Dagur - 29.05.1968, Blaðsíða 4
4
5
Málverkasýning Hrings
Skrifstofur, Hafnarstræti 90, Akureyri
Símar 1-1166 og 1-1167
Ritstjóri og ábyrgðarmaður:
ERLINGUR DAVÍÐSSON
Auglýsingar og afgreiðsla:
JÓN SAMÚELSSON
Prentverk Odds Bjömssonar h.f,
SKÆÐASTI ðVINUR
MANNKYNSINS
í ERLENDU blaði stóð nýlega eftir
farandi athugasemd: Lesandi góður.
Það tekur þig 15—20 mínútur að
lesa eina síðu í þessu blaði. En á
meðan þú lest þessa blaðsíðu deyja
420 menn af skorti einhversstaðar á
jörðinni. Þetta er ástæðan til þess,
að í ýmsum löndum er nú hafin „her
ferð gegn hungri“ m. a. hér á íslandi.
íbúatala jarðarinnar er talin vera
3400 milljónir. Á morgun þarf jörð-
in að metta 180 þúsundir munnum
fleira en henni ber að metta í dag.
Talið er, að helmingurinn af þess-
um 3400 milljónum jarðarbúa fái of
lítið að borða — búi við næringar-
skort og beint hungur —. Fólksfjölg-
unin er svo hröð, að talið er að f jöldi
jarðarbúa verði kominn upp í 7000
milljóriir um næstu aldamót. Með
þetta í huga er ályktað, að matvæla-
framleiðslan þurfi að aukast um 4—
5% á ári. Á árunum 1953—1965
jókst hún um 2.4% árlega, en árið
1966 stóð hún í stað.
Það er ekki langt síðan sultur og
hungurdauði vofði yfir fólki hér á
landi, þegar sjávarafli eða grasvöxt-
ur brást. Skyrbjúgur lagðist á vetr-
um á þurrabúðarfólk við sjóinn og
einnig á fólk á sumum heiðarbýlum
hér á Norðurlandi. Margt fólk, sem
enn er á lífi, minnist þeirra tíma
þegar matarskortur var á fátækum
heimilum. Nú framleiða íslending-
ar gnægð góðra matvæla. Unga fólk-
ið trúir því naumast, að til hafi verið
fólk á Islandi, sem ekki fékk nægju
sína að borða hvern dag. Nú er hægt
að segja það við saddan mann í skjól
góðum fötum, að hann „lifi ekki
mannsæmandi lífi.“ Áður hefði eng-
inn látið sér slíkt um munn fara.
En hvað sem íslendingum líður
um J>essar mundir, er það staðreynd,
að helmingur mannkyns á líf sitt að
verja fyrir liungurvofunni, og að
afrakstur jarðarinnar og hafanna
nægir ekki til að seðja öll mannanna
böm. Enn sem fyrr er hlutverk mat-
vælaframleiðslunnar mikilvægt í at-
vinnulífi þjóðanna, en víðast hvar
vanmetið og einnig hér á landi. —
Tölumar hér að framan em úr tíma
riti FAO, matvælastofnun Samein-
uðu þjóðanna.
Með sameiginlegu átaki sérstakra
stofnana Sameinuðu þjóðanna hefur
verið unnið að vísindalegum rann-
sóknum á að nýta betur auðlindir
hinna mörgu Jnúunarlanda, með
aukna matvælaframleiðslu í huga og
(Frarahald á blaðsíðu 7).
B
Á UPPSTIGNINGARDAG opn
aði norðlenzkur listmálari,
Hringur Jóhannesson, frá Haga
í Aðaldal málverkasýningu í
Landsbankasalnum. Alls eru á
sýningunni 50 myndir, 31 olíu-
krítarmynd, 9 teikningar og 10
olíumálverk.
