Dagur - 22.05.1967, Blaðsíða 2

2
kið hefur orð
Jafnvægið í búsetunni skiptir miklu rnáli
segir BALDl'R HÓLMSTEINSSON á Raufarhöfn M
UNGUR maður frá Raufarhöfn,
Baldur Hólmsteinsson, var nú
fyrir helgina á ferð á Akureyri,
og náðum við þá tali af honum
stutta stund.
— Þú kemur beint frá Rauf-
arhöfn núna?
— Já, ég kem með vöruflutn
ingabíl kaupfélagsins á Raufar-
höfn og er á leið með hann suð-
tur til Reykjavíkur í viðgerð.
Undanfarin tvö sumur hef ég
flutt vörur með þessum bil á
milli Raufarhafnar annars veg-
ar og Reykjavíkur og jafnvel
Akureyrar hins vegar. Þessar
ferðir hef ég farið einu sinni í
viku og verður svo enn í sumar.
Til Reykjavíkur er þetta um 20
tíma akstur, öll leiðin, ef bíllinn
er fullhlaðinn, en hann tekur
sjö tonn, og skipti ég akstrinum
þá yfirleitt á tvo daga.
— Hvernig eru vegirnir
núna?
— Sléttan var sæmilega fær,
enda dettur vegurinn sjaldan
niður þar. Um Skörðin milli
Leirhafnar og Kópaskers er
hins vegar ófært í þíðu núna,
en þau eiga eftir að þorna. í
Axarfirði og hér og þar í Suð-
ur-ÞingeyjarsýsIu eru pyttir í
veginum, enda er vegurinn lýst
ur ófær, þó að ég fengi leyfi til
að fara þetta með tóman bílinn.
Vegurinn verður varla fær alla
leið fyrr en undir mánaðamót,
jafnvel þótt vel viðri.
— Var næg atvinua á Rauf-
arhöfn í vetur?
— Frá áramótum og fram í
marz var hálfgert atvinnuleysi
og kom það sér auðvitað mjög
illa. í vor fór ég á netabát, 12
tonna, og vorum við fjórir á
honum. Við lögðum bæði á Hóls
vík, rétt hjá Raufarhöfn, og
austar í Þistilfjörðin'n og fisk-
uðum allvel, a. m. k. miðað við
undanfarin vor. Auk okkar
voru þrjár 4—5 tonna trillur
með net, og svo Kafa verið
nokkrir bátar með færi, en þeir
hafa varla haft eins mikið og
netabátarnir.
— Hvernig gengur að verka
fiskinn?
— Það eru mikil vandræði að
gera það svo að þetta beri sig.
Við höfum lagt upp hjá kaup-
Utankjörstaðiikosn-
ing er hafim
STUÐNINGSFÓLK Fram-
sóknarflokksins, sem ekki
verður heima á kjördegi er
eindregið hvatt til að kjósa
sern allra fyrst. Listi Fram-
sóknarflokksins er B-Iisíinn.
Samtaka fram til sigurs, x B.
félaginu í saltfiskverkun, en
urðum að sætta okkur við 7%
verðlækkun, frá grundvallar-
verði, og það finnst okkur vitan
lega hatt. Frystihúsið hefur
ekki verið starfrækt undan-
farið.
— Hvernig líður undirbún-
ingi undir sfldarmóttökuna í
sumar?
— Síldarverksmiðjan er með
seinna móti að fara af stað með
undirbúninginn fyrir sumarið.
Stækka átti löndunarbryggjuna
og bæta við löndunartækjum,
en þær framkvæmdir eru rétt
núna að hefjast. Annars gera
menn ráð fyrir að meira verði
saltað í sumar en í fyrra, því
Baldur Hoimsteinsson.
að allar líkur benda til þess að
bræðslusíldarverðið verði lækk
að vegna verðfallsins á mjöli og
lýsi.
— Vilt þú segja eitthvað að
lokum vegna væntanlegra kosn
inga, Baldur?
— Ég álít, að þau málefni,
sem varða jafnvægið í búsetu
fólksins, skipti unga fólkið hér
um slóðir afar miklu máli um
þessar mundir. Einmitt sam-
vinnustefnan, sem stjórnar-
flokkarnir vilja hnekkja, hefur
auðvitað fengið miklu áorkað
fyrir dreifbýlið á liðnum árum.
