Dagur - 15.11.1972, Page 8

8
SMÁTT & STÓRT
BLAÐIÐ leitaði í gær fregna af
væntanlegum bókum, útgefn-
um á Akureyri fyrir næstu jól.
En bókaútgefendur hér eru:
Bókaforlag Odds Björnssonar
h.f., Bókaútgáfan Skjaldborg
s.f., Fagrahlíð og Árni Bjarnar-
son.
Geir S. Björnsson segir þetta
um útgáfuna hjá Bókaforlagi
Odds Bjö'rnssonar h.f.:
IJM þessar mundir eru að koma
á markaðinn 12 nýjar bækur
frá Bókaforlagi Odds Björns-
sonar. Má þar fyrst nefna nýja
ljóðabók eftir Kristján frá
Djúpalæk, en bókin nefnist Þrí-
lækir. Gunnar M. Magnúss rit-
ar ævisögu stórbóndans og
athafnamannsins Magnúsar Sig
urðssonar á Grund í Eyjafirði
og nefnist bókin „Dagar Magn-
úsar á. Grund“, stórfróðleg og
merkileg bók, prýdd fjölda ljós-
mynda. Þá kemur nú loks út
fjórða bindi hins mikla ritvérks
sr. Benjamíns Kristjánssonar
„Vestur-íslenzkar æviskrár", en
ýmsir hafa beðið þess með
nokkurri óþreyju. Óvenju for- •
vitnileg og skemmtileg ferða-
saga „íslandsferð 1862“ eftir C.
W. Shephard, kemur nú í fyrsta
sinn á íslenzku í þýðingu Stein-
dórs Steindórssonar frá Hlöð-
um. Ný, spennandi skáldsaga
eftir hinn vinsæla skemmti-
sagnahöfund Frank G. Slaugh-
ter — „Síðasta augnablikið" —
í þýðingu Hersteins Pálssonar.
Þá kemur íslenzk ástarsaga eft-
ir nýjan íslenzkan rithöfund „Á
miðum og Mýri“ eftir Rögn-
vald S. Möller. Ný skáldsaga
fyrir ungt fólk eftir hinn vin-
sæla unglingabókahöfund Guð-
jón Sveinsson, og nefnist „Ort
rennur æskublóð". Ný útgáfa á
barnabókinni „Strákur á kú-
skinnsskóm“ eftir Gest Hann-
son. Þessi vinsæla bók hefur
verið ófáanleg um margra ára
skeið. „Hanna María og pabbi“
eftir Magneu frá Kleifum og
„Sumar í sveit" eftir Jennu og
Hreiðar Stefánsson. Hvort
tveggja afbragðs barnabækur.
„Flugferðin til Englands" eftir
Ármano Kr. Einarsson kemur í
nýrri og endurbættri útgáfu.
Loks er nýtt leshefti fyrir börn,
sem nefnist „Börn í Argentínu“
í þýðingu Sigurðar Gunnars-
sonar. — Þá gefur Bókaforlag
Odds Björnssonar, sem kunn-
ugt er, út tímaritið „Heima er
bezt“, þjóðlegt heimilisrit, og
tímaritið „Týli“, sem er tímarit
um náttúrufræði og náttúru-
vernd. □
Svavar Ottesen og Haraldur
Ásgeirsson hafa þetta að segja
um útgáfu Skjaldborgar s.f.:
Fyrst viljum við nefna bók-
ina Aldnir hafa' orðið, sem Er-
lingur Davíðsson skráði, en þar
seg.ja sjö kunnir Akureyringar
frá margskonar atburðum úr
lífi sínu og, starfi. Þeir eru:
Sesselja Eldjárn', Ragnheiður O.
Björnsson, Jóh Rögnvaldsson,
Guðmundur Blöndal, Ólafur
Tryggvason, Sæmundur G. Jó-
hanriesson og Kristján Nói
Kristjánsson. Úr lífi smalans
eftir Óskar Stefánsson frá Kald
bak, eru æviþættir, draumar og
dýrasögur, og er sú bók, þegar
komin út. Þá gefum við út
Páskasnjó, sjöttu ljóðabók
Braga Sigurjónssonar,- sem orð-
inn er landskunnur sem ljóð-
skáld.