Það er mjög ánægjulegt, þeg-
ar okkar Norðlendingum gefst
kostur á að kynnast okkar
ágætu listamönnum. Því miður
förum við oft á mis við góða
list, vegna þess að við fáum
ekki tækifæri að geta sjálf
kynnt okkar verk þeirra. Hring
ur Jóhannesson er þegar orðinn
þekktur sem listamaður, hefur
haldið margar sjálfstæðar sýn-
ingar, þetta er sú fimmta. Einn-
ig hafa verk hans verið á fjölda
samsýninga bæði hér og erlend
is. Einnig er hann kennari við
Myndlista- og handíðaskóla ís-
lands og Myndlistaskólann í
Reykjavík. Ég ætla ekki að
kveða upp neinn dóm um sýn-
ingu Hrings, aðeins vil ég vekja
athygli á nokkrum myndum, er
mér fundust bera af. Af olíu-
krítarmyndum vil ég nefna
Kvöldroða nr. 9, hugmyndarík
og falleg mynd, nr. 5 Lindin og
rir. 20 Úr Aðaldal, nr. 31 Norð-
ur Aðaldal og kannski ekki sízt
nr. 13 Ein í hrauni, gullfalleg
jnynd. Þó teikningar hans séu
þarna í minnihluta, eru þær
alls ekki síðri t. d. nr. 38 Við
- VERUM SAMTAKA
(Framhald af blaðsíðu 1).
• férðarverðirnir gerðu gott gagn.
Yfirlögregluþjónn hefur beðið
blaðið að færa þeim, lögreglu-
mönnunum og svo öllum al-
menhingi, þakkir fyrir mikil og
góð störf tvo fyrstu daga hægri
umferðar, sem liðnir eru.
Eftirlitið verður í engu skert
fyrst um sinn. Sérstaka áherzlu
ber að leggja á réttan ökuhraða,
- sagði yfirlögregluþjónninn, og
verður tekið hart á brotum á
þyí sviði. 50 km. hámarkshraði
fyrstu dagana og síðan 60 km.
hámarkshraði á vegum úti, er
leyfður og rik áherzla lögð á,
að reglur þar um séu haldnar.
Þá kom það fram, að breyt-
ingár verða gerðar á umferð-
inni hér í bæ, að endurskoðun
lokinni, þar sem reynslan sýnir
að þörf er á, en ekki þó nema
í smáatriðum. Að lokum sagði
Gísli Ólafsson, að nauðsyn væri
að sýna áfram samtök í því að
auka umferðarmenninguna, og
munu allir geta tekið undir þá
ósk. □
land. Af olíumálverkunum
fannst mér nr. 41 Grásleppunet
og nr. 48 Úr Aðaldal, mjög
skemmtilegar, þó ólíkar séu.
Flestar myndirnar eru úr Aðal-
dal og Dalvík, má sjá að heima
byggðin er honum minnisstæð.
Áður en ég fór af sýningunni
náði ég tali af Hring.
Hvernig byggir þú upp mynd
ir þínar?
í fyrsta lagi hef ég notað eins
og sjá má landslagið, síðan læt
ég mínar eigin hugmyndir
koma fram t. d. litaval og mynd
byggingu. Ég geri frumdrög á
staðnum, en nota svo kannski
bara hluta af henni og vinn
þannig upp myndina heima á
vinnustofu, en flestar af þessum
myndum sem hér eru til sýnis,
eru Unnar á staðnum.
Þú hefur teiknað mikið?
Já, því ég tel teikningu undir
stöðu allrar myndlistar. Á
fyrstu sýningu minni voru nær
eingöngu teikningar og frá
fyrstu tíð gert afarmikið að því
að teikna.
Er ekki að verða offram-
leiðsla á listmálurum?
Jú, það eru margir kallaðir,
en fáir útvaldir. Það er að verða
eins og með rímnaskáldin fyrir
aldamót, allir gátu ort rímur,
hún er víða offramleiðslan.
Og nú ætlarðu að viða að þér
efni í sumar?
Já, það mun ég gera, en
hvemig úrvinnslan verður er
ekki gott að segja.
Hvernig finnst þér undirtekt-
ir Akureyringa?
Ágætar, sérstaklega finnst
mér ánægjulegt hve sýningar-
gestir hér gefa sér góðan tíma
að skoða myndirnar.
