Dagur - 02.07.1960, Blaðsíða 5

4
5
r---r......—.................>
Daguk
Sambandsþing Fram-
sóknarfélaganna
í DAG kl. 2 eftir hádegi koma sam-
an að Laugum í Reykjadal fulltrúar
frá Framsóknarfélögum í kjördæmun-
um, sem kennd voru við Akureyri,
Eyjafjarðarsýslu, Suður-Þingeyjar-
Sýslu og Norður-Þingeyjarsýslu. —
Stofnað verður félagasamband Fram-
sóknarmanna í Norðurlandskjördæmi
eystra. Að sjálfsögðu verður flokks-
mönnum, þótt ekki séu fulltrúar, vel-
komið að vera viðstaddir, eftir því sem
ástæður þeirra og húsnæði á fundar-
staðnum leyfa.
Á þessu stofnþingi verða sett lög
fyrir væntanlegt félagasamband í
kjördæminu og kosin stjóm þess.
Þingmenn flokksins í kjördæminu
munu flytja yfirlit um störf Alþingis.
Ymis mál munu verða tekin til um-
ræðu og afgreiðslu, bæði landsmál,
mál hlutaðeigandi byggðarlaga og
mál, sem sérstaklega varða starfsemi
flokksins. Stofnþingið mun standa í
tvo daga. Dagskrá þess var birt í síð-
asta blaði Dags.
Þrátt fyrir mikið annríki til lands og
sjávar um þessar mundir, hefur blað-
inu verið tjáð, að mikill áhugi sé fyrir
því, að sækja stofnþingið. —
Allur almenningur hefur komizt
að raun um það, ekki sízt nú, að
stjórnmálin eru hluti af árferðinu
á hverjum tíma, og einmitt sá
hluti, sem menn helzt hafa á valdi
sínu, ef menn vilja.
Maður nokkur hér nærlendis, sem
telur sér hafa missýnzt í kosningun-
um í haust, lét svo ummælt nýlega,
að nú væri sér það helzt til hugarlétt-
is, að bráðum yrðu aftur kosningar.
En nýjar kosningar, hvenær sem að
þeim kemur, verða ekki að fullu
gagni, nema tíminn, sem er að líða, sé
notaður til að gera sér grein fyrir því,
sem gerzt hefur eða gera skuli. Bónd-
inn þarf að búa sig undir sláttinn,
sjómaðurinn undir komu sfldarinnar.
Kjósandinn þarf líka að vera viðbú-
inn, þegar nýtt kjörtímabil gengur í
garð og örlög mála ráðast.
Framsóknarflokkurinn er stærsd
stjórnmálaflokkurinn í þessu kjör-
dæmi. Hann er meira. Hann er upp-
runninn hér í Þigeyjarsýslum og við
Eyjafjörð fyrir rúmlega 40 árum og
hefur borið því nokkurt vitni. Honum
var ætlað að vera forystuflokkur í
framfarabaráttu landsbyggðarinnar,
ekki sízt hér, og hann hefur verið
það. Þeir, sem flokkinn styðja, og
starfa í flokksfélögunum, hafa að-
stöðu til að ráða sameiginlega stefnu
hans og koma þar á framfæri skoðun-
um sínum og áhugamálum. Það er
engin ástæða til að sú stefna sé aðal-
lega mótuð í höfuðstað Iandsins, þó að
flokksstjórn og flokksþing komi þar
saman, enda hefur það ekki verið svo.
Frumkvæði í hinni skapandi baráttu,
þarf að koma víða að, m. a. héðan. En
til þess að svo megi verða, þarf að
cfla hið félagslega samstarf hér. —
Framsóknarmenn í Norðurlandskjör-
dæmi eystra munu eftirleiðis halda
sín sérstöku flokksþing eða sambands-
þing ár hvert, sennilega á víxl í hin-
um einstöku byggðarlögum. Látum
stofnþingið á Laugum í dag og á
morgun verða upphaf nýrrar sóknar.
UM SJÁVARÚTVEGINN Á NORÐURLANDI
Gísli Guðmundsson alþingismaður skrifar eftirfarandi
grein fyrir Dag. En slík yfirleitsgrein um norðlenzku útgerð-
ina hefur ckki verið skrifuð áður, svo að blaðinu sé kunnugt.