Á þessu sviði hefur Framsókn-
arfiokkurinn sýnt landi og þjóð
trúnað og hollustu. Á hinn bóg-
inn tel ég, að fordæma beri van
traust stjómarflokkanna á getu
þjóðarinnar og gæði lands og
sjávar, þau gæði, sem við höf-
um svo lengi búið við og getum
örugglega hagnýtt í enn ríkari
mæli í framtíðinni, segir Baldur
Hólmsteinsson.
Dagur þakkar honum við-
talið.
Bj. T.
É| mæli með fveggja llokka kerfinu
segir jón Árni Sigfiisson bílstjóri í Víkurnesi
JÓN ÁRNI SIGFÚSSON í Vík
urnesi í Mývatnssveit er for-
maður Bílstjórafélags Suður-
Þingeyinga. Við hittum liann í
Mývatnssveit fyrir nokkrum
dögum, og fórum fram á að
hann svaraði nokkrum spurn-
ingum.
— Hvað hefur þú stundað
aksturinn lengi?
— Ég ihef nú verið við þetta í
18 ár, og þetta er eina atvinna
.mín, þar éð' ég hef' ekki
neinn búskap. Nú hef ég verið
formaður Bílstjórafélagsms um
skeið, en í því eru 37 félags-
menn eða svo, allt sjálfseignar-
vörubifreiðastjórar.
— Hafið þið tekið að ykkur
einhver verkefni sameiginlega í
félaginu?
— Við höfum ekki gert' það
beint, en þó var t. d. flugvallar-
gerðin í Aðaldal algerlega unn-
in af félagsmönnum, að svo
miklu leyti sem bíistjórar komu
þar við sögu.
— En nú hafið þið myndað
verktakafélag með tveimur
ræktunarsamböndum?
— Við - töldum okkur tii-
neydda að gera það til að reyna
að halda vinnu inni í héraðinu.
Samt sem áður álít ég, að mynd
un Vegalagna h.f. hafi verið
óheppileg nauðsyn, enda vart
forsvaranlegt að félag eins og
bílstjórafélagið þurfi að ganga í
félagsskap með öðrum aðilum
til að hafa möguleika á að fá
vinnu innanhéraðs. Yfirleitt
held ég, að í þessu þjóðfélagi
eigi ekki að hafa útboð á verki
eins og Kísilveginum úti um
land, því að við slík útboð hafa
stórar einingar og þá úr þétt-
býlinu miklu sterkari aðstöðu
en aðilar innan héraðs, sem þó
ættu að öllu réttu að sitja fyrir
um að fá verkið. Bílstjórafélag-
ið er í sjálfu sér alls ekkert
verktakafirma, og við höfum
óhæga aðstöðu til að mynda
sterkt verktakafirma, jafnvel
Jón Árni Sigfússon.
þótt tvö ræktunarsambönd séu
með okkur. Erlendis er þessum
málum auðvitað allt öðru vísi
varið, þar eru sambönd vöru-
bifreiðastjóra byggð upp á allt
annan hátt.
— Hvernig álítur þú þá að
átt hefði að haga útboðinu?
— Ég held, að ekki hefði átt
að bjóða verkið út, heldur hefði
Vegagerðin átt að hafa það með
höndum sjálf. Ég er sannfærður
um að það hefði komið alveg
jafn vel út fyrir Vegagerðina. í
fyrrahaust vorum við með þi’já
10 tonna bila í vegarkaflanum
sem þá var byggður upp frá
Kísilgúrverksmiðjunni niður að
Reykjahlíð, og það kostaði ekki
meira að aka í þanm veg en kost
að hafði að ýta honum upp.
— Verður ekki Norðurverk á
Akureyri, sem fékk Kisilveginn
nú, að leita til ykkar félags ilm
bíla?
— Norðurverk h.f. er ekki
skyldugt til að taka neina bíla í
vinnu frá okkar félagi, en hins
vegar getum við ekki neitað að
fara í þá vinnu, ef Norðurvenk
vill, annars væri talið um ólög-
legt verkfall að ræða. Þetta
atriði mælir einmitt líka með
því, að Vegagerðin ætti að hafa
verkið sjálf, enda sæti Bílstjóra
félag S.-Þing. þá fyrir. Yfirleitt
álít ég, að með svona útboðum
sé tilvist* 'sjálíseign'arvörubif-
reiðastjóra stefnt i hættu.
— Nú hefur þú ekið á vegun-
um og unnið víða við vegagerð
og ýmislegan akstur. Viltu láta
taka upp hægri handar umferð?