Fyrir börnin gefum við út
bókina Kalli kaldi og Túlipana-
hótelið eftir Indriða Úlfsson, og
er bókin framhald af Kalla
kalda, sem út kom í fyrra og
seldist upp hjá forlaginu. En
Indriði er orðinn einn vinsæl-
astur1 barnabókahöfunda. Þá
viljum við nefna bókina Káta
er enguiri lík, sem er önnur bók
in í bókarflokknum um Kátu,
en fyrsta bókin var Káta og
dýrin hennar, og var henni
mjög vel tekið. Þetta er telpna-
bók, fyrir 7—10 ára.
Jóhannes Óli Sæmundsson
hefur þetta að segja um útgáfu
Fögruhlíðar:
Fagrahlíð gefur út norð-
lenzka tímaritið Súlur og eru
bæði hefti þés'sa árs komin út
og hefur þetta rit hlotið meiri
vinsældir en nokkur þorði í
upphafi að vona. Þá er Jói
norski að koma út, en þá bók
ritar Erlingur Davíðsson, og
fjallar hún um veiðiskap Jó-
hanns D. Baldvinssonar vél-
stjóra með Norðmönnum. En
veiðidýrin voru selir, hvíta-
birnir og rostungar. Þá er Sögu
félag Eyfirðinga að gefa út
Sóknarlýsingar í Eyjafirði frá
1840, en Magnús Kristinsson
kennari annast útgáfuna, en ég
á að heita framkvæmdastjóri
Sögufélagsins.
Árni Bjarnarson bókaútgef-
andi segir:
Að þessu sinni gef ég út
Brazilíufarana eftir Jóhann
Magnús Bjarnason og er það
endurútgáfa, þriðja bindi rit-
safnsins. En ætlunin er að gefa
út allt safnið, sem alls er 8
bindi, á næstu árum. Brazilíu-
fararnir komu fyrst út árið 1905
og 1908 í Winnipeg og Reykja-
vík, en voru endurprentaðir
1944. □
NYR TONN
Tryggvi Gíslason skólameistari
ritaði grein um áfengismál í 51.
tölublað Dags í tilefni af bind-
indisdeginum. Þar kveður við
nýjan tón. Hann segir m. a.:
„En margur verður vonsvikinn
þegar upp er staðið, því að
áfengisölvun er fölsk gleði og
leysir fáan vanda. Erfiðleikar
verða ekki yfirstignir með vín-
drykkju, og það fyrirfinnst önn
ur ölvun, sem tekur hinni fram:
ölvun hinnar hreinu fegurðar
og sannrar gleði og hennar ber
okkur að leita. Ef við ætlum að
lifa af sem þjóð og sem einstakl-
ingar, þurfum við líka á því að
halda að vera allsgáðir.“
ÖSKUKARLAR
Ekki hljómar það virðulega, en
svo nefna margir þá menn, sem
hjá Akureyrarbæ starfa í
hreinsunardeildinni og eru
flestum bæjarstarfsmönnum
þarfari. Þeirra starf er mikið og
þeir sýnast vinna vel og rösk-
lega. En aðbúnaðurmn, sem
þeir búa við í starfi, er ekki til
fyrirmyndar og þyrfti úr að
bæta.
Sorphreinsunin er vandamál
í hverju bæjarfélagi og raunar
víðast óleyst að nokkru. Hreins-
unarmenn með misjafnlega full
komin tæki fara að vísu um og
taka sorpið, sem síðan er flutt
á öskuhaugana og þar er vanda-
málið mest. Húsvíkingar munu
þeir fyrstu á Norðurlandi, sem
eru að gera tilraun til að eyða
IÐ BYGGTISAURBÆJARHREPPI
EN SMALAMENNSKAN ER SVONA OG SVONA
BLAÐIÐ leitaði fregna af bygg
ingaframkvæmdum í Saurbæj-
arhreppi hjá Þorláki Hjálmars-
syni oddvita, er hann leit inn á
skrifstofur blaðsins fyrir helg-
ina. Honum sagðist svo frá:
Byggingar hafa aldrei verið
meiri en nú í hreppnum. Verið
er að byggja íbúðarhús í Torfu
felli. Bóndinn þar er Sigurður
Jósefsson: Grétar Rósantsson í
Kálfagerði ér einnig að byggja
íbúðarhús, Sveinbjörn Hall-
dórsson á Hrísum stækkar sitt
íbúðárhús og Jón Eiríksson í
Arnarfelli býggir íbúðarhús.
Kristján Hermannsson í Leyn
ingi býggié fjárhús yfir 200
fj'ár, ásamt hlöðu, Tryggvi á
Jórunnarstöðum byggir einnig
fjárhús fyrir á annað hundrað
fjár.