Ég þakka Hring greinargóð
svör. Ég hvet fólk eindregið að
skoða þessa sýningu. Það verð-
ur enginn fyrir vonbrigðum.
Aðsókn hefir verið ágæt og á
laugardag voru 16 myndir seld-
ar. Sýningin verður opin til 3.
júní frá kl. 14 til 22. J. Ö.
- LAXARÆKTIN
(Framhald af blaðsíðu 1).
eins á þessum stað, heldur ótelj
andi öðrum. En það er fróðlegt
að fylgjast með þróun mála
vestur þar, hvað laxaræktina
snertir. Endurheimtur laxa
voru sæmilega góðar á síðasta
ári og vógu laxarnir 2—4 kg.
eftir eins vetrar dvöl í sjó, en
seiðin eru 15—100 grömm þegar
þau ganga til sjávar.
í sumar eiga menn von á 40—
50 löxum í Lárvatn.
YFIR 200 UNGLINGAR BIÐJA
UM VINNU í SUMAR
ATVINNUMÁLANEFND
Akureyrar hefur látið fai'a
fram könnun á atvinnuhorf-
um unglinga í Gagnfræða-
skólanum nú í sumar. Könn
un þessa önnuðust Valgarð-
ur Haraldsson og Jón Ingi-
marsson með aðstoð skóla-
stjóra og kennara Gagn-
fræðaskólans. Af 583 ungling
um svöruðu 500 fyrirspurn-
um nefndarinnar, 259 dreng
ir og 241 stúlka, þar af töldu
262 (139 drengir og 133 stúlk
ur) sig 'hafa sumarvinnu, 43
(28 drengir og 15 stúlkur)
töldu sig hafa von eða vil-
yrði um vinnu en 195 (92
drengir og 103 stúlkur) töldu
sig enga vinnu hafa.
í könmm þessari kom
einnig fram hvemig þeir
unglingar, sem atvinnu hafa,
skiptust í atvinnugreinar,
202 unglingar óskuðu eftir
að sér yrði útveguð vinna.
Atvinnumálanefnd mun
halda könnun þessari áfram,
nú með áherzlu á að kanna
atvinnuhorfur fyrir unglinga
á gagnfræðaskólaaldri.
Þessi könnun hefur þegar
leitt í ljós að hér er um alvar
legt vandamál að ræða. Ekki
þarf að lýsa því, hve óæski-
legt er að unglingar á þess-
um aldri séu með öllu iðju-
lausir fyrir sumarmánuðina.
Vill atvinnumálanefndin
hvetja þau fyrirtæki, sem
hyggjast ráða, eða hafa
möguleika til þess að ráða
unglinga til vinnu að þau
geri það sem fyrst.
Akureyri, í mai 1968.
Atvinnumálanefnd
Akureyrar.
(Fréttatilkynning)
I Bílafjöldi, sjósport og mistur á H-degi á Akureyri.
«II|IMIIIIIIIIIIIII|I||||||I
IMMMMMMMMMMMMI
imiimmmmmmimimimiiimimiimmmmimmmmmmmmm)
Skólðslit Oddeyrarskólans
ODDEYRARSKÓLANUM á
Akureyri var slitið 17. þ. m.
Skólinn var fullsetinn í vetur
og voru í honum 453 nemendur
í 18 bekkjardeildum. Á kom-
andi skólaári verður samt sem
áður veruleg nemendafjölgun
og hugsanlegt að þá verði að
þrísetja í eina kennslustofuna.
Að þessu sinni tóku barna-
próf 59 nemendur og stóðust
allir prófið. Hæstu einkunn
hlaut Steinunn Jónasdóttir 9.31.
I haust var hafin kennsla í
ný-stærðfræði í einum af fyrstu
bekkjum skólans og er það til-
raunakennsla, sem gerð er á
vegum skólarannsókna.