— Félag okkar gekkst í fyrra
vor fyrir skoðanakönnun um
þetta mál meðal handhafa öku-
skírteina í héraðinu. Þessi könn
un gekk að vísu seint og sum
svörin bárust ekki fyrr en Al-
þingi hafði samþykkt frumvarp
ið um hægri aksturinn. Þátttaka
varð þó mjög mikil í þessari
skoðanakönnun, og úrslit mjög
á einn veg: yfir 90% á móti
upptöku hægri aksturs. Aðal-
rök mín og annarra hér gegn
breytingunni eru, að breyting-
in sjálf verður of kostnaðarsöm
og hættuleg, enda eru vegir hér
flestir mjóir og með ótal blind-
hæðum og aksturinn fer mikið
eftir vanabundnum hreyfing-
um. Hitt er líka mikilvægt, að
við vetrarakstur í snjóahéruð-
um er injö.g þægilegt að fylgja
vegarkantinum, en vegna stað-
setningar stýrisins í flestum
bílum yrði þetta ekki lengur
hægt eftir breytinguna. Auk
þess er ísland eyja og ástæðu-
laust að breyta þessu hér. —
Fimmtíu milljónirnir, sem að
(Framhald á blaðsíðu 7)
SJÁLFSTÆÐISMENN
VONDAUFIR
f SÍÐUSTU VIKU birtist í blað
inu Islendingi viðtal við for-
mann ungra Sjálfstæðismanna
á Akureyri. Þar er hann spurð-
ur að því, hvernig undirtektir
hann haldi að Stefna Sjálfstæð-
isflokksins fái nú hjá ungu fólkc
hér um slóðir. Ekki er svarið
mjög uppörvandi: „Um þær (þ.
e. undirtektirnar) verður vitan
lega ekkert sagt, nema af lík-
um. Ég tel þó einsýnt að við
höldum fyllilega okkar hlut.“
Þetta er öll bjartsýni ungra
Sjálfstæðismanna um þessar
mundir. Þeir ætla að berjast við
að lialda sínum hlut frá síðustu
kosningum, og eru þó engan.
veginn sannfærðir uin að það
muni takast. Síðustu bæjar-
stjórnarkosningar sýndu það
einmitt, að Sjálfstæðisflokkur-
inn er nú á undanhaldi hér á
Akureyri, og líkur virðast
benda ákveðið til að sú þróunt
muni halda áfram ekki aðeins
á Akureyri, heldur einiiig ann-
ars staðar í kjördæmirku og um
allt land.
Það er líka gaman að athuga,
hvers vegna þessi formaður
ungra Sjálfstæðismanna segist
fylgja flokki sínum. Hann segir
það vera vegna þess að frelsi og
framtak séu grundvallarstefnu-
mál hans. Jafnframt sér hann
ástæðu til að taka fram, að
hann telji að flokknum hafi
„auðnazt vel að starfa á þeitn
grundvelli.“ Þar hefur maður
það. Frelsi og framtak eru svc>
sem nógu falleg orð. En hvers
konar frelsi og framtaki hefur
Sjálfstæðisflokkurinn barizt fyr
ir? Hann liefur barizt fyrir at-
hafnaFRELSI braskara og spá-
kaupmanna, og í bönkunum hef
ur flokkurinn svo látið verð-
launa FRAMTAK þeirra, enda
hpfg þeir á' móti verið ósínkir
áð ‘hálda ' úppi kosningasjóði
flokksins síns, og er það auð-
vitað mannlegt.
Það skiptir ekki máli, hve
lengi Sjálfstæðisflokkurinn þyk
ist berjast fyrir frelsi og fram-
taki. Æ fleiri sjá nú, að fyrir
flokknum ræður þröng sérhags
munaklíka, sem hugsar mest
um eigið frelsi til að græða á
öðrum í skjóli óheilbrigðs
stjórnarfars. Sífellt fleiri sjá nú,
að stöðva verður framgang æv-
intýramannanna, til dæmis í
húsbyggingarmálum, en slíkt
verður ekki gert nema Sjálf-
stæðisflokkurinn tapi verulega
í næstu kosningum og braskar-
arnir missi þannig lykilaðstöðu
í íslenzkum sjómmálum. Ungir
Sjálfstæðismenn eru líka að
byrja að sjá, að stefna þeirra
finriur ekki hljómgrunnn í raura
með þjóðinni. Þeir vita að fylgis
hrunið er á næsta leiti.
Bj. T.
Kosningaskrifstofa
Framsóknarmanna á Húsavík
er að Garðarsbraut 5 (gömlu
bæjarskrifstofunum). — Sími
4-14-35. Skrifstofan verður op-
in alla daga kl. 20—22, nema
laugardaga og sunnudaga kl.
17—19.