Fjöldi fiskiskipa sl. ár
Samkvæmt skipaskrá í Sjó-
mannaalmanaki fyrir árið 1960
er tala fiskiskipa með þilfari,
sem hér segir á Norðurlandi:
í Þingeyjarsýslum og Húsa-
vík 28.
f Eyjafjarðarsýslu og Akur-
eyrarkaupstað 46.
í Olafsfjarðarkaupstað 8.
í Siglufjarðarkaupstað 14.
í Skagafjarðarsýslu og Sauð-
árkrókskaupstað 7.
í Húnavatnssýslu 10.
Samtals 113.
Á öllu landinu var tala sams
konar skipa um 720.
Skipaskráin í Sjómannaal-
'manakinu er samin nokkru fyr-
ir áramótin síðustu. Samkvæmt
tilkynningu frá skipaskoðun
ríkisins í marzmánuði á þessu
ári, virðist þilskipatalan á Norð-
urlandi ekkert hafa breytzt til
áramóta eftir að Sjómannaal-
manakið fór í prentun. Einn
bátur seldur til Vestmannaeyja,
annar keyptur frá Vestfjörðum.
Rétt er að hafa í huga, að skip
eru stundum lengur á skrá en
vera ætti.
Taldir voru í smíðum fyrir
Norðlendinga 1. jan. sl. 8 stórir
(100—180 rúml.) fiskibátar og
eitt 249 rúmlesta togskip er-
lendis og einn lítill bátur innan-
lands. Mun útgerð þeirra nú
hafin eða hefjast á þessu ári.
Opnir vélbátar, sem gerðir
eru út að staðaldri til fiskveiða
við Norðurland, eru í skýrslum
Atvinnutækjanefndar taldir 185
í árslok 1956. Eru þá ekki taldir
þeir bátar, sem lítt eða ekki eru
notaðir til veiða. Opnu vélbát-
arnir voru því á þessum tíma
miklu fleiri en talan greinir —
sennilega um eða yfir 300 og
munar þar mestu á Akureyri.
Síðan hefur opnum fiskibátum
án efa fjölgað nokkuð, a. m. k.
sums staðar á Norðurlandi.
Fjöldi fiskiskipa 1960
Norðlenzk fiskiskip með þil-
fari, sem voru á skipaskrá eða í
smíðum 1. jan. sl., eða hafa
bætzt við síðan á annan hátt,
svo að mér sé kunnugt um, að
frádregnum þeim, sem seld hafa
verið úr fjórðungnum, skiptast
þannig eftir stærð:
Togarar, 654—732 rúml., 7.
Fiskiskip, 150—249 rúml. 14.
Fiskiskip, 92—140 rúml., 10.
Fiskibátar, 47—76 rúml. 24.
Fiskibátar, 35—43 rúml., 5.
Fiskibátar, 21.—27 rúml. 8.
Fiskibátar, 12—18 rúml. 14.
Samtals 125.
Þilskipið Bjarnarey (249
rúml.) er hér ekki talið til
norðlenzkra skipa, þótt gert sé
út á Norðurlandi, enda skráð
annars staðar.
Gera má ráð fyrir, að opnu
. vélbátarnir, sem að staðaldri
ganga til fiskveiða frá Norður-
landi, séu nú fram undir 200
talsins, sbr. það, sem áður er
sagt um það efni. í öllum sjáv-
arplássum Norðurlands, er sjór
meira og minna sóttur á slíkum
bátum. Árið 1956 var saman-
lagður ársafli þeirra svo að
segja nákvæmlega þriðjungur
þess afla, sem norðlenzki báta-
flotinn lagði á land í norðlenzk-
um höfnum á því ári, þegar síld
er ekki meðtalin.
Hvers konar skip henta
Norðlendingum bezt?
Aflamagn hinna minni þil-
farsbáta, undir 30 rúml., sem þá
voru 43 að tölu, eða talsvert
færri en nú, var það ár nokkru
meira samtals en opnu vélbát-
anna. En hinir stærri vélbátar,
yfir 30 rúml., sem þá voru 35
talsins, lögðu ekki á land norð-
anlands það ár nema 3700 tonn
af slægðum fiski með haus.
Verulegur hluti af þessum 3700
tonnum, sem stærri bátarnir
lögðu á land 1956, var af eldri
togbátunum við Eyjafjörð. —
Þetta dæmi sýnir, að bátar af
hinni venjulegu, sunnlenzku
vertíðarstærð, ca. 50—80 rúml.,
koma ekki að fullu gagni sem
atvinnutæki á Norðurlandi.