Nokkrum börnum, er skör-
uðu fram úr í teikningu var gef
inn kostur á að vinna frjálst að
málun stórra veggmynda. Einn
ig var nokkrum börnum gefin
kostur á frjálsum vinnubrögð-
um í föndri og unnu þau nokkra
nýstárlega og skemmtilega
hluti. Þetta frjálsa starf var
sjálfboðastarf og fór fram eftir
venjulegan kennslutíma á dag-
inn. Áhugi barnanna var mikill
og komust færri að en vildu.
í vetur urðu nokkrar breyt-
ingar á söngkennslu og gerðar
í samráði við Egil Friðleifsson,
söngkennara í Hafnarfirði.
Hann kom hingað til Akureyr-
ar á vegum barnaskólanna.
Keypt voru til skólans fullkom-
in hljómflutningstæki og dálítið
safn af hljómplötum með sí-
gildri tónlist, sem svo var kynnt
í söngtímum. Þá var einnig
ikeypt tafla til söngkennslu.
Töflur sem þessar eru alveg nýj
ar á markaði og eru bæði notað
ar sem hljóðfæri og til þess að
skrifa á þær nótur.
íþróttalíf var mikið í skólan-
um. Flokkakeppnir voru í hand
bolta, sundi og svigi. Sigurveg-
arar hlutu að launum farand-
bikar er geymdir verða í stof-
um þeirra til næstu keppni. í
svigkeppni hlaut bezatn braut-
artíma Gunnar Guðmundsson
og fékk til eignar fagran verð-
launapening, sem Vilhelm Þor-
steinsson, framkvæmdastjóri
gaf.
Heilsufar skólabarna var gott,
en fjórir af föstum kennurum
skólans forfölluðust um lengri
tíma, olli það nokkrum erfið-
leikum þar sem kennaraskortur
hefur verið hér á Akureyri.
Við skólaslit voru afhent fjöl
mörg verðlaun fyrir góða náms
árangra og hegðun. Gefendur
voru: Kvöldvökuútgáfan, Zonta
klúbbur Akureyrar og Eiríkur
Sigurðsson fyrrv. skólastjóri.
Skólastjóri þakkaði gjafir,
sem skólanum hafa borizt bæði
frá nemendum og öðrum vel-
unnurum skólans, m. a. barst
skólanum nú fyrir skömmu,
ágætt umferðarkennslutæki og
er það gefið af Kvennadeild
Slysavarnafélagsins á Akureyri.
Lokaorð hans til bamanna voru
á þessa leið: „Kynslóðir koma
og fara. Senn verðið þið ábyrg-
ir vakandi borgarar, sem ásamt
öðrum þurfið að halda uppi
heill og heiðri þessa lands,
vinna því gagn á sem flestum
sviðum og njóta í staðinn gæða
þess. Reynið þá ætíð að vera
traust og nýt. Leggið ekki út á
niðurrifsveg sumra ungra æsku
manna og kvenna, sem svala
kröftum sínum í eyðileggingar-
og skemmdarstarfsemi. Reynið
að vera þeim skólum er við ykk
ur taka vaxandi og traust fólk.
Þannig virðið þið bezt foreldra
ykkar, heimili og þá stofnun,
sem þið nú kveðjið í dag. Með
þetta í huga náið þið einnig
beztum námsárangri og leggið
traustastan grundvöll að því
ævistarfi er fyrjr ykkur kann
að liggja.“
Skólastjóri Oddeyrarskólans
er Indriði Úlfsson.
Fermingarbarnamót
Á ANNAN í hvítasunnu, mánu
daginn 3. júní n. k., verður ferni
ingarbarnamót fyrir börn í Eyja
fjarðarprófastsdæmi, sem fermd
eru á þessu vori. Mótið verður
sett kl. .10 f. h. og þyí lýkur kl.
9.30 e. h.
Þátttakendur eru beðnir um
að hafa með sér mat til dagsins
að öðru leyti en því að mjólk
fær hver og einn á staðnum. Þá
eiga allir að koma með Nýja-
Testamentið sitt, og vera í skjól
góðum fötum. Svo sem að venju
fer fram guðsþjónusta, leikir og
íþróttir, og mótinu lýkur með
kvöldvöku. —
Mótsgjaldið er kr. 40 auk far-
gjalds til og frá Hrísey. Póst-
báturinn Drangur flytur börnin
frá Akureyrarprestakalli og
verður lagt af stað kl. 8 f. h.