Geirlaug Jónsdóttir í Hólum
byggir fjós fyrir 40—-50 gripi,
þar af lausgöngufjós að nokkr-
um hluta. Haukur Magnússon
í Gullbrekku byggir mykjuhús,
byrjun á stærri byggingu, Leif
Mickelsen á Völlum byggir all-
stórt fjós, og Hjalti Finnsson í
Ártúni byggir fjós. Þá eru kálfa
fjós byggð á tveim bæjum og
e. t. v. eru fleiri minni bygg-
ingar í smíðum.
Aðspurður um fjárheimtur
sagði oddvitinn: Bezt er að tala
sem minnst um smalamennsk-
una hjá okkur. Um síðustu
mánaðamót fóru fjórir menn í
fjárleitir og fundu 19 kindur í
Djúpadal og Sneis. Þarna voru
bæði fullorðnar ær og dilkar og
hafði féð ekki áður komið undir
manna hendur á þessu. hausti.
Þá fóru tveir menn í fjárleit
fyrir fáum dögum og komu þeir
með eitt lamb, sáu tvö önnur,
en misstu af þeim. Q
sorpinu með dýrum vélum. Á
öðrum stöðum er sjórinn látinn
taka við því, eða það er sett í
hauga á „afviknum stað“.
NORÐLENZKT HEILSUHÆLI
Þegar konurnar hafa tekið að
sér eitthvert málefni, verður
allt undan að láta. Þessa full-
yrðingu þarf naumast að rök-
styðja, og nú ætla konur að
reisa heilsuhæli í Skjaldarvík
og ekkert er líklegra en þær
geri það. Bæjarstjórn Akureyr-
ar hefur lofað fjárhagslegum
stuðningi og konurnar hafa von
um að fá heitt vatn frá Lauga-
landi á Þelamörk, og er það
raunar forsenda hælisbygging-
ar á þessum stað. Konur þær,
sem hér um ræðir og ætla að
ráðast í það stórvirki að reisa
heilsuhæli, hliðstætt heilsuhæl-
inu í Hveragerði, eru í Náttúru-
lækningafélagi Akureyrar.
MARGIR GEÐSJÚKIR
Áætlað er, að á næsta ári verði
hafin bygging geðsjúkrahúss,
sem verður deild við Lands-
spítalann. í því eiga að vera 120
sjúkrarúm. Kostnaðaráætlun er
275 millj. króna.
Nú eru 210 sjúkrarúm fyrir
geðsjúklinga hér á landi, en
áætlað er, að þau þyrftu að vera
420—500, ef vel ætti að vera.
Tómas Helgason yfirlæknir á
Kleppsspítala hefur nýlega
sagt, að fjórir af hverjum tíu
Islendingum þurfi að leita lækn
inga við geðrænum sjúkdómum
einhverntíma á ævinni.
AÐ LÁTA NÚ GANGA
RÓGINN
Stjómmálasamtök ungra Sjálf-
stæðismanna sendu fyrir rúmu
ári þingflokki Sjálfstæðisflokks-
ins tuttugu boðorð til að breyta
eftir, og liljóðaði eitt þeirra svo:
„Að ala jafn og þétt á innbirðis
tortryggni vinstri stjómar-
flokka og stuðningsmanna
þeirra.“ Með þessu boðorði og
öðrum vildu hinir yngri menn
rétta forystuliði sínu á Alþingi
(Framhald á blaðsíðu 5)
Þurr snjór cg næg beitarjörð
Niðursuðuverksiiiiðja KJ við Sjávargöiu 25 ára
Á MÁNUDAGSMORGUNINN,
er starfsfólk Niðursuðuverk-
smiðjunnar á Akureyri mætti
til vinnu, var notið ríkulegra
veittinga verksmiðjunnar, í til-
efni af 25 ára afmæli hennar.
Nú vinna 65 manns í verk-
smiðjunni og eru framleiddir
gaffalbitar fyrir Sovétmarkað,
samkvæmt viðbótarsamningi
þar um. Okkar hlutur í þessum
samningi er 8400 kassar og verð
um við búnir að framleiða það
magn og afskipa fyrir miðjan
desembermánuð, sagði Mikael
Jónsson framkvæmdastjóri.
Þetta ár hefur verið nær lát-
laus vinna og framleiðsla í
Niðursuðuverksmiðjunni og
miklu meiri starfræksla og
afköst en nokkru sinni fyrr.
Vinnulaun, sem verksmiðjan
greiðir þetta árið, verður um 15
milljónir króna. Útflutnings-
verðmætið 60—70 millj. kr. og
ennfremur framleiðum við fyr-
ir 20—30 millj. krónur fyrir inn-
anlandsmarkað.