Þeir stunda að sjálfsögðu síld-
veiðar hér fyrir norðan og aðra
veiði að einhverju leyti milli
vertíða, en á vetrarvertíðinni
leita flestir þessir bátar suður
fyrir land, sem vænta má og
leggja vetraraflann á land fyrir
sunnan. Atvinnan við aflann
verður þar, en ekki á Norður-
landi. Og útgerð norðlenzkra
skipa syðra ýtir undir fólks-
flutninga. Ef auka á atvinnu við
útgerð og hagnýtingu sjávarafla
hér nyrðra, sýnist því vera um
það að ræða, að fjölga minni
þilfarsbátum og opnum vélbát-
um eða stórum skipum, sem
geta stundað togveiðar og haft
stærra athafnasvæði en bátar af
vertíðarstærð. Sýnilega stefnir
þróunin líka í þessa átt. Minni
bátunum fjölgar, og nokkur
stór skip hafa bætzt við, og eru
nú að bætast við norðlenzka
fiskiflotann. Hér þarf þó að
fjölga með fullri gát, a. m. k.
hinum stóru skipum, og þreifa
sig áfram um gerð og útbúnað
skipanna, svo og notkun þeirra
utan síldveiðitímans. Að því er
hina minni þilfarsbáta og opnu
vélbátana varðar, er full ástæða
til að ætla, að þörf sé á því
fyrir Norðlendinga að leggja
áherzlu á aukningu útgerðar á
þessu sviði. Það er líka helzta
ráðið til að fjolga beinum þátt-
takendum í útgerðarrekstri.
Fiskiskipin á hverjum
stað
Af togurunum sjö eru 4 gerð-
ir út frá Akureyri og 2 frá
Siglufirði. Sjöundi togarinn,
Norðlendingur, hefur undanfar-
in ár verið sameign Húsavíkur,
Olafsfjarðar og Sauðárkróks, en
skráður í Ólafsfirði. Útgerðar-
félag Akureyringa hefur nú
GÍSLI GUÐMUNDSSON
alþingismaður.
keypt þennan togara. Um skipa-
og bátaeignina að öðru leyti á
einstökum stöðum er í aðalatr-
iðum þetta að segja:
Þórshöfn.
Á Þórshöfn eru gerðir út 7
litlir þilfarsbátar, 6—14 rúml.,
og 13 opnir vélbátar. Auk þess
hefur Þórshafnarhreppur verið
þátttakandi í kaupum og útgerð
tveggja 249 rúml. skipa.
Raufarhöfn.
Á Raufarhöfn eru skráðir 3
litlir þilfarsbátar, 9—18 rúml.,
en einn þeirra hefur nú verið
seldur til Akureyrar. Opnir vél-
bátar nál. 20. V.s. Jón Trausti,
249 rúml., er skráður þar og
gerður út þaðan. Þilfarsbátarn-
ir, sem eftir eru á Raufarhöfn,
eru 12 og 18 rúml.
Húsavík.
Á Húsavík voru síðastliðið ár
6 stórir bátar, 47—65 rúml., tvö
skip, 100 og 112 rúml., í smíðum
um sl. áramót. Annað þeirra er
komið þangað. Minni þilfarsbát-
ar á sl. ári 5, stærð 8—17 rúml.
Opnir vélbátar yfir 30, sem
veiðar stunda. — Einn af stóru
bátunum seldur suður á þessu
ári (47 rúml.).
Flatey
f Flatey voru á sl. áii 3 litlir
þilfarsbátar, 6—9 rúml., og
nokkrir opnir vélbátar.
Grímsey.
í Grímsey var á sl. ári skráð-
ur 27 rúml. þilfarsbátur, sem þó
mun ekki vera gerður út þaðan.
Þar munu vera 12—13 opnir
vélbátar, sem veiðar stunda.
Grenivík.
í Grenivík eru skráðir tveir
stórir þilfarsbátar, 67 og 75
rúml., en gerðir út annars stað-
ar. Ennfremur voru þar sl. ár 3
minni þilfarsbátar, 6—13 rúm].,
en einn þeirra hefur nú verið
seldur til Ólafsfjarðar. Opnir
vélbátar 9. . ^
Hrísey.
í Hrísey éru gerðir út 6 litlir
þilfarsbátar, 5—9 rúml. Opnir
vélbátar 5. — Á þessu ári hefur
einn 18 rúml. bátur verið seld-
ur suður, annar minni keyptur
af Árskógsströnd.