Fargjald báðar leiðir er kr. 100.
Undirbúningsncfnd.
- ÍÞRÓTTIR -
Einar Bollason verð-
ur áfram á Akureyri
6/
Spjallað við Einar Bollason, þjálfara Þórs
þjálfa og leika með Þór. Einnig
mun ég þjálfa yngri flokka fé-
lagsins, en við þá eru miklar
vonir bundnar. í því sambandi
vil ég sérstaklega minnast á II.
fl. kvernia, en þar eru stúlkur,
sem með ótrúlegri elju og
ástundun við æfingar í vetur
hafa náð mjög langt í íþrótt-
inni, og er það von mín að þess-
ar stúlkur eigi eftir að auka
mjög hróður félagsins á kom-
andi árum.
SÚ SAGA var á kreiki í bæn-
um, að KR-ingar Jeggðu mikið
kapp á að ná Einari BoIIasyni
suður aftur, og alveg óvíst væri
hvort hann yrði hér næsta vet-
ur, en eins og allir vita hefur
Einar unnið hér mjög vel og af
miklum krafti í vetur að fram-
gaiigi körfuknattleiksíþróttar-
innar, og á hann heiður skilið
fyrir það. Ég sneri mér því
beint til Einars Bollasonar og
spurði hann hvort það væri
rétt, að hann færi suður aftur.
En alla unnendur körfuknatt-
leiks get ég glatt með því að svo
verður ekki. Einar Bollason
mun starfa hér næsta vetur.
Hann varð góðfúslega við því
að svara nokkrum spurningum,
sem fara liér á eftir.
Ertu ánægður með árangur
Þórsliðsins í vetur?
Ég er mjög ánægður með
árangur Þórs í vetur. Það að ná
3. sæti í I. deild, er ekki auð-
velt fyrir nýliða, en það tókst
nú samt og reyndar töpuðum
við 2 leikjum eingöngu fyrir
skort á leikreynslu. Nú, sigur-
inn á móti KR síðastliðið haust
mun seint gleymasty svo og þátt
taka okkar í hraðmótinu rétt
fyrir jólin. í því móti má segja
að annar dómarinn hafi rænt
okkur sigri yfir íslandsmeistur-
unum, þegar hann sleppti aug-
Ijósu broti undir körfunni á síð-
ustu sekúndum leiksins og vor-
um við þá 1 stigi yfir, en KR-
ingar áttuðu sig fyrr á því að
ekkert var dæmt, brunuðu upp
völlinn og skoruðu sigurkörf-
una. Heppnir KR-ingar þar!
Annars hafa piltarnirj Þórs-
liðinu sýnt mikinn dugnað á
æfingum og mæting verið með
fádæmum góð. Þetta tvennt
ásamt einstöku keppnisskapi og
sigurvilja hefur fyrst og fremst
skapað grundvöllinn fyrir vel-
gengni okkar í vetur.
Er ekki mikill áhugi fyrir
körhiknattleik hjá unga fólk-
inu?
Áhugi meðal ungs fólks hér á
Akureyri er geysimikill, og á
námskeiði því, sem haldið var
hér í vetur á vegum -KKRA
æfðu hátt á annað hundrað
unglingar, og hafa margir
þeirra sýnt miklar framfarir
eins og kom fram í Norðurlands
mótinu, sem haldið var hér á
dögunum.
Hér má þó ekki láta staðar
numið. Eldurinn hefur aðeins
verið tendraður, og hann verð-
ur fljótur að slokkna, ef ekki er
haldið vel á málunum. Fái þess
ir unglingar rétta meðhöndlun,
og næg tækifæri til að spreyta
sig í keppni við jafnaldra sína,
þarf körfuknattleikur á Akur-
eyri engu að kvíða í framtíð-
inni, efnisviðurinn er nógur.