Niðursuðuverksmiðja K. J.
stendur við Sjávargötu. Hún er
hin þarfasta, veitir eftirsótta
atvinnu og skapar gjaldeyri.
Dagur sendir þessari starf-
semi, eigendum og starfsfólki
árnaðaróskir. □
Grímsstöðum 13. nóv. Ófært
mun frá Mývatnssveit hingað,
og er vegurinn um Námaskarð
jafnan fyrst ófær. En hér fyrir
austan er minni snjór, en mun
þó vera nokkur. Á föstudaginn
brutust bílar austur á Hérað.
Nú eru á leiðinni að sunnan
flutningabílar að austan, sem
sjálfsagt vilja komast heim.
Ekki veit ég hvar þeir eru stadd
ir núna, en þeir munu halda í
áttina eftir því sem fært reyn-
ist.
Búin er að vera lenjuhríð í
þrjá sólarhringa og kominn
nokkur snjór. Veðurhæð var
aldrei mikil og alltaf vægt frost.
Beitarjörð er því næg. Flest af
fé var við hús en nokkuð margt
Frá lögreglunni
gengur i
HINGAÐ er komin einhver
veirupest, allútbreidd bæði á
Akureyri og í nágrannasveit-
um, álitin vera sú sama og sú,
sem hefur verið að ganga í
Reykjavík. Þetta er ekki talin
inflúensa sú, sem líklegt er tal-
ið að borizt geti til landsins í
vetur og er bólusetning hafin,
sagði Þóroddur Jónass. héraðsl.
Á þá pest, sem nú gengur,
verka mér vitanlega engin
meðöl. Hún virðist hafa lengri
meðgöngutíma en inflúensa og
tekur vart heilar fjölskyldur í
einu, eins og flensan. Við þeirri
veiki, sem nú gengur er ekkert
annað, ráð en að Jiggja og láta
fara vel um sig, sagði héraðs-
læknirinn að lokum. □
TALSVERT er um það á Akur-
eyri, að ljósabúnaði vélknúinna
ökutækja sé ábótavant. En nú
er sá tími, sem fullra og rétt
stilltra ljósa er fyllsta þörf. Lög
reglan hefur tekið allmarga bíla
úr umferð, sem ekki hafa hirt
um úrbætur á þessu sviði og
minnir aðra á, að láta gera við
ljósabúnað ef þörf er á, og það
hið fyrsta. Þá er vert að minna
hjólreiðamenn á, að þeir eiga
einnig að virða reglur um ljósa-
búnað.
Margt óskilamuna' er á lög-
regluvarðstofunni, meðal ann-
ars mörg reiðhjól. Eru það vin-
samleg tilmæli, að eigendur
vitji þeirra sem fyrst, svo og
annarra muna, er þar eru. áður
en munirnir verða boðnir upp,
síðar í þessum mánuði.
Enn biður lögreglan að láta
þess getið, að leyfi lögreglu og
slökkviliðs þarf til að hafa
brennur. Þarf það leyfi að vera
fyrir hendi áður en bálkestir
eru gerðir. □
lá þó úti og mun ekkert hafa
orðið að.
í haust voru margar gimbrar
látnar lifa. Bæði var, að vetur-
inn í fyrra Var gjafléttur og því
voru nokkrar fyrningar, og svo
heyjaðist vel í sumar. K. S.
Hjónakvöld
á Hófel K.E.A.
NÚ ER fyrirhugað, samkvæmt
mörgum áskorunum fólks hér á
Akureyri, að hafa kvöldskemmt
anir á Hótel KEA annað
hvert laugardagskvöld. Hótel-
stjórinn, Ragnar Ragnarsson,
sagði aðspurður, að með þess-
um hætti væri komið til móts
• við ákveðnar óskir um skeramti
kvöld. Reynt verður að hafa
sem mest heimafengin skemmti
atriði, nema næsta laugardag
verða þau engin. Hljómlistin
verður dempuð og fólk á að
geta átt rólegt, ánægjulegt og
siðmannlegt kvöld á hótelinu,
ef svo tekst sem við ætlumst til,
sagði hótelstjórinn að lokum.
Aðgöngumiðar kosta 100 kr.,
en þó þurfa þeir ekki að greiða
þá, sem kaupa kvöldverð.
Þessi hjónakvöld eru auglýst
á öðrum stað í blaðinu og vísast
til hennar. □