-
námsstjóra og stjórnar
Búnaðarsambands Skag-
firðinga í bréfi til Dags 2.
þ. mán., skal því hér með
lýst yfir, að DAGUR er fús
til þess að veita viðtöku
fjárframlögum í samræmi
við ofangreint ávarp, —
endia var strax í vikunni
eftir tjónið mikla á Fremri-
Kotum skrifað allrækilega
hér í blaðið um þetta mál
og almenningur hvattur til
hjálpar.
íbúð óskasf!
Góð íbúð óskast til leigu.
Þarf helzt að vera á annarri
hvorri brekkunni.
Afor. vísar á.
Barnavagn,
á háum hjólum, til sölu
(kr. 1000.00).
Afgr. vísar á.
Pinaoviðgerðir
annast ég hér í bænum
framvegis.
OTTO RYEL.
Töðugæft hólmahey
til sölu.
Sigurður Stefánsson,
Möðruvöllum.
Spaðasköft
Sleggjusköft
Axarsköft
Hamarsköft
Handsláttuvélar
Verzl. Eyjafjörður h.f.
AUGLÝSING
nr. 8, 1954, frá Innflutningsskrifsfofunni,
um innflufning bifreiða
Ríkisstjórnin helir ákveðið, samkvæmt heimild í 1.
gr. bráðabirgðalaga nr. S0, 1954, að Innflutningsskrif-
stofan skuli til ársloka 1954 innheimta 100% leyfisgjald,
auk áður lögboðins aukaleyfisgjalds 35% á fólksbifreið-
um, af öllum innflutningsleyfum fyrir bifreiðum, nema
vörubifreiðum, scm að burðarmagni eru 3 tonn og þar
yfir. Síðar verður tekin ákvörðun um, hvort jeppar
verða seldir á því verði, sem þeir kosta frá ísrael eða á
lægra verði. Leyfisgjaldið miðast við fob-verð bifreið-
anna, og skal innheimt um leið og leyfi er afhent. Ef
fob-verðið er ekki tiltekið, miðast leyfisgjaldið við toll-
mat bifreiðanna, að frádregnu flutningsgjaldi og vá-
tryggingargjaldi. Bifreiðarnar verða að sjálfsögðu að
vera í ökufæru standi.
Þó skal hið sérstaka leyfisgjald á bifreiðum, sem búið
er að ákveða um kaup frá Sovétríkjunum og Tékko-
slóvakíu, smbr. 3. og 4. lið hér á eftir, vera 60% af fob-
verði.
I samiæmi yið ofangreindar reglur hefir Innflutn-
ingsskrifstofunni verið heimilið að veita nú þegar inn-
flutnings- og gjaldeyrisleyfi fyrir bifreiðum, sem hér
segir:
1. 300 fólksbifreiðir, sem leyfishafi má kaupa frá hvaða
landi sem er.
2. 300 sendiferðabifreiðir, sem leyfishafi má kaupa frá
hvaða landi sem er.
3. 100 fólksbifreiðir, sem þegar hafa verið keyptar frá
Sovétríkjunum.
4. 100 bifreiðir frá Tékkóslóvakíu.
5. 70 jeppa-bifreiðir frá Evrópu eða U. S. A„ sem út-
hlutunarnefnd jeppabifreiða úthlutar.
6. 275 vörubifreiðir, sem að burðarmagni eru 3 tonn
eða þar yfir, og ,má leyfisliafi kaupa þær frá hvaða
landi sem„er.
Með tilvísun til framangreindra ákvarðana ríkis-
stjórnarinnar, og með samþykki hennar, liefir Innflutn-
ingsskrifstofan ákveðið eftirfarandi skilyrði, samkvæmt
heimild í_ 1. gr. laga nr. 88, 1953:
a. Þeir vmsœkjendur, sem eign óafgreiddar umsóknir
hjá Innflútningsskrifstofunni, og sendar voru henni
samkvœmt auglýsingu liennar nr. 6, 1954, verða að
tilkynna skrifstofunni hér, með simskeyti eða bréfi,
innan 14 daga frá birtingu þessarar auglýsingar, hvort.
þeir óska að umsókn þeirra verði t.ekin t.i.1 afgreiðslu
nú, eftir að hið sérstaka leyfisgjald hefur verið á-
kveðið. Ge.ri þeir það ekki, verður litið svo á, að um-
sóknin sc þar með úr gildi fallin. Þetla gildir þó ekki
um vörubifreiðir, sem. að burðarmagni eru 3 tonn
eða þar yfir, með því að af þeim leyfum vcrður ekki
innheimt neilt sérstakt aukagjald.
b. Umsækjandi, sem fær frá Innflutningsskrifstofunni
tilkynningu um, að honum hafi verið veitt innflutn-
ingsleyfi fyrir bifreið, verður, innan hæfilegs tíma,
sem ákveðinn verður í slíkri tilkynningu, að greiða
fob-verð bifreiðarinnar til Landsbanka íslands eða
útvegsbanka íslands h.f., í sérstakan reikning. Gildir
þetta um allar bifreiðir jafnt.
c. Gegn framvísun kvittunar frá nefndum bönkum um
innborgun fob-verðs bifreiðar, samkvæmt framan-
sögðu, verður viðkomanda, eða umboðsmanni lians,
afhent innflutningsleyfi hér á skrifstofunni, enda
greiði hann þá um leið leylisgjöldin, eins og jíau
eru ákveðin í lögum.
d. Skipafélögum er óheimilt að taka bifreiðir til flutn-
ings hingað til landsins, nema innflutningsleyfi sé
fyrir hendi. Nánari reglur um þetta hafa verið send-
ar öllum skipafélögum, og þau öll fallizt á að hlíta
þeim.
Reykjavík, 16. ágúst 1954.
Innflulningsskrifstofan