Eitt er það, sem ég get ekki
látið undir höfuð leggjast að
minnast á. Hér í bænum er á
mörgum stöðum ágæt aðstaða
til að iðka knattspyrnu og hand
knattleik, en hvergi nokkur
staðar hef ég séð körfur vera
settar upp. I Reykjavík þar sem
hlutfallslega færri leggja stund
á körfuknattleik, heldur en hér,
finnst ekkert leiksvæði án 1 eða
2 körfuknattleiksvalla. Nú í
sumar, þegar íþróttahúsin eru
lokuð, skortir því alla aðstöðu
til þess að iðka körfuknattleik
hér í bæ. Hátt á annað hundrað
unglingar bíða þess með
óþreyju að taka til við æfingar
á nýjan leik. Það má ekki valda
þeim vonbrigðum. Kostnaður-
inn við þetta er hverfandi lítill,
og vona ég að þessu verði kippt
í lag hið bráðasta.
Er ekki afráðið að þú verðir
hér í bæ næsta vetur?
Það er afráðið að ég dvelji
hér einnig næsta vetur við
kennslu í Gagnfræðaskólanum
á Akureyri og mun ég þá einnig
Einar skorar á móti Simmen-
thal, Evrópumeisturum frá
ítalíu.
I. deildarlið Þórs á erfitt verk
fyrir höndum, þ. e. að verja
sæti sitt í deildinni og þá fyrst
og fremst 3. sætið. Að sjálf-
sögðti er ekki útilokað að sigur
náist gegn „stórveldunum“
tveimur ÍR og KR, en þó tel ég
það frekar ólíklegt, þar sem
okkur skortir tilfinnanlega
meiri hæð í liðið til þess að verj
ast hinum hávöxnu pg sókn-
djörfu leikmönnum þessara
liða. Samt sem áður er ég þess
fullviss að baráttugleði piltanna
ásamt aukinni æfingu og feng-
inni reynslu geri það að verk-
um að Þórsliðið gengur sterkt
og samstillt til leiks í næsta
móti, og því get ég lofað akur-
eyrskum áhorfendum, sem svo
dyggilega hafa stutt okkur í vet
ur, að margir svipadropar munu
hníga til jarðar áður en Þórs-
liðið verður sigrað á heimavelli
næsta vetur.
Viltu ekld bæta einhverju
við, Einar?
Að lokum vil ég hvetja alla
unglinga, sem leggja stund á
körfuknattleik, að stunda æfing
ar vel og leggja sig alla fram,
enginn verður óbarinn biskup
og til þess að árangur náist má
aldrei slaka á, hvorki á æfing-
um eða í leik. Kærar þakkir
flyt ég einnig öllum stuðnings-
mönnum Þórsliðsins, þeirra
hlutur liefur verið ómetanlegur
og ég er þegar farinn að hlakka
til þess að klæðast hvíta og
rauða búningnum á nýjan leik
og heyra hið uppörvandi og
geysisterka hróp, „áfram Þór“
hljóma af áhorfendapöllunum.
Blaðið þakkar Einari Bolla-
syni fyrir svörin, og ekki er að
efa að íþróttaunnendur vona að
hann og fjölskylda hans festi
yndi hér í bæ og dvelji hér sem
lengst.
Vonandi tekst Handknatt-
leiksráði að ráða til sín góðan
þjálfara næsta vetur, sem bú-
settur verður í bænum, og er þá
ekki að efa, að íþróttaunnendur
njóta margra ánægjustunda í
íþróttaskemmunni næsta vetur.
Sv. O.
Féð 29 vikur á húsi
- en hefur verið hraust og fóðrun góð
Kasthvammi 11. maí. Hér hefur
verið norðan stórhríð og veður-
hæð í allan dag mikil snjókoma
en vægt frost og enn komnir
2 metra skaflar og hefði það
nægt í fréttaauka frá Vest-
mannaeyjum. í fyrstu maívik-
unni voru stilt og björt veður
en ægilegir kuldar 15 og 16
stiga frost um nætur, og einn
daginn fór frost aldrei niður
fyrir 7 stig. Snjór var nokkuð
mikill enn, einkum stórfenni.
Einnig eru mikil svell á flat-
lendi því mjög svellaði á því
um mánaðamótin febrúar—
marz. Veturinn langur og harð-
ur, fé búið að vera 29 vikur í
húsi þar af 15 vikur á innistöðu
(allir innistöðudagar taldir) og
marga daga var vafasamur vinn
ingur að láta út. Hey voru mjög
sæmileg (um miðjan apríl) eng
inn illa staddur en allmikið er
búið að gefa af fóðurbætir. Fé
hefur verið ágætlega hraust og
góðrun góð. Sauðburður er
byrjaður og er hætt við að
lambær verði þungar á fóðri á
næstunni.
Annað hvort hafa þeir á Vetr
arbrautinni sett dæmið skakkt
upp, eða spámaður þeirra á
Langanesinu hefur reiknað
skakkt, því lítið breyttist til
batnaðar 26. apríl. Og ekki veit
ég út frá hverju þeir hafa reikn
að, sem töldu menn bjartsýna
á betra vor en undanfarið, það
hafa líklega verið stjórnmála-
eða stjómaraugu — sem hafa
séð þess merki. Það er annars
merkilegt að ekki skuli hafa
komið tilkynningar um „klaka-
stíflur í Laxá“ þessa undan-
farna daga.
Gunnl. Tr. Gunnarsson.
SMATT OG STORT 1
(Framhald af blaðsíðu 8).
en Gríniseyingar þráuðust enn
við og liann spurði, livernig
þeir gætu lifað norður í hafi?
Sá, sem komið hefur út í Gríms
ey, ber aldrei fram slíka spurn-
ingu, a. m. k. ekki, ef hann Iief-
ur kynnt sér aflabrögðin annars
vegar og tilkostnaðimi hins veg
ar. Góð fjárhagsleg afkoma
leynist ekki heldur þeim, sem
athugar híbýli eyjarbúa. En hér
eru tölur ekki tiltækar að sanna
það mál. Hins vegar er rétt að
benda á, að í Grímsey og mörg-
um öðrum smærri byggðum við
sjó, vinna nær allir vinnufærir
menn við framleiðslustörfin en
fáir við svonefnd þjónustustörf,
en það er öfugt við þróunina á
stærri stöðunum og þjóðfélags-
ins í heild. Á máli hinna gömlu
verkalýðsleiðtoga er enginn
afætulýður í Grímsey.
segir ritstjórinn alveg satt.
Greinin er frá Valbergi í Ólafs-
firði, um mjólkursölumál.
\
EN IIVERS VEGNA HEFUR
GREININ EKKI VERIÐ BIRT?
Þessari spurningu er nauðsyn-
legt að svara. Greinin var áður
búin að birtast í Akureyrar-
blaði. Degi er óljúft að birta
langar greinar, sem eru rétt
búnar að koma í öðrum blöð-
um, og það er m. a. af því, að
blaðið er oftast í hreinum vand
ræðum, vegna rúmleysis, að
birta það efni, sem því berst,
auk frétta og auglýsinga. Verð-
ur þá að velja og hafna í hvert
sinn og blaðið kemur út, hvað
eigi að birtast og hvað að bíða
birtingar. Þetta sjónarmið skildi
forstjóri Valbergs, er við áttum
tal saman — betur en ritstjórá
íslendings.
FLEKAVEIÐAR
Grímseyingar hafa sótt um
leyfi til að veiða fugl á fleka,
svo sem fyrrum var gert, bæði
þar og á öðrum stöðum, en er
nú bannað. Margir álíía, að
flekaveiðar, eins og þar hafa
verið stundaðar í Grímsey, eigi
ekki að liöggva nærri siðferðis-
vitund manna um meðferð dýra.
Sjálfir segjast þeir liggja yfir
flekunum, eða hafi gert svo, á
meðan þeir stunduðu þessar
veiðar. Og að jafnskjótt og fugl
festist, hafi hann verið aflífaður.
Nú er ís við Grímsey og e. t. v.
er þess þörf, að veita nefnda
undanþágu, ef fiskur bregst af
völdum ísa. En ógrynni er af
bjargfugli við Grímsey og eggja
tekja var mjög mikil á meðan
hún var stunduð kappsamlega.
Grímseyingar liafa lialdið uppi
litlu en menningarlegu og far-
sælu samfélagi um langt skeið.
Er það laust við mörg þau sjúk-
legu einkenni samtíðarinnar í
okkar landi, sem nú þjáir þjóð-
félagið.
AÐSENT BRÉF
Herra ritstjóri. í blaði yðar,
dags. 22. maí sl., var svofelld
klausa í dálkinum „Smátt og
stórt“:
„Blöð hafa stunðingsmenn
forsetaefnanna gefið út, jafnvel
hafa sumir séð þriðja blaðið
(Gunnarsblað), sem siðan var
tekið úr umferð.“
Fullyrðing þessi er tilliæfu-
laus með öllu. Þetta leiðréttist
hér með.
Akureyri 24. maí 1968,
virðingarfyllst,
Arnþór Þorsteinsson, Jón Ingi-
marsson, Jón G. Sólnes, Þor-
valdur Jónsson.
BOTNINN DATT ÚR HONUM
Botninn datt úr ritstjóra fslend
ings í Menntaskólamálinu, þeg-
ar honum var bent á, að hann
setti blett á skólann með ógæti-
legum skrifum sínum. Hann
mótmælir þessu ekki í blaði
sínu í gær, enda mun hann
finna til fljótfærni sinnar. En til
áð segja þó eitthvað, og svara
fyrir sig, eins og stráka er sið-
ur, segir hami Dag lúra á grein
úr Ólafsfirði í fleiri vikur. Þetta
HLJÓMLIST OG SÖNGUR
Undanfarnar vikur hafa íbúar
Akureyrar átt þess kost að
njóta söngs og tónlcika í ríkurn
mæli. Skal þar fyrst nefna Sin-
fóníuhljómsveitina. EnnfremuE
hefur Geysir sungið, Karlakór
Akureyrar og Skagfiröingar0
Fyrr sungu Gígju-konur;,Lúðra
sveitin lék og Tónlistarfélagi®
kom á lieimsókn flciri listafólks
en þeirra, sem leika í Sinfóníu-
hljómsveitinni, og nemendum
Tónlistarskólans má ekká
gleyma, með sína árlegu skóla-
tónleika.
5
OLÍAN NOTUÐ TIL
LÆKNINGA
Galdramenn notuðu- fyrruna
jarðolíu til lækninga. Lyfsali í
Bandaríkjunum setti liana á
flöskur og seldi til lækninga,
Englendingur fann upp, að
hrcinsa olíu og nota hana á
lampa. En það var John D.
Rockefeller, sem keypti auðug’
olíusvæði og skipulagði fram-
leiðslu og sölu. Og þegar Edison
fann upp rafperuna, lá nærri.,
að veldi olíukóngsins liryndi í
rúst. Þá fami Daimler upp
benzínbílinn og síðar var farið
að brenna olíu undir skipkötl-
um. Notkunarsvið olíunnar lie£
ur sífellt stækkað, síðan Drake
fann olíu á 20 metra dýpi og
náði úr henni fimm þús. lítruim
á dag árið 1858. Hann dó í sárri
fátækt en Rockefeller varð rík-
asti maður heims.
FERMINGARBÖRN
Ferming á Munkaþverá annan
hvítasunnudag, 3. júní, hefst
kl. 12.
STÚLKUR:
Eyrún Þórsdóttir, Akri
Sigrún Kristjánsdóttir, Sigtúnum
Solveig Anna Haraldsdóttir, Svert-
ingsstöðum j
Rósa María Tryggvadóttir, Litla- j
Hamri )
DRENGIR:
Ari Biering Hilmarsson, Þverá j
Finnur Sigurgcirsson, Staðarhóli i
Sigurður Hreinn Jónasson, Rifkcls- ,
slöðum j
Snorri Baldursson, Vtri-Tjörnum
Sölvi Halldór Aðalsteinsson, Króks-
stöðum j
Sóknarprestur.