Dagur - 23.04.1975, Blaðsíða 8
AUGLÝSINGASÍl
Dagu
Akureyri, miðvikudaginn 23. apríl 1975
Demants-
skornir
trúofunar-
hringarnir
nýkomnir.
NORRÆNA SUNDKEPPNIN 1975
SMÁTT & STÓRT
Enn eru Norðurlandaþjóðirnar
að keppa í sundi. Sú mikla
íþróttakeppni var — að þessu
sinni — af hálfu forráðamanna
okkar syðra illa kynnt og undir
búin, og voru Reykvíkingar,
eins og stundum áður, búnir að
keppa nokkra daga og birta í
fjölmiðlum myndir af keppandi
áhugafólki sínu, áður en þeir
sendu nauðsynleg keppnisgögn
hingað norður. Þeir hafa e. t. v.
ætlað að ná þarna forskoti?!
En ekki mega Akureyringar
guggna við það, heldur bregð-
ast vel við, og stefna til sigurs
sem fyrr. En svo kallað íslands-
sund, sem efnt var til í fyrra
og varð bara fálm og til skamm-
ar fremur en til sóma, eins og
fleiri viðbrögð íþróttaforust-
unnar á því merka afmælisári
þjóðarinnar, sú tilraun deyfði
áhuga sundmanna hér, . . eða
vilja til keppni. En nú er alvara
á ferðum. Við Akureyringar
erum orðnir á eftir í keppninni
og líklega mest vegna ókunnug
leika. Skal nú reynt að bæta
j þar eitthvað úr.
| Sem fyrr er sprettvegalengd-
in 200 metrar, og má synda
j einu sinni á dag þessa 4 mán-
: uði, sem keppnin stendur, eða
Málverkasýning
á Sauðárkróki
; Fimmtudaginn 1. maí 1975 opna
4 Akureyringar málverkasýn-
I ingu í Safnahúsinu á Sauðár-
I króki. Þeir sem sýna eru: Aðal-
steinn Vestmann, Óli G. Jó-
; hannsson, Rósa Kristín Júlíus-
dóttir og Orn Ingi.
Sýningin verður opnuð kl.
14.00 1. maí og stendur til
! sunnudagskvölds. Sýnd verða
um 40 verk í grafik, olíu, vatns-
litum, akríl og teikningar.
Sex róa
Allvel hefur aflast hér á innan-
verðum Eyjafirði að undan-
förnu, sagði Haraldur Skjóldal
í Fiskmóttöku KEA á mánu-
daginn. Um sex trillukarlar
stunda róðrana að staðaldri og
svo margir „sunnudagamenn“,
sem eiga trjllur og róa til fiskj-
ar í frítímum, þegar eitthvað er
að hafa.
í síðustu viku veiddist ofur-
lítið af loðnu og þorskaflinn
hefur verið mjög sæmilegur á
línu. Þetta er stútungs fiskur
sem nú veiðist, svo sem venja
er á línu á vorin, þegar fiskur
gengur hér inn. □
i Námskeið FIB
Félag íslenskra bifreiðaeigenda
| stóð fyrir námskeiði í skyndi-
I viðgerðum bifreiða 'hér á Akur-
eyri sl. laugardag. Var nám-
skeiðið vel sótt og höfðu þátt-
: takendur bæði gagn og ánægju
af því, sem þar fór fram.
Þetta námskeið er liður í við-
leitni stjórnar félagsins til þess
að hafa nánara samband við
félagsmenn og aðra bifreiða-
[ eigendur og eru fleiri á döfinni.
122 daga alls, — marz og apríl
og svo júní og júlí. í maí er hlé,
til hvíldar og æfinga?
Nú er því fyrri hluta keppn-
innar fljótlega að ljúka, og enn-
þá alltof fáir Akureyringar
komnir „í gang“. Og þessa daga,
til aprílloka, þurfum við því að
taka góðan sprett, fjölmenna í
okkar ágætu laug, synda 200
metrana og gleyma ekki, eða
skeyta ekki um, að láta skrá
sig og stimpla á spjald. íþrótta-
kennarar skólanna ættu að
hvetja nemendur sína og allt
skólafólk til þátttöku áður en
skóla lýkur og liðið dreifist.
Norræna sundkeppnin, á liðn
um árum, hefur að mun aukið
aðsókn og áhuga til sunds,
a. m. k. hérlendis, og það er —
fyi'ir okkur — hennar mesti
kostur. Hinu er ekki að neita,
að eftirlit með keppninni er
mjög erfitt, og verður þar að
treysta mest á manndóm hvers
og eins, að á engan hátt sé svik-
ist um, vegalengdin synt án
hvíldar, þótt gripið sé í bakka
við snúning, og enginn þarf að
flýta sér. Þetta er því þannig
líka próf í heiðarleik og dreng-
e
skap í keppni. Það skyldu for-
eldrar benda börnum sínum á
og vera þeim svo til fyrirmynd-
ar í þessu sem öðru. Nánari
vitneskju um keppnina og að-
stöðu við sundið má fá hjá
starfsfólki laugarinnar. Nú,
meðan skólar bæjarins eru
starfandi, er laugin ekki opin
almenningi, nema takmarkað.