Akureyri.
Á Akureyri og í grennd við
hana voru ó sl. ári, auk togar-
anna, skráð 5 stór fiskiskip, 127
—249 rúml., 5 stórir þilfarsbát-
ar, 47—101 rúml., og 6 minni
þilfarsbátar, 4—16 rúml., en um
áramótin eitt 180 rúml. fiski-
skip í smíðum, og mun vera í
þann veginn að koma til lands-
ins. Nýlokið er smíði á 27 rúml.
bát, frambyggðum, í skipasmíða
stöð á Akureyri og verður hann
gerður út þaðan. Keyptur 9
rúml. bátur frá Raufarhöfn.
Tveir bátar, 35 og 51 rúml.,
sem skráðir eru annars staðar,
munu gerðir út frá Akureyri.
Opnir vélbátar við veiðar senni
lega eitthvað yfir 20.
Hjalteyri.
Á Hjalteyri voru skráðir 2
þilfarsbátar, 6 og 8 rúml. Opnir
vélbátar 4.
Árskógsströnd.
Á Árskógsströnd (Hauganesi
og Litla-Árskógssandi) eru gerð-
ir út 4 litlir þilfarsbátar, 10—14
rúml. Opnir vélbátar 6.
Dalvík.
Á Dalvík eru 2 stór fiskiskip,
249 rúml. hvort. Skráðir á
síðastl. ári 4 stórir þilfarsbátar,
51—75 rúml., og 4 minni, 5—9
rúml. Opnir vélbátar 11. Einn af
minni þilfarsbátunum (8 rúml.)
hefur nú verið seldur til Ólafs-
fjarðar.
ÓJafsfjörður.
í Ólafsfirði voru síðastliðið ár
skráðir 6 stórir þilfarsbátar, 53
— 102 rúml., og einn 10 rúml.
Opnír vélbátar 22. Um síðastl.
áramót voru í smíðum 2 stór
fiskiskip, 150 rúml. hvort, og eitt
100 rúml., sem kom í vetur.
Fimm litlir þilfarsbátar, 8—27
rúml., hafa verið keyptir til Ól-
afsfjarðar á þessu ári, þar af
þrír úr öðrum landsfjórðungum.
Einn 64 rúml. bátur, skráður í
Ólafsfirði á sl. ári, seldur suður.
Siglufjörður.
Á Siglufirði voj'H, auk togar-
anna tveggja, skráð 4 stór fiski-
skip, 94—259 rúml., 3 stórir
fiskiþátar, 51—61 rúml., og 5
minni, 7—35 rúml. Opnir vél-
bátar 15. Eitt 140 rúml. skip í
smíðum gm sl. áramót.
Hofsós.
Á Hofsósi var skráður 1 þil-
farsbátur, 22 rúml. Opnir vél-
bátar 15.
Sauðárkrókur.
Á Sauðárkróki var skráð 1
249 rúml. skip, og annað 170
rúml. í smíðum um sl. áramót.
Skráðir eru á sl. ári 5 þilfars-
bátar, 7—16 rúml. Opnir vél-
bátar 14.
Skagaströnd.
Á Skagaströnd var á sl. ári
skráður 1 þilfarsbátur 75 rúml.,
6 minni þilfarsbátar, 21—43
rúml., og 3 litlir, 8—10 rúml.
Opnir vélbátar 5. Um sl. ára-
Nokkur austur-þýzk togskip í Akureyrarhöfn bjuggust til togveiða í vetur, en etu nú öll á síldveiðum.
mót var 180 rúml. fiskiskip í
smíðum, samkv. upplýsingum
skipaskoðunarinnar. En á þessu
ári munu tveir 26 rúml. þilfars-
bátar hafa, verið seldir suður.
Opnir vélbátar
Það skal skýrt fram tekið, að
tölur opinna vélbáta eru á ein-
stökum stöðum hér að framan
margar eldri en frá sl. ári, og í
rauninni að nokkru áætlaðar, a.
m. k. sums staðar, sbr.
það sem áður hefur verið sagt.
Er þar ætlazt til, að þeim opnu
vélbátum sé sleppt, sem ekki
eru notaðir að staðaldri við
fiskveiðar. Af þessum tölum má
þó fara nokkuð nærri tim, hver
þáttur opnu vélbátanna er í
sjósókninni á hverjum stað. —
Þessir bátar eru eins og kunn-
ugt er misjafnir að stærð, þeir
minnstu 1—2 rúml., en þeir
stærstu 5—6 rúml.
Aflinn 1959
Hér fer á eftir yfirlit um
þann afla, sem lagður var á
landi i sjávarplássum á Norður-
landi, talinn í tonnum, á þeim
stöðum, sem opinberar skýrslur
taka til. í fyrri dálkinum er afl-
inn í heild, að meðtalinni síld. í
síðari dálkinum síldaraflinn.
Tonn Tonn
1. Þórshöfn 1590 117
2. Raufarhöfn 26754 26214
3. Húsavík 4649 1367
4. Flatey 286 0
5. Grímsey 522 197
6. Grenivík 292 0
7. Akureyri 17920 2257
8. Hjalteyri 4158 3641
9. Árskógsströnd 1094 0
10. Hrísey 2648 299
11. Dalvík 4641 3042
12. Ólafsfjörður 5353 1532
13. Siglufjörður 68536 60440
14. Hofsós 754 0
15. Sauðárkrókur 4898 538
16. Skagaströnd 2576 898
Samtals 146671 100542
Hlutur smábátanna er meiri en margir hyggja. Myndin er úr smábátahöfninni á Akureyri, tekin í vetur.
ATH. 1 tonn af síld = nál.
7já síldarmál.
Síldaraflinn er hér talinn,
eins og síldin kemur úr sjónum.
Annar fiskur slægður með haus.
— Grásleppu- og rauðmagaafli
er hér ekki talinn, en hann er
sums staðar til nytja, svo að
verulega munar um.
I
Meira en í4 landsaflans
Heildarafli íslenzkra fiski-
skipa, talinn á sama hátt, var á
árinu 1959 rúml. 464 þús. tonn.
Nokkru meira en fjórði hluti
þessa ársafla, miðað við þyngd
óunnins afla, hefur samkvæmt
þvi, er að framan greinir, verið
lagður á land á Norðurlandi og
þar unnin úr honum markaðs-
vara. Útfluttur ísfiskur frá
Norðurlandi, ef einhver er á ár-
inu, er ekki meðtalinn í skýrsl-
unni hér að framan. En í heild-
arafla landsmanna (464 þús.
tonnum) eru meðtalin rúmlega
13 þús. tonn af útfluttum ís-
fiski árið 1959. — Síldarafli
landsmanna er á árinu talinn
rúmlega 183 þús. tonn. Þar af
hafa rúmlega 54 af hundraði
verið lagðir á land á Norður-
landi, nálega 46 hundraðshlutar
annars staðar á landinu.
1956 og 1959
Annar afli en síld — lagður á
land á Norðurlandi — var, eins
og sjá má hér að framan, 46129
tonn á síðastliðnu ári. Af þessu
aflamagni voru 22209 tonn af
togurum, en 23920 tonn af bát-
um. Ef gerður er samanburður
við árið 1956 kemur í Ijós, að
annar afli en síld er 4900 tonn-
um meiri 1959 en 1956. Togara-
aflinn hefur minnkað um nál.
3900 tonn, enda einu skipi
færra, en bátaflinn aukizt um
nál. 8700 tonn. Þau 46129 tonn,
sem lögð voru á land 1959, hafa
verið unnin þannig:
Verkun aflans
Tveir þriðju hlutar heildarafl-
ans hafa verið frystir, eða 30—
31 þús. tonn, 6—7000 tonn hafa
farið í salt og álíka mikið í
skreið, en nokkuð yfir 2000
tonn samtals, hefur farið í rnjöl-
vinnslu (aðallega togarafiskur)
og til neyzlu innanlands. —
Auk þess er svo unnið mjcl úr
úrganginum frá vinnslustöðv-
unum, og er þar um miklu
meira magn að ræða.
Mest fiskmagn var saltað í
Ólafsfirði, á Árskógsströnd og í
Hrísey. Skreið mest á Akureyri
(um 2500 tonn), en þar næst í
Hrísey og Ólafsfirði, rúml. 1000
tonn á hvorum stað.
Hraðfrystihúsin
Frystihúsin á Norðurlandi eru
nú 14 talsins, á 11 stöðum. Á
Skagaströnd, Sauðárkróki og
Siglufirði eru tvö frystihús á
hverjum stað, en í Flatey,
Grímsey, Árskógsströnd, Hjalt-
eyri og Grenivík eru engin fisk-
frystihús. Á Hauganesi á Ár-
skógsströnd er þó lítið frystihús
fyrir beitu og matvælageymslu.
Frystihúsið á Raufarhöfn hefur
til þessa eingöngu verið notað
til síldarfrystingar. Talsverðar
umbætur eða viðbætur hafa nú
nýlega verið gerðar á frystihús-
um á Þórshöfn, Húsavík og
Skagaströnd. Samtals eiga norð-
lenzku frystihúsin 14 að geta
unnið úr að minnsta kosti 450
tonnum á dag af slægðum fiski
með haus, ef miðað er við að
unnið sé við flökun í 10 klukku-
stundir. Þau hefðu með öðrum
orðum átt að geta unnið úr cll-
um þorskaflanum sl. ár á 100
dögum, þótt ekkert af honum
hefði verið hagnýtt til annars
en til frystingar. í rauninni
höíðu þau aðeins fisk til 67 daga
vinnslu, auk síldarinnar, sem
fryst var. Með tilliti til vinnslu-
getu frystihúsakerfisins á Norð-
urlandi, mætti aflinn vera mun
meiri og þá um leið jafnari. —
Útgerð til löndunar hér ir.ætti
þvi vel auka, án þess að bæta
við frystihúsakerfið í he'.d. Á
einstökum stöðum þyrfti þó að
auka vinnslugetuna (og frysti-
geymslur), og þá sérstaklega á
Dalvík, en þar er nú verið að
stækka gamla frystihúsið til
mikilla muna. Hvergi á Norður-
landi hefur fiskiflotinn aukizt
eins mikið og á Dalvík nú upp á
síðkastið, miðað við rúml.tölu.
Á þeim stöðum, þar sem ekki
er frystihús, er það svo mats-
atriði, hvort eða hvenær út-
gerðin þar hefur bolmagn til að
standa undir slíkum fram-
kvæmdum. Frysting er heldut
ekki eina og ekki alltaf hag-
stæðasta aðferðin til að gera
fisk að markaðsvöru. Á þessu
ári er eftirspurn eftir saltfiski
meiri en svo, að hægt sé að full-
nægja henni. Og skx-eið hefur
reynzt útgengileg vara. — Mest
er vinnslugetan á Akui'eyi'i,
Siglufirði og Sauðárkróki.
ísframleiðsla er á Þórshöfn,
Akureyri, Hrísey, Siglufirði og
Sauðárkróki.
Fiskimjöls- og síldar-
verksmiðjur
Á öllum þeim stöðum norð-
anlands, þar sem frystihús eru
starfandi, eru nú fiskimjöls-
verksmiðjur og aðstaða til að
bræða meira eða minna magn
af síld eða síldarúi-gangi. Fram
til þessa árs hefur þó ekki ver-
ið hægt að bræða síld á Þói-s-
hcfn, en tæki til þessa hafa vei'-
ið sett þar upp í vor í sambandi
við fiskimjölsvei'ksmiðjuna þai'.
Stórar síldarverksmiðjur eru,
sem kunnugt er, á Raufax-höfn,
Akureyri, Hjalteyri, Siglufirði
og Skagaströnd. Vinnslugeta
samtals 55 þús. mál á sólai'-
hring. í minni verksmiðjum
er vinnslugetan samtals 3500
—4000 mál og munar þar mestu
um Sauðárkróksverksmiðjui'n-
ar, sem taldar eru hafa 1800
mála vinnslugetu.
Síldaraflinn 1959
Af síldaraflanum norðanlands
1959, rúmlega 100 þús. tonnum,
sem lagður var á land á 12 stöð-
um, voru nál. 73 þús. tonn
brædd, rúml. 26 þús. tonn sölt-
uð og nál. 1500 tonn fryst. Á
Hofsósi, Ái'skógsströnd, Greniv.
og í Flatey barst engin síld á
land 1959, svo að getið sé í
skýrslum. — Því miður fer því
fjarri, að allur sá forði hag-
nýtanlegra næringarefna, sem í
norðlenzku sumarsíldinni felst,
notist Norðlendingum eða öðr-
um íslendingum að fullu til
gjaldeyrisöflunar. Skal það
ekki rætt að sinni, en að því
þarf að stefna, að svo megi
verða.
Flestar þær tölur, sem til-
greindar eru hér að framan, eru
byggðar á opinberum skýrslum,
eða reiknaðar út samkvæmt
þeim skýrslum. — G. G.