Gott er þó að koma barna til
sunds (fyrir fullorðna) kl. 7—9
að morgni, svo og í matartíma
um hádegið. Opið fyrir almenn-
ing eítir kl. 4 e. h. Börnin fara
upp úr kl. 7, þótt opið sé öðrum
til kl. 9.30. Sértímar kvenna
eftir kl. 7 á fimmtudögum.
Norræna sundkeppnin er
þriðja hvert ár, síðast 1972. Það
ár voru sundl.gestir 152279. En
árið áður voru þeir 101642.
Aukningin var þannig yfir 50
þús. eða meiri en nam allri sókn
til laugarinnar 1965. Laugar-
gestir það ár voi-u 49245.
Að lokum: Akureyringar!
Sækið vel til ykkar góðu sund-
laugar! Stuðlið að sígri okkar í
Norrænu sundkeppninni 1975.
F. h. súndnefndar, J. J.
SUMRI FAGNAÐ
Veðurguðirnir eru mislyndir
nokkuð á norðlægu slóðum og
hafa stundum að litlu þau árs-
tíðaskil, þegar íslendingar
fagna sumri En farfuglarnir
hafa verið að koma og þeim
fjölgar dag frá degi. Sólargang-
ur er orðinn langur, harðfennið
lætur undan síga og græn grös
fara að teygja sig móti birtunni.
Sumarkoma á íslandi er mikið
ævintýri. Þótt þeim fari tiltölu-
lega fækkandi, sem lifa vorið í
náttúrunni og með henni í dag-
legum störfum, snertir það alla
og eykur bjartsýni og dug. Vor-
ið einkennist ekki aðeins af
hinu nýja lífi, heldur einnig af
hugsjónum og nýjum ákvörð-
unum, sem vonandi verða sem
flestar að veruleika.
FÆREYJAFERJAN
SMYRILL
Færeyingax- hafa keypt stóra og
hraðskreyða ferju eða skip, sem
verður í förum á milli Noregs,
Færeyja og íslands í sumar,
Getur skip þetta flutt 360 far-
þega og 130 bíla. Það gengur
um 20 sjómílur. Færeyjaferjan
heitir Smyrill og kemur hún til
liafnar á Austurlandi í ferðum
sínum. Ferðin milli íslands og
Björgvinjar tekur 6 daga og
þar af er rúmlcga tveggja sólar.
hringa dvöl í Færeyjum. Far-
önnum og
Ási í Vatnsdal, 21. apríl. Hér er
stafalogn og blíða og öllum
líður vel, bæði mönnum og
skepnum og ærnar byrjaðar að
bera. Það eru komin þó nokkur
lömb hér í Ási. Það eru vetur-
gömlu ærnar, sem byrja. Við
viljum gjarnan láta þær bera
tímanlega, áður en aðal sauð-
burðurinn hefst.
Það er enginn snjór að heitið
geti hér í Vatnsdal.
Húnavakan okkar hefst á
miðvikudaginn og byrjar á hús-
bændavöku. En margt annað er
skepnum líSur hér ve
til skemmtunar strax fyrsta
daginn og alla dagana.
Fyrir nokkru var haldinn
fundur í sambandi við garna-
veikina, sem sannanlega kom
upp í Auðkúlu. Það voru
hreppsnefndarmenn á svæðinu
milli Blöndu og Miðfjarðar-
girðingar, ásamt nokkrum fleiri
mönnum, sem héldu fundinn.
Það varð ánægjuleg samstaða
meðal bændanna um aðgerðir
í málinu. Niðurstaðan varð sú,
að bólusett yrði allt fullorðið
fé á þessu svæði næsta haust,
sem ekki er þegar bólusett gegn
garnaveikinni. En tvo og þrjá
árganga er búið að bólusetja.
En talin er mikil hætta á, að
garnaveikin sé komin á ná-
grannabæi Auðkúlu og e. t. v.
víðar, og þess vegna varð niður-
staða fundarins eins og hér var
greint frá.
Fundahöld eru mikil í sveit-
unum, svo sem deildafundir
kaupfélagsins og ég held að
áformað sé, að halda aðalfundi
kaupfélagsins og sölufélagsins
snemma í maí. G. J.
gjöldum er stillt í hóf. Fyrsta
fslandsferð skipsins verður í
lok júnímánaðar. Eimskip hefur
umboð fyrir Færcyjaferjuna en
Urval hefur umsjón með far-
miðasölunni.
ÞJÓFUR f PARADÍS
Lögbann hefur verið sett á lest-
ur útvarpssögunnar, Þjófur í
Paradís, eftir Indriða G. Þor-
steinsson, sem sjálfur hóf lestur
sögunnar. Saga þessi kom út
fyrir nokkrum árum. Hún er
skáldsaga, byggð á æviatriðum
skagfirsks ógæfumanns, sem er
látinn, en ekkju hans, börnum
og barnabörnum nmn þetta við-
kvæmt mál, og mjög að vonurn.
FARFU GL ARNIR
AÐ KOMA
Á fimmtudaginn sáust fyrstu
lóurnar og einnig fyrstu stelk-
arnir í nágrenni Akureyrar.
Tjaldurinn var áður kominn,
svo og gæsir. Á meðan jörð er
ekki gróin eða jafnvel hulin
jafn mikluin snjó og nú er víða,
lialda farfuglarnir mest til við
sjóinn. Á Leirurnar við Akur-
eyri safnast ætíð fjöldi fugla á
vorin, jafnvel þúsundum sam-
an. Athugunarskilyrði, hvað
fuglum viðkemur, eru enn betri
en áður á þessu svæði, vegna
Drottningarvegarins. Væntan-
lega nota margir tómstundir
góðviðrisdaganna til að veita
sjálfum sér, og ekki síður börn-
um sínum, yndi fuglaskoðunar-
innar.
FRÁ LÖGREGLUNNI
Á AKUREYRI
Á föstudaginn varð árekstur á
gatnamótum Kaupvangsstrætis
og Hafnarstrætis, milli bifreiðar
o.g tveggja manna á reiðhjóli.
Stjórnandi hjólsins meiddist
lítilsháttar, var fluttur í sjúkra-
hús en er nú kominn heim til
sín.
Sama dag varð eldur laus í
Amaróhúsinu, á þriðju hæð, í
gleraugnaverslun. Urðu þar
nokkrar skemmdir. □
Laxárvirkjunarstjórn hélt fund
með fréttamönnum á Akureyri
í gær og skýrði þar raforku-
málin á rafveitusvæði Laxár,
en þau hafa oft verið til um-
ræðu vegna raforkuskorts á
þeim vetri, sem nú er að enda
og vegna þeirrar óvissu, sem
framundan er.
í langri fréttatilkynningu raf
veitustjórnarinnar segir fyrst,
að ekki sé útlit fyrir, að ástand-
ið batni alveg á næstunni í þess
um málum. Þetta stafi fyrst og
fremst af því, að áframhald
hefði ekki orðið á virkjunum
við Laxá og að ekki var í tæka
tíð brugðist við að leysa vand-
ann með annarri framkvæmd.
Síðan segir:
Laxárvirkjun fór fram á það
að fá að stækka gufustöðina í
Bjarnarflagi um 8 MW, en
þeirri málaleitun var ekki sinnt
af iðnaðarráðuneytinu, en sú
framkvæmd hefði leyst þennan
vanda a. m. k. í 2—3 ár.
í annarri grein fréttatilkynn-
ingarinnar segir frá því, að þar
sem ljóst hafi verið, að líða
myndi nokkuð langur tími eða
nokkur ár áður en nýtt grunn-
afl bættist svæðinu, hafi iðnað-
arráðuneytið farið þess á leit
við stjórn Laxárvirkjunar, að
hún reisti nýja dísilstöð á Akur
eyri, sem jafnframt yrði vara-
afl vegna fyrirhugaðrar byggða
línu. Var Laxárvirkjunarstjórn
heitið fjármagni til þessarar
framkvæmdar, en vanefndir
hafi orðið á fyrirgreiðslunni.
Þessi stöð er 6,9 MW að afli,
segir í fréttatilkynningunni,
leysir rekstraröryggið verulega
en hún leysir ekki úr þeim
mikla orkuskorti, sem nú er á
Norðurlandi.
Þá segir, að áætlaður olíu-
kostnaður á Norðurlandi öllu
vegna orkuframleiðslu verði
um 170—180 millj. kr. á þessu
ári en 270—290 á níesta ári og
340—370 milljónir króna á ár-
inu 1977, ef málið verði ekki
leyst með öðrum hætti.
Þá er minnst á Kröfluvirkjun
og byggðalínu, sem ákvarðanir
hafa verið teknar um. Báðar
þessar framkvæmdir kosti
sennilega 7—8 milljarða króna.
Laxárvirkjunarstjórn telur, að
byggðalínan vei'ði ekki fullgerð
fyrr en í árslok 1976.
Ennfremur segir um bráða-
birgðavirkjun við Ki'öflu: Ligg-
ur ljóst fyrir, að hægt er að fá
tvær 3 MW mótþrýstivélar frá
Japan á 7—8 mánuðum og enn-
fremur 5 MW vél frá Banda-
ríkjunum afgreidda innan 6—7
mánaða. Enn segir:
„Orkuöflunarmálum á Laxár
svæðinu er nú þannig háttað,
að Kröflunefnd hefir verið
skipuð til þess að sjá um bygg-
ingu Kröfluvirkjunar, auk þess
að Rafmagnsveitum ríkisins hef
ir verið falið að byggja há-
spennulínu frá Kröflu.
Þannig eru þessi mál því ekki
í höndum Laxárvirkjunarogþví
telur Laxárvirkjun að áfram-
haldandi aðgerðir í málinu og
ákvarðanataka sé ekki á henn-
ar valdi, heldur sé það í verka-
hring ráðuneytis og/eða Kröflu
nefndar og beri þessir aðilar
því ábyrgð á áframhaldi máls-
ins.
Laxárvirkjun lýsir því hins
(Framhald á blaðsíðu